|
جمهورنا في الغربية..عُذراً..! http://fss55./329.gif للمرة الثانية تنقل مباراة للزعيم على أرضه إلى أرض المنافس من بوابة الغربية! وهنا أضع علامة استفهام على تصرفات جمهورنا العزيز في الساحل الغربي؟! رغم أني أؤمن بأن جمهورنا هناك كان ضحية استفزاز واضح من قبل الجماهير الأهلاوية وأنهم لم يزيدوا على أنهم ردوا بالمثل على جمهور غاضب أراد تفريغ غضبه في لاعبيه ثم جماهير الفريق الآخر! لكننا في النهاية خسرنا أفضلية اللعب على أرضنا وبين جماهيرنا ! نعم هناك فارق في الإمكانات بين الزعيم والنموذجي لكن الكرة لا تعرف التاريخ بقدر ما تعرف من يحترم الخصم ويقدم ما يشفع له بالفوز والانتصار. كان من الممكن أن تكون مباراة الجمعة فرصة لإراحة لاعبينا من السفر والتنقل وهم يستحقون ذلك بعد أداء مميز أمام الأهلي لكننا للأسف قررنا ألا ندعم فريقنا ونساهم في إنجازاته وإراحته نفسيا وعصبيا بدعمه في أي مكان يذهب إليه كما تفعل الجماهير الواعية في أوروبا عندما تصفق للاعبيها حتى عند الخفاق! للأسف كنا في أحيان كثيرة عامل ضغط على اللاعبين بصيحات الاستهجان عند ضياع الفرص وعامل قلق خارج أرضنا حتى عندما نفوز فتأتي العقوبات قاصمة سريعة وصارمة فتبدأ دوامة الاضطهاد التي يعانيها لاعبونا وإداريونا مع كل جولة ويبدأ المدرب الكبير بفقد تركيزه وتعجبه من العواصف التي لا تخرب إلا محصوله دون المحاصيل والحمدلله على كل حال وكما حدث لكوزمين عندما فقد السطيرة على نفسه عند التتويج العام الماضي قد يحدث لجريتس الذي ربما يدخل هو الآخر في دوامة عنيفة من القلق على مستقبل فريقه الواعد والذي لا يجد المنافسة في الملعب فقط بل في المدرجات وفي الصحف وخلف كواليس القنوات وفي أروقة الإتحاد وتحت أستار اللجان بمختلف مسمياتها! نعم كنا مظلومين يا جمهورنا العزيز لكننا أكثر ثقافة من أن نستفز وهذا ما يريدونه فقناة الميول ركزت على مدرجات الأهلي وهي تنتظر قارورة تائهة تقذف نحوها من قبلنا وتجاهلت مدرجات الهلال التي قذفت بوابل من القوارير ! لابد يا جهمورنا العزيز في الغربية وفي كل مكان أن نستوعب درس مباراة الوحدة وكيف استقبل الإتحاد هدية لجنة الانحطاط واستفاد منها ! ليكن شعارنا ألا نرد على أي تصرف أرعن من جمهور خسر كل شيء وليس لديه ما يخسره وأراد أن يعاقب لاعبيه الخاسرين فكيف نكافئ لاعبينا الذين أسعدونا بالانسياق لمثل هذه الاستفزازات! **** غريب جدا تصرف مساعد مدرب الأهلي والأغرب تعاطي الإعلام مع حادثة كهذه بل وتوجيه التهمة تارة للجابر وتارة لجريتيس! دمتم http://fss55./17.jpg |
ما ادري واقولك كلام سليم 100% ولي اقدر اقوله مشكور على هذا الكلام الجميل |
ياخي شف الجمهور يتباعد للخروج ,, قال ايش قال راقي |
ويوم خرجوا على ماظن اهتفوا على يآآسر كاني سمعت تفكير طفيلي |
جمهور خاسر ع ارضه وطرد أحمر أكيد يبي يثور.. وللآن ماعرفتم من مفتعل المشكله يا لجنه الغفله !! والله أي جمهور يتعرض لحذف وشتم اكيد بيرد .. علشان كذا لا تلومهم مشكورخيوو |
أحداث فرديه وقد يكون هناك امور لانعلم بها جماهير الغربيه دائما متميزه بحضورها والمشكله مو في جماهيرنـا في جماهير الأهلي هم السبب والشرراره بدأت منهم إقتباس:
|
طيب اذا مانقلوا المبارة وراح يحضر جمهور زي جمهور الغربية ..... ياخي والله مستعد أحلف بأنهم مندسين أنا حاضر المباراة والله الي لابس تيشرت الأتحاد وجالس بوسط الجمهور الهلالي ياخي صدقني المندسين هم السبب.... |
ويوم خرجوا على ماظن اهتفوا على يآآسر كاني سمعت تفكير طفيلي وناا بعد مسمعت |
جمهورنا في الغربيه أنت إذا مشيت بالشارع تشوف الرصيف تقووله ليش تجي هنااا أنسه وانسووهم أنهم بالملعب أنتم زعماء أهم من يناضرووونكم ... وإذا قاالوا شيء الكلاب تنبح ولا أحس يلقي لها باال ... |
ياخي أنا ماني من الغربيه ولآآآآآآكن جمهونا في الغربيه دآئما مايبيض الوجه في الحضور والتفاعل <<الله يعطيهم العافيه؛؛؛ ياخي في كل مكان لو بدأ الجمهور المنافس برمي العلبات الفارغه لابد أن في الجمهور أشخاص لايرضون برميهم بالعلب يعني تبغاني أرمى بالعلب وأسكت؟؟؟<<<غريب دمتم... |
صح لسانك والله يعطيك العافيه هذا الكلام الصح جمهورنا غلط حتى لو كنا مظلومين |
هم رموا القوارير وجمهور الهلال رد عليهم بالمثل ايش تسوي |
جمهور الهلال في الغربية يرفع الراس |
السلام عليكم ياعزيزي انا من الحضور وكنت جالس فوق لوحة الأمير عبدالله الفيصل يا اخي تخيل ركبتي تدق بركبة مشجع اهلاوي واللي يقولوا منتوا رجال واللي يرمي قوارير ويرمي سبة من هنا وسبة من هنا وساكتين لعيون الهلال وترى لو احد رماك بترميه انت كمان تدافع عن نفسك على الأقل ولو ما سويتها انت وقلنا لأجل عين تكرم مدينة ترى مو كل جماهير الهلال واعية في الأمي والجاهل والصغير والكبير والفاهم و و و بعدين الاخ اللي يقول تكارنه وحواري أتمنى نبعد عن العصبية هذه . هذا مو كلام منطق ولو قلنا مرتين من جماهير الهلال لا تنسى جماهير الرياض هي اول من طبق بها العقوبة من امام الاتحاد وحولت لحائل ضد الطائي ... ولو ادري بصير كذا كان صورنا ونزلنا ونوريكم من البادئ وأؤكد لك واجزم لك ان المئات من الجماهير الهلالية (هربت) من التراشق اللي صار والسب المقذع اتمنى اقدر اكتب موضوع ولكن غير مصرّح لك بنشر موضوع جديد يمنعني تحياتي |
هذي اخرتها جمهور الغربيه السبب جمهورالغربيه اكثر جمهور يتعرض للاضرب والقذف كل سنه ثلاث مرات للاسف ماحد ينصفه |
إقتباس:
هيه وين وين حدك وين رايح يالحبيب قال تكارنه قال يا بوي روح موت عالأقل جمهور يحضر موب زي بالرياض كله كلام و مافي حضور |
إقتباس:
|
:mad: إقتباس:
والله عيــــــــــــــــــــــــــــب وكلام عنصري ياحبيبي احنا عيال قبائل |
كلام سليم يفترض على اللاعبين والامير عبدالرحمن يصرحون قبل المباريات خصوصا الجماهيريه تنبيه الجمهور وعدم الدخول في تراشق وغيره وقبل ذلك على الاتحاد السعودي تنظيم المباريات وخصوصا الجماهيريه ووضع حواجز امنيه اتنمى من اداره الهلال الاستئناف ورد الظلم عن الهلال تحياتي,,, |
تكارنه !!!! الله يشفيك انت انسان مريض بالتعصب القبيلي حنا عيال قبايل يافاهم قال تكارنه قال مع ان التكروني يمكن يكون احسن مني ومنك في اسلامه المهم اتمنى تقدم اعتذار لي ولكل عضو من الغربيه بالتوفيق للزعيم |
أحداث فرديه وقد يكون هناك امور لانعلم بها جماهير الغربيه دائما متميزه بحضورها والمشكله مو في جماهيرنـا في جماهير الأهلي هم السبب والشرراره بدأت منهم |
يعطيك العافيه كلامك صحيح !! بس القرار غبي من لجنه غبيه !! |
إقتباس:
عييييييييييييييب ياجماعه عييييييييب ... وجمهور الهلال وين مايكون يعتبر جمهور واحد ولا بد ان يكون فيه احترام .. انا ماني من الرياض ولا جدة لكن كلمة حق تنقااال جمهور الغربيه راااائع ويعطيهم العافيه .. حتى لعيبتنا بجدة يصيرون غير .. يمكن فيهم عصبيه شوي :d ... ومباراة الوحدة والاهلي احداثها غريبه .. لكن هناك من يحاول ان يجعل الهلال مكرووووه من الكل ... ومن يحاول ان يصور للناس ان مباريات الهلال دائماً يحصل فيها شغب وهو ما سمعته من بعض مشجعي الانديه الاخرى .. والمثل يقول ( من اجل الهلال تكرم مدينه ) والمفروض ماننزل لمستوى من يحاول ان يشوه سمعت الجماهير الهلاليه .. ولا نعطي فرصه للجنه الانضباط ان تفرح بمعاقبة الهلال .. ويعطيكم العافيه ياجماهير الغربيه .. والف شكر لصاحب الموضوع .. |
بالله يا اخواني .. اللي قد حضر مباراة في الملعب يعرف الكلام ذا .. لو حصل استفزاز من الفريق الخصم .. قد ما تصبر راح يجي وقت وترد اقلها لو بلسانك .. اجل كيف لو كان فيها قذف ورمي ؟؟ ممكن يكون واحد من بين كل الجمهور يستفز ويرد بنفس الشي اللي انحذف به ويرجع يرميه ثاني .. يعني لجنة الانضباط تبغى جمهور الهلال يعتدى عليه وبدون حراسات امنية او اي وجود للأمن ويجلس يتابع بكل هدوء ؟؟ |
آقولها وبكل آسف... لن ألقي باللوم على الفريق الخاسر نهائياً.. وحتى وإن بدر منه تصرف آرعن... فريقك فائز لماذا تجاريهم بأفعالهم (القذره)... في النهاية آنت تسببت على فريقك .. ولو سمح الله خرجنا من الأحساء بنتيجه سلبيه.. سوف أحمل جمهور الغربيه النتيجه.. والسلام.... |
يالله متى يتآهـل احد ولا الانصآآر للممتآآز والله ان تعـرف جمهـور الزعيمـ جد والله اكثر من جمهور المدينـه ما فيـه |
ياعزيزي .. أرفع ألقبعة لجمهور الغربية فبعضهم تعنى السفر لأجل الزعيم .؟ ولكن لاذنب لهم ؟ في الشي الذي حصل ..,ً من الطحالب ؟ رشق . , قذف , شتم .؟ للأنســآن كرامة ويحب دائمآ ألآ تخدش ... :: مجرد رأي .. |
ما اقول الا وين الرقابه عنكم بس موضوع تافه وفيه رد تافه جمهور الغربيه ولا جمهور الرياض كلنا جماهير الهلال وجمهور الغربيه مايلام ابد اجل تبونهم يترجمون لعيون الهلال خلك صريح انت وياه حط اللوم على لجنه الانظباط |
ياشباب انتبهو من المندسين يحاولون التشويه بين الجماهير لدرجة تصل الى العنصريه يااخوان حنا مظلومين جماهير الطحالب هم من بداو بالعراك لاسيما وان مع الجماهير هنالك فقراوي واتشادي وغيرهم وغيرهم حنا انظلمنا ياعزيزي ولا تحمل قرار لجنة الانضباط على ظهر زعماء الغربيه من زمان وهاللجنه دايخه يعني لا جديد !! |
والله ياخي تفكيرك غريب على العموم شكرا" جماهير الغربية |
جمهورنا في الغربية.. جمهور وفاء واخلاص .. ماقصروايعطيهم الف عافية على الحضور والمساندة للفريق رغم مايتعرضوا الية من ضرب وسب وقذف وشتم واهانة من فئة مدسوسة لايعرف مصدرها واسبابها ومع هذة المعاناة حضورهم فعال و مشرف .. شكرا لهم من القلب .. |
اقول انت وياه جمهور الغربية من افضل الجماهير لانه يشجع طول المباراة ومو مثل جمهور الرياض حضور بدون فاعلية واللي صار البارح هو استفزاز لجماهير الهلال من فئة وللمعلومية انا عندي يلعب الهلال خارج الرياض افضل بكثير لانه يفوز خارج الرياض والسبب جمهور المناطق الثانية اللي يعطون حماس للاعبين وشكرا |
الي رجله في النار مو زي الي رجله في المويه احنا ياجمهور الغربيه دائما مانواجه بصراحه احنا كنا نواجه ثلاثه جماهير 1ـ الاهلي 2ـ الاتحاد 3ـ نصراويه وانا شايف بعيني وبعدين الاتحاديه يكرهو الاهلي الا اذا جا الهلال صار حبيبهم وبعدين انتا ماراح ترضى على نفسك انو واحد يسب ويشتم لدرجه انو ويصلها لشرف ويجلس يحذف والله لو انتا جاي الملعب باقامه وهوه ببطاقه احوال ماراح تسكت يعني اتحداك انتا لو ترضاها على نفسك |
http://fss55./329.gif نعم بكل تأكيد جمهورنا في الغربية واجهة مشرفة ولنا الفخر بهذا الجمهور الذواق الحبيب وكلامي لا يحمل إساءة بقدر ما يوجه عتب الإخوة والأشقاء والمتحابين وأتمنى من دخل بعبارات العصبية التي لا يقولها مسلم لأخيه المسلم إلا ويجب أن يمسح بخده الأرض كما فعل أبوذر لبلال رضي الله عنهما فكلنا من آدم وآدم من تراب إخواني : الفوزان القناص20 طير الشوق حياكم الله وشكرا لحضوركم http://fss55./17.jpg |
ياااربي انتوو ماتعرفوو قديش جماهير الغربيه تعاااني .... وربي انوو امي تمنع اخووويااا يرووح الملعب وكل هذا بسبب جماهير الاتحاد والاهلي والوحده اللي فاايزه او خاااسره تتحرش في جماهير الزعيم ... اي منطق تطاالب بيه... اسوووء انواع الكلام والتشكيك والقذف تسمعهااا وربي وانا بنت يفور دمي لما اسمعها كيف جماااهيرناا اللي تتعب وترووح وتلااقي اخرة التعب كلووو عتاااب وبعض الاعضااء تجريح ليش ماتحملتووو يعني قدرووو لـ متى بيتحملووو؟؟؟؟ يعني اللجنه بتنصفهم وربي ماراح يطلع قرار لو جمهورنا طنشهم زي ماقلت .... وبما انو الحال من بعضوو ليشيسكتوو ع الاهااانات ليش مايدافعووو عن انفسهم ... وربي وجعني قلبي وانا اشف جمهورنا يتدافعوون عشان جمهور الاهلي يرميهم بالقوارير ...مدام الموضوع فلت خليهم بداافعوو عن انفسهم كفااايه ظلم واحباااط .. كفاايه نستنى احد ينصفنااا ولا نلاااقي ...قد ماكتبت عن معاناة جمهور الغربيه ما اوووفي ولو شووويه ...وانتووو جمهور الريااض لايمكن تتصور المعاناه لانكم الاكثر وجهور جده بالعاده مايحضرووو الرياض ...حسوو شوويه ... اتمنى من الاداره الاهتماام بجمهور جده والمطاالبه بحقووقه يعني لاتطالبووهم بالحضور والتشجيع وتسيبوووهم للضرب والتجريح وبعدين وبكل بساااطه تجووو وتعاااتبووهم على ردة فعلهم وكانكم تقولهم لما يضربووكم ابتسموو ولما يجرحووكم كماان ابتسمووو استقبلوو اهاناتهم بعظيم الامتنااان وفااائق الشكر .... اليووم بس عرفت امي ليش كاانت تمنع اخووويا من مسااندة الزعيم واليووم بس استووعبت كلمة الهلال مو نااافعك بشي لو انضربت ... لما يجي اليووم اللي ماحتلاااقوو حضور في الغربيه مو لانهم كرهووو الهلال لااا بس لانهم كرهوو الاهاااناات لاتلاموووهم لوو انفسكم كإداره وكـ جمهوووور ..... اما اللي يقوول تكااارين !!!!!!!!!! سلامااااااااااااااااااااات ايش عندو الاخ سليل الحسب والنسب !!!!!! حب الهلال مو محصور على فئه معينه ولا لك حق لا انتا ولا مليوون زيك يتكلم ع جمهور الغربيه كذا ....جمهور الغربيه ارقى من افكاارك واولاد قباايل وعوااايل محترمه بس الدور على اللي هوو في واد والاحترااام في واد ثاااني.. هلااااااااااااااااااااليه حجااااازيه ... |
http://fss55./329.gif هلالية محترفة مشهور اللحياني سام9 ممكن يكون جمهورنا رد على الاعتداء ومن حقه وممكن يكونوا مندسين لكن إلي لابد ننتبه له أن نكون جمهور محترف لأن فريقنا محترف بأدائه وإدارتنا واعية ولكم خالص الشكر على حضوركم http://fss55./17.jpg |
انا كنت في الملعب بعد الطرد بدو يرجمون وجمهورنا تراجعو حتى اللي في النص فضا واستمروا في وسخاتهم الطحالب وش تبغى نسوي؟؟؟؟؟ اوضحها لك اخي الكريم: لو كان معاك اهلك في السياره وهجم عليك شباب وش تسوى؟ ماتتهاوش معاهم تقول اخلاقي ماتسمح!!!!! يا اخي الامن وينه مافيه فاصل بين الجمهورررررررررررررررر |
| الوقت المعتمد في المنتدى بتوقيت جرينتش +3.
الوقت الان » 10:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd