نيفيز هو سيول الجديد ...!! وسلامات يا جمهور الراقي ..؟؟ ماتشوف شر يالتايب عندنا شلهوب : ) - نادي الهلال السعودي - شبكة الزعيم

شــاهــيــن · #1 18/10/2009, 10:22 PM

السلام عليكم ورحمة الله وبركاته

اوول شي لابد اني اقوله

ياااااا جعلني فدى هالخشه يالشلهوب

.... ماشاء الله تبارك الله

رادوي ليتك مسلم عربي سعودي ... كبير كبير هاللاعب

الزوري .. اسامه هوساوي .. المرشدي ... نجوووم ماشاء الله عليكم

الدعيع ... كبير يابو عزيز

الكوري مدري شسمه

ابدع رغم هدف التسلل الاهلاوي

ياسر & ويلي ... شالسالفه ؟ لعبهم اليوم أقدر اسميه دربكه وفلسفه عند الباب ... ويلي هذي المره الأولى وبإذن الله الأخيرة ... ياسر رغم الدربكه الا اني أقول جهدك فارق عن المباريات السابقه ونبي أكثر يابو قحط .. فنقر الكورة بوووز وقول وانتهت السالفه

الفريدي بغى يحصل له مثل حادثة ريان بلال والحكم مفهّي !!!

كان واضح إن الفريدي مقيد في المباراة وماكان له الحرية الهجومية في الملعب في ظل الحرية المعطاه لويلي والشلهوب ونيفيز

نيفيز وما ادراك ما نيفيز

اقسم بالله العظيم كأني أشوف سيول بسلبيته قدامي

صانع لعب ما طق ولا كورة صح ... ولا استفاد من الفرص ولا له اي وجود غير بتعطيل اللعب وكرت اصفر

ياناس بسم الله على محمد الشلهوب ... فرق السماء عن الارض دفاع هجوم تمرير استقبال تغيير لعب تسجيل وصناعه

اما نيفيز حتى استقبال وتمرير مافيه

نبي عزوز الدوسري وفكونا من نيفيز ... بالعربي مانبيه يشغل خانه اساسية طول الموسم ويكرر نفس اسطوانة الموسم اللي راح مع سيول

سيول كل الموسم الماضي يلعب اساسي على حساب الشلهوب!!!!

وش فيها اذا صار نيفيز احتياط ؟؟ خلاص الإدراة والله ما قصرت لكن اللاعب ما قدر يبرز نفسه الى الان .. والدوري دوري نقاط يعني ماهي سالفه ننطر على فاشوش كما مع سيول

في التسعينات كنا نجيب اجانب ونصكهم احتياط ..ايش المشكله ؟؟ دام المحلي اطلق مافيه مانع يحل محل الاجنبي

بسألكم سؤال ؟؟ صح نسيتوا طارق التايب

هذا الشلهوب يا عالم .. خريج مدرسة الزعيم

تسجيل وصناعة وفن وابداع

مبروك للشلهوب والزعماء الفوز وهاردلك للاعبنا السابق طارق بالخساره امام الفتح

ما أراهن بأي لاعب كثر ما أراهن بمن يتخرج من مدرسة الفن الهلالي .. والشلهوب منهم

:: :: :: :: :: :: ::

سلامات يا جمهور الراقي ؟؟ ماهي الهقوه والله

خسرانين بهدفين مقابل هدف .. والهدف تسلل والحكم ما قصر .. لا تصيريون مثل جمهور يا نفوز يا نخرب

ألف ألف ألف ألف شكر لكل الزعماء اللي حصروا الملعب

أبونايف612 · #2 18/10/2009, 10:38 PM

كلامك سلييييم

ومشكوووور

ابتسامة خجلان · #3 18/10/2009, 10:40 PM

يافديت خشيشه الشلهووب والله وياليت بدال نيفيز مهاجم اجنبي الفتره الشتويه ومكان نيفيز عندنا المبدع عبدالعزيز الدوسري والله بيطلع فريقنا نااااار ياحبيبي ناااار

هلاليه تحدوها · #4 18/10/2009, 10:42 PM

اتفق معك

لكن نيفيز .. كان شوي ويطق برقبته عرق من كثر مايطلب الكوره

يبي يثبت نفسه .. لكنه متسرع وهذا الشي اللي مخبط فيه

ياهو يوم شات خبط لك خبطه برجول ويلي غيرت ملامح وجه الاشقراني

اتمنى الجماهير تصبره عليه الى فترة الانتقالات الشتويه ..

وقبلك ويلي شبههوه بسيول وناظر كيف الحين ويلي مميز ومطلب لكل الانديه

نبي نصبر على نيفيز مثل ماصبرنا على غيره على امل انه يبدع ..

وخذلك عبره من ويلي

بنتظارك يا أبن السامبا

هلالي لاخر لحضه · #5 18/10/2009, 10:42 PM

طيب اصبر شوي على نفيز

لا تستعجل اصبر

حـكـمـة · #6 18/10/2009, 10:43 PM

.

بديتوا شرشحة بــ نيفيز و هو ما كمل ( ربع الموسم ) !!!!

يا معين الصابرين يا رب !!

شــاهــيــن · #7 18/10/2009, 10:49 PM

إقتباس

الرسالة الأصلية كتبت بواسطة حـكـمـة


	. بديتوا شرشحة بــ نيفيز و هو ما كمل ( ربع الموسم ) !!!! يا معين الصابرين يا رب !!

شرشحه ؟؟

طيب تبيني اصبر عليه الموسم كله ؟؟ ليش لاعب هلالي محلي هو ؟

لو سألتك وقلت هل هو افضل من عبدالعزيز الدوسري ايش بيكون ردك ؟

بالعربي حنا نبي بطولة الدوري وهاللاعب ماهو فارق معنا والموجودين فيهم الخير والبركه وصدقني انه سيول جديد وليالي العيد تبان من عصاريها ... اللاعب بالعربي يركض في الملعب على عماها

نوورت
ويا معين الصابرين يارب

القناص-07 · #8 19/10/2009, 12:28 AM

إقتباس

الرسالة الأصلية كتبت بواسطة حـكـمـة


	. بديتوا شرشحة بــ نيفيز و هو ما كمل ( ربع الموسم ) !!!! يا معين الصابرين يا رب !!

كـلآمك صحيح 100%

يعني اقرب مثـآل ويلي هامسون اول 9 مبـآريـآت له الموسم اللي رآح محد كان راضي عليه
والموسم هذا مع اخر الموسم الماضي من افضل لاعبين الهلال هو

ياناس ( نيفيز ) مايحتـآج الا شوي من الوقت ..

يعني اجواء الدوري السعودي ، اصعب من اجواء الدوري البرازيلي ..!!

اللآعب يحتـآج لـ فرصه وبس ...

ỳάṡṣẻя · #9 18/10/2009, 10:43 PM

المهم وهو نقاط المباراة

والأخطاء راح تنحل بإذن الله
مع الوقت

وسن الهلالية · #10 18/10/2009, 10:44 PM

هههههههههههههههههههههههههه
موضوعك راااااااااااااااااااايق

الشلهوب ياقلبي على فنه ياناس
اهلا بعودة شلهوب زمان
ياسر بدأ يرجع لمستواه لكن كان ينقصه هدف اليوم ويصير تمام
نيفيز اتمنى تبديلة بمهاجم في الفترة الثانية
اما باقي الفريق رووووووووووووووووووعة

الحكيم الأزرق · #11 18/10/2009, 10:44 PM

تصدق أشك أن نيفز مزور!!!!!!!!!!!

ماقدر اوصف حبي لك · #12 18/10/2009, 10:47 PM

انا معاك
لاكن اصبر ع نفيز
تراه فنان لاكن اصبرو
سول هذا مارفع
نفيز صلح هدفين يكفينا هذا
تحياتي

Abo 3yham · #13 18/10/2009, 10:56 PM

لاتستعجلوا ع تياقـــو نيـــــفيز ولاتنسى فترات التوقف لها دور سلبي علية

واكا عن الشلهـــــــوب فالحمد لله عاد لنا في الوقت المناسب

والف مــــــــــبروك النقاط الــ3

هلالي صـميم · #14 18/10/2009, 10:48 PM

لبيه يالشلهوب وربي بدع مشاءلله

!

عوافي ..

خــــspecialــــاص · #15 18/10/2009, 10:48 PM

الحمد لله على الفوز,,
ولعودة نجمنا الموهوب الشلهوب,,

ونيفيز نصبر عليه وعسى مايكون مقلب,,