الله يعطيك الف عافيه
..........................
بالتوفيق يارب للملكـــي
.......................

إيه ده إيه ده
إيمري وش عنده لحس مخ جوارديولا بالخطه ,,؟!
وش عند إيمري بالحركات هذي شغل و تنظيم من ورانا ..؟!
أكثر شي أعجبني فيه إيمري و أتمنى يستمر فيه هو اللعب حسب الظروف
و شفنا كيف لعب بتقفيل الأطراف و بالذات جبهة ميسي ألفيس ..؟! برونو قدامه ماثيو اللي قدم مباراة كبيره ..
أنا أبي أعرف وش السالفه ما عرفت لكن اللي أشوفه طقطقه و شغل على الأجنحه و فرص بالهبل ضاعت ..
صدق صدق بالله أحد يشرح لي اللي صار و خطة فالنسيا بالذات لأني إنلحست والله مثل بيب هههه ..
والله المباراة على حفيظ دراجي خرافيه بلا يوسف سيف بلا خرابيط ..
هايلااااااااااااااااااااااااااا ..

ألفيس يستحق الطرد فاولات كثيره عليه ..

إستفسار /
بوسكيتس مكان تشافي .. وش الموضوع ..؟! إرهاق ..؟!

ابي اتكلم شوي عن مباراه الريال

اول شيء يا عياال اقولكم هاردلكم على المستوى السيء اللي ضهر فيه الريال اليوم
الكل مجمع ان الخوف كل الخوف يجي من خط الدفاع كامل ( يشمل الاضهره )
السيء في الريال اليوم هو التنضيم السيء لـ خط الدفاع بـ الكامل .. يعني مثلا
تلقى سيرخيو راموس و مارسيلليو في نفس الهجمه متقدمين و تلقاهم في مناطق
بلد الوليد و هذا اكبر خطأ .. شيء بديهي اذا انت تبي تهاجم تخلي ضهير يهاجم
و الاخر يبقى متأخر و يساند خط الدفااع .. اما تلقى اثنينهم متقدمين .. هذي تعتبر كارثه

بيبي و البيول .. التفاهم بينهم معدوم لا من الاعتماد على مصيده التسلل و لا على
الاتكاليه في المراقبه .. ما ادري وش راح يكون وضع الريال مع الميلان يوم الاربعاء

اما مباراه قمه الجوله .. بصراحه كانت على مستوى التوقعات و مباراه ممتازه بس
ناقصها الاهداف من كل الطرفين ( طبعا اتمناها لـ الفالنس ) لكن غيااب فيا كان
اثره واضح على الفريق هجمات بـ الهبل لـ الفالنس بس ينقصها اللمسه الاخيره
استغرب من ايميري انه محتفظ بـ زيقيتش على الدكه مع انه تم استدعاءه ( يعني ماهو مصاب ) !!
ميسي اليوم مو في الفورمه .. هي يا حدا امرين
1- ارهاق بعد اسبوع الفيفا + الرحله الطويله من الارغواي لـ اسبانيا
2- الضهير الايسر حق فالنسيا مجنوون و قدر يحد من خطوه ميسي

تصبحون على خير

هآردلك .. !

والله كآنت مبآرآة فـ المتنآول وكآن البآتس أفضل .. بس الحمدلله مآالله أرآد ..

أنآ مثلك يآ عبدالله الى الآن أحآول أستوعب وش سوى ايمري .. ؟! فعلا ً فآجأ الجميع .. ! دور مآثيو الى الآن مآفهمته .. ! هل كآن محور أو جنآح أيسر ؟ حتى أنه مرآت يكشت نآحية اليمين .. ! تنظيم دفآعي ندور عليه من أيآم خروج أيآلآ .. شيء غريب فعلا ً نفس الاسمآء بس بـ أدآء خورآفي

الله رحم برشلونة من فيآ , هذآ اللي كآن نآقص الهجمآت كآنت تحتري فيآ بس يخلصهآ .. !

كآنت امنية لي أن ألبيدآ ترجع له الكبتنية بس أخذهآ نفآرو ..

الحكم كآن جيد نوعا ً مآ فـ المبآرآة .. بس مآآدري على أدنآة الدون يعطي لآعبين فآلنسيآ كروت , في حين آلفيس يآلله طلعله كرت .. !

مدري كثر عذر فيروس الفيفآ .. ترى فآلنسيآ جيزهم بـ جيز البآقي .. " مآتآ و سيلفآ و ميكو و آلبآ " هذولي مع منتخبآتهم .. في حين " فيآ , خوآكين , مآرتشينآ , ديل هورنو , نآتشو , فيسنتي , فيرنآندز " اصآبآت .. وميغيل له حول أسبوعين يروح ويجي لـ البرتغآل عشآن بنته , بـ خلآف عودة برآخآ , مآثيو من اصآبآت .. حتى البديل مآكآن عندنآ ..

ليش مآنقول ان ايمري اليوم عطل مفآتيح برشلونة بـ اقتدآر ! .. تشآفي مين شآفه ؟ ميسي يجتهد بس دآئما ً يلقى معه وآحد ولآ اثنين .. آلفيس مآتقدم الآ نآدرا ً .. أبيدآل مآسك خآنته .. برشلونة لم تتآح له أصلا ً الآ كورة بيدرو و تسديدة مآ أدري لمين ..

يعني يآ تفوزون ولآ البلآء من الفيفآ .. ايمري لعبهآ صح و فآجأ بيب وكآنت فـ الاخير نقطة مكسب له ..

لو أني دآري أن فيه درآجي سمعته ..

^ ^ ^ ^ ^

وش فيك شبيت علي .. انا ما نسبت المستوى اللي ضهر فيه فالنسيا لـ ارهاق
لاعبي البرسا من اسبوع الفيفا .. انا تكلمت عن حاله لاعب واحد فقط و هو ميسي
و قلت انه من الممكن انه يكون اللاعب مرهق او اللاعب اللي مراقبه كان ممتاز
يعني اشوف اني ما هضمت حق فالنسيا بالعكس اي واحد شاف المبااره امس اكيد
راح يعجب بـ اداء الفريق الابيض و كان هو الاجدر بـ الثلاث نقاط





بابلو هرناندز .. بـ رايي هو افضل لاعب في لقاء القمه .. مجنووون و خصوصا
الشوته اللي من وراء النص .. اقلل بويول + بيكي بالحاله .. يكفي انك تشبه فياا ..ولدنا ماتا
مو في الفورمه و ما اشوف انه قدم شيء يذكر .. نتيجه جيده لـ البرسا

بالتوفيق لـ الجميع

إقتباس يعني يآ تفوزون ولآ البلآء من الفيفآ .. ايمري لعبهآ صح و فآجأ بيب وكآنت فـ الاخير نقطة مكسب له ..

ياقمر

اانا فاهم الا تقصده .. وماادري اذا انا من الشريحه هذي لو لأ بس اسمح لي انبرش .. لا تخاف مو على المفصل

عادة الواحد اذا جا يتكلم على فريقه .. مثلا يتكلم عن سلبياته او ايجابياته .. يكون مركز على جانب فريقه فقط .. بغض النظر عن الا يسويه الفريق الثاني .. الا اذا حط رد جانبي عن فريقه فالنسيا وكان يستهزئ وينقص منه .. هنا لها طريقة تصرف ثانيه ..

فـ اذا احنا قلنا .. ارهاق .. اصابه .. حمامه ماتت فوق مدرج الجمهور .. مومعناتها تحجج على غير سنع .. وانه فالنسيا ماسوى شئ محترم في المباراه .. بل بالعكس .. هو محاوله لتفسير الا صار فقط من جانب اداء برشلونه ..

مثلا .. في كل مباراه فيه اسباب لبروز لاعبين وهبوط مستوى لاعبين .. نفس الشئ .. اذا فريق ماادى بالشكل المطلوب .. راح نقول انه فيه عوامل نسبيه ليها .. لكن في نفس الوقت هل احنا نقصنا من فالنسيا ؟ لأ .. الردود اعتقد كان فيها تركيز اكبر على حالة برشلونه .. وماقلنا مثلا فالنسيا زلايب او فريق كخه او شئ ..

فهمت عليي يالغالي في نطقتي ..

الا سواه امس فالنسيا شئ جميل وكبير .. وماحد يقدر ينكره الا الهيس << ودي اكتب تيس

وماحد يقدر ينكر انه فالنسيا عندهم غيابات للاصابات ..

لكن برضو .. خلونا نكون واقعيين وحياديين .. مثال بسيط من ناحية الغيابات ..

ثلاثي فالنسيا الأفضل هالموسم .. هم بابلو هيرنانديز - فيا - ماتا

خواكين يعني مااعتقد يصف جنب بابلو هيرنانديز .. وراح يكون ورقة احتياطيه يعني لا اقل ولا اكثر ..

فيا .. طلع خبر غيابه عن المباراه قبل جولة الفيفا ..

الوحيد الا طلع اسمه في جولة الفيفا اظن هو مارتشينا ..

يعني الفتره الا قدر يفكر فيها ايمري للمباراه باللاعبين المتوافرين الا عنده اكبر ..

غير عن الا لما يجي فريق لما تقرب وقت مباراته تطلع اصابات عنده .. يفرق هنا تجهيز المباراه اعتقد ..

لما اقول فيه ارهاق من جانب برشلونه .. هالشي قلناه اصلا من مباراة الميريا .. ويمكن قبل الميريا .. لأنه صحيح فيه لعيبه في برشلونه تحس محتاجين شوية راحه علشان يرجعو لمستوى قريب من مستواهم الطبيعي .. يعني الشي مو بس من مباريات الفيفا ..

هي فقط محاولة ابداء وجهة نظر .. لكن مااعتقد ابدا فيها استنقاص من فالنسيا او مدربه ..

واقعيا .. الفريقين دخلوا هالمباراه وهم موفي ظروفهم الأمثل ..

واذا كان غياب فييا مثلا ممكن يكون لصالح برشلونه نظرا للفرص الا انصنعت من دونه .. ترى ممكن هالشي كان لصالح فالنسيا .. بسبب وجود عنصر المفاجأه .. الا كان متمثل مثلا بلعب ماتيو كجناح .. وماتا كلاعب راس حربه وهمي .. وهالشي اربك برشلونه كثير ويحسب لايمري ..

إقتباس الرسالة الأصلية كتبت بواسطة N.ROOY بس مآآدري على أدنآة الدون يعطي لآعبين فآلنسيآ كروت

واضح جداً !


والدليل أن الظريف ألبيلدا طلع من المباراة بدون كرت ؟!!!! فيه أحد يتصور هالشي ؟!
الجزار له لقطات كثيرة بعطيك وحده منها : بيدرو منطلق بهجمة مرتدة يجيك هالحبيب يشوته مع ركبته ، الحكم شي جيد أنه مشى الكورة لكن فيه شي اسمه رجوع للاعب واعطائه كرت أصفر !



بانيغا يضرب ألفيس مع وجهه بدون كورة على الأقل تستحق أصفر مع أن فيه حكام يعطون فيها أحمر ! والأسوء من هالشي لاعب مصاب وماسك وجهه واللاعبين والحكم متوجهيت للاطمئنان عليه ولما لعب فالنسيا الكورة سريعه مشاه الحكم رغم أن فيه لاعب طايح بالأرض ماأدري تبع أي قانون !


كرة سهلة لفالديس وفي متناول يده ومافيه أي فرصة للمهاجم أنه يحصلها ، مهاجمكم ميكو يدخل بقوة عليه والحكم برضو بدون كرت !



هالحالات هي اللي ماسكها براسي مانسيتها ولا أشوف المباراة ثانية جبتلك كم لقطة تستحق كرت أصفر والحكم طنش !



ديل هورنو ، ناتشو ، فيسنتي ، فيرنانديز ، لو بتتكلم عن هالمصابين أجل حنا عندنا ميليتو مصاب



صحيح فالنسيا فقد فيا بس أنا فقدت ثلاثي الهجوم كامل ، ميسي مرهق جداً وكأنه غير موجود بالمباراة ، وهنري وابرا مصابين ولا لعبوا !



" ماتا ، سيلفا ، ميكو ، ألبا " خلنا نقول أن فيروس الفيفا أثر عليهم ، ببرشلونة فيه أكثر من 14 واحد أساسيين بمنتخباتهم ، وهنا مافيه وجه مقارنة بين الفريقين ، طبعا ً ماأدري هل ميكو وألبا لاعبين مع منتخباتهم ولا لا !


ماأنكر اطلاقا ً أن فالنسيا قدم مباراة كبيرة والدليل أنه حد من خطورة برشلونة ! وان شاء الله لي عودة لتحليل المباراة وتوضيح أهم طريقة سواه ايمري للحد من خطورة برشلونة !




موسم عن موسم يثبتلي أن الاتحاد الاسباني يدرس حكامه قوانين كرة السلة ، الاحتكاكات ممنوعة ! أي سقوط فاول ! شي ينرفز صراحة !!

تخيلوا يصير اللي يشجع فالنسيا و خيتافي و الريال و اشبيليه وفياريال

يتمنون هزيمة برشلونه ، دايم

وتلقاهم يتابعون مطشات برشلونه كلها وكامله

ويقولون يارب ينهزم برشلونه

والثاني يقول يارب يتعادل برشلونه

يازين ليجتنا بس دوري حماس صدق

مباراه تلقى الريال متصدر ، الثانيه تلقى برشلونه متصدر

الصغير يحشر الكبير ، والكبير يحشر الكبير

هذا الدوري يا عالم ، مب دوري البطل الواحد

مبروك الريال الفوز المستوى مش ولابد ، لكن الفريق لاعبتن فيه الاصابات

فالنسيا ، برشلونه ـ مباراه كبيره والله

فالنسيا غيروا نظرتي فيهم ، فريق يلعب كوره جميله صراحه

كانوا الاحق بالفوز ، لكثرة فرصهم الضائعه

برشلونه ماشفنا هجمات حقيقيه ع المرمى ، يمكن الاصابات ماثره عليهم

بانتظار الانديه الاسبانيه في بطولات اوروبا

ايمري ماعرف لهم الا انت المباراة هذي ماناقصها الا فيا وبعدها بنشوف +18 في
المباراة ,,برشلونه البارح كان على غير العادة واضح من مباراة الميريا ان البرشا ادائه
بدا في النزول الغريب في الامر ان البرشا كان دايم يمسك المباراة على ارضه او خارج ارضه
وقدام اي فريق سواء كبير او صغير لاكن في اخر مبارتين في الدوري اللي هي مع الميريا
وفالنسيا شفنا برشلونه يلعب في الوسط اكثر وهجماته قليله على الخصم ..يعني نقدر نقول
ان الفرق الاخرى بدت توصل للحل اللي يحد من خطورة برشلونه .؟ لحد الان مانقدر نقول شي
بس الواضح لنا انك اذا قفلت وسط الملعب وبالخصوص الجهه اللي يتحكم فيها تشافي راح تحد
من خطورة برشلونه بنسبة كبيره وايضا اذا عندك ظهير ايسر + جناح ايسر يلعبون متفاهمين
بكذا بتكون وقفت ميسي وايضا تكون حديت من خطورة افضل لاعبين في برشلونه اللي هم ميسي
وتشافي بعدها تقدر تجاري برشلونه وتلعب على اخطائه الدفاعية متى ماحصلت
البارح ايمري لعب الظهير الايسر الاصلع ماعرف اسمه ولعب ماثيو جناح ايسر
وهو في الاصل ظهير يعني لعب بلاعبين يجيدون اللعب في خانة الظهير الايسر ليييش ..؟
عشان يمسك ميسي ويقلل من انطلاقاته وهذا الشيء اللي ظهر لنا فعليا اثناء المباراة
وايضا ايمري قفل على تشافي يوم خلا معه البيلدا وبانيجا اللي اجادو في التغطيه واعطوا الحريه
لـ ماتا وبابلو وماثيو اللي بعض الاحيان يكون في الطرف الايسر والايمن .
خلاصة الكلام : اذا بتمسك ميسي وبتخلي معه ظهير لياقته ممتازه + جناح سريع يقدر يهاجم
ويدافع راح تحط ميسي في مخباك . وبعد نفس الكلام مع تشافي يعني تقفل الدائرة بشكل جيد
راح تحطهم الاثنين في المخبا

برجع بعدين اقرأ المحارش اللي هنا

الحين بنزل تصريحات مباراة الريال وبرقد واذا صحيت ان شاء الله ارجع اقرأ
فالدانو : راؤول واجهة لمدريد .. واللي سويناه له عشان نرد له جمايله !


تكلم عن المباراة وقال : الريال ما قصر ، لعب وفاز وهذا المهم .. صح اننا نشوف الفريق لسا ناقصه حاجة من التفاهم .. لكن ما عليه المهم الفوز .
وتكلم عن راؤول وقال : راؤول لاعب كبير ، وقدم لنا طوال تاريخه اداء عالي وما شفنا منه الا كل خير ، نتمنى انه يقعد يسجل دايم ، لأنه مثال على اللعيبة المنضبطة
وتكلم عن مارسيلو وقال : ترونه رد على الصحافة اللي ما تستحي .. اعجبني انه رجع بعد الحرب اللي كان عليه ، واشكر المدرب اللي عالجه نفسيا

http://vb.alhilal.com/showpost.php?p...postcount=8231

المصدر فيه ترجمة متزنة للخبر