قصيده تحكي ماحصل البارحه في قناة ابوظبي وعبر برنامج خط(الفتنه) او السته - نادي الهلال السعودي - شبكة الزعيم

شبل الزعيم99 · #1 20/10/2009, 03:47 AM

البارحـــه جالس واطالــع في قــــناة ابوظبي
واسمع نقاش اهل الفضاوه والهدف حب اطلاع
واشوف من يمشي ورى حلم البطوله ويحــبي
بمساعدة ذاك المذيع اللي عقد مـــــعه اجتماع
كلامهم لو يــــكثرونه ما يـــــــصدقه الـــغبي
مثل الفريق اللي هـــــــجومه يكسره خط الدفاع
ياهــــيه يالـلي تـــكثر الأهات بالله وش تــبـــي
تـرى الحقــيقه ماتغـــطيها بأساليـــب الــــخداع
حنا نعرف إن الحسد في داخلك يـــدبي دبــــي
حتا سكن فيك الحزن وانصبت بأنواع الــصداع
الموج الأزرق يـسرق افراحك ويســبيها سـبي
خلا فريقك يهــتوي طــعم الــهزيمه والــضياع
زعــيمنا خلــفه ســمو المــجـد والــحر الأبــي
ابـــومساعد قايد الأبـــطال والـــــشهم الشجاع
ازرق زعــيم الـــقرن بأمر الله تحقق مانــــبي
واحلامكم مثل الجلــيد الــلي من التســخين ماع

وبالصوت
http://up.ftahilah.com/up//download....4ec1baae8d.mp3

شبل الزعيم99 · #2 20/10/2009, 11:32 AM

ولا رد غريبه يازعماء

القويطير · #3 20/10/2009, 11:35 AM

مسكين وطبيعي تكون نهاية نجيب الرحمن الى سلة المهملات

شبل الزعيم99 · #4 20/10/2009, 07:54 PM

إقتباس

الرسالة الأصلية كتبت بواسطة القويطير


	مسكين وطبيعي تكون نهاية نجيب الرحمن الى سلة المهملات

القويطير

سرني حضورك ياغالي

وفي رعاية الله

شكسبير الـزعــامــه · #5 20/10/2009, 11:42 AM

يعطيك العافية على القصيدة وبعد ماشفت خط الفتنة امس ادركت ان سلطان على حق بطردهم من السعودية كالخراف

شبل الزعيم99 · #6 20/10/2009, 08:25 PM

إقتباس

الرسالة الأصلية كتبت بواسطة عمر حمدي


	يعطيك العافية على القصيدة وبعد ماشفت خط الفتنة امس ادركت ان سلطان على حق بطردهم من السعودية كالخراف

عمر حمدي

سرني حضورك

مودتي

monster · #7 20/10/2009, 01:03 PM

صحيت والله يعطيك 1000عافية
كلام جميل وفي محله اشهد انك شاعر مبدع ويستاهل الهلال نتغنى به كل واحد في مجاله وعساك عالقوة
ننتظر جديدك يا ذيبان

شبل الزعيم99 · #8 20/10/2009, 08:54 PM

إقتباس

الرسالة الأصلية كتبت بواسطة monster


	صحيت والله يعطيك 1000عافية كلام جميل وفي محله اشهد انك شاعر مبدع ويستاهل الهلال نتغنى به كل واحد في مجاله وعساك عالقوة ننتظر جديدك يا ذيبان