|
فضيحة سلمان القريني مدير الكره بنادي النصر السلام ورحمة الله وبركاته هذي رسالتي إلى سلمان القريني من محب نصراوي غيور على ناديه سلمان القريني مدير الكره بنادي النصر السعودي اكيد سمعتوا عن موضوع سلمان القريني وموضوع الاعب المحبوب يوسف الموينع إلي اوجه له تحياتي واقوله الحمدلله على السلامه بمناسبة نجاح العمليه لتعرضه لأصابة كسر في انفه او كما يحلو لسلمان القريني تسميتها بالكدمه !! وعن تصريحه بأن الموضوع لو كان صحيح وان الاعب لو كان فيه كسر في انفه انه راح يستقيل من منصبه !! وبعد الفحوصات الطبيه الي اجراها الاعب يوسف الموينع تبين انه يعاني من كسر في انفه وفيه تقارير واشعه تبين هالشي وانا مستعد اطلع للاعلام و اواجه سلمان القريني بهالشي ,, وبنتظر استقالته ومع العلم ان الجمهور مستعدين يقطعون ايدينهم ويطلع سلمان القريني من النادي سلمان القريني شخص غير مرغوب فيه بالنادي وغير محبوب من الاعبين .. كيف تبون الاعب يعلب بأداء ممتاز فالملعب وهو مصبح ومسي بوجه واحد مثل سلمان القريني ولا وانت تتمرن يناديك ويقولك .. ياولد ! سلمان القريني سبق وطرد من المنتخب وغاب سنين عن النادي وتمر الايام واشوفه معين مدير الكره بالنادي ! انا بس ابي اعرف ليه رجع مره ثانيه ؟ .. ياناس والله ماينفع وجوده زي عدمه لكن وين إلي يفهم سلمان القريني ما اعطى لاعبين الشباب الفرصه ابداَ ولو تشوفون تشكيلة المنتخب خمسة لاعبين منهم هم من شباب النصر وللاسف يكتشفهم المنتخب ويلعبون كم مباراة مع المنتخب وهم على دكة الاحتياط في نادي النصر وفالنهاية تنسيـــــق .. نادي النصر يواجه مشاكل إداريه وليست فنيه جابوا لاعبين جابوا مدربين ونفس المشكله تصير ! وراح نجلس على هالحال الا ان يصير سلمان ومن على شاكلته في المدرجات ويتابعون من بعيد .. (( رحمة الله عليك يا ابوخالد )) خصم 50% من راتب الاعب ! طرد الاعب من النادي ! رفض اعطاء الاعب تقرير بالاصابه ! رفض مرافقة منسوبي النادي للاعب يوسف الموينع للمستشفى ! تكذيبه فالجرايد والتشكيك بالاعب والكابتن يوسف خميس ! ما اطول عليكم بالكلام واترك المقطع لكم , وفيه الكثير الكثير من الحقائق http://www.youtube.com/watch?v=cB_1YgqsTzw اخوكم<!-- google_ad_section_end --> |
دام ادارة ناديك كلها تشكيك بالهلال وهمها الوحيد الهلال وانه ما يسوي ولا يجيب وهم ما تصدرو ترتيب الدوري من اكثر من 20 سنة ولا دوري من 15 سنة حتى كاس العالم للاندية بالواسطة هذي النتيجة ادارة تجيب افشل الاداريين منهم طلال الرشيد اجل مدير كرة يضرب احد مشجعي النادي وحتى اللاعب ضرب مشجع هزايم واهداف بالعشرات الا لما يكون الخصم الهلال اللي يلعب مو النصر برشلونة والسبب الهلال اتركو الهلال في حاله واهتمو بالاداريين القريبين من اللاعبين وتهيئة اللاعبين النفسية واعطائهم مستحقاتهم اولا بأول والله يرزقكم |
بكل صراحة عزيزي النصراوي ... ناديكم مسخره بكل شئ ..!! ان كان ما تقول صحيحاً ... فلن استغرب ..!! فاذا كان رب البيت بالدف ضارباً ... بتحصل اجابه الله يصبركم ... جتكم اداره غنيه بنفس عقلية الاجاره السابقه ..!! |
من هالحال وآردى لاوهنت يالغلـآ سلآمت الموينعي ,, |
وانا اخوك تبون ناديكم يرجع مثل اول والله العمليه بسيطه اجعلو عملكم 100% للفريق اي خلاف ماتعملونه الان 20% للفريق و80% ضد الزعيم يعني جهدكم اغلابه لايصبح في مصلحة فريقك <=== فكر في كلامي تراه كلام كبير ولايطلع الا مت واحد منصح |
هذه الله يطول بعمرك حوبة أبو عبدالله كل همكم الهلال وسامي!!!!!!!!!!!!!! والله في قلوبكم غل وحقد فظيييييييييييييع لو ذبحنا أهلكم ماحقدتم علينا كثر ماتحقدون لأي منجز هلالي سواء محلي أو خارجي يعني باختصار " النية مطية" وأنتم نيتكم ريحتها فايحة منذ زمن رمزكم الراحل تقبل الصراحة وأنقلها لجمهوركم المغلوب على أمره....... جمهور متربي على كره الزعيم وليس على حب فريقه الحمدلله إني هلالي |
الله يعينكم ادارة ناديكم ما همها الا شيء واحد وهو الهلال مسويه عليه رادار لو ينتبهون لفريقهم يمكن يرجع |
الله لايبلااااااااااااااااااااااااااااانا. .............. |
انا ما اكلمكم عشاني نصراوي ولا هلالي لكن نبي نشوف حل لهالفساد الاداري |
بالفعل أخي الكريم المشكلة الإدارية لها تأثير نفسي على اللاعبين فما بالك إن كانت المشكلة فيمن يعرض مشاكلهم على الإدارة .. أعتقد أن القريني يجب أن يراجع حساباته أو من إدارة النصر أن تعمل اللازم وتحقق بهذا الأمر بأن تستدعي كابتن ومدرب الفريق بصفة إنفرادية وإستماعم لرأيهم في تعامل الإداري مع اللاعبين .. شكراً |
طيب وش دخلنا ياجعلكم من كيذا واردى ياجعلكم تهبطون لاردى المستويات وتطلعون من دوري زين حدكم مع هجر وسدوس.. ظلمكم للهلال مدربه ولياسر الله سبحانه رده لكم وتشوفونه الحين بناديكم وياجعلكم ماتطلعون من مشكله الا وتدخلون باكبر منها |
ولايحيق المكر السيء إلا بأهله النصر هذا كلمة فاشل فيه قليلة وصدقوني مهما عمل هذا النادي فلن يتقدم خطوة إلى الأمام ولن يحقق أي بطولة مادام أن القائمين على هذا النادي تمتلىء قلوبهم بالحسد والحقد فقد تركوا فريقهم وانشغلوا بغيرهم ولكنهم فشلوا من الناحيتين فلا هم استطاعوا إيقاف مسيرة الفريق الناجح ولم يستطيعوا إيصال فريقهم إلى مسيرة النجاح إذا أردت النجاح فالتفت إلى فريقك أولاً وأترك الآخرين وشأنهم فأنت أصغر من أن توقف مسيرة الأبطال |
دعواتكم بس بطرد القريني ............. |
الله يعينك دامك نصراوي اما على موضوع القريني هذا يخص الاداراة وهي المسؤلة عن هذا الشئ ولابد من انها تتحقق من هذا الشئ نفسية اللاعبين شئ مهم جدا في كرة القدم وان شاء الله ادارة النادي تفهم ايش يصير للاعبين بسبب مثل هذة الاشياء في النهاية لو كتبت هذا الموضوع في منتدى النصر افصل لانه في منتدى النصر صوتك يمكن يوصل لمسؤل لكن هنا ماراح تستفيد شئ بالتوفيق لك اخوي |
للفقر لذة في عيون النصراويين ورح صف حساباتك بالمستنقع هناك لا توصخ منتدانا |
| الوقت المعتمد في المنتدى بتوقيت جرينتش +3.
الوقت الان » 10:17 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd