نادي الهلال السعودي - شبكة الزعيم - الموقع الرسمي

بسم الله الرحمن الرحيم

ليس بغريب ان يحقق الهلال بطوله ، او انجاز ، او ان يتزعم ( آسيا ) قارياً ، وبنفس
الوقت ليس من الغريب ان نفرح بصفتنا جماهير هلاليه عاشقه ومحبه لهذا الكيان
العظيم !!

وبوجهة نظري انه ليس من الغريب ان يكون هناك مشككين ومنتقدين فقط لأجل
الانتقاد والتجريح والشتم ، وطالما أنك مجتهد فـ اعلم ان لك محبين وان لك بنفس
الوقت ( حاقدين ) فالفئه الاولى تقف خلفك دائما وتشجعك ، والثانيه تتربص بك
و ( تصيد عليك الزله ) لأنك مجتهد عنهم فـ لاعجب .

البعض منا بل الكثيرين في هذا الموقع وبالتحديد منتدى الجمهور الهلالي يشمأز كثيرا
من هؤلاء المشككين والكلمات التي يطلقونها فقد من أجل ابادة كل ماهو ازرق ولكــن
الزعيم يقف بالمرصاد دائماً .

( بالعاميه )

استغربت منكم يالزعماء ، ولقيت ان الاغلبيه هنا يسمع كلام المشككين ويتضايق كثير
وهذا طبيعي مادامك هلالي غيور على ناديك ، لكن ياشباب ماهو غريب ان الهلال
يحارب او تطاله كلمات المشككين في انجازاته .

تتعبون انفسكم وتجيبون حقائق وصور ووثائق ونسيتوا ان المشككين يعرفون ان
الهلال يستحق هاللقب بجداره بس يكابرون ويبون يطلعون الهلال بصوره سيئه
مهما كانت ، حتى صاروا كل ماحقق الهلال لقب ومجد يسجل لتاريخه يستغلون
هالانجاز بالتشكيك واستفزازنا .

كلنا نعرف ان هاللقب من اعلى سلطه رياضيه ، وانا بهالمناسبه بضرب مثال على
السريع :d ، لو انت طالب وطول السنه وانت مجتهد وماتنام الليل من كثر ماتذاكر
وتحاول تكون الاول دايم ، وفي آخر يوم بالاختبارات نجحت وبـ ( امتياز ) وجاك
واحد من اخوياك وقالك انت مانجحت اصلا ، انت اصلا ماتذاكر عشان تنجح
وانت وانت وانت .... الخ ،،، ياولد !! انا طول السنه اتعب واذاكر واجتهد
وآخر شي تقولي ماذاكرت !!

شف هالشهاده وعليها ختم المدير وتقولي ماستحق النجاح !! ياشيخ اطلع من مخي !:d

وهذا اللي صاير مع الهلال بالضبط ، يستحق اللقب ولكن فيه من يشكك فيه لأنه
يكره الهلال ولايريد له الامجاد حتى ولو كانت تسجل باسم الوطن :)

وانتم الله يهديكم تشغلون انفسكم بشيء مفروغ منه ، لقب وراح للي يستحق فـ ليش
نسمع كلام المشككين وحنا نعرف انهم فقط يحبون التشكيك بكل مايحققه الهلال ؟؟

سؤال يحتاج جواب منكم يالزعمــاء s13s

ــــــــــــــــــ

اولومبي الهلال كان في بداية المنافسات ( سيء ) وكان الكل خايف من ان يبقى
مستواه سيء الى نهاية الموسم او لفتره طويله مما تؤثر على اللاعبين انفسهم
واكيد كانت فيه اخطاء لكن سرعان ماتعالجت هالاخطاء ومو عيب الواحد يغلط
لكن العيب انه يستمر بالغلط .

بالمباراه الاخيره مع النصر كنت اشوف المباراه وانا مطمأن جداً لسببين

* لاعبين شباب على مستوى عالي جدا من المهاره والفكر الكروي
* جهاز فني اثبت انه قدير وانه كان يحتاج بعض الوقت فقط

اذا توفرت هالعاملين عندك فـ راح تشوف فريقك ممـتاز ويؤدي بشكل رائع
وماينقصك سوا التوفيق ، والتوفيق بيد رب العالمين .

هذا ماعندي .. باقي اللي عندكم :rose: