السلام عليكم ورحمة الله و بركاته
مرحباً بكل محب و محبه و عاشق و عاشقه ,,

مالكم بالطويله نخش في صلب الموضوع ..
في يوم الاثنين اللي هو امس قمت من النوم و كاي طالب سعودي
ماله اي خلق يروح للمدرسه او الجامعه ...bla bla bla << يعني آلخ آخره
الموهيم و اجيكم و امسك الخط مع الشباب طبعاً واحد نصراوي و الثاني اتحادي
و انا اهذري بالتذآكر وشلون بجيبها لان مهنا دليله في الرس اضيع و انا مولود فيها كيف بريده
و الاشياء هاذي ,,
الا و الله و ناقف عند الجامعه و الا فيه واحد من الشباب انتهت محاضرته
و قلت يا ولد يله الهمام لبريده نبي تذآكر )) كلآم بن مساعد بـ اذني لا تلوموني ))
و اجيكم و اركب بسيارة خويي الهلال و ندز لبريده و نخش فيها
و ياولد رح للملعب اللي تبي تقام فيه المباراة عشان نأخذ تذآآكر >> بدأ الفيلم ..
و اجي ازين شخصيتي و ناقف عند الملعب و ننزل بكل ثقه و نلم دراهمنا
و نعدهم عشان نبي نآخذ ثمان تذآكر , و لا نتوهق >> ترى دايم تصيرله ..
الموهيم و ندخل عليه نبي تذآكر الا يجي يقولنا مافيه ياولد وشلون مافيه
و المباراة تبي تلعب في الملعب هذآآآ !!
عدل بدل ياولد لا تستهبل ترى مهب رايقين قال جاكم العلم
انصوآ ملعب الرائد و تلقونها >> بدينـا ..
و نقوله طيب وين مكان النادي حق الرائد و يوصف لنا
و شهرهتكم على اللي فهم منه شيء
و قلت له طيب وين محل الجاسر و يوصفه لي
و ندز لم المحل و ندخل عند هندي احس انه مفطر فلفل حار مع زياده شطه
و ادخل عليه السلام و عليكم السلام عطنا تذآكر و يجي يهز راسه
قلت وش فيك أو وش تحس فيه قال ما فيه موجود
قلت لاحووووول و الله و نطلع من هـ المحل و ندز لـ اقرب شخص سعودي يمشي في الشارع
او يسوق سياره نبي يدلنا نادي الرائد
و نجي ناقف عند ثلاث مان >> اللغه ذبحتي
و نقولهم وين ملعب الرائد الا و احس واحد منهم يبي يمسكني و يفقع وجهي
يناظر نظرات حقد و يعطيني اياها كاش .. لو قال التعاون كان وصفت لك >> اقمط ياولد و انظبط آيه و انا اللي خلآلآلآص احس اني تحطمت و ما فيه تذآكر و يبغى لي ارجع للجامعه
و اجي لبريده العصر >> بصيح خلآلآلآص
إلا و الرجآل يضحك مسوي هو و جهه ينكت و انا مهب رايق
قال مهب مشكله و يطلع بالشارع و يوصف لي النادي و يوم وصف و قضى
قال و الا تدري وشوله النادي رح للفرع الرئيسي حق الجاسر اللي في بريده ويعطونك العلم الاكيد
قلت ياولد وينه و يوصفه لي توصيف على كيف كيفكم >> اول واحد فهمت هرجه
الموهيم و ندز للمحل و ناقف عاد خويي من الحماس بغى ينقز فوق الرصيف
و ندخل على المحل السلام و عليكم السلام عطنا تذآآآآكر >> و انا امشي بدخل المحل ادعي ربي اني القى تذآآكر لأن لو مالقيت خلآلآص بصيح..
و يجي يقولنا الهندي تذآآكر ما فيه .. الا واجي اقول تستهبلون انتم حسستوني ان اليوم السبت مهب الاثنين شككوني في نفسي
يا ولد طيب وين التذآآكر قالي اطلع من المحل و امش شوي تجيك بقاله اسمها الكبش مدري الكديش مدري وشي
و تلقى بجنبها خياط ثياب رجال تحصل عنده >> شكيت ان الهندي شام ريحه خايسه
و اطلع و اروح مع وصفه >> الشكوى لله مالي الا كذآ لعيون الزعيم و ابن مساعد يالبى قليبه
و امشي و اشوف بقالة الكبيش او الكديش كما قلت مسبقاً
و اشوف الخياط بعدها و يوم جيت بفتح الباب يشر بيديه >> وش هـالحاله خلوني اعوف المباراة و لا عادت على التذآكر
الا و يقولي يعني رح للمحل اللي بجنبنا و اسمع كلامه و اروح إلا و اشوف فيه محل عنده شوي زحمه
و اقرأ لوحة المحل مكتوب عليها ( محل فلان الفلاني للخدمات العقاريه )) >> من جد حسيت ان الشعب مشفط على هالصبحيه
و ادخل عليها بدون سلام و لا اي شيء على طوووول قلت فيه تذآآآآآآآآآآآآكر
الا و يجي يرد علي يقوول فيه >> حسيت بشعور ما يوصف بصيح خلآلآص لان في النهايه لقيتها
عند محل مدري وش دخله في الكوووووره ..
عاد و ناخذ لنا ثمان تذآكر و كل واحد كشرته و افمه منفتح ثمانيه بوصه >> اخر مباراة حضرينها للهلال والحزم العام بالرس

عاد نخليكم مع الصوره

ملآلآحظه " التذآكر حاطها على كتاب الريدنغ حق السنه التحضيريه " >> بعد لو يشوفها الدكتور