نادي الهلال السعودي - شبكة الزعيم - الموقع الرسمي - الشلهوب الفريدي الغامدي الجابر ...

بــــــــسم الله الرحمن الرحيم
الســـــلام عليكم ورحمة الله وبركاته
يا هلا بأخواني الزعماء ومبروك لكم الفوز والثلاث نقاط وعقبال الدوري ان شاءالله

والله ياني فرحت أمس وأنا أشوف الجوكر عمر الغامدي يتسبب بكرة أحمر وتوه دخل المباراة
مبطي ما شفنا حرفنتك يالغامدي وان شاءالله ترجع مثل قبل وأحسن

ماشاءالله على الشلهوب أمس بصراحه خليتنا ننسى التايب حتى اني قلت أشوى ان التايب مو موجود
ماشاءالله عليه استلام وتسليم وتسديد وهجوم ودفاع وكل شي

صدقوني وبأقولها لكم أحمد الفريدي ومحمد الشلهوب بيشكلون ثنائي ما شفنا مثله من قبل في الملاعب السعوديه إلا على أيام الثنيان والتمياط

رادوي يلعب لوحده في خط المحور لكن بصراحه يقدم جهد ثلاث لاعبي محاور ماشاءالله عليه وشي طبيعي يتنرفز بسبب الضغط الي عليه لكن أتمنى المدرب ينبهه ما يتنرفز لأننا نحتاجه في المباريات المهمه

ويل هامسون تحرك وجال في الملعب وبصراحه مستواه كان مرضي ما عدا في بعض الهجمات الي تصرف فيها بشكل خطأ بس يظل وجوده معناه حالة قلق في الجهة اليسرى للفريق المنافس

أحمد الفريدي الله يستر عليك من الإصابات اللاعب هذا كل مباراة نشوف لاعب داخل عليه بكل ما أوتي من قوه وكأنه بينه وبين الفريدي ثأر

اي يون بيون ما أقول غير أشوى إننا ما جبنا الدوخي كان ما شفنا هالإبداعات

ياسر القحطاني باقي عندك يالقحطاني مشكلة في الأهداف والظاهر ان تركيزك لما تجي الكوره فرجلك كيف أجيب هدف مهما كان موقعك ومن رأيي تشيل الفكره هذي وتسوي مثل ما قال الثنيان : ألعب بشكل عادي ولا تفكر في الهدف واذا جت الفرصه لعندك توكل على الله وشوتها

يظل أسامه هوساوي صاحب الكلمة الأعلى في خط الدفاع ماشاءالله عليه يدافع بشكل ممتاز وما ياخذ كروت بكثره

تدرون يا شباب بأقولكم شي يخص عمر الغامدي
ترى عمر الغامدي في صفه تجمع بينه وبين سامي الجابر انهم مكروهين من الإعلام الأصفر بشكل خيالي
طبعا الجابر مكروه بسبب أشياء لا تعد ولا تحصى
أما الغامدي ترى الكبري الي جابه في الخوجلي لحد الحين تأثيره عليهم واضح ولا تنسون بلنتي بلقوله :ap:
يعني بإختصار رجعة الغامدي لمستواه بتخلي بعض الناس يغلون غلي :s4s:

وبما إني جبت طاري سامي الجابر أقولك يا أبوعبدالله بيض الله وجهك وكلنا شفناك أمس وانت تبعد الدفش بدره عن مدربنا الي كان واضح انه طايح حش فمدربنا

يوسف الثنيان شفناه أمس على قناة الجزيرة مع الكابتن محمد عبدالجواد بصراحه الحلقة كانت ممتعه بوجودهم
ولاحظت كيف كان الثنيان متأثر وهو يتكلم عن عبدالرحمن بن مساعد بسبب الوعكه الصحيه وما تشوف شر ان شاءالله يا رئيسنا

وأخيرا أقولكم نادي الأهلي يمر بفتره ما بعدها من فتره وكل خطوطهم مظروبه ما عدا حارسهم الي باعوه بسعر التراب ورجعوه بأكثر من مليون وجماهير الأهلي فضفضت فجماهيرنا وصارت حرب في المدرجات

طبعا الحين جا وقت تحرك لجنة الإنعباط لأن المسألة فيها جمهور الهلال والله يستر من الجاي

تحياتي