|
لمن يبحث عن السبب ؟هذا هو الفرق بين الهلال والاتحاد الاتحاد في بطولة آ سيا يقلب النتيجة من هزيمة إلى فوز ثلاث مرات أمام الاستقلال الايراني والشباب و اليوم أمان الفريق الياباني والهلال بالعافية يسجل هدف في مرمي خصومه الاتحاد في طريقه ليحقق اللقب الثالث و يذهب لكأس العالم للمرة الثانية وسيفعلها ونحن مكانك در لم نسطتع حتى وصول دور الأربعة والأسباب في رأيي كالتالي : 1- فريق الاتحاد فريق يلعب بروح عالية بينما لاعبينا دلع في دلع شوفوا الدعيع وش سوا في البلانتيات أمام أم صلال واقف مكانه و ياسر القحطاني ما عندك أحد و الإدارة والجماهير والإعلام صاروا شحاذين عنده لعله يسجل , يصنع, يقاتل في اللعب ولا سوا شي فقط تفرغ للتمثيل عند المرمي وقصات الشعر والإعلانات التجارية . 2- لاعبينا ينتظرون أي عذر أو عدم الاستقرار في الإدراة الفنية حتى يأخذوا إجازة كما حدث العام مع إقالة كوزمين كيف لا و رئيس النادي يقول لهم بعد خسارة الدوري كنت عارف أنكم ما راح تقدرون و أنا أسامحكم في ذلك بينما لن أسامح خالد عزيز . سامح فريق بكبره ولم يسامح لاعب.بينما في الاتحاد أعضاء الشرف منقسمين ثلاثة أقسام و الوضع المادي في أسوا ما يكون ومع ذلك الفريق شغال على أحسن ما يكون 3-غالبية لاعبي الاتحاد من إنتاج الاتحاد لذا ترى فيهم الولاء للنادي الذي قدمهم للجمهور بينما لاعبينا لا يوجد في التشكيلة الأساسية سوا محمد الشهلوب وهو الوحيد الذي يلعب من قلبه . والدليل على ذلك الهلال كان زعيم آسيا يوم كان في التشكيلة فهد المفرج , خالد الرشيد , الدوخي , التيماوي , الثنيان, خميس العويران , سامي الجابر , الجمعان والقائمة تطول . لأن لاعب النادي إذا لعب بروح عالية أمتد ذلك إلى كافة أعضاء الفريق الذين قدموا من خارج الفريق وخذ محمد نور عندك مثال . 4- في النهاية أقول لن يسكت المشككين في لقب القرن إلابالذهاب إلى كأس العالم عشان كذا سمعنا من يقول الاتحاد الأجدر وسمعنا من يقول كيف يعطى نادي لم يذهب إلى كأس العالم لقب كنادي القرن وجميع الأندية في العالم التي فازت بهذا اللقب تواجدت في المونديال . |
مع احترامي لك خل النقد لاهله إقتباس:
اما من ناحية كيف نعطى اللقب فأقول لو يرجعون لتاريخ آسيا للقرن الماضي ويشوفون من اللي يستاهل اللقب واللي يقول ان الاتحاد يستاهله اقول وين الاتحاد القرن الماضي؟ بكل المعايير الهلال نادي القرن و زعيم آسيا |
ياليل المندسيــن إقتباس:
فيه فرق بين استقرار فريقك ودعمه من الاتحاد السعودي وتفريقغ اللاعبين الدوليين في أي بطوله اسيويه عكس مايحدث للهلال الهلال اقالة مدربين خطف مدربين خطف دوليين اتحدى يحدث لفريقك نصف مايحدث للهلال في اسيا الهلال رغم انه بدون مدرب وبعراقيل سلطان الاتي وصل لـدور الـ16 بدون اي خساره حتى خسارة ام صلال كانت بضربات الحظ إقتباس:
الاتحاد راح لكاس العالم والهلال لأ فـ هذا يعني ان الاتي احق باللقب والست بطولات تروح في التراب اهم شي كاس العالم :D اللي خلاك تروح كاس العالم هي البطوله الاسيويه اللي حققتها :razz: اذا على كاس العالم أجل النصر أحق من الهلال :razz: اتمنى من جماهير الزعيم ان لاتنجرف خلف المندسين بأذن الله هلالنا مع غيريتس في الاسيويه القادمه يدق خشم اتحادنا الموقر ولكن اللي محيرني ان الاسيويه بتبدأ ان شاءالله لكن العراقيل المحتمل حدوثها بتكون من اي نووع؟؟ تظهر مباراة عجييبه غرييبه مثل مبااراة تونس !! او يقال غيريتس ,, او !!!! لدى اتحادنا افكار جهنميه متجدده وابصم بالألف ان ملف العراقيل مـُجهز من الان بيد اسير الشوق بس اعجبني قصات شعر ياسر شكل شعرة ياسر في نهائي جده للحين مانسيتوها :D |
ياقلبي خلينا شوي نكون على صراحه شوف الفرق بين لاعبين الهلال والاتحاد محمد نور ابو شروان لوسيانو الشرميطي المنتشري كريري الرهيب صدقني اسماء تحرث الملعب حرث لااسف ادارة الهلال ما تشتري زي منصور البلوي بالله المرشدي بالله وليهامسون مسوي فارق في الهلال زي رادوي والا تفاريس والا كماتشو بالله الزوري لاعب وربي اليوم حزت في خاطري والله الهلال بعيــــــــــــد عن بطـــــــــــــــــولة اســــــــــــــــــيآ بقووووووووه للاسف بطولات اسيا جات على عهد الرجال الثنيان وسامي والغشيان والتيماوي وبصير و ....... الله يرجعك يا بتدر بت محمد للرئاسه يارب ودي والله في فترة الانتقالاث الشتويه مـــــــــــــــايلي : تســـــريح وليهامسون وجلب اسماعيل مطر تســــــريح الكوري لي بيو وجلب كامل المر لانو طالب بالهلال واكيد لي بيو لاعب كبير ومكسب تســـــــريح نيفيز وجلب مهاجم قوي جدا <<< بكاري كونيه لاعب مرسيليا وصدقوني اذا تبغون الهلال يرجع هلال 2000 ======================== الدعيع ==================== شافي الدوسري====== (( مدافع محلي قوي)) ==== اسامه========== كامل المر ===========رادوي ====================عزيز=========== ===========((اجنبي يصنع فارق))====================اسماعيل مطر ==================مهاجم اجنبي هداف===============نواف العابد |
- إقتباس:
1- مبروك زايد- نادي الرياض 2- صالح الصقري - نادي الطائي 3-راشد الرهيب- نادي الأتفاق 5-سعود كريري- نادي القادسية 6- هشام بوشروان- أجنبي 7-امين الشرميطي - اجنبي 8- احمد حديد- اجنبي فقط 1 محمد نور 2- حمد المنتشري 3- عيد الشمراني من النادي !! لكن الفرق في الأتحاد الأستقرار التدريبي >>> الله يذكر كوزمين بالخير الروح القتالية العالية |
آلسبب مآفيه لجنة بحث عن المنشطآت قبل المبارآة =) , |
اهم شي نسفيد من الاتحاد بالضغط على الخصم والروح العاليه لاتنسون بعد فيه عوامل خارجيه مثل التسهيلات اللي مقدمها الاتحاد السعودي لناديهم الاتحاد وعامل النقص عند ناغوريا *ياحظ اليابانيين بالروح الرياضيه اللي نفتقدها عندنا |
يا جماعة لن تكون العودة إلى بطولة آسيا بهذه النظرة لكل نقد صريح . أنا هلالي من عشرين سنة ولا مندس ولا ما يحزنون . روح الهلال باقية فقط في الشلهوب وسامي . سامي الذي قال بعد أول مباراة في البطولة الحالية إذا كنا زعماء فعلينا بالعودة إلى الزعامة سامي الذي كان يجلس قبل المباراة ثلاثة أيام يفكر في كيفية الظفر بالفوز . سامي الذي كان يصنع , يسجل , يحرث الملعب عشان يطلع بنتيجة وسامي فقط مثال ولا أنسى بقي أفراد كتيبة القرن كتيبة الثنيان والتيماوي والعويران والغشيان والدوخي والقائمة تطول. جيب لي مباراة في العشر سنوات الأخيرة تظاهي مباراة الهلال الترجي 1-0 عام 96 , الهلال الشباب 3-2 عام 99 , الهلال النصر 3-0 عام 89 , الهلال النصر 2-2 عام 96 يوم هدف يوسف الشهير , الهلال جابليو 3-2 عام 2000. تبغى تتأكد روح حمل هذه المباريات وشوفها وتشوف الفرق الشاسع في الروح وأقول الروح . فريق ليفربول هو الأعظم في انجلترا ومع ذلك المتابعين الآن يرون مانشيستر لماذا لأن مانشيستر هو الأبرز . نسبة من الجيل الحالي من جماهير الهلال والجيل القادم لم ترا الهلال في بطولة قطر 92 وحتى بطولة 2000 لذا لا بد من العودة إلى زعامة آسيا إذا كنا فعلاً زعماء . |
ههههههههههههههههههههههههههههههههههههههههههههههههه ضحكتني وانا جوعااااااان اقول الله يصلحك قول امين |
وربي انكم مندسين ..... ضف وجهك انت وياه لمنتداكم .. ولا عاد اشوفكم توطوطون بمنتدى نادي القرن |
صدقت والله ننتظر لاعب عشان يسجل كنا نطره ... وقابلوني لو اخذنا لقب اسيا بالزوري وياسر .لابد من مهاجم اجنبي وياقلب لاتحزن |
كلامك سليم مية بالمية الهلال هلال زمان مو الحين والله قههههههههههههههر الاتحاد يهزم ام صلال ب 7 والهلال مو قادر يسجل هدف |
شباب لازم نتكلم بعقلانية الإتحاد فريق كبير بس محد قال هو الأحق بنادي القرن الإتحادية نفسهم هم يقولوا الهلال نادي القرن اذا جا على كم واحد خلاص حكمنا على الكل كمان نادي الإتحاد نادي كبير لحد ينكر أقوى الفرق ما قدرت تفوز عليه تعادل مع ريال مدريد وهو في كامل نجومه ليش نصغر من قيمة النادي بالعكس المفروض نفتخر انه عندنا في الدوري السعودي نادي زي الإتحاد انا كلامي هذا مو معناه اني افضله على الهلال بس انا اتكلم بشفافية لانكذب على نفسنا |
إقتباس:
|
للوراء دور شوف بطولات الزعيم وقارنها ببطولات الاتحاد ع قولتك نادي القرن الاسيوي لم يأتي من فراغ ابحث عن الحقيقه ولا تقولي قلب النتيجه وذا تبي النتيجه المقلوبه شوفها مع جابيلو الياباني في الرياض وتعرف من الزعيم يكفي ثرثره |
| الوقت المعتمد في المنتدى بتوقيت جرينتش +3.
الوقت الان » 12:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd