هلا بصخرة المنتدى

أحترامي وتقديري لك قبل كل شئ واقدم مباركتي بمناسبة الفوز ..
ولكن وش فيك على كوزمين اولاريو .. يااخي ترى لك مدرب طريقة

وبعدين الحين يابو صالح صار باكيتا ( تخبيصي ) وكوزمين ( جبان )

مع احترامي لك أنا اعتبر باكيتا ( قبل ذهابه للمنتخب ) وكوزمين من أفضل المدربين اللى مروا على تاريخ الهلال ..

يكفي بعهد كوزمين أني قبل المباراة ضامن الفوز بعد توفيق الله .. وضامن ان فريقي ماراح يدخل فيه هدف الا بالغصب ..
أما بالنسبة للمتعة فهو أمر لا يمكن قياسه انا مثلاً كنت أستمتع مع كوزمين وكيف كان يقضى على الخصوم بطريقة مميته ..


اما باكيتا فهو أمر طبيعي ان يلجا لتلك الطريقة التي يلعب بها فالفريق قبل قدومه تلقى نتائج تاريخية فكان يحاول أن يحدث التوازن في الفريق ..

لن أقوم بدور المحامي لباكيتا وكوزمين ولكن ... يالبى قلوبهم ياشيخ ..

بإختصار ( لكل مدرب طريقة ) يعني كوزمين يسجل من أربع تمريرات .. جريتس يسجل بعد عشر تمريرات .. وكلهم ناجحين


أتمنى التوفيق لجريتس ويصير ازين من كوزمين وباكيتا ويوردنسكو وبلاتشي وكندينو ..



أما ابو عبدالعزيز قسم بالله أنه زاااااااحف المذيع مفهي معه ...

ختاماً

( كل الاندية في العالم اجمع تشاهد رئيسها في الملعب الا نحن ...؟)

كلمة رح الله لايردك اتمنى تعديلها شوي لان لولا لله ثم كوزمين
كان ماشفت نواف العابد لولا الله ثم كوزمين ماشفت الفريدي لوى الله ثم كوزمين
كان ماكان عندك رادوي لولا الله ثم كوزمين كان ماشفت ويلهامسون وعبدالعزيز الدوسري
والزوري صحيح ان جريتس افضل من كوزمين لكن كوزمين سيبقى داهيه

معليش اخوي

الهلال ماقدم مباريات ممتعه مع كوزمين حرااااااااااااااام عليك

انت متاكد من كلامك والا تبي تتغشمر معنا


الهلال بايام كوزمين كان راااااااااااااااااااااااااااااااائع انضباط تكتيكي وسلاسه في الهجمه
واهداف مرسومه ودفاع من فولاذ

معليش اخوي كل المدربين كباااااااااااااااااااااااااااااااار

الهلال قدم مع كوزمين مباريات ممتعه كثيره النصر اكثر من 5 مباريات وكلها طرررررررررب
امام الاتشاد بجده
امام نجران و الوطني امام الاتفاق وابها
طوال الموسم الماضي ما عدا مباراة الوطني بالرياض والوحده بالرياض

لكن الفرق ان جريتيس يلعب مهاجم اكثر من انه يدافع
والدليل الهلال الان مالعب الا 5 مباريات تسجل ببابه 5 اهداف بمعدل كل مباراه هدف
بينما ايام كوزمين الا اخر مباراه درب فيها الهلال كان الهلال لاعب 19 مباراه ومادخل بابه الا 6 اهداف
اقل من ثلث هدف كل مباراه

انا افضل جريتيس ولكن يعاب عليه الاندفاع الزايد والنتيجه الشباك الهلاليه ستتخم بالاهداف


اتمنى ان تكون لديك الشجاعه لتعتذر بعد هذه الحقايق

كلامك سليم 100في المائة ولاجدال فيه

لكل شيخ طريقته كوزمين لو لم يكن مدرب رائع لما تكالبت عليه خفافيش الظلام ويكفي كوزمين أنه جعل من الهلال الفريق الذي من الصعب أن تسجل في شباكه شكرا كوزمين فقد بنيت فريق ذو حصون متينه وشكرا جريتس فقد بنيت فريق ذو صبغه جماعيه

مشكوور بس صراحه عنوانك مااعجبني ابد " رح ياكوزمين الله لايردك" وراه ياكافي .. يعني يوم جاء واحد يعجبك رحت تسب بالأول ادري بتقول ذكرته بالخير في الموضوع ..بس العنوان يوجع القلب خصوصا فيه ناس ماتقرا الا عناوين يعني ياليتك لقيت عنوان احسن من هذا برأيي ..وعلى فكره كل شخص و اسلوبه الخاص فيه و كوزمين له اسلوبه صح مافيه متعه على قولتك بس فيه نتائج و بطولات و غيره من الفرق الاوروبيه تأهلت لكاس العالم و هي بنفس نهج كوزمين ...

شكرا مره ثانيه بس مسأله اجحد شغل اللي يروح بحجة جاني من هو احسن هذي مااحبها هالطريقه و لا ارضى بها لنفسي ...ادري بتقول ماقريت الا العنوان لاوالله قاري الموضوع بس كأنك اختصرت اللي في قلبك بعنوانك ...

فعلا اخوي الصخره بجريتس عاد زمن الهلال ومع كوزمين هلالنا بلا طعم حتى التايب ذهابه له الاثر الاكبر بعودة الشلهوب

إقتباس الرسالة الأصلية كتبت بواسطة @هلالي نفيعي@ لاحد يقولي التايب يمتع ؟!! المتعة الجماعيه أجمل مليون مرة .. من الفرديه ..! الكعب والكبري .. ليست جملة تكتيكيه ممتعه تنتهي بك امام المرمى ..مع أحترامي لمحبين أسلوب التايب .. عموماً شكراً لكوزمين على ماقام به .. واهلاً بقريتس واسلوبه .. ولايوقف ياكوتش..

اما بهذي انا معك انتم تبغون فريق الهلال كله يلعب ولا طارق بس في مباراه الاهلي فيه هجمه للهلال فوق 8 لمسات مومعقوله انك تبغى طارق لوحده يلعب
وهذا الشلهوب رجع لمستواه بعد ماصار اللعب جماعي ظهرة تمريرات (الشلهوب) وتحركات (ولي) وفنيات (الفريدي)
وانشاء الله يرجع القناص (ياسر)( ونيفيز)علشان الفريق يكمل

في مباراه الاهلي كل اللاعبين سجلو حظور وخصوصا (لي)و(رادوي)

اتمنى ان يرجع كل من ضعف مستواه في الزعيم وعلى ضعفهم كلهم نجوم

ودي ان اشكر جيرتس الف مره او مليون مره ومن اللاعبين الي انقذهم من دكة البدلاء (احمد الصويلح)

بالفعل جريتس رج لنا المتعه الكرويه
اللي كنا نعيشها مع الزعيم ..
بس في نضري انه متهور احيانا
لكن اللي يريحني انه مدرب واثق





ومن ناحيه


رادوي

لبى قلبه ولبى قلب اللي جابه
لاعب روحه في الملعب عن الف لاعب

الله يعطيك الف عافيه اخي العزيز الصخــرررهـ باررك الله فيك طررح جميل ومميـز ,,
وكوزمين مدرب رائع بكل ماتعنيه الكلمه واقل شئ نشكــرره على ماقدمه لنا مع الزعيم ,,
عموماً يبقئ اللعب الهجومي افضل بكثيرر واعتقد المدررب الى الأن ماقتنع بطريقة معينه ,,
وان شاءالله الزعيـــم يواصل مسلسل الأنتصارااااااات ويحصد النقاط في جميع المبارااياااات ,,
الف تحيه وياليت مانبخص حق كوزمين ونذكرره بالخيـرر ونشكره وهذا اقل واجب من جمهورنا الوافي ,,
وان شاءالله الأداء مع جريتس يتغيرر من افضل الــى افضل ونستمتع بالاداء الجميل .بارررك الله فيــــك ,,

احتراامي لمنطقية موضوعك

تحيااتي لشخصك الكريم

بالنسبه لـكوزمين لـكن حصلنا على الألقاب بس بدون إمتاع واضح للجمهور .. أما جريتس فطريقته هجوميه بحته و هي مفضله عند أغلب الجمهور الهلالي و لــكن الألقاب ( ننتظر إلى نهايه الموسم)

إقتباس وداعا لهلال أديموس وباكيتا وكوزمين

الحين صار اديموس الفاشل ... يوضع بجوار باكيتا وكوزمين اللى حققوا الانجازات والارقام الصعبة ..

عجباً ...!