نصيحه لخالد عزيز انت بحاجة الهلال وليس الهلال بحجتك لتكون ضحيه مثل عبدالله الجمعان

باختصار شديد

خالد عزيز لا يستحق ارتداء شعار نادي الهلال

خالد عزيز دمر نفسه بنفسه

واتمنى من الادارة تعاقبه عقاب شديد جدا جدا

ياما ينظبط والا الباب يوسع جمال الهلال مو موقف على لاعب ياعزيز مثل مافقدنا سامي وابو يعقوب والنعيمة مو صعبه نفقده ترى


شطحة :

ياشباب انا ماقدر اكتب موضوع جديد مدري عن ادارة المنتدى الهلالين مايخلونهم يكتبون والمندسين ياكثرهم

المهم اقرب واحد يكتب مووضوع عشان نوحد التصويت لافضل لاعب في الجولة السادسه ونوحد التصويت كله لنيفيز منها نحفز اللاعب لانه بدا يظهر مستواه الي كنا نتمناه منه ومنها انه ماقصر في فوز الفريق في مبارة الفتح تكفووووووووووون ياهلالين نيفيز واهم شي المردود النفسي عنده

واحد يكتب موضوع جديد عن توحيد التصوويت لنيفيز

هذا الكلام

والله كفيت ووفيت

والايام بتعلمه وبيشوف وشلون بيتركونه شلة الفساد ذولا...!

kaled aziz

U turn your face
are anderstand
aziz

ياخي وبعدين معاكم يا جماعه ؟ والله هذا الاعب المستهتر وتاريخه معروف بعدم الانضباطيه
في امور اهم منه نكتب عنها ...عندنا لعيبه من ذهب
ياسر قاعد يحترق عشان يرجع لمستواه وما شاء الله في الطريق الصحيح الآن...كــبــيـــــــر يا ياسر
الغنام (محورفي نفس مركز عزيزوه) مصاب بكسر في انفه ومجبرينه وانواع اللزقات والشاش على خشمه ومع ذلك منضبط في التمارين وأدائه في المباريات ما شاء الله عليه مباراة الامس رادوي موقف والغنام شايل حمل المحور بالحاله رغم اصابته....تسلم يالغنام ويسلم خشمك
عــمــــــر الـغــامـدي : رغم ان الـمـدرب كان يبي يسـتـغني عنه ومع ذلك مـنضـــبط في التمـارين واصر على بقائه وشوفوه الآن في كل مبـاراة ينـزله الـمدرب....موب غريبه عليك ياعمر
رادووووووي : العـام الماضي اكل كـوع من مهاجم الشباب الشمراني وطلع من الملعب ينزف ومباشره اخذوه للمستشفى ومع ذلك شفنـاه منضبط ورجع يمثـل الهلال بسرعه مع ان علاقته مع الهـلال وقتها ما كملت سنه......ثانكيو مستر رادوي
مـحـمـــد الشـلهـــوب : عانى من ظروف وفـاة والده ووالدته الله يرحمهم والموسم اللي راح نزل مستواه وهو نفسه طلب من الاداره انه يوقف لنهاية الموسم وعانى من ابعاد كوزمين له عن التشكيله ومع ذلك شوفوا وش قاعد يسوي الموسم هذا...يا حبيلك يالشلهوب
احـمـــد الفريـدي : في نهاية الموسم اللي راح (انبرش) عليه لاعب النصر واصيب بكسر مضاعف في ساقه وعمليه واسياخ ركبت في ساقه ومع كل هذا رجع هالموسم بمستوى رائع وسجل في اول مشاركه له....صدق من سماك الفيلسوف الصغير
الحين تحكون عن عزيزوه الاعب المستهتر ؟؟ نسيتوا يوم راح هالمراهق سافر قبل مباراة النهائي؟؟؟ والا الطرد اللي ماله اي داعي مباراة العام؟ والا غياباته المتكرره آخرها في البطوله الآسيويه الأخيره؟ بالله الموسم هذا وحنا في اوله كم مره غاب؟ والله اني من كثرها نسيت هي ثلاث مرات والا اربع مرات.

لحد يتعذر له ويقول ملعوب عليه والا في احد قالب راسه..اذا هو ساذج لهدرجه هذي مشكلته
واذا يفكر انه بهاطريقه يستذكي عشان يروح لفريق ثاني فيكون كارثه التصرف هذا بس مانبي نظلم احد لكن موب حنا اللي ينلعب علينا....العب غيرها
انطق يا عزيزوه بالمدرجات ومكانك النسيان غير مأسوف عليك

يبدو أن عزيز يكتب آخر الفصول في قصته مع الهلال والنهاية ربما تكون كنهاية الدوخي والجمعان للأسف ..

يا عزيز لقد قتلت كل مشجع هلالي العام الماضي
وضيعت مجهود موسم كامل
واليوم تتمرد من النادي
ما نبيك ولا نبي مثل هذي الاشكال في فريق القرن الي يتمناه كل لاعب اسيوي

مشكلة خالد عزيز انه لا يتعلم من اخطائه و لا يريد ان يتعلم اصلاً ...!

عزيز خلاص انها نفسه بنفسه

مادامه يماشي زليخه فأتوقع انه على هذا الحال وأردى

خله يطاوعه وبكره بيتحسف مثلة مثل غيره

عزيز بكل بساطة شخص يحب السهر وبالتالي عنده مشكلة بالتدريب الصباحي وأقترح أن ينوم في النادي . لتفادي هذه المشكلة . طبعا أتمنى أن تكون هذه المشكلة فعلا لأن خالد عزيز خلوق جدا فقط يعاب عليه عدم الانضباطية

الله يســـــــــــتر عليه بس أنســان مستهتـــر