ماعليكم اخر الدوري ان شاء الله باشوفكم فاكين الكشرة

مبروك ليفربولية هاردلك مانشستراوية .. نتيجه اشوفها مستحقه للريدز عطفاً على مجريات المباراة .. ليفربول كان يبي يفوز وحصل اللي يبي .. مانشستر كان متحفظ زيادة على اللزوم .

بالنسبة لإختيارات فيرغي مالومه كثير .. اللهم اندرسون كان المفروض يبدا بدال سكولز .. يعني لو فليتش مع سكولز اهضمها .. لكن سكولز و كاريك وقدام فريق يعتمد على تكثيف الوسط صعبة .. مباراة زي هذي مايبيلها خبره بالنص .. امسك اللاعبين وعطهم كلمتين اشحنهم معنوياً وقلهم انزلوا جيبوا الثلاث نقاط وازهل الباقي !

اوين كان المفروض يبدأ او اقل شي يلعب بدري بعد بداية الشوط الأول .. روني خذلني بصراحة في هالمباراة وكان سيء .. عموماً نقول الرجعة من الإصابه مآثرة والجاي احسن ان شاء الله .

بالنسبة للتحكيم .. طبعاً شفنا اخطاء فادحة وضرت المان بس عادي دام مانشستر هو المتضرر .. بلنتي صحيح لكاريك + طرد كاراغار قبل 5 دقايق من النهاية .. بلنتي كاوت خطأ عليه ارجع للقطة يبو عزيز كاوت ساحبه اول وفنيله بيربا مشقوقة بس من ورى لو انتبهت

عموماً ما احب ابرر التحكيم ظلمنا بس فريقنا ما كان يستاهل يفوز .. وبالنهاية ليفربول يستاهل الثلاث نقاط .. الخسارة ما راح تأثر كثير .. اهم شي ابي تعويض يالسير .. ما نبي تفريط بالمباريات الصغيرة والبداية من بلاكبيرن السبت الجاي وهذا الاهم وهالنقاط هي اللي تجيب الدوري

مبروك للي فازوا هاردلك للي انهزموا .. مباركه خاصة لابو عزيز و هلالي اصيل