|
هذا ماقلته قبل اكثرمن سنتين في عزيز...(و ربنا مايحرمك من العبط ) يانجيب حيـــــــــــاكم القضية ليست في كونك لاعباً محترفاً سواء كنت في الهلال او الاتحاد او الاهلي المصري او غلاسكو رينجرز او حتى المحمدان البنغلاديشي :to: القضية تنعفط وتنطوي وتتشرذم تحت جلباب ( الاحترام ) لمهنية الاحتراف :yes: لاعب محترف >> يعني موظف >> يعني لازم تحترم دوامك وتحلل راتبك :d قبل اكثر من سنتين... كان لي مقال بالرياض خفيف ولطيف وظريف وقليل الدسم وطرحت وجهة نظري في عدو الانضباطية ( عزيز ) لكن باسلوب مهذب وابن أكابر رابط المقال لكن تمضي الايام ويتعاقب المدربين والرؤساء... وسامي يعتزل ونواف يعتزل والثنيان يحلل والمفتي صالح كامل يحذرنا من الزنوب :to: وعيال مساعد يدّهرووون وخبيلان وزبانيته يعلكووون ويحلمووون وكل شي يتغير ويتطور الا عقلية ( عزيز )... مثل ماهي ومكانك راوح !!! قبل فترة بسيطة طالبت الادارة انها ( تنزل ) لمستوى عقليته بلغة الحوار السطحي لكن يبدو ان هالحبيب ماراح يفهم حتى لو عقدوا معه اجتماع في ( ابوهيثم ) وعلى هدير الجمر العام الماضي فاحت ريحة ( العويران ) وحطينا حيلنا فيه وماقلنا لك شي وبعدها بكم شهر تنكبنا بالنهائي وترفس هزازي وتطلع مطرود .. وبرضه دافعنا عنك هذا غير الفركات للبحرين قبل المباريات المصيرية... ونظامنا معك ( استروا ماواجهتم ) يابن الحلال انت وش جوّك بالضبط ؟؟ تبي تلعب وتخلص للشعار وتحترم الجماهير والادارة والكيان... ابوها وسمّها تبي تبقى ( ضايع ) مثل ما انت ... خلك على عماك وبيجيك حقك . . أهبل بوظبي ... ( يموت الزمّار وصوابعه بتلعب ) على رأي هالمثل الشعبي المصري.. نجيب الرحمن رغم فشله الذريع وخيبته الكبرى مازال بكل صفاقه وبجاحه يحاول يحتك ويحط راسه براس ( الهلال ) انا بصراحه استغرب من صبر اهالي الامارات عليه وعلى حماقاته خصوصاً من بعد هوشته الشهيره مع القطريين في كاس الخليج الماضية وكان سبب بحرمان دولة الامارات ( لوحدها ) من حقوق النقل بسبب حماقاته المتكررة يا اخي وين ماتروح بكاميراتك تنكرش ويطردونك الرجاجيل بشكل مضحك مشكلة ابونجيب انه فاهم الاثارة غلط :d مايدري ان فيه فرق شاسع بين ( الاثارة ) و ( البثارة ) يابونجيب ترى الهلال اكبر بكثير من ( أفق النظر ) فما بالك بواحد مثلك ينتقص من قيمته ؟؟ جماهير الهلال تضاهي سكان ( دول ) كاملة.. فماذا عساك فاعل ؟؟ والأهم من ذلك هذا الشخص تطاول وشكك بذمم المسؤولين في الاتحاد السعودي لكرة القدم وأسقط غير مرة بين ثنايا برنامجه ضد القيادة الرياضية السعودية ما ترك شي... فساد + رشاوي + اتهامات + استخفاف وللاسف.. سكوت المسؤولين كان سبب في تماديه حتى وصل لدرجة غير مقبولة ابداً ومازال مستمراً في حماقاته واساءاته ضد اندية الوطن وقيادات الوطن ولا ادري صراحة الى متى بيستمر هالوضع !!! |
يشرفني ان يكون الرد الأول على قلم كبير مثلك ولي عوده بعد القراءه |
عزيز اعتقد انه بيتعب الادارة لو ما تعاملت معه بحزم |
الله لا يحرمنا من ابداع الكلمه منك عزيزي |
قال احد الحكماء: ما رأيت اتعس من أربعة رجل لا يشرب القهوة وهو يصنع الدلال ورجل يعاني القبح ويدعي الجمال و رجل يصوم رمضان ويفطر قبل الزوال قيل ثم من ؟؟ فأطرق رأسه ودمعت عيناه وقال رجل يشجع فريق يهزمه صغار الهلال *** |
خالد عزيز يجب حل مشكلته نفسياً مع الإدارة ومحاورته بكل هدوء عن مسببات تصرفاته |
لللللللللللللللللللي عودة |
خالد عزيز تعبتنا وتعبت الاداره معاااك |
|
من وجهة نظري ان كلامك قوي للغاية .. ولغة "شرسة" تجاه اللاعب خالد عزيز .. ولكن لك حق والله .. وانا قاعد اقرا .. حسيت شيء يقرقع في صدري كأني انا اللي قاعد اقول هالكلام :) خصوصا " يابن الحلال انت وش جوّك بالضبط ؟؟" :) قد يكون اخر العلاج الكي .. فعّال مع عزيز .. الفريق ماشي صح .. والا يطلع شيء ينغص علينا .. بالنسبة لنجيب إقتباس:
لقى من يسمعون له صراحة ... بس صدقني ... قربت نهاية برنامجه ... خذها مني .. وبارجع اذكرك ان شاء الله تحياتي لقلمك |
عزيز يحتاج لجلسه محاورة بينه وبين الادارة حتى تنحط النقاط عالحروف مع اني خايفه انه ماينضبط حتى خلال هالاربع اسابيع |
إقتباس:
اما عزيز فعتقد ان الاعب قد كتب نهايته بيده اخوي الصخرة عوافي على الطرح المتميز كالعادة |
عزيز على وشك نهااااااية رجل شجاااااااااااااااااع اما نجيب فاسمه لايعكس الواااااقع اللي يعيشه |
خالد عزيز قاضي ومنتهي ولن تصلحوا ما افسده الدهر وانا من وجهة نظري اقول يبقى بالاولمبي الى اجل غير مسمى لما يحدث الله بعد ذلك امرا .... اما نجيب الرحمن الشرهه مو عليه الشرهه على شيووووخه الي مخلينه ينهق على قناة تحمل اسم عاصمتهم .... |
إقتباس:
اما انه احس انه غير مرغوب به بعد وجود رادوي او ان التلميحات الاعلاميه من سمو الامير تركت اثر في نفسه ... والله انه لاعب ومحارب وعندما غابت الروح عن الهلال تجدها عنده ... اتمنى يكون هناك مصارحة وبحضور الدعيع ( عشانه صديقه) بجد لازم احد يفهم الاعب ويفهمه ... واذا كان مايرغب اللعب بالنادي يعطى مراده ... |
| الوقت المعتمد في المنتدى بتوقيت جرينتش +3.
الوقت الان » 05:02 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd