|
موبايلي والموج الازرق (نصب واحتيال) السلام عليكم ايها الزعماء , مبروك لقب نادي القرن . قبل اسبوع ذهبت لاحد فروع موبايلي في الرياض وذلك لكي احصل على رقم جديد من موبايلي وموج ازرق لكي استفيد من نقاط الزعيم التي تنهمر على مشتركي الموج الازرق بعد كل فوز (ماشاء الله تبارك الله) اللهم لاحسد . طلبت من موظف موبايلي ان تكون باقتي هي الموج الازرق , لم يجبني ولكن (هز رأسة) وكانه يقول نعم , ولكن بعد استخراج الشريحة تفاجأت بانها على باقة (خطي بلس )؟ لماذا كيف ؟ :s2: لا اعلم ؟ رجعت للموظف ورميت الشريحه عليه وقلت مابيها مع السلامه انتم وشركتكم . ورحت لفرع ثاني وطلعت رقم ثاني موج ازرق وحذرت الموظف قبل يطلع لي الرقم لانه لو طلع لي باقة ثانيه راح اخليها عنده لذلك ياخواني احذركم واتمنى تنقلون هالتحذير وهالكلام لكل من هلالي تعرفونه يبي يشترك بموبايلي او يحول لها علشان الموج الازرق : يطلب الموج الازرق . اذا عطوه باقة غير الموج الازرق لايستلمها ولايشغل الشريحه ويرميها على الموظف واذا قالك خذها حلا والا خطي بلس وبعدين نحولك للموج الازرق لاتقبلها وذلك لانه وبكل بساطه : اي عميل لايشترك مباشرة في الموج الازرق لايحتسب ضمن عملاء الموج الازرق , ولايستفيد هو من النقاط ولايستفيد منه الهلال نهائيا لان موبايلي تخاف من وصول عدد عملاء الموج الازرق الى رقم كبير ثم تضطر لدفع مبلغ كبير للهلال خذوها مني ومن مصدر موثوق لاتاخذون اي باقة ولاتحولون من اي باقة للموج الازرق لانكم ماراح تستفيدو ولايستفد الهلال لذلك ياخواني اما ان موبايلي تحترم نفسها وتكون شركة محترمة ولاتستغفل الجمهور الهلالي او اننا نقاطعها مثل غيرها ونؤدبها الملقوف لايقول الا الحقائق ولدي مايثبت كلامي وعلى استعداد لموجهة اكبر رأس في موبايلي حتى لو هو الكافs121s |
الله يباااااااااارك فيك واحذروا يازعمااااء يصير لكم مثل ماصار له يرميها عالموظف<<<هاذي مو اخلاقنا نحن الزعماااااااااء<<حبيت اتفلسف كل الشكر لك اختكم ..ميمي |
يمكن الموظف نصراوي خخخخخخخخخ |
بالنسبة للموج الازرق فوز الهلال على الفتح ماجاتني 100 نقطة ..ليه ..؟ |
كلامك صحيح اعرف واحد قالو اخذ باقه مدري وشي وقالو بنحولك للموج الازرق وسيفووووون يقولون له ماتقدر تحول |
بالنسبة للموج الازرق فوز الهلال على الفتح ماجاتني 100 نقطة ..ليه ..؟ |
صادق والله ،، وحالياً انا طايحه بنفس المشكله بالضبط بس مدري وش الحل غير اني ارجع للمكتب والغي الرقم بحكم انه مسبق الدفع وليس فاتوره بس ياليت الامير عبدالله بن مساعد يعالج هذي المشكله مع موبايلي لانهم زي ماذكرت مايبغون عملاء باقة الموج الازرق يكثرون لسببين الاول دفع مبلغ للهلال في حال الوصول لعدد 200الف والسبب الثاني هو الدقائق المجانيه والنقاط الممنوحه للعميل بعد كل فوز للهلال وبسم الله ماشاء الله الهلال كل ايامه فوز .... |
حتى انا يوم جيت اطلبهم باقة الموج الازرق قالي الموظف خذ حلا بلس ازين لك قلت لا ابي الموج الازرق ولا بلاش المهم عبى البيانات ورجع قالي .. خذ حلابلس تشحن وبعدين يجيك دبل الوكاد انه حاول فيني كثير طبعا .. مره وحده جتني نقاط وعقبها سحبوا علينا احترامي |
و الله العظيم نفس الطريقة أنا محول من الاتصالات السعودية إلى موبايلي علشان الموج الأزرق و لكن للأسف أول موظف قال ما فيه علشانه جرب في شريحه و عيا يضبط من الكمبيوتر من عنده و رحت الثاني و قال نفس الطريقة ما يضبط من الكمبيوتر نفسه و قال أحولها لك خط حلا و بعدين تحولها الموج الأزرق و قلت خلاص حولها لي و بعد ذلك تفاجأت إن ما تجيني نقاط و أدق على 1100 يقولون إن ما تجيك نقاط علشانك حولت من حلا إلى الموج الأزرق و المفروض إنك ما حولت إلى حلا كان حولت إلى الموج الأزرق على طول و شرحت له القصة قال نرفع شكوى قلت إرفع و قالولي بعد 48 ساعة نرد لك خبر و لا جاء شيء و أروح لموظف في الفرع الرئيسي و عطاني خمسين نقطة من عنده هذه الخمسين بعد مباراة الهلال و النصر في كأس فيصل و أنتظر مباراة الأهلي و فاز الهلال و لا عطوني شيء و أرجع للفرع اللي أنا حولت من عنده طريق العليا و أدخل على المشرف حقهم و شرحت له القصة كلها و قال أي عميل الموج الأزرق راح يستفيد من النقاط سواء حول من باقة أخرى إلى الموج الأزرق أو مباشرة إلى االموج لأزرق يقول لأنهم كلهم سواء و الله ما قصر المشرف و قال تجينا بعد 48 ساعة إذا ما جاك شيء قلت خلالص و بعد ساعتين أستفسر عن النقاط إلا جايتني 100 نقطة زيادة هذه النقاط نقاط مبارة الأهلي و مباراة الفتح و ننتظر مباراة الرائد نشوف تجي و إلا لا و الله إذا ما جت لأرجع له ماني فاضي كل بعد مباراة أروح لهم يعني كل واحد باقته الموج الأزرق راح يستفيد من النقاط سواء حول من أي باقة أو على طول الموج الأزرق و إذا ما جاكم نقاط روحوا مشرف الفرع اللي طلعتوه من عنده و بالتوقيق للجميع |
الله يجزاك خير اخوي انا واجهت نفس المشكلة قلت لهم ابغى باقة الموج الازرق لجوال ولدي وقالي الحين مانقدر من النظام بس بعد ماتشغل الرقم ممكن تراجع اي مكتب وتحول للموج الازرق وكنت ناوي الاربعاء اروح واحول للموج الازرق اثرهم يلعبون علينا موبايلي ياريت ادارة الهلال تتدخل في هذا الموضوع لانه يهم مصلحه الهلال وليس بعض الجماهير فنحن نبحث عن دعم الزعيم |
موضوعك تأخر والله انا حولت لباقة الموج الازرق وكانو يرسلو مع كل فوز 50 نقطه لحد ما فزنا على الوحدة ومن بعدها سحبو علي دقيت عليهم يقولي لازم تكووووون الشريحه من اول موج ازرق والحين انا ماستفد من الباقه شي والله حرررررررررررررررررام حولت لباقة الزعيم بـــ25 ريال بس الله فوق |
باقي 150 نقطه لم يتم اضافتها الى نقطي مباراة الاهلي والفتح و.... والمشكله خدمة خدمة العملاء ضعيفهـ جداّ محد يرد عليكـ هههههه الله يعطيكـ العافيه على الطرح |
انا عندي شريحه سوا عادي احول الى موبايلي ولخدمه الموج الازرق ؟؟ طيب ورقمي ابي اضيف عليه 6 عشان نفتك من بعض الناس :d |
كل عملاء الموج الأزرق راح يستفيدون من النقاط و اللي ما تجيه نقاط يروح لفرع من فروع موبايلي راح يحلون مشكلته |
انا كانت باقتي خطي بلس وحولتها للموج الازرق وقال لي الموظف قبل فترة يوم كانت المكافاءات دقائق اتصال مرئي انك لن استفيد من الدقائق المرئيه لاني حولت من باقة لباقة والعرض خاص بالعملاء الجدد!!!!!! لكن بعد فترة عندما تحولت المكافاءه الى نقاط وببداية الدوري يوم فاز الهلال ارسلوا لي رسالة بمناسبة فوز الهلال ربحت نقاط من نقاطي لكن الفترة الاخيرة واخر فوز هلالي على الاهلي والفتح لم ترسل لي موبايلي اي رسالة باني ربحت نقاط بمناسبة فوز الهلال!!!!؟ ومدري وش السبب |
| الوقت المعتمد في المنتدى بتوقيت جرينتش +3.
الوقت الان » 01:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd