نادي الهلال السعودي - شبكة الزعيم - الموقع الرسمي

بسم الله الرحمن الرحيم

السلام عليكم ورحمة الله وبركاته

اولا الف الف الف مبروك على اللقب العظيم للنادي العظيم ومالها الا هلالها s13s

وانصح الحالميين لو يحطون لقبهم نادي LM احمر افضل لهم ومحدن بيمانعهم

وثانيا الف مبروك للهلال 3 نقاط المعتادة وفاله درع الدوري

في شي قاهرني

الحين ابي اعرف هاللجان وهالمسؤولين بالرئاسة العامة مايشتغلون الا لصار شي يخص الهلال تجمعوا :mad:

الحين انت وياه وينكم عن جمهور النثر وجمهور الاتهاد اوسخ واقبح الالفاظ يتراقصون بها وانتم لا اسمع لاارى لااتكلم :to:

والحين ابي اعرف كيف بجمهور فايز بالمبارة يقوم بالاشتباك مع جمهور فريق صاحب الارض s121s

والحين ابي اعرف مبارة كلاسيكو وبيحضرها بالتاكيد 15 الف مشجع بالقليل مافي ولا عسكري بالمدرج :to:
الحين الغلط مو منا ابد
الغلط من مكتب رعاية الشباب بجدة يوم انه مايجيب عساكر ومخلي جمهورين مترابطين مع بعض بدون اي حراسة :ranting:
يااخي حتى باوروبا ماصارت اللي هم مشجعين محترفين وفاهمين باسلوب التشجيع وخدمة الفريق اكثر منا ماصارات ملاعبهم جمهورهم مترابط بدون حراسات لانهم عارفين اهم شي سلامة الحضور :smilie47:

الحين يالجنة الانحراف انتم ابي اعرف وش تحسون به :s3s:
فريق فايز وجمهور ضيف وواضح من الصور ان جمهورنا هو اللي معتدى عليه وواضح الجمهور اللي ذاهب للطرف الاخر والجمهور المبتعد للخلف

ياشبيه الريح اتمنى منك الوقوف وقفة حازمة ضد هولاء ع ديمين الامانة والخروج وفضحهم وفضح اعمالهم التي لاتخفى احد نبي حقنا s121s

كفاااااية ضاعت حقوقنا غرامات جمهورنا يبقونه خارج الملعب نقل مباريات :ranting:

والغريب لانرى هالقرارات الا على الهلال

وادارت اندية مسؤولينها يتهمون الهلال زورا وبهتانا وجمهور يتلفظ بالفاظ قبيحة وهاللجان المنحرفة لاتقوم بشيء :mad:

وهاللجنة عارفه من هو المتسبب وكل شي بس هم يبون اصدار القرارات على الناديين عشان يضربون عدة عصافير بحجر بانها تحاول تعرقل لنادي القرن وثانيا عشان يستفودون من الغرامة المالية :yes:
لانهم عارفين انهم لو اجتمعوا لاصدار قرار على ادارة النصر ماراح يشوفون ريال واحد لان هالنادي ماوراه الا الفقر ومثلها نادي الاتهاد نادي الديون :to:

مساكين لجنة الانحطاط مدري لجنة الانحراف نقل المبارة للحسا يبونا نتأثر :s4s:

تعرفون شي تتذكرون جمهور الهلال ببريدة الموسم الماضي بتشوفون ملعب الامير عبدالله بن جلوي بالهفوف فل وزيادة وانا متاكد مليون بالمية بسبب معرفتي بهالديرة يالبى قلب اهلها :smilie47:
هلالييييييييييين حيييييييل ولو ماعندي اختبار يوم السبت والله لاحضرها بس عشان اقهر هالمسؤولين المتخلفين بس للاسف عندي اختبار :cry:
بس عارف ان اهل الحسا راح يكفوز وزيادة ويخلون لجنة الانحطاط المرة الجاية اللي يفكرون فيها انهم ينقلون المبارة ينقلونها بخريص ونحن مع موعد ان شاء الله باعلى حظور جماهيري حتى الان بالموسم وان شاء الله هالمبارة مع الفتح تخلي نيفيز يجن جنونه وويلي يحفر الملاعب تحفير وعودة ياسر للتهديف s13s

تبون الصراحة انا انتظر هالمبارة من مدة بعيييدة كنت انتظر حضور الهلال بالحسا وعاد العدة لحضورها مهما كلفت بس للاسف الاسباب حالت بيني وبينه :s5s:

والحين بيصير حضور الهلال للحسا مرتيت بموسم واحد فالي الدور الثاني ان شاء الله s13s

بانتظار ردودكم لبى قلوبكم :smilie47::rose:

اتمنى من الاشراف نقل موضوعي لمنتدى الجمهور