موضوعك بطل مثلك

شوفي الصداقه حلوة بس الاحلى يكون لها حدود
يعني انا اول على ايام الثانوي كانت الصديقه عندي مثل اختي ويمكن اشد من اختي
ولمى دخلت الجامعه صارت العلاقات مع البنات اكثر رسميه
بالنسبه لي اشوف الصداقه الي بحدود مررره حلوة لاني ماحب احد ينشب لي مره ويتشره
عاد انتي اخبر بهالحركات عن البنات
وكثر الصداقات والعلاقاات شيييين

إقتباس -مفهوم الصداقة بالنسبة لكم ؟؟ أو بمعنى متى نقدر نقول إن هالشخص يستحق كلمة صديق؟؟

لمى يصير لي موقف والقاها سوت لي شى وغيرت من الموضوع الي مضايقني

إقتباس -هل توجد صداقة بين الرجل والمرأة ؟؟ السبب ؟؟

اتوقع لا لانه مابينهم اهتمامات اوشى يربطهم ببعض بمفهوم الصداقه
وبالنسبه لي مأيد صداقه بين بنت وولد لانها ماراح تبقى صداقه

إقتباس -بنظركم الصديق يستحق أن تخبره بكل صغيره وكبيرة من أسرارك وأحلامك ووو ؟؟

اكييد بس بالنسبه لي انا مااعرف اقول شى لان طبعي كذا وهو غلط

إقتباس رأيكم بصداقة الانترنت طبعاً ((من نفس جنسك ))

جربتها مره ولا عجبتني الفكره لاني مااعرف اسولف مع احد وانا ماشفت وجهه

يعطيك العافيه بطله وموضوعك مع انه الاول بس مرره حلو

-


ياهلا فيك يا بطلـة ,
وأنا أقرى موضوعك مدري ليه جاء على بالي قصيده البدر :
علمتني أعقد صداقه بالنظر / مع ساعتي قبل اللقاء
وكيف الثواني ماتمر / والشمس ماتنوي المغيـب

..
أدري مالها دخّـل بالموضوع بس جت على بالي


ايه وصح ما أعرف ليش سجّلت دخول ومدري ليه ضغطت أيقونة رد جديد بموضوعك ..
يمكن عشّـاني أعاني من ( فقر ) صداقات هالفترة : (
مالك بالطويلة .. خليني أبلّـش بالأسئلة :



-هل توجد صداقة بين الرجل والمرأة ؟؟ السبب ؟؟

لأ طبعًا .. والسبب ببساطة يرجع لإختلاف البيئة اللي يعشون فيها ثنيناتهم .. لان فيه فرق كبييير بين مجتمع الرجال ومجتمع النساء , هذا غير طريقه تفكيرهم ..


-بنظركم الصديق يستحق أن تخبره بكل صغيره وكبيرة من أسرارك وأحلامك ووو ؟؟

ع حسب الصديق .. إذا قريب منّـي مرة أشوف له الحق بإنه يعرف تفاصيلي الصغيرة


-رأيكم بصداقة الانترنت طبعاً ((من نفس جنسك ))
سواء كانت ماسنجر فقط أو وصلت لمرحلة استطعت أن ترى الشخص ؟؟

كيف رأينا فيها ؟
يعني قصدك مؤيدين لها أو لا !
إذا هذا قصدك فـ أنا مؤيده بس طبعًا ما أصادق كل من هب ودب ..
لاني أساسًا حتى صداقاتي اللي على أرض الواقع قليلة .. مو أي وحدة أشوفها أقول عنها صديقتي .. لازم لي فترة عشان اتعرف عليها وعلى أطباعها ..
أذكر شلتي أيام الثانوي حول الـ 17 بنت الله يكثرنا .. بس هم 4 اللي قريبات منّـي وهم البيست بيست تقريبًا :$


أما صداقات النت ..
بتكلم عن نفسي طبعًا .. دائمًا علاقاتي وصداقاتي بالنت تستمر لفترة معينه وبعدها ننقطع عن بعض ..
مدري وش السبب بس دايم كذا نهب في بعض فترة وبعدها نبعد شوي شوي لين ماتحوم كبدي وأسوي لها بلوك + ديليت !
هذا أول طبعًـا بس الحين
أعرف وحدة صار لي معها حول السنة وشوي .. عرفتها من هنا " الزعيـم " وهي الوحيدة اللي علاقتي معها تعدت النت ومايمر يوم ما أسولف معها

من يقول إنهـا أوَار ؟
أغلاهم وأقربهم للقلب ,

طبعًا ولا يهونون بنات المجلس الثانيات :$
كلهم ع العين والرأس وكلهم أفتخر بمعرفتهم
ربي لايحرمني من قلوبهم

..


يعطيك العافية يابطلة على هالموضوع الحلو ..
بس حسيته يحتاج شوية ترتيب ويطلع إكــه

جيت ابكتب آكثر .. بس النفسيه ؟؟؟؟؟؟؟؟؟؟
يمكن آعود ويمكن لاااااااااااااا ..

تقبلي مروري .. في اول مواضيعك ..

توني جايه من الجامعة وماعندي نوم قلت خليني ارد ع موضوعك لأنه شيء مهم بحياتيــــ " الصديق "

موضوعك حلو يابطله
-مفهوم الصداقة بالنسبة لكم ؟؟ أو بمعنى متى نقدر نقول إن هالشخص يستحق كلمة صديق؟؟

الصديق هو الي يراعي شعورك ويوقف معك بازماتك يحزن اذ حزنت يسعد اذ سعدت
اذ طلبت منه نصيحه او تستشيره بشي رراح ينصحك وماراح يجاملك
اذ تضايقت من شي يحاول يهديك ويحاول يعرف ايش الي مضايقك ويحاول يرففه عنك عشان تنسى
الصداقه اهم شي بالحياه

-هل توجد صداقة بين الرجل والمرأة ؟؟ السبب ؟؟

لايوجد في مجتمعنا بحكم عاداتنا وتقالدينا وبعدين
على اي اساس الحرمه تصادق رجال
وشهوله تصادقه

-بنظركم الصديق يستحق أن تخبره بكل صغيره وكبيرة من أسرارك وأحلامك ووو ؟؟

ايه يستحق وبقوه صراحه عندي صديقه مقربه لي اعلمها باسراري <كل شي >
فوالله تحفظ السر ولاتقوله لاي احد
مو مثل خواتي لو اتهاوشت مع وحده تجلس تهدد وبعلم عليك
واخر شي تعلم نكايه فيني فتعلمت درس اني ماقول اي سر لاي وحده من خواتي عشان مايجلسون يهددوني كل شويه

-رأيكم بصداقة الانترنت طبعاً ((من نفس جنسك ))
سواء كانت ماسنجر فقط أو وصلت لمرحلة استطعت أن ترى الشخص ؟؟

صراحه ماحب صداقه النت سواء كانت بنت
لان بصراحه ثقتي باي شخص معدومه
اخذت حكمه من هالدنيا ان ما اعطي ثقتي لاي احد سواء كانو من اقربائي
الاقرباء خانو الثقه فكيف الغير مقربين مني اكيد بيخونو الثقه

-مناقشاتكم وقصصكم بعالم الصداقة مفرحة أو محزنة >>تحب السوالف هههه
والله بعضها مفرحه وبعضها محزنه

هلا والله وغلا بطلة ..

والانسان بدون صديق مثل السمك بدون ماء ..
الصداقة كنز لا يفنى ..
والشاعر يقول .. خير صديق في الزمان كتاب ..
والله مدري وش اقول بس ان الصداقة شئ حلو كثير ولا يمكن الاستغناء عنها ..

إقتباس الرسالة الأصلية كتبت بواسطة مواصل من عام 1413هـ وأنا خالتس الصداقة أحس إنها تخص البنات فقط أما العيال فنادراً ما تلقين صداقة حقيقية لسبب إن البنات مالهن إلا بعضهن أما العيال فغالبيتهم يتفرقون كلٍ في مجال عمله والكثير منهم يحتاج للثاني للمصلحة. فجاء الصديق ما جاء - بسلامته.

سلام على الدنيا إن لم يكن بها ** صديق صدوق صادق الوعد منصفا

حياك الله بطله وشكرا لك ها الموضوع البطل

بداية جميلة وموفقة ..

وموضوع مهم وعرض رائع عن الصداقة

شكرا لك اختي الكريمة
ودمت برعاية الله ,,,

هلا هلا وغلا غلا .. بـ الحلوة بطلة ،


الله يا الصداقة .. شيء فطري في الإنسان من صغره لكن سبحان الله يكبر ويبدأ ينسى وأنا بصراحة اتألم لما تباعد بيننا الأيام والمشاغل الحياة .

بس الصداقة الحقيقية نادرة في هذا الزمن .. !

ربي يحفظك يا بطلة و يوفقك مع صحباتك

يسلمو حبيبتي

هلا بك أختي ابطل وحدة في البنات

بجاوبلك عالاسئلة زي ما احس انا الآن

إقتباس -مفهوم الصداقة بالنسبة لكم ؟؟ أو بمعنى متى نقدر نقول إن هالشخص يستحق كلمة صديق؟؟ الصديقة هي أنك وقت ما تبينها في أي وقت أي وقت ولأي حاااجة تلاقينها يالبى قليبها والله -هل توجد صداقة بين الرجل والمرأة ؟؟ السبب ؟؟ اممممممممممممممممممم اتوقع مافي السبب مدري -بنظركم الصديق يستحق أن تخبره بكل صغيره وكبيرة من أسرارك وأحلامك ووو ؟؟ ايوا بكل شئ مو هي جزء من ذاتي وذاتي شئ اكيد بتعرف عني كل شئ -رأيكم بصداقة الانترنت طبعاً ((من نفس جنسك )) سواء كانت ماسنجر فقط أو وصلت لمرحلة استطعت أن ترى الشخص ؟؟ حلوة فيها تتعرفين على اشخاص من العالم اللإفتراضي وتتعرفي لبعض افكارهم -مناقشاتكم وقصصكم بعالم الصداقة مفرحة أو محزنة

يوووووووووووه كل شئ حزن فرح تحشيييش تنسيييم طحن رااس بعضنا تحدي كل أبو شئ نسووويه بس شئ أكيد بدوون زعل


مشكوووورة أختي عالموزوع الجيد يا جيدة

موفقة يالغلا

الزعيمـ الاسيوي
مشكور على ردك وشرفتني
بس يوه ليش تقول إحنا فاضين لا ورانا لا شغلة ولامشغلة خخخ



عقـل الهلال
شكر على ردك
يوووووووووووووه تعرف بنات , مايخافون اللي يكلمون شباب ياقوى قلبهم ماشاء الله
طيب اش رأيك تخليهم يتعرفون على اختك وأمك >>برا



فض فاض
شكر على ردك
عزيزي (كل دقة بتعليمه) هذه حال الدنيا



هلالي قصيمي
مشكور على إجاباتك وعلى اطرائك اسعدني كلامك

تميــــ100ــه
أهلين حبيبتي ومشكورة على ردك ومدحك
شرفتيني



فتاة هلالية
هلا والله ,, والله يديم الصحبة بينك وبين أوارا

ومن ناحية الترتيب نفس إحساسي
ماشفتي القلوب هذه يقال إنها فواصل شغل على كيف كيفك >> ايه هين
من كثر ماعجزت وشلون ابلش بكل نقطة كتبتها قلت مالي إلا هالقلوب تحل المشكلة



متابعة بجنون
ومنها وحده مااعندها مانع لو اتزوج زوجهااا
^ ^ ^
يوووووووووووه والله انا بتطق فيني عرق الغيرة اما عاد زوج المستقبل مره وحده ماآدرش

وحكاية الحب والكره شكلوا أغلب البنات كذا خخخخخخخخ
مشكورة ياعسل على ردك


هلاليه بجنـــون
مشكووووووووووووورة عزيزتي عالرد

وه وه الله يكثرهم بنات الزعيم
وموضوع إنو تخبري صحبتك وماتخبري أختك والله معاك بهذه ومؤيدة وبقوووووووووة


Blue Sun
هلا فيك ,, ومشكورة عزيزي عالرد
وإذا إنت ماتشوف صاحبك بالشهر والشهرين وش حالي أنا عالم ماشفتهم من سنيييييييين
الله يخليلك صاحبك ماشاء الله ..


ماجد مقبل
الله يحيك ويبقيك وشكر على ردك واطرائك

هلالي من أرض اليمن
شكر على ردك وشرفتني
ولما سألت عن الصداقات بين الرجل والمرأة مو معناتها إنو معاها لاااااااااااا ضدها
بس زي ماشفت عزيزي بعض الردود له فيها !!
اللي كنت بأوصل له : كل اللي اللي لهم صداقات من الجنس الآخر اش بيكون سببهم ؟؟
سواء كنت معاهم أو ضدهم يظل رأيهم وتفكيرهم


عقد الياسمين
مشكورة حبيبتي عالرد والدعوة ولك بالمثل ياقلبي


أوار
خخخخخخخ جيتي متحمسة ماشاء الله
مشكورة عالرد قلبو والله يخليك صحبتك


ترف
مشكورة على ردك



هلالية والعز عنواني
مشكورة على دعمك وهذه لك


...][ هلالي الخبر ][...
شكر عالدعم وإن شاء الله نكون عند حسن ظنكم يارب