هل انفرطت السبحة؟ معلمات لتدريس الطلاب الذكور في مدراس السعودية الابتدائية! (صورة) - صفحة رقم 2 - نادي الهلال السعودي - شبكة الزعيم

هلاليه محترفه · #1 18/10/2009, 12:33 AM

مادري انا اشوف انها كويسه
وبعدين وش فرقت عن التمهيدي والروضه !!!!
انا اشوف اختي متبهذله مع عيالها هي الي تكلم الوكيل وتكلم المدير وتكلم المدرس
عشان تعرف مستواهم في المرحلة الإبتدائيه ..

احس قرار حلو مدام الوضع لطلاب الأبتدائي من 1 ابتدائي لـ 3 ابتدائي ..
فهو من صالح الأم لأنها هي القريبه للولد وهي الي تدرسه وتنتبه له في هذا السن

abohamad55 · #2 18/10/2009, 04:15 PM

انا قلت بتحط صور المدرسات

طلعت صورة خطاب بس حركة تمويه رهيبه

عادي الحرمه تدرس والله انها احسن من الرجال وبتتعدل نفسية الولد

واتمنى دمج الثلاث مراحل الاولى

رعبوبة الزعيم · #3 21/10/2009, 03:44 AM

.
.
.

من جد الله يستــر ...!

امس وانآ افرفر باليوتيوب شفت فديو لـ شآب سعودي يطآلب أن البنآت
يدرسونهم شبآب وجآيب كلآم مدري من وين ..!

وسبحآن الله اليوم نشوف موضوعكـ , وأتوقع بالأيآم الجآيه رآح نشوف بنآت
يدرسونهم مدرسين مدآم صآرت الدعوة كذآ ..

والله هـ الزمن ينخآف منه ..
صرآحه شي يحز بالخآطر

يعطيك العآفيه ابو رآس..

.
.
.
.

fabri_4 · #4 21/10/2009, 01:07 PM

الله يعطيك العافية او راس ..

شكرا لك

الشخص الهلالي · #5 01/11/2009, 01:26 AM

إقتباس

الرسالة الأصلية كتبت بواسطة هلاليه محترفه


	مادري انا اشوف انها كويسه وبعدين وش فرقت عن التمهيدي والروضه !!!! انا اشوف اختي متبهذله مع عيالها هي الي تكلم الوكيل وتكلم المدير وتكلم المدرس عشان تعرف مستواهم في المرحلة الإبتدائيه .. احس قرار حلو مدام الوضع لطلاب الأبتدائي من 1 ابتدائي لـ 3 ابتدائي .. فهو من صالح الأم لأنها هي القريبه للولد وهي الي تدرسه وتنتبه له في هذا السن

طيب وزوج أختك وينه مايكلم الوكيل والمدير والمدرس ولا الدنيا مشغلته

الله المستعان

algohmani · #6 07/11/2009, 06:57 PM

إقتباس

الرسالة الأصلية كتبت بواسطة هلاليه محترفه


	مادري انا اشوف انها كويسه وبعدين وش فرقت عن التمهيدي والروضه !!!! انا اشوف اختي متبهذله مع عيالها هي الي تكلم الوكيل وتكلم المدير وتكلم المدرس عشان تعرف مستواهم في المرحلة الإبتدائيه .. احس قرار حلو مدام الوضع لطلاب الأبتدائي من 1 ابتدائي لـ 3 ابتدائي .. فهو من صالح الأم لأنها هي القريبه للولد وهي الي تدرسه وتنتبه له في هذا السن

وانا كذلك .. لسببين

السبب الاول : الطفل يكون اكثر شيء بالبيت او الروضة مع انثى وبالتالي لو استمر بأول وثاني وثالث فراح نشيل الطفل من حضن امه الى حضن معلمته

اما على حضن خشن كحضن معلم اول ابتدائي اللي بمدرستنا

معذروين التلاميذ يوم يبكون كل صباح بالطابور لدرجه ان الاذاعه مانسمعها ههههههههه

السبب الثاني : الام اكثر متابعه للطفل وتعليمه وبالتالي ستحتاج الى الاتصال الدائم والتواصل مع المعلم او المعلمه ومن غير الطبيعي ان تتصل على معلم مثل ام مالك هاللي ذابحتني تدق على كل صغيرة وكبيرة

وياكثر ماتجينا اوراق يجيك الطالب يقولك : تقول امي دق عليها ضروري

وش تسوي تضطر تدق فلو تحال هالصفوف الأولية الى مدارس البنات افضل بكثير بكثير من حيث نفسية الطفل وايضا متابعة الاهالي لابنائهم بدون احراج ..

اعرف جيدا ان البعض يتخوف من التسلسل فيما بعد ولكن هالمرحلة بالتحديد بحاجه الى هكذا قرار

والله من وراء القصد

اللهيبي11 · #7 07/11/2009, 07:33 PM

إقتباس

الرسالة الأصلية كتبت بواسطة algohmani


	وانا كذلك .. لسببين

إقتباس

الرسالة الأصلية كتبت بواسطة algohmani


	السبب الاول : الطفل يكون اكثر شيء بالبيت او الروضة مع انثى وبالتالي لو استمر بأول وثاني وثالث فراح نشيل الطفل من حضن امه الى حضن معلمته اما على حضن خشن كحضن معلم اول ابتدائي اللي بمدرستنا معذروين التلاميذ يوم يبكون كل صباح بالطابور لدرجه ان الاذاعه مانسمعها ههههههههه السبب الثاني : الام اكثر متابعه للطفل وتعليمه وبالتالي ستحتاج الى الاتصال الدائم والتواصل مع المعلم او المعلمه ومن غير الطبيعي ان تتصل على معلم مثل ام مالك هاللي ذابحتني تدق على كل صغيرة وكبيرة وياكثر ماتجينا اوراق يجيك الطالب يقولك : تقول امي دق عليها ضروري وش تسوي تضطر تدق فلو تحال هالصفوف الأولية الى مدارس البنات افضل بكثير بكثير من حيث نفسية الطفل وايضا متابعة الاهالي لابنائهم بدون احراج .. اعرف جيدا ان البعض يتخوف من التسلسل فيما بعد ولكن هالمرحلة بالتحديد بحاجه الى هكذا قرار والله من وراء القصد

ما اقول اللا الله يعين طلاب انت مدرسهم

تدري اذا صار اللي صار انت تقش عفشك ابوي ولا تبي تكمل معاهم وتصير خليطي

ياخي انت امس قايلي ضبط حاله في الابتدائيه مادام انه ولد موب مشكله بينسى

لكن بنت شنو يضمن بنتي ترجع لي سليمه

ياناس ياعالم ياهوه شوفوا العيال الصغار وشوفوا كلامهم وتصرفاتهم خصوصا الجنسيه
المساله كبيره

الم يقول صلى الله عليه وسلم عن الاخوان وهم اخوان (( وفرقوا بينهم في المضاجع ))

اسمعت لو ناديت حيا ــــــــــــــــــ لكن لا يحاة لمن تنادي

بالعربي

كل على همه سرى

والبعض يعارض عشان يسمى معارض .. وواحد مسوي متحضر واسم ابوه عايض

اللا مادريتوا ان الفتاه بسنه ثانيه حايض .. والولد يفكر بالجنس بصف ثالث معلينا حدث عارض

ماعلينا

يقلك الحوثيون دخلوا السعوديه عشان جريده سعوديه سبتهم

ياويل حالي

Dr-Me · #8 12/11/2009, 11:21 PM

إقتباس

الرسالة الأصلية كتبت بواسطة هلاليه محترفه


	مادري انا اشوف انها كويسه وبعدين وش فرقت عن التمهيدي والروضه !!!! انا اشوف اختي متبهذله مع عيالها هي الي تكلم الوكيل وتكلم المدير وتكلم المدرس عشان تعرف مستواهم في المرحلة الإبتدائيه .. احس قرار حلو مدام الوضع لطلاب الأبتدائي من 1 ابتدائي لـ 3 ابتدائي .. فهو من صالح الأم لأنها هي القريبه للولد وهي الي تدرسه وتنتبه له في هذا السن

كلام سليم

................................................................

{القلب الأزرق} · #9 18/10/2009, 01:06 AM

الله يستر من القادم ..
اخاف بعد عشر سنين , يصير الاختلاط في المدارس الثانوية .
وبعدها قل على الدنيا السلآآآم ..

تحياتي

باسكن روبنز · #10 18/10/2009, 01:36 AM

اهلا اخي أبو راس

هذا القرار مو جديد .. اذكر انو بنت خالتي قبل ست سنوات تدرس بنين
من اول الى ثالث ابتدائي علوم وماقدرت تتحمل الوضع صياح وغثاء

المعلمة الآن صعب عليها تتحمل طالبات بنات مفروض يتسمون بالنعومة والرقة

فكيف تقدر تعلم وتربي عيال دفشين

ولا يخفى عليكم ان علمائنا الآوائل

ماتخرجوا الا على يد اساتذة رجال

شكراً لك ولغيرتك

شمووخ الهلال · #11 18/10/2009, 01:56 AM

سلامات !!

وش تبي من الحياه ..عينوها شكل واستخفت مو مصدقه منصبها يمكن

وش هالقرارات السخييفه ..

بتقولون لي بزارين ومايفهموون .مع ان الحين مافيه بزر مايفهم .. المهم ان يعني شوي شوي . بنوصل للاختلاط

وذا اللي مانبييييييييه..!!

نوره الفايز اذا كنتي تبين الشر لبلادنا ربي يجعل كيدك في نحرك ..

حسبنا الله ونعم الوكييل

ولاعمرك تفكرين تطورين التعليم اذا التطووير بذا الشكل مانبه ولاعاد تفكرين انك تسوين شي يفيد التعليم

لان قراراتك بكل اسف تنزلنا للحضيض مو للتطوور..

هلالي من ارض اليمن · #12 18/10/2009, 02:20 AM

تحية طيبة اخي العزيز : ابو راس

حقيقة أنتم أعلم بأمور دنياكم .. وأن كنت لا ارى في المسألة من بأس

مدرسة لأطفال حتى الثالث الأبتدائي أو حتى نهاية الأبتدائي .. اين الحرمة او الفتنه في الموضوع ؟

كما اعتقد ان هنالك جانب يمكننا النظر اليه .. وهو : توفر اعداد كبيرة من الخريجات دون وظائف تحتويهن .. لعلها الوزيرة المذكورة فكرت ان تسد باب ليس فيه أختلاط بمعناه الحقيقي ،،،

هنالك من قال أن الأطفال أصبحوا يفهمون ؟ .. أمر جيد .. حتى لو كانوا يفهمون يبقوا اطفال

جانب آخر

قاعدة : سد الذرائع .. التي اصبحنا نستند اليها حتى مع الأطفال !

هذه القاعدة يبدو ان بعض علماؤنا الافاضل الأجلاء جعلوها أصل الحكم في كل أمر بينما الأصل في الاسلام الأباحة الا ما ورد نص بالتحريم .. كما هنالك من استند على هذه القاعده في تفعيل الأدوات المادية على تفعيل القناعات الذاتية .. وهذه ايضا مشكلة .. واعتقد يا غالي أن مثلك يعلم ذلك ،،،

نسأل الله الخير والصلاح والهداية لنا ولكم وجميع بلاد المسلمين

يعطيك العافية يا غالي ،،،

ஜ ₣ ฮ เ ṥ λ Ŀ ஜ · #13 18/10/2009, 04:36 AM

يحـاولـون يعـالـجون الأخطـاء بـ اخطـاء !

استغفر الله العظيم !

i am here · #14 18/10/2009, 09:38 AM

أخوي أبو راس

يعني هي لوحدها اللي (قفزت) على الأنظمة !!

العالم كلها بتقفز

وعلى قول بابا كلها كم سنة بس والله يخلف عالسعوديه

لأن كل مالنا بنبتعد عن تعاليم الكتاب والسنة ونتساهل فيها

وعندنا ناس فاهمين التطور والتطوير = تسير الدعوة خليطي والمرأة تسير على حل شعرها

الله يصلح الحال

وحسبي الله على كل من أراد الفساد

اسمح لي بس بدي أعلق على جزء من كلام أخوي طارق

بس بقلك شغلة والله دا الزمن ماسار في شي اسمو أطفال

ولو الأمر بيدي التمهيدي والروضة تكون مفصولة ( أوكي يدرسوهم أبلات بس البنات بفصل والأولاد بفصل)

لأن الأطفال في دا الزمن تفكيرهم وإدراكهم أكبر من سنهم بكثير

ودا شي لمستو بنفسي محد نقلو ليه

marsal · #15 18/10/2009, 11:44 AM

ملاحظة هامة: الموضوع لم يطلب توقعات البعض و رايهم (السديد ) هل أنت مع او ضد القرار

الموضوع يتكلم عن قفز فوق القوانين وتعدي الانظمة و الاهم من ذالك (الاستهتار) بقرار وزير الدفاع و النائب الاول و ولي العهد بصرف النظر عن القرار ...

ارجو تفعيل هذا الموضوع من منطلق القفز فوق قرارات ولي العهد لاني اعلم ان عالم الانترنت سوف يصل...

اما أنا فاقول ان هذه كارثة و استغلال لمرض ولي العهد و يجب محاسبة الفاعل ...
و كما سمعنا ان الامير سلطان وفقه الله كان جدار عازل و حامي ضد متطلبات البعض و نرى الان بصدق استغلال مرض ولي العهد لتمرير اكثر من قرار وهذه بحد ذاته كارثة يجب الوقوف عليها

سلطان بن عبدالعزيز وفقه الله كان هو المانع ضد تدريس اللغة الانجليزية من الصف الرابع وهذه شهادة الوزير (المقال) الرشيد في تصريح سابق..

وهذا يدل على وعي سموه بالتعليم و فهمه لمتطلبات التدريس وان التعليم ليست وسيلة استغلال لتمرير افكار البعض...

نرجوا لك عودا سريعا يا سلطان الخير فالبلد تحتاجك