نادي الهلال السعودي - شبكة الزعيم - الموقع الرسمي - ثـــــــــــورة الــعـــشـــــــاق .. فلتبدأ من الليله .. جمهور واجهزة فنيه واداريه ولاعبين ..

السلام عليكم ..

استكمالا .. لـ مواضيع كثيرهـ اجمعت كلها

على حقوق للزعيم سُلبت من جماهيرهـ في المدرجات .. ومن لاعبيه في الملعب ..

الحديث عنها ماهو الا بكاء على الاطلال .. ولم يشهد لنا الزمن بذلك ..

::
::

ثورة العشاق

هي خطوة نريدها بالهلال والهلالييين ..

ظُلمنا .. وماذا بعد .. ؟

حُرمنا .. وماذا بعد .. ؟

سُلبنا .. وماذا بعد .. ؟

لن نقف هنا .. ولن نترك الخيط والمخيط بـ يد غيرنا ..

اليوم ومن اليوم .. نبيها ثورة العشاق ..

بـ هلالهم ..

نبيها صرخات وتشجيع وحضور بالمدرجات ..

نبيها استنفار في اماكن تواجد المدرج الازرق ..

نبي نكسبها في المدرجات والملعب ..

كل الاحداث الماضيه لو فكرنا فيها لـ دقايق ..

حُرقه وغضه ستكون بقلوبنا على حقوق هلالنا ..

ليش مانفجر الطاقات وهالاشياء القاسيه على خصومنا ..

عشان ياسر ونيفيز .. يوصلون لـ قمة ادائهم ..

لازم يكون المدرج قبلهم في كامل حضوره وصرخاته وتشجيعه وحتى عتابه عند ضياع الكرة ..

عشان ياسر ونيفيز ورفاقهم يتحركون بالشكل اللي نتمناهـ عنهم كـ نجوم ..

لازم اول من يوقف معاهم ويشد من ازرهم وحتى معاتبهم في ارض الملعب وفي المباراهـ هم جمهور الزعيم ..

صدقوني حنا جمهور ونحضر ونشوف .. متى ماشفت اغلب المدرج يتحرك ويشجع وحتى صرخات على اللاعب انهم يتقدمون انهم يثبتون انفسهم بدون خروج عن النص مثل جماهير الانديه الاخرى ..

صدقوني راح تتفجر طاقات كل اللاعبين مهوب بس ياسر ونيفيز ..

نبيها ثورة العشاق .. نبي هاللعب الحلو اللي نشوفه للهلال ويتسيد فيه المباريات يكتمل بـ الاهداف والضغط على الخصوم ..

وصدقوني البدايه من المدرج متى ماتحمس وظل واقف ومساند وبجو المباراهـ طيلة التسعين دقيقه .. ماراح نشوف لاعب اقل من المستوى .. ماراح نشوف لاعب مايقدر يأدي .. ماراح نشوف الا رغبة في المزيد ..

الهلال يستحق في كل مباراه ان يخرج باكثر من اربعه وخمسه .. ليش تنتهي مبارياته على اثنين بس .. ؟

بالتأكيد القدر والحظ له دور .. ولكن كثر الدق يفك اللحام ..

وعند الهلال هالموسم .. كثر الدق يزيد من حجم النتايج وتوسيعها ..

الاداره متحمسه والمدرب متحمس حتى بطريقته الهجوميه .. بس يبيلنا وقفه قويه من المدرج .. ( والمدرج هنا كل الحضور مهوب بس الرابطه ) ..

الرابطه مهما صار .. تجي روابط انديه اخرى اعلى صوت منها واكثر اهازيج ..

لكن صرخات الجمهور ككل .. مايخفيها شي ..

نبيها ثورة العشاق ياهلاليين ..

نبيها انتصار لحقوقنا ياهلاليين ..

نبيها من اعلامنا الازرق وشبكاتنا الزرقاء وجمهورنا الوفي ولاعبينا الكبار ..

نبي الكل في قمة حماسته وثقته في هلاله ومن خلف هلاله ..

باعتقادي ان المسببات اللتي فرضت على هلالنا .. فرصه لـ استنفار الطاقات امام الخصوم في المدرجات والملاعب الخضراء

فـ الهلال بامكانه المضي للقمه حتى ولو سُلب جل حقوقه ..

نبيها ثورة العشاق .. في المدرجات .. وفي الملاعب ..

ياسر ليه تكرهـه اغلب جماهير الانديه وتدور اي اهزوجه ضده .. ؟

وهم اول من صفق له في المنتخب .. ؟

جواب هالسؤال بيدكم يالهلاليين .. بيد اللاعبين .. بيد الادارهـ .. بيد المدرب ..

بيد حماسنا اللي يفيد الهلال ولاعمرهـ يضرهـ ..

البدايه منكم ياجمهور الزعيم .. صدقوني متى ماشاف اللاعب المدرج كله واقف وحاضر بصوته وتشجيعه وصرخاته .. مايقدر يطلع برا جو المباراهـ لو دقيقه

بيصير حاضر .. بيصير متحمس اكثر .. بيصير فيه نشوة وقوة اكبر ..

ليه مانصنع هالجو لـ نجومنا .. ؟ ليه مانساعد تكتيك المدرب الهجومي بـ هالشي .. ؟

نقدر .. ولنا امثله كثيره في مباريات سابقه .. كان واقف الحظ ضدنا .. لان اللاعبين اكلو الاخضر واليابس .. في الملعب ..

هالشي لو يصير .. صدقوني كل مباراه للهلال مابيوقفنا الا حظ معاند ..

واقلها حتى في التعادل بنخرج راضين لان فريقنا مو بس ماسك المباراهـ ..

الا اكثر خطورة على مرمى الخصوم ..

النتايج 2-1 او 1-0

عاملها ايجابي للخصوم اللي نقابلهم .. لانها تعطيهم دافع انهم يبحثون لو عن التعادل دام الهلال مهوب سياسته النتايج وتضخيم الفارق ..

لكن لو تجلى هلالنا بالنتايج الكبيره وتوسيع الفوارق .. مثل ماهي موجوده الفوارق الفنيه لنجومنا ..

هذا الشي يخلي الانديه الثانيه تخاف وترتبك من بداية المباراهـ .. وهو مايتيح لنا التسجيل وزيارات الخصوم اكثر من مرة ومرتين وثلاث ....

هالكلام .. بناء على احداث ومباريات سابقه .. ماتكررت كثير ..

نبيها مو تكرر الا تكون سمه هلاليه وعادهـ ..

بدايتها اعتقد من جمهورنا الوفي اللي يحضر بـ كثافته المعهوده بكل الملاعب ..

والنهايه بـ تشوفونها بـ اعينكم ... هلال مايرحم ..

اخيرهـ /

الله يوفق الزعيم الليله لتأكيد الصدارهـ مستوى ونتيجه .. :ba1: