السلام عليكم .....


اخواني الكرام ... اسمحوا لي باول موضوع اكتبه في هذه الشبكه العزيزه ...
عزيز والهلال :::

كثر الحديث مؤخرا عن النجم خالد عزيز وعلاقته بنادي الهلال , حتى اصبح مادة دسمة لكل صحفي فاضي او مشغول , فلا يكاد يمر علينا يوما ونحن نقرأ الصحف الا ونجد مقالا او مقالين عن خالد عزيز وعدم انضباطه ,
سواء من الصحفيين المغمورين او المشهورين او الكتاب الهلاليين او حتى الكتاب المعروفين بتعصبهم ضد نادي الهلال , فكأن نادي الهلال وعزيز اصبحوا بالمثل العامي ( شغلة من لا شغل له ) ...
اصطياد في الماء العكر :::

كثير من كتاب الاصفرين يحاول تضخيم القضيه بين اللاعب وناديه ويحاول تصعيدها وهدفهم واضح وهو زعزعة نادي الهلال , فكثير من كتاب الاصفرين استخدم هذه القضيه لكي يستدل فيها على تقليل من مكانة الادارة والجهد المبذول منها سواء من الكابتن سامي الجابر او الرئيس عبدالرحمن بن مساعد حتى ان المدرب الكبير جيريتس لم يسلم من انتقاداتهم واتهاماتهم الخبيثه..

هل هي طيب نيه ام سذاجه؟؟؟ ::

الملاحظ للقضيه ان هناك بعض (وليس الكل) من الكتاب الهلاليين والمعروفين في ولائهم انساق في قضية خالد عزيز بشكل سلبي , فهناك من الهلاليين من تعاطى مع القضيه بشكل لا يخدم ناديه ابدا , بل انه يزيد الطين بله ويزيد الامر سوءا, فبعض الكتاب الهلاليين انساقوا بالاراء ووافقوا كتاب الاصفرين في توتير العلاقه وتصعيدها , ولم ياخذوا الموضوع في هدوء ومنطقيه وينظروا لمصلحة الهلال في كل الاحوال , ولم يتنبهوا الى اسلوب كتاب الاصفرين في الاصطياد بالماء العكر , فكنت اتمنى منهم السير على نهج ( انا وولد عمي ضد الغريب ) ...
فخالد عزيز وان اخطا يبقى ابن نادي الهلال والمفترض من كل كاتب هلالي ان يدافع عنه ولا يتركه لغمة سائغة للمتربصين والحاقدين.
عادة النجوم ::

كثير من النجوم سواء في الكره العربيه او الكره العالميه يرتكب الهفوات سواء خارج المستطيل الاخضر او داخله ,
سواء من غياب عن التدريبات او غيرها ..
والامثله كثيره ولا تنتهي :
1) ابتداء باعظم لاعب مر في تاريخ الكره العالميه ( مارادونا ) , والذي كان له قصص لاتنتهي مع المخدرات والحشيش , ومع ذلك فمنتخب الارجنتين لم يستغني عنه .

2) زين الدين زيدان , من منا لا يتذكر كاس العالم 98 عندما اشترك زيدان مع فؤاد انوار بشكل غير رياضي وطرد على اثرها زيدان من المباراة , ولكن كما هم النجوم يتعلمون من اخطائهم حيث عاد زيدان ليفرح بلاده ويظفر بكاس العالم ...

ولن اطيل في هذا المجال فالامثله كثيره جدا من الكره العالميه , وكثيره ايضا في كرتنا ...
فسامي وهو اسطورة اسيا الاول الا انه اتى له فترات وتغيب عن التدريبات وكذلك يوسف الثنيان الاسطورة الاخرى فكل لاعب يمر بظروف مختلفه ولا يعني غيابه او عدم انضباطه بالتدريبات انه لايحب ناديه او لايحترم مدربه..


نتيجة التصعيد الاعلامي ::


ياسر القحطاني لا احد يختلف على انه افضل مهاجم في السعودية مؤخرا والدليل نيله جائزة افضل لاعب في اسيا عام 2007 ..
جميعنا سمع بقضية ياسر والاستراحه قبل تقريبا ستتة اشهر ...
لن اتكلم عن تفاصيل القضيه ولا يهمني ماحدث اصلا , ولكن يهمني الحديث عن تعاطي الاعلام بالسعوديه مع هذه القضيه ونتائجها على الهلال والمنتخب ..

الاعلام الهلالي وقف موقف المتفرج على هذه القضيه , وسكت عن تطاولات اعلام الاصفرين على مهاجم المنتخب ,
وكأنه اول مهاجم بالدنيا يغلط ( هذا اذا كان صحيحا انه غلط )...

فتمادى اعلام الاصفرين في السب والشتم والتشمت والتشفي...والتمتع في رؤية المدرجات تسخر من مهاجم المنتخب الاول .. فماذا كانت النتيجه؟؟؟

صحيح ان الهلال خرج من الدوري واسيا واسعدهم هذا الشيء , ولكن انتظروا يا ساده فالضرر لم يقتصر على الهلال ....

احباطهم لمهاجم اسيا الاول , تسبب في حرمانهم كأس العالم ..

نعم لقد حرمهم الله من كاس العالم , بسبب انهم ظلموا اللاعب ياسر القحطاني , فمهما فعل وسواء اذنب او لم يذنب ياسر يبقى مسلم ومواطن سعودي والرسول عليه الصلاة والسلام حرم التشهير بالمسلم , ولكن للاسف فالتعصب اعماهم عن تعاليم دينهم ..
واعماهم عن تذكر ان ياسر مواطن سعودي ولا يستحق كل هذا التشهير ...

ولكن تمر الايام , ويعاقبهم الله بعدم تاهل منتخبهم بعد ان قتلوا بانفسهم الوسيلة اللتي كانت ستوصلهم لكاس العالم ...

فانا لا الوم ياسر على اضاعة الفرص السهله , فياسر دائما ماكان يحسمها للمنتخب وفي اصعب الاوقات ..
ولكن اللاعب بشر مخلوق من مشاعر , ويتاثر بكل ما يكون حوله ...

ولكن بعد هذه الحادثه ؟؟؟ اخبروني كيف يتاهل منتخب ليس لديه مهاجم؟؟؟ مع احترامي لبقية المهاجمين في المنخب الا انهم لا يساوون ولا نصف مستوى ياسر عندما يلعب في مستواه ...


مختصر القول , هو ان تصعيد قضية ياسر جعلنا نخسره في النادي والمنتخب , وصدقوني لو ان ياسر تم حفظه عن تلك الحملة الغاشمه , صدقوني لاخذنا الدوري ولتاهلنا لاسيا , وكذلك بلا جدال حسمنا تاهلنا لكاس العالم ومن دون ملحق ...



التاريخ يعيد نفسه :::

في هذه الايام يحصل ضد خالد عزيز نفس ما حصل ضد ياسر من حرب اعلاميه وتصعيد وتضخيم لخطا خالد عزيز , لدرجة من يقول حولوه هاوي ومن يقول اطردوه ,
وكله من تصعيد اعلام الاصفرين وتوتيره للموقف ...

اتمنى من الاداره الهلاليه تهدئة الامور وعدم التجاوب مع عناوين الجرايد المغرضه , وعدم الانسياق وراء محللين الغفله من اعلام الاصفرين , او الانسياق وراء بعض المحللين الهلاليين اللي على نياتهم ( مو كلهم طبعا ) وكلهم على راسي ...
ارجو من الاداره عدم الانسياق لكل رأي يضخم من القضيه , ارجو من الاداره احتواء المشكله دراستها من جميع جوانبها بكل تريث عدم استعجال , وعدم اتخاذ قرارات ارتجاليه في لحظة غضب ...


ادارة الاتحاد ( انصر لاعبك ظالما ومظلوما ) ::

محمد نور هو نجم الاتحاد الاول وصانع امجادهم الاخيره , ولكن رغم نجوميته لا حد ينكر انه من اكثر اللاعبين عدم انضباطية وسوء خلق ( اخلاقه لم تتحسن الا مؤخرا ) وكثيرا ما وضع ادارة ناديه في مواقف محرجه ...

اتذكر في العام الماضي , عندما سجل محمد نور في مرمى النصر الهدف الغير اخلاقي , خرج اعلام النصر لسب نور ولومه على الهدف بحجة ان هذا الشي غير اخلاقي وغير رياضي..
ولكن اعجبني موقف ادارة الاتحاد عندما ناصرت لاعبها ودافعت عنه حتى وهو مخطئ وخطاه واضح وضوح الشمس , ورئيس الاتحاد لفقها له وقال انه لم يكن يقصد ... وهدد النصراويين بكتابة معروض للرئيس العام لرعاية الشباب ان لم يقفوا عن تجريح لاعبهم ....ومن بعدها النصراويين قلت تصريحاتهم ضده ...


وكذلك ارجوا من الاداره عدم السكوت عن اي شخص يحاول ان ينال من اي لاعب هلالي , وكذلك التصريح بالاعلام ان قضية خالد عزيز محلوله , وكل شي في نادي الهلال بخير ونعمه ومانبي منهم الا يتركون نادي الهلال بحاله ..


( طرف خفي يشعل الازمه بين عزيز وناديه ) ::



في النهايه من يفكر في قضية عزيز والهلال , يسال نفسه ؟؟ لماذا عزيز حتى الآن يواصل مخالفته للتعليمات ؟؟
لو كنت مكانه او اي واحد منا مكانه , لن يفعلها لانه مستحيل يقطع رزقه بنفسه , لانه حتى لو اللاعب الحين استلم مقدم العقد , ثلاث سنين وينتهي العقد , فاذا سار بهالشكل ماراح ياخذ عقد ثاني ضخم , اذا لماذا عزيز يواصل ؟؟ مخالفته للاداره؟؟؟

هل عزيز يريد الخروج من النادي؟؟؟ وهل عزيز ضامن له عرض اول ما يطلع من الهلال ؟؟؟

هذه الاسئله تجرنا الى انه هناك طرف ثالث من خارج النادي يحاول تازيم الامور وعدم حلها , ويشجع اللاعب في التمرد , كي اما انه يعرض للانتقال او ينسق وياخذه بمبلغ اقل ويكون انتفاع نادي الهلال منه بشكل اقل ...

لنا في ذلك امثله كثيره , لاننسى عبدالله الجمعان , وكيف كان البلوي له دور في تمرده على الهلال , وكذلك خميس العويران وغيره كثير ....



الختام :::

نادي الهلال هو نادي القرن باسيا , لن يتاثر برحيل اي لاعب مهما كان , سواء عزيز او غير عزيز , حتى طارق التايب اللي الكل توقع ان وسط الهلال بيتاثر من بعده , بالعكس حاليا وسط الهلال اقوى وبدونه ...

المساله يا ساده ان الهلال هو من بنى عزيز , وهو من جلب له افضل المدربين الذين صقلوا مهارته حتى اصبح من افضل اللاعبين في اسيا في خانته , فمن الظلم ان الهلال يبني وبالنهايه ياتي طرف مجهول يحاول تمريد اللاعب على ناديه لكي يخرج من النادي ويمنع الهلال من الاستفاده من خدماته وخصوصا وهو الذي قد جدد معه لخمس مواسم بقي منها ثلاث ....

وفي النهايه ارجو من الجماهير الهلاليه عدم التخلي عن نجمها خالد عزيز ولا تتركه لقمة سائغة ينهشه الاعلام الاصفر , ولهم عبره في ياسر القحطاني وكيف انخفض مستواه بسبب عدم الدفاع عنه ...

وصدقوني خالد انشالله بيرجع احسن من اول ....

وبالتوفيق .. للهلال ضد الفتح .. وبالتوفيق لقناصنا ياسر ...


( يبقى الموضوع مجرد وجهة نظر )

وتحياتي لكم ...

ما ادري أخوي الي فهمته من كلامك انك تؤيد الى يسويه عزيز وكأنك تطالبنا كـ جماهير وادارة الفريق بأن نقف معه " ونطبطب " عليه ونقوله يا عزيز لاعاد تتعودها ..!!

بالعكس انا ضد هذا الشي والى لازم تعرفه ويعرفه عزيز وغير عزيز بأن نادي الهلال لم ولن يقف عند لاعب مهما كان مؤثر هذا اللاعب .

الي سواه عزيز ( خطاء ) ويجب معاقبته وبشدة والأ يرحل غير مأسوف عليه .

للأسف عزيز لم يستغل شهرته وحب الجماهير واللاعبين له ولم يستغل المال والخير اللى جاه .

ويا عزيز لا تقارن عزيز بـ نور ابداً نور له معامله خاصه في ناديه وللأسف المعامله هذي غير احترافيه ابداً فالبعكس البعض من لاعبي ناديه تشعر بالقهر بأن تشاهد لاعب مدلل وهو لا . وهالشي ما نبيه في نادينا ابداً .

اطالب من رئيس النادي اتخاذ اشد العقوبه اتجاه عزيز هالمره . ولا خلوه بسلامته يروح للي يبي .

آسف ع الإطاله أخوي لكن فعلا انا مقهور من تصرفات عزيز والى قهرني اكثر الى يطالبونا بتدليله .

إقتباس الرسالة الأصلية كتبت بواسطة F.C.H ما ادري أخوي الي فهمته من كلامك انك تؤيد الى يسويه عزيز وكأنك تطالبنا كـ جماهير وادارة الفريق بأن نقف معه " ونطبطب " عليه ونقوله يا عزيز لاعاد تتعودها ..!! بالعكس انا ضد هذا الشي والى لازم تعرفه ويعرفه عزيز وغير عزيز بأن نادي الهلال لم ولن يقف عند لاعب مهما كان مؤثر هذا اللاعب . الي سواه عزيز ( خطاء ) ويجب معاقبته وبشدة والأ يرحل غير مأسوف عليه . للأسف عزيز لم يستغل شهرته وحب الجماهير واللاعبين له ولم يستغل المال والخير اللى جاه . ويا عزيز لا تقارن عزيز بـ نور ابداً نور له معامله خاصه في ناديه وللأسف المعامله هذي غير احترافيه ابداً فالبعكس البعض من لاعبي ناديه تشعر بالقهر بأن تشاهد لاعب مدلل وهو لا . وهالشي ما نبيه في نادينا ابداً . اطالب من رئيس النادي اتخاذ اشد العقوبه اتجاه عزيز هالمره . ولا خلوه بسلامته يروح للي يبي . آسف ع الإطاله أخوي لكن فعلا انا مقهور من تصرفات عزيز والى قهرني اكثر الى يطالبونا بتدليله .

شكرا لك اخوي على الرد .....



انا مابي منك تطبطب لعزيز ولا تدللـه, انا كل اللي ابي هو ان ينتبه الجمهور الهلالي للاطراف اللي تحاول افساد علاقة اللاعب بالنادي , وان اللاعب مو معقول لهالدرجه غبي عشان يضيع نفسه بيديه , يعني ما يتمرد الا وفيه واحد يشجعه على هالشي وواقف يسانده , سواء البلوي او غيره .....

اخوي اعجبني طرحك الرائع

لاكن خالد عزيز اذا كان عنده عذر يقوله قبل الغياب مسئلة انه يقفل الجوال ولا ما يرد ويقول مصروق الجوال

والله اني احب ذا الاعب لاكن هو الي يسبب لنفسه الكلام والاحراج

عزيز في المدرجات لين انتهاء العقد

إقتباس الرسالة الأصلية كتبت بواسطة نواف المدريدي10 اخوي اعجبني طرحك الرائع لاكن خالد عزيز اذا كان عنده عذر يقوله قبل الغياب مسئلة انه يقفل الجوال ولا ما يرد ويقول مصروق الجوال والله اني احب ذا الاعب لاكن هو الي يسبب لنفسه الكلام والاحراج عزيز في المدرجات لين انتهاء العقد

يعطيك العافيه يالغالي على قراءة الموضوع والرد

وشكرا على التفاعل

وانا معك ان عزيز زودها شوي , لكن على الاداره التعامل بحكمه وعدم السماح للغير بالاصطياد في الماء العكر

لانه بالنهايه يبقى عزيز ابن من ابناء نادي الهلال وهو من صنعه فمن الظلم ان تصنع لاعب ويجي نادي ياخذه منك باساليب غير احترافيه عن طريق زرع الفتنه بين اللاعب وناديه

لازم يتأدب واذا فكر يلوي ذراع النادي
ينهى كرويا ليكون درسا لمن تسول له نفسه خيانة ناديه رغم ان النادي اعطاه حقه كاملا للاسف

اين حق النادي اين حق الجماهير ؟؟؟؟
رحل الحمار بام عمرو فلارجعت ولارجع الحمار
بستين داهيه ياعزيز الى مزبلة التاريخ مع الجمعان والغشيان وبقية من خانو انديتهم ولم يبقى لهم شي بالذاكره

إقتباس الرسالة الأصلية كتبت بواسطة طخطيخ لازم يتأدب واذا فكر يلوي ذراع النادي ينهى كرويا ليكون درسا لمن تسول له نفسه خيانة ناديه رغم ان النادي اعطاه حقه كاملا للاسف اين حق النادي اين حق الجماهير ؟؟؟؟ رحل الحمار بام عمرو فلارجعت ولارجع الحمار بستين داهيه ياعزيز الى مزبلة التاريخ مع الجمعان والغشيان وبقية من خانو انديتهم ولم يبقى لهم شي بالذاكره

يعطيك العافيه على الرد


بس اخوي مافيه داعي تستعمل هالكلام
الهلال يكرم ولاعبه عزيز يكرم
ومنتدانا منتدى نادي القرن يكرم عن هذه الالفاظ

وشكرا لك

كلامك مردوووووووود عليه يالطيب

وشرايك بعد نطلب مع الاعلام الاصفرين على قولك وانقول سامي هو السبب

يالغالي تراه الهلال فيه فرق بينه وبين الاتحاد

وأستدل بكلامك امس بتصريح نو يوم قاله المذيع انت بالاتحاد شعله ومهم
وفي المنتخب ماش
قال لان بالاتحاد تلاقي بالكثير نجمين ثلاثه <<<<<<<ورب البيت قال كذا

اما بالهلال عد وغلط ولاعاد تقارن نور بعزيز
وكلامك فيه تطبيل وانت الي من جد تبي الجمهور الهلالي الكبير يكون معك ومع عزيز ضد الاداره
معليش موضوعك فيه تشكيك بالاداره

إقتباس الرسالة الأصلية كتبت بواسطة فيصل ينهو كلامك مردوووووووود عليه يالطيب وشرايك بعد نطلب مع الاعلام الاصفرين على قولك وانقول سامي هو السبب يالغالي تراه الهلال فيه فرق بينه وبين الاتحاد وأستدل بكلامك امس بتصريح نو يوم قاله المذيع انت بالاتحاد شعله ومهم وفي المنتخب ماش قال لان بالاتحاد تلاقي بالكثير نجمين ثلاثه <<<<<<<ورب البيت قال كذا اما بالهلال عد وغلط ولاعاد تقارن نور بعزيز وكلامك فيه تطبيل وانت الي من جد تبي الجمهور الهلالي الكبير يكون معك ومع عزيز ضد الاداره معليش موضوعك فيه تشكيك بالاداره

يا شباب والله كلامي لا هو تطبيل ولا هو مجامله

عزيز نعم اخطا ويستحق العقوبه , بس لا يستحق منا ان نجعله اضحوكه للغير

انا كل اللي ابيه ان يعاقب بصمت ومن دون تصعيد اعلامي عشان اللاعب ما تتحطم نفسيته ويصير يرجع لنا بعد العقوبه احسن من اول ...

انت ملاحظ اللاعب من شدة تحطيم الاعلام له اصبح لا يبالي بالغياب

عزيـز ..

اذلف غير مـأسوفاً عليك ..
والا اقولك .. لاينتقل .. خله ف المدرجـآت يخيييييييييييس !
قـآل ايش قـآل تصعيد اعلامي !
هو اللي جـآبها بنفسه ! والهلال مو وآقف عليه ولا عشره غيره !
عندنا رآدوي والغنام .. وبعدهم الغامدي وصـآلح الدوسري والبرقان ..
يقومون بالوآجب واكثرر ..





















/

مع احترامي لفكرك ...
هل الاعلام هو من قال لــ عزيز .... كبــر الوســادهـ ....
وهل الاعلام هو من قال لـ عزيز ... لا تلتزم بالمواعيد ...
وهل الاعلام هو من قال لـ عزيز ... لا تحترم عقدك مع فريقك ...
كل انسان يجب ان يتحمل هو (( وحده )) نتيجة تصرفاته وقراراته ...
عزيزي ... الحي يحييك .. و (( الطبل )) يزيدك غبن .

اخوي الاخوان ماقصروا ووضحو ان الخطا يتحمله عزيز نفسه

تتعاقب الادارات والمدربين ومدراء الكرة وعزيز يكرر اللا انضباطيه بطريقه تفتقد الاحترافيه

هذا دليل على ان الخلل بعزيز نفسه

حتى لو كان في طرف ثالث بالموضوع ماهو عذر لعزيز هو كبير وفاهم والمفروض يكون اكبر من ان هالطرف يحركه على كيفه

غير كذا في مقارنتك بنور وتعامل ادارته معه نور هو نجم الاتحاد الاوحد لو غاب نور او هبط مستواه يضيع الاتحاد

فهم مجبرين يدللونه لان ماعندهم غيره يشيل الفريق

لكن الهلال غني بنجومه وخصوصا في منطقة المحور ولن يقف الزعيم على عزيز ولا على شاكلته