|
عزيز في حاجتكم .. فلا تتخلو عنه تصريح الامير عبدالرحمن بن مساعد مساء البارحه كان فيه عدم اهتمام بـ خالد عزيز سامي الجابر ايضاً لم يبدي اهتمام كبير حتى وان تحدثو عن انه لاعب كبير ومن ابناء النادي والابواب مفتوحه له هذا كلام اعلامي .. لو عدنا للوراء قليلاً لوجدنا خالد عزيز يتهم من الجمهور بخاينته للفريق وانه اخذ ( رشوه ) بسبب انه حصل على كرت احمر في مباراه نهائيه .. لاعبين عالميين حصلو على كروت حمراء آخرهم زيدان بكل بلطجيه في نهائي كأس العالم لم يتهمه احد بـ خيانتة فرنسا !! منذ بداية الموسم والاداره تبحث عن اي هفوه لـ تعاقب خالد عزيز وتنتقم من ( الكرت ) الاحمر الذي حصل عليه عزيز في نهائي العام الماضي غياب يوم واحد عن التمرين ( لأي سبب كان ) لايجعل المدرب والاداره يتصرفون مع خالد بكل هذه القسوه من تمارين انفراديه وابعاد عن المباريات ماقدمه خالد من عذر .. كان بإمكان المشرف العام قبوله ، او رفضه !! ( رأي شخصي ) ولكن المشرف اراد رفض ( العذر ) لـ يكون هناك عقاب !! وانا على يقين لو غاب لاعب آخر غير عزيز وقدم اي ( مبرر ) لتم قبول عذره بينما ( يكال بمكيالين ) لـ خالد عزيز !! انا هنا لا ابرر لـ عزيز وارى انه اخطأ .. ولكن ( تم تكبير ) خطأه اكبر من اللازم كما ان لاعب مثل عزيز انا على يقين تام انه لايملك عقليه احترافيه .. ومازال بعقلية اللاعب الهاوي مثله مثل يوسف الثنيان والغشيان .... وكذالك مثل محمد نور في الاتحاد محمد نور لاعب بلطجي .. ونعرف تاريخه جيداً .. ولو تم تطبيق نظام صارم عليه لما شاهدناه يبدع الان الان نور يعيش مرحلة النضج الكروي كذالك الثنيان لم ( ينضج ) الا متأخراً .. ونعرف كيف كان الثينان في بدياته .. وكيف كان في آخر سنواته !! خالد عزيز يحمل نفس عقلية نور والثنيان .. كل مايحتاجه معاملته بشكل يتوافق مع ( عقليته ) والتغاضي ( قدر ) الامكان عن بعض هفواته .. ومناصحته بالتي هي احسن اما القسوه عليه .. والتهديد بـ انه سيصبح متفرج ماتبقى من عقده فـ اعتقد انها لاتصب في مصلحة كلا الطرفين سيخسر الهلال .. وسيخسر عزيز خالد الان يحتاج الى من يتعاطف معه .. ويجب ان يكون هناك متعاطفين معه .. اما ان يقف الجميع في وجهه من جمهور ، واداره ومدرب واعلام .. فهي ضغط نفسي كبير عليه .. قد تجعله يضحي بكل شيء من اجل ان يكسب نفسه !! ولا يخفى عليكم ان ( نفس ) الانسان عزيزه عليه .. |
يعني صراحة مادري وش أقول لكن كلامهم صحيح خلهم يقرصونه قرصه وان مانفعت هذي القرصة مشكلة عزيز لاعب كبيييييير مافيها كلام لكن مشكلته الانظباط ومشكور عالموضوع |
عزيز زودها حبتين اخطاء كثيره بوقت قصير اكيد بتخلي الكل يقسى على عزيز المشكله يرجع من غياب ولسى يناقشونه في العقوبه ويغيب هذي قمة اللامبالاه حنا مو ضد عزيز لا حنا ضد اللاعب اللي يبي يمشي النادي والإداره بكيفه !! واللي سمعته انه استلم مقدم عقده كامل واذا كانت هالمعلومه صحيحه لاتنتظرون عزيز يرجع !!!! |
اولا مشكور على موضوعك.. ثانيا بالنسبه لخالد عزيز وانوا الاداره ونحن الجمهور تخلينا عنه هاذا موصحيح اخي العزيز مشكلة عزيز حلها عند عزيز نفسه ياخي الاعبين الفريق جميعهم والحمدالله ماتغيبوا عن التمارين يمكن يغيبوا لاكن مو ثلاث او اربع تمارين في اقل من اسبوعين وبدون اعذار مقنعه اتفق معك ان الطرفين خاااسر في نهايه الموضوع وصدقني عن نفسي كلنا مع عزيز وأنشاء اللله جمهور نادي القرن معه ولاكن تطبيق النظام على الجميع اهم من اي لاعب مهما كااااان حجمه وأنشاء الله أزمه وتعدي ويرجع لنا المحااااااارب اللي نعرفه كلنا .... الف شكر بالتوفيق لنادي القرن وتحيااااااااااااتي |
عزيزي اتمنى تقبل وجهة نظري فانت تريد ان تبين ان الادراه اخطئة في حق عزيز وتبين للجمهور ان عزيز مظلوم وبكلامك هذا فيه من الشحن للجمهور على الاداره لكن صدقني لن تكون ابخص او ادراء من الاداره بمصلحة الفريق .. ولا كيف يعاقبون من اخطاء اتمنى كتابتك تكون للمصحله وليس للشحن .. ( لان اتهمك من المندسين ) لكن اردت ابين وجهة نظرلك . وايضا اي مشجع عاقل وواعي بعيد عن المبزرة ( جمهور المبارة الواحده ) مؤيد للقرارات الاداره وما تفعله بحق عزيز . عزيز محد طقه على يده وقال له غيب او بزوط هو من جناء على نفسه .. واتمنى يطبق عليه اشد العقوبات حتى لو كان من اهم نجوم الهلال لا يقف الزعيم على لاعب ولن يقف شاهداّ تعملق الشلهوب وعودته الحميده بعد خروج التائب من الفريق وكيف برزت نجوم الدوسري العابد وغيره .. واتمنى من الاداره ان لا تلغي عقده وانا ااؤيد كلام اميرنا ان يجعله واحد من الجمهور على ان يضفر فيه من ضحك عليه .. سلام دمت |
يا اخوان الغيابات المتكرره كانت نتيجة ( التصعيد ) الذي حصل بين الطرفين وبالاخص بينه وبين سامي الجابر خالد كما قلت لكم ( لايملك عقليه احترافيه ) لايستطيع التعبير عن الرفض او عدم الرضا .. الا بالغياب هكذا ( عقليته ) لذالك حدث تصعيد بين الطرفين كانت نتيجته ماوصل بنا الى هذه النتيجه والان الجميع يتخلا عنه . وهو سيتخلا عن الهلال !! ان لم يتدخل العقلاء .. ويقربون بين الأطراف سنخسر خالد .. بأيدينا !! |
إقتباس:
حدثت من ياسر القحطاني العام الماضي وهو اللاعب رقم واحد في الفريق .. وثاني يوم وهو في التمرين .. وكأن لم يحدث شيء لو كانت تلك ( البزوطه ) صدرت من عزيز ..؟ ماذا كانت ستفعل به الاداره ..؟ هل تستطيع الاجابه الان ..؟ |
مع السلامة اصلا خلاص مايبي يلعب زهق من اللعب ياليت يعتزل بيكون احسن لة واحسن لنا |
بصراحة وقت العقلية الغير احترافية مثل ما ذكرت إنتهى الآن وقت الاحتراف تأخذ راتب لتقدّم .. الكرة أصبحت علم أكثر من أنها موهبة ,, الفريق يسير بشكل جيّد من غير عزيز وثق ثقة تامة أن لو عزيز في الملعب لما قدّم الفريق هذا المستوى لعدة أمور أنت تعرفها ,, عموماً مثل ما قالوها الجميع إن أراد عزيز الرجوع فالموضوع بيده لا بيد غيره .. يا إنه ينظبط أو إنه يصير مثلنا بالمدرّج وكلام سمو الأمير ما نثن]ذه لسنا مطبليّن ولكن مع النظام .. |
إقتباس:
يالغلا تراك تتكلم عن نادي الهلال يعني مواهب وعندنا ولاعبين اجانب كبار نقدر نجيب حمد لله اللاعب منه عليه اصلا انه هلالي - الهلال مو واقف عليه - ياينضبط وبيلقى كل خير قدامه ولايمسك الباب |
حتى في معسكر المنتخب لم ينضبط وكانت اعذاره غير مقنعه .. لو افترضنا انا خالد عزيز لاعباً في نادي مانشتر او برشلونه أو نادي هندي أو بنجلاديشي هل تتوقع أن تصبر هذه الاندية على تصرافته ..!! لو افترضنا أن خالد عزيز موظفاً في القطاع الحكومي أو القطاع الخاص هل يصبرون على عدم المبالاة منه ..!! الإدارة الهلالية صبرت عليه كثيراً ومع هذا لم يخفي الأمير عبدالرحمن بن مساعد بأن النادي يرحب به متى ما انضبط ..!! والأفضل للإدارة الهلالية عرضه على قائمة الانتقال والإستفادة من لاعب غير مفيد لناديه .. |
إقتباس:
ان عزيز يريد الانضباط .. ونعلم بإنه عاد للتمارين ولكن هناك من يتعامل معه ( بجفاء ) كبير !! ولعمرك ماضـاقت بـلادٍ بأهلـهـا ولكـن اخـلاق الرجال تضيق تخيل نفسك تحاول ان ( تكسب ود ) الجميع ويتعاملون معك بجفاء وغلظه ..؟ ماذا كنت ستفعل ..؟ |
واللة كلامك هذا هو عين العقل ومع الاسف الناس ماترجع لبداية الموضوع لا يدققون مع وين انتهى الموضوع بصراحة بالبداية هم من كبروا الموضوع وأهانوا الاعب ومرمطوا فيه عشان أول غياب أتحدث مع الادارة الجديدة فالمفروض مثل ماذكرت انت ان يجلسوا مع الاعب ويعرفو ظروفه والعقاب كون بقدر الخطأ عالعموم هذا الاعب يمثل نصف الفريق وأنا أشجع الهلال وأشجع عزيز لانه متعه في أرض الملعب وكثير من بطولات الهلال كان أحد أقوى من أحضرها يسلم عقلك ياخي |
عزيز ما دمرة الى سعيدان التتان راعي هدف الغفلة |
انا سمعت كلام لكن مادري عن صحته يقولون عزيز والدعيع وعمر الغامدي مايبون الجابر ويبونه يستقيل من ادارة الكوره انا مادري عن صحة هالكلام من عدمها يعني اذا احد عنده علم عن هالموضوع يتكلم |
| الوقت المعتمد في المنتدى بتوقيت جرينتش +3.
الوقت الان » 01:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd