واضح انك متعاطف مع عزيز بشكل كبير وهذا دفعك للاساءة للمدرب كوزمين وللمحارب رادوي , الي يعتبر من افضل المحاور الي مروا على السعودية , ويكفيك ايضا حماسه وروحه وقتاليته بالمباريات وكأنه ولد وترعرع بالهلال

وبخصوص عزيز هل تعتقد ان سبب عدم انضباط عزيز هو رادوي ؟؟

عزيز هذي حركاته قبل ما يجي رادوي للهلال ,, هرب في مباراة النهائي امام الشباب ,, وهرب من معسكر المنتخب وتم ايقافه ,, وغاب هذا الموسم قبل مباراة النصر وبعدها لعبه جيريتس باخر الوقت ,, وقام بالغياب مرتين ورا بعض ,, وبعد قرار العقوبة قام بغياب اخر ,, يعني باختصار لاعب مستهتر لا تهمه مصلحة الفريق ويذكرنا بحركات الجمعان نفس التصرفات ,,

ولكن الان مثل ما قال الاسطورة سامي ,, الهلال هذا الموسم لا يتأثر على اي لاعب والحمد لله ان رادوي موجود عشان ما نجلس تحت رحمة سيء الذكر خالد عزيز

؟ رادوي < ليت شبيه الريح يجدد عقده ويستمر موسمين بعد/ محتاجين رجل بالمحور في الاسيويه .؟

والامور الفنيـه نتركها للمدربيـن

اخووووي العاشق الهيمان انا مارح اصير محلل فني بكل صراحة ما عرفت محور الارتكاز الا من عمر الغامدي و بصراحة رادوي اما خالد عزيز اعتبره لاعب مساك لاغير فهو لا يعرف يمرر كوره صح و تحسه مافيه ثقة في نفسة اما رادوي فعلاً محور عمر الغامدي فعلاً محور اما عن ترك محترف اجنبي من الفريق فاوالله انها صعبة لانه اغلبهم مبدعين و اغلبهم يفيدون الهلال في الفتره الحالية و انا اترك هذا الامر للقائد جيرتس هو من يحدد من يترك الهلال و من يبقى اما عن خالد عزيز و سبب الاشكالية الحاصلة اتمنى من خالد يحسبها صح و يجتهد في التمارين ليعود اساسي في الفريق و اخي العاشق الهيمان اشكرك على الابداع اللي تقوم فيه .

اتمنى كل التوفيق للزعيم في المباريات القادمة

ممكن أسأل وش تحس به وانت تكتب الموضوع
احترم وجهة نظرك وتقبل مروري بود

اسمحلي يالحبيب ما عندك سالفة بالكورة ...
الحين طارق التايب و المدرب القدير كوزمين كلهم سيئين الذكر أجل منه طيب الذكر
وبعدين أنت وش عليك بطريقة كوزمين الدفاعية أهم شيء كان يجيب بطولات صح ولا لا ؟؟؟ وبالنسبة لطارق التايب أفضل وسط اجنبي مر على الهلال لا تقولي أناني ولا تقولي مهاري أرجع للمبريات التي لعبها التايب مع الهلال وشف كيف يشيل الفريق .

انا معك فقط بقضية رادوي فلدى الهلال محاور عديدة اتمنى استغلالهم

لآ تقآرن بينهم .. ظلمت عمر كثيرا ً .!

عزيز .. الي ما يبينا ما نبيه .. وخله يلحق الدوخي .!

يعطيك العافيه أخوي بسبب أنا عند رأي لا يمكن ان نستغني عن رادوي لأنه لاعب عالمي اولا وثانيا رادوي يلعب في عدة مراكز صدقني اني ارتاح لرادوي اذا كان في الملعب لحماسه بالفعل لاعب موهوب ومقاتل ومميز ولايمكننا الاستغناء عن رادوي حتى لو تلاحظ ان رادوي يمكنه صناعة اللعب انا من وجهة نظري أقرب لاعب للتغير هو نيفيز لأنه يوجد أكثر من لاعب في نفس المركز عندك الشلهوب والفريدي ويلي والدوسري لو تلاحظ انه في فرق كبير جدا بين نيفيز والتائب التائب عندما يغيب يكون غيابه مؤثر جدا والدليل الموسم الفائت لكن نيفيز الى الأن لم يظهر في الهلال لا أدري مالسبب ولكن نتمنى له التوفيق في نادي القرن

يآخوـآني بعض الردود العنجهيه مآلهآ داعي ، مجرد حوار ونقآش ،


مالـه داعي تنزل رد وفيـه كلمآت المفروض ماتصدر من مشجعي واعي مثل هلالي !


معقولـه تعامل الهلالي بهذي الطريقـه !


اخي صاحبْ الموضـوع ،


لم توفق ابداً في اختيارك بإن رادوي هو من يسغادر

نعم نحنَ فرحون بعودة مستوى الغنام والغامدي ، لكن وجود رادوي مهم ومهم بشكل كبير ،

ولاحظ عندما يدافع للهجمـه التي تكون ضد الهلال ، لاحظ يدهـ بتحصله يوجه زملاءه الاعبين

معقولـه تبي تفرط مثل هالاعبَ ! غير معقول ابداً

بالتوفيق للزعيم

اقول اقراء وشاكتب عدل اول حاجه احترم شوي ولا عاد تطرى كوزمين بسيىء الذكر ولا تقارن رادوي وخالد عزيز اصلن مافي مقارنه خله ينضبط ويرجع لمستواه بعدين قارنه بل غامدي او الغنام مو تقارنه با الرجل المحارب رادوي