الدعيــع : عبدالله بن مسـاعد يمـووون .. بالله تعالو ابسألكم كم سؤال !! - نادي الهلال السعودي - شبكة الزعيم

قناص سدير 20 · #1 19/10/2009, 07:33 PM

بسم الله الرحمن الرحيـم ..

هذا تصريـح للدعيع لـ جريدة الرياضيـه

:

الدعيع: عبد الله بن مساعد ( يمـون )

الرياضية – تركي السالم

امتدح لاعب الهلال محمد الدعيع (حارس) المستوى الفني الذي ظهرت به في مواجهة فريقه أمام الأهلي ضمن منافسات الجولة الخامسة لدوري زين السعودي أمس، وذكر أنه شعر بالثقة بالفوز على الأهلي بعد الهدفين المبكرين في الشوط الأول .. وحراس المرمى دائماً هم جزء من اللعبة وهي لعبة جماعية ولا يمكن أن يتحمل أي حارس فريق مسؤولية خسارة مباراة". وحول ما ذكره عضو شرف النادي الأمير عبدالله بن مساعد بأن أي لاعب يقل عطاؤه وهو في كامل عطائه يعتزل قال الدعيع: "أحترم رأي الأمير عبدالله (ويمون) فيما يقوله"، وزاد: " بأنه ينوي الاعتزال بعد نهاية الموسم الجاري وأن حديثه مع زميله عزيز كان مجرد مزح حسب ما كان متفق في الظهور ".

بالله ابسألكم .. مُجرد أسئله

سـ1 : أيها المشجع الهـلالي هل إلى الأن راغـب بـ الدعيع ؟ وإذا لا وش السبب ؟

سـ2 : شفتو برنـامج " في المرمـى " ؟! اللي يجي في قناة العربيه ويقدمه بتال القوس ؟!
وشفتو الحوار بين عزيز والدعيع ؟

سـ3 : هل عبدالله بن مسـاعد كان جـارح بـ كلامه أو إنتقاده للدعيع ؟!

أنـا عن نفسي اقول ان الدعيع خلاااااااص

.. يعني ابيه يعتزل

الله يعطيه العافيه , بلاشك انه خدم الهلال والمنتخب سنيييين كثيره ..

بس أعتقد خلاص , كفىآ ووفىآ

هل تـوافقوني ؟! وإذا لا وش السبب ؟

’

للمتعه عنوان · #2 19/10/2009, 08:08 PM

لا ماوافقك مع احترامي لوجهة نظرك

صح الدعيع يخطأ واكن اخطائه موب دايم

والله اننا محسودين عليه

يكفيك الثقه بوجوده بالفريق لاتقولي نعطي الفرصه للشباب الشمري والا شراحيلي

اوكي حراس جيدين ولكن مايوصلون لربع مستوى الدعيع وهو في اسوء حالاته

ماازيد على كلام الشنيف امس

الدعيع الحارس رقم واحد او 2 في المملكه وهو في (اسوء حالاته)

قبل لا يوافق الامير عبدالرحمن على اعتزال الدعيع
يوقع عقد مع وليد عبدالله

^^
وجهة نظر

بن جبله المطيري · #3 19/10/2009, 08:09 PM

اواااافقك بس بعد نهااااااااية المووووووووووسم

وتمنى ان لاتكثرون وتظغطون على الدعيع

لان الزعيم في بداية الموسم

ويلزمه الاستقراااااااااااار بجميع المراااااااااااااكز

تقبل ودي وحبي

أزرق والقلب أبيض · #4 19/10/2009, 08:14 PM

ليش يعتزل ؟

مستواه توب

لكن مشكلتكم اي شي ينقال بالصحافه ([بعض]) الاعضاء يكبر السالفه

قناص سدير 20 · #5 19/10/2009, 08:25 PM

إقتباس

الرسالة الأصلية كتبت بواسطة للمتعه عنوان


	لا ماوافقك مع احترامي لوجهة نظرك صح الدعيع يخطأ واكن اخطائه موب دايم والله اننا محسودين عليه يكفيك الثقه بوجوده بالفريق لاتقولي نعطي الفرصه للشباب الشمري والا شراحيلي اوكي حراس جيدين ولكن مايوصلون لربع مستوى الدعيع وهو في اسوء حالاته ماازيد على كلام الشنيف امس الدعيع الحارس رقم واحد او 2 في المملكه وهو في (اسوء حالاته) قبل لا يوافق الامير عبدالرحمن على اعتزال الدعيع يوقع عقد مع وليد عبدالله ^^ وجهة نظر

عـارف ياخويي ان الدعيع حارس مُميز وثقة الفريق بوجودهـ

انا ماقلت انه حارس غير مميز او انه حارس يخطئ دايم !
لا , انا اقصد انخ كفى ووفى يعني حـان وقت الإعتـزال

وبعدين صعبه يوقع مع وليد عبدالله

ظنك إدارة الشباب بتتركه ؟!

ووجهة نظرك نحترمهـا بكل تأكيد

نورت ..

عاشق ومجنون الدعيع · #6 19/10/2009, 08:26 PM

ياخي اسمح لي موضوعك غلط في غلط موضوع

طول وعرض على شان تطالب الدعيع بالاعتزال

ياخي حرام عليكم الدعيع الموسم الماضي والموسم الي قبله اخذ جائزة افضل حارس

بالله قل ليه وش لووون تبيه يعتزل

البلا والله بالي حاط اسمه انت والموسم الي راح ماسجل الا 5 اهداف الظاهر وهو مهاجم

ويلعب مع المنتخب ومع الهلال واساسي بعد ولا شفنا منه شي ونجامله ياخي لو تبي تحط موضوع حط موضوع عن ياسر الي ملينا وحنا نجامله قسم بالله انذبحنا بالمجاملات ولا فيه فايده

مو تجيب ليه واحد في قمة عطائه ويقدم مستويات اكثر من رائعه وتقول خله يعتزل
اجل طالب المرشدي بالاعتزال لانه اخطاء قدام النصر بس انه قدم الموسم الي راح مستوى ولا احلى منه

طالب خالد عزيز بالاعتزال لانه اخطاء قدام الاتحاد ياخي ابيك تجيب ليه اي مبررات انك تطالب الدعيع بالاعتزال وماعندي اي مشكله اني اقتنع مو تقول مثل كلام المحسوبين على جمهور الزعيم
الي يقول والله هدف حسينوه هدف هدف حسينوه اعترف الدعيع انها غلطه وصحح غلطته بمباراة الاهلي وبعدين من الموسم الي راح وهو ما اخطاء والموسم هاذا قدم مباريات رائعه الا مباراة النصر قلتو خلاص خله يعتزل

ياخي بقول لك حاجه انا على شان تقتنع عدد الاهداف الي دخلت في مرمى الدعيع في عامين

2007 و 2008 اقل من عدد الاهداف الي دخلت في مرمى ((مبروك زايد _ وليد عبدالله _ ياسر المسيليم _ خوجلي وراضي )) في موسم واحد وش رايك بالاحصائيه هاذي الدعيع جالس يحطم ارقام قياسيه وانت جالس عند المكيف وكيبورد وتطالب بالاعتزال ياخي الحارس مايضره العمر شف فاندر سار دخل 40 سنه وبيكمل الموسم هاذا بس حنا هنا خلاص اذا وصل الواحد 35 حطينا العين عليه ومواضيعنا كلها عليه الله يعينك يا ابو عزوز على الجماهير المحسوبه علينا والله

قناص سدير اسمح لي يمكن جرحتك في بعض الكلامات بس
انا ما احب احد يتكلم على الدعيع وماعنده الي يثبت انا اتحدا اي واحد بالعالم يجيب ليه شي يثبت انا الدعيع انتهى ومثل ماقلت لك لاتخلي 22 سنه حراسه وتقول هدف حسينوه او هدف ما ادري مين انا ابغا الاحصائيات وانا جبت لك احصائيه عن الدعيع جب ليه احصائيه عن ياسر ودافع عنه

ابو عزوز استمر ثلاث سنوات اذا مو اكثر بعد لانك مازلت قادر على العطاء

قناص سدير 20 · #7 19/10/2009, 08:26 PM

إقتباس

الرسالة الأصلية كتبت بواسطة بن جبله


	اواااافقك بس بعد نهااااااااية المووووووووووسم وتمنى ان لاتكثرون وتظغطون على الدعيع لان الزعيم في بداية الموسم ويلزمه الاستقراااااااااااار بجميع المراااااااااااااكز تقبل ودي وحبي

صااااااادق

..
نورت بن جبله

..

$$B!G BO · #8 19/10/2009, 08:28 PM

وش تحس فيه عندك مشاكل يا صاحبي

قناص سدير 20 · #9 19/10/2009, 08:28 PM

إقتباس

الرسالة الأصلية كتبت بواسطة أزرق والقلب أبيض


	ليش يعتزل ؟ مستواه توب لكن مشكلتكم اي شي ينقال بالصحافه ([بعض]) الاعضاء يكبر السالفه

عارف ان مستواه تـوب , انا ما أقول مستواه غبي
ياخوان وش فيكم ؟ تقلبون كلامي !!

وبعدين ليه قررت اني أكبر السالفه ؟ انا حطيت مُجرد اسئله فقط

انت اللي بتكبر السالفه والله

!!

الكلام المنطقي · #10 19/10/2009, 08:35 PM

والله انا اعتقد ان محمد يسير بخطى ثابته في حراسة نادي القرن
وما فيه اخطاء واضحه تجعلنا نطالب برحيله
محمد امض ونحن خلفك

أحبك لو تجافيني · #11 19/10/2009, 08:37 PM

والله الدعيع نبية لنهاية الموسم وخلاص ... ونبي الاداره لنهاية الموسم وخلاص ... لأسباب كثيره ..

الهلال كم مباره يلعب والرئيس غايب والنائب من الموسم الماضي غائب ... يعني النادي ... مهمل ..
والدعيع ماقصر لكن لكل شي نهاية واداء اللي عليه وزياده .. وماقصر امام ام صلال رفض التغيير بركلات الترجيح ...

طبعاً ردي هذا للعقلاء مو للمطبلين والمبزره ..

الهلالــ الشبل ــي · #12 19/10/2009, 08:40 PM

معليش بس مو انت الي تقول للدعيع اعتزل ياحبيبي

مجنونة يـآسر · #13 19/10/2009, 08:40 PM

إقتباس


	سـ1 : أيها المشجع الهـلالي هل إلى الأن راغـب بـ الدعيع ؟ وإذا لا وش السبب ؟ مدامه قادر علىا العطاء يقعد .. مو قادر يعتزل سـ2 : شفتو برنـامج " في المرمـى " ؟! اللي يجي في قناة العربيه ويقدمه بتال القوس ؟! وشفتو الحوار بين عزيز والدعيع ؟ اللي يقول عزيز اعتزل ؟؟؟ ايه شفته سـ3 : هل عبدالله بن مسـاعد كان جـارح بـ كلامه أو إنتقاده للدعيع ؟! لا ماجرح .. لأن هذي وجهة نظره ولازم نحترمها

الأجوبة جوا الإقتبآس

شكراً لك ^_^

مجنونة يـآسر · #14 19/10/2009, 08:44 PM

إقتباس

الرسالة الأصلية كتبت بواسطة أحبك لو تجافيني


	والله الدعيع نبية لنهاية الموسم وخلاص ... ونبي الاداره لنهاية الموسم وخلاص ... لأسباب كثيره .. الهلال كم مباره يلعب والرئيس غايب والنائب من الموسم الماضي غائب ... يعني النادي ... مهمل .. والدعيع ماقصر لكن لكل شي نهاية واداء اللي عليه وزياده .. وماقصر امام ام صلال رفض التغيير بركلات الترجيح ... طبعاً ردي هذا للعقلاء مو للمطبلين والمبزره ..

كل من خالفك وجهة نظرك بزر ؟!!!

اتمنى إنك ما تغلط على أحد .. بعدين الرجولة مب بالقول إن الدعيع لا تعتزل !!

الهلالي شرف · #15 19/10/2009, 08:47 PM

مو معك اسمح لي الدعيع لازم يكمل