السلام عليكم
اول شي بأبدا في الموضوع بدون مقدمات وباتطرق لعدة نقاط عن الجمهور الهلالي
اولا: النجم الدولي خالد عزيز
ماتلاحظون هالايام الجرايد طايره بخالد عزيز وش عقوبته وايش بيسويله جيرتس طيب المفروض حنا كجمهور نعشق الكيان الأزرق ان مانسب عزيز او نطالب الأداره بترحيله ياخي خالد عزيز مشكلته تغيب عن التمرين وسووله مشكله مابعده مشكله البعض يسبه والبعض يقول انه مستهتر ياخي هاذي لاعب مثله مثل باقي الاعبين الرجال غاب عن التمرين وفيه الاداره مسؤوله عنه حنا مالنا علاقه فيه
وارجوكم موضوع عزيز لأحد يجيب طاريه في المنتدى لأن خالد مثلي ومثلكم يدخل المنتدى ويتصفح زي حنا مانتصفح لذلك خلوا موضوع عزيز على الأداره.

ثانيا: موضوع ياسر وكل يوم طالع لنا واحد يمدح في ياسر والي يسب طيب تبون رأيي ياسر الموسم هاذا يعاني ويعاني من الجمهور والدليل كل ماجت كوره معه يبغى يجيب هدف علشان مايسخط عليه الجمهور انا اطلبكم ماتقولون ياسر بدع ولا مابدع خلونا مانجيب موضوع ياسر لمدة شهر ونشوف ياسر ايش بيسوي.

ثالثا: موضوع تياقو نيفيز كل الجمهور ضده وخذلك سب فيه وشتم وانه دجه وانه فاشل وانه يضيع فرص طيب ليش كل واحد يسبه والي مايبيه والي انه كذبه طيب مافيه مدرب يحكم مافيه اداره تحكم حنا وش ماني فيه علاقه ولانقدر نحكم عليه ولا على اي لاعب ثاني ونسيتوا ويلهامسون اول ماجا للهلال الي يقول انه فاشل والي يقول والي يقول ان الهلال مغشوش به وخذلك سب فيه والحين شف وشلون لعبه افضل لاعب يمتلك لياقه في الدوري السعودي هو ويلهامسون والصبر مفتاح الفرج اقولكم اصبروا ياجمهور الزعيم وتشوفون نيفيز افضل من ويلهامسون والأيام بيننا ولايهمكم كلام الصحف هاذولا اغلبهم صحفيين يبغون يدهورون الهلال ماعليكم خلوا القافله تسير والكلاب تنبح.

رابعا: وبالاختصار الكابتن الدولي محمد الدعيع خدم الهلال طول هاذي المده والحين يجيك واحد يقول نابيه خلوه يعتزل وعلى فكره للمعلوميه الموضوع الي انتشر عن الدعيع عن طلب سمو الامير عبدالله بن مساعد الامير عبدالله ماقال الكلام هاذا الا وهو من يبغى محمد يعتزل وهو على حراسته المتميزه يعني يبيه يعتزل وهو مازال يقدم الكثير للفريق الهلالي وسموا الامير يعرف محمد انه حارس من طراز عالمي
واعيد واكرر محمد لن يعتزل الا بعد 3 مواسم او اكثر لانه مازال يقدم الكثير والكثير لنادي القرن.

ودمتم بود..