يا جماعة أبي واحد يفهمني بالهداوة والتركيز ايش التعليل المنطقي والعقلاني من قرار لجنة الإنضباط تجاه نادي القرن تحديدا ..

لعبت المباراة في المنطقة الغربية على أرض نادي الأهلي وبين جماهيره ..

ساند الهلال في تلك المباراة جماهير الهلال العريضة في المنطقة الغربية .. حصلت المشاجرة بعد ذلك وخل نفترض جدلا إنو الخطأ وقع من جمهور الفريقين ..

مع إن لقطات الفديو تظهرتعدي جمهور الأهلي على الجمهور الهلالي وعلى ممثلي ناديها لأنهم كانوا محتقنين ومعصبين زيادة عن اللزوم ..

نعرف إنو السارق تنقطع يده .. موب خشمه وإلا إذنه ..

لما تجي لجنة الإنضباط وتصدر قراراتها ضد الزعيم وتحرم جماهيره في أرضه من متعة حضور مباريات فريقها .. وين المنطق القانوني في هذا القرار؟

أخطأ جمهور الهلال في الغربية (والإفتراض للجدل لا أكثر) نروح نعاقب جمهور الرياض ؟؟

ليش ما نعاقب جماهير الغربية (لو كانوا أخطأو أصلا) ؟؟ جماهيرنا في الرياض اللي تنتظر مباريات فريقها وش ذنبها ؟

طيب جدلا جدلا جدلا سلمنا بمعاقبة كل جماهير الهلال حتى اللي في الصين الشرقية والكونقو وأرض الأحلام حقت النسر الذهبي .. ليش نعاقب النادي من أساسه ؟؟

الزعيم يمثل نفسه سواءا بالجمهور أو بدون الجمهور .. تصوروا عشاق البلاي ستيشن تضاربوا مع عشاق الإكس بوكس .. نروح نضر الشركتين سوني ومايكروسوفت ونعرقل استثماراتهم؟

ليش نحمل النادي المسؤولية ولا نحمل إدارة الملعب أي مسؤولية ؟؟؟؟؟؟؟؟؟؟؟؟؟؟؟

هذي إشارة للهروب من المسؤولية لا أكثر ..

أتمنى أي واحد يقرا الموضوع .. يسأل الناس اللي حولينه هذي الأسئلة ..

لأني درست مادة في القانون والعدل وأخلاقيات المهنة وأحس إن الوضع هنا ماشي زي الشاورما :

" لا قانون ولا هم يحلموووووووووووووون ! "

يالله دامنا ساكتين دايم وطيبين وحبوبين وما نحب المشاكل ..

خل نشوف كذا ندور لنا كم مخرج للجنة الإنضباط مسكينة يا حرام .. مع إنو كل الأندية تحبها ولا تشتكي منها .. لكن :

" إذا غضبت عليك بنو زعيم(ن) ... حسبت القوم كلهم(و) غضابا "

أنا راجع للرياض بعد كم سنة غربة في آخر بقاع الأرض .. أتابع المباريات الساعة ٥ الصباح ..

وبهذلة مع الجست إن الفاشل عشان متابعة المباريات ..

وواعد نفسي أطلع حرتي أول ما أرجع أحضر كل مباريات الزعيم القادمة في الرياض ..

وعلى رجعتي النحيسة ينقلون المباراة ..

بجد حاجة تضايق !

يا طويــل العمــر
كلنآآ لبعظنآآ
فجمآآهيــر الفقر عرفوآ بأنهـم لا يملكون العقل كآآملآآ ولا حتى نصفـه
فالمشآآجرآآت اللي في الدمآآم الدليل على ان جمآآهير الفقر اللي في الدمآآم هم الفقرآآويون الوحيدون الذين لا يملكون عقلآآ
لا بل الفقرآآويون جميعهـم
يعني جمهور الفقر اللي في الريآآض ما شفنآآ منهـمـ مشآآجرآآت
قيدنآآ وحــده
لا تقولي مالهــمـ ذنب
احمد ربــكـ ان المبآآرآآة ما هي عندنآآ فالمدينــة ولا ورب الكعبــه مو ينقلون المبآآرآآة
يمنعون الجمأأهير الهلآآليـة منعآآ بآآتآآ ما يدخلون الملآآعــب
ولا لو بكلآآمـكـ
وش ذنب الآآعبين يروحون الاحسآآء
الجمآآهير هم اللي شآآغبـو آ
فزي ما سكتو الآعبين ومآآ قآآلو شئ
برضو انتم يا جمآآهيــر الريآآض لا تقولون شئ
تحيآآتي لكـ
ترى غير فهآآمــة
ومدري لو خرجت من الموضوع
اتمنى اني افدتـكـ

صراحة قرارات عشوائية مدري كيف قايلة !

وصدقت أخوي شبل الحربي .. ويظل السؤال الكبير .. وش هي معايير العمل عند هاللجنة !

قرأت خبر في جريدة الرياض اليوم .. كل العقوبات جات منصوص عليها بمادة محددة وواضحة (مثل إيقاف وليد عبدالله حارس الشباب حسب المادتين 28 و 37) .. إلا قرار نقل مباراتي الهلال والأهلي !

http://www.alriyadh.com/2009/10/20/article467812.html

والله يازين الشاورما قدام هالدجه مواللجنه قرار نقل اول مباره للفريق الى ارض الخصم قرار خاص لايعاقب فيه غيرنادي الهلال بس هالمره تطورت اللجنه حطو غرامه ماليه كأن الهلال قال للجماهير قوموتضاربوا الله يعين على هالموسم باقي ماشفتواشي اول الغيث نقل مباراه

والله ياخوي انا كنت حاضر بالملعب وقاموا جمهور الاهلي باهازيج استفزازيه لجمهور الزعيم وردوا عليهم بالمثل
وبعدها بدى جمهور الاهلي بالحذف تبغى جمهورنا يتفرجون الا ياخذون حقهم

والغلط على اللجنه المنظمه والا كان المفروض فيه حاجز امني بين الجماهير لجماهيرية الفريقين وتحسبآ للمشاكل
وحتى برا الملعب قاموا بضرب اي مشجع هلالي وما فك المضاربات الا رجال الامن

تقبل مروري

والله ما لك ذنب لا إنت ولا جمهور الهلال في جدة لاكن هذا نظام دوري زين ومن قبل دوري المحترفين ولا شفنا لازين ولا أحتراف ولجنة الأنضباط يبغا لهم ضبط وإذا مايبون الهلال يشارك وينافس علي البطولات عندي طريقة يسون قرعة علي الدوري للفرق المشارك ويطلعون الهلال من القرعه وتنتهي المهما الصعبة علي الأتحاد السعودي وعلي الأندية المدللا

أنا أقول والله لو شبيه الريح يطرح فكرة على مجلس الإدارة إنهم يشيلون عفش النادي وينقلونه أحدى هالدول الأوروبية إنه أكرم وأصرف ..

على الأقل الواحد يحس بالمنافسة الشريفة بعيدا عن المحسوبيات والواسطات وتدليل الفرق المنافسة للزعيم ..

قسم بالله لما أشوف مواهب النادي وتجهيزاته واستعداداتع ومنشئاته والطريقة الإحترافية في تعاملات إدارته .. والله أتحسف إنه نادي سعودي مع فرق هالكديش ..

ملينا من حرق الأعصاب .. من لجنة الإستقعاد للزعيم :s

يا رجال لجنة من أولها لآخرها لجنة فقراوية والزعيم حارق دمهم ... ولجل مصالحة جماهيرهم الفقراوية بعد حصول الهلال على لقب نادي القرن .. بدأت تظهر قراراتهم الرعناء .. لكن االزعيم جمهوره في أرجاء المعموره .. لا شمالها ولا جنوبها ولا شرقها ولا غربها .. وين ما راااح الازرق أنا ويااااه.. ويمدحووون خلاص الحساء ... منها تشووف المباراة ومنها تجيب معك تمر خلاص ..
(يقولون التمر مسامير الركب)