|
[ خط الستة حلقة يوم 23/10/1430هـ ،، خبايا ،، كارثة ،، حيلهم بينهم ،، تكفون جاوبوا والكثير ] ملف شامل عن الحلقة من مشاكس..!! تحية طيبة.. ببدا بعرض بعض اللي صار بهالحلقة ،، والرد على الراي الكاذب فيها ،، والشكر للصوت الصادق..واهدي هالموضوع لرئيس النادي ونائبه ولشبكة الزعيم ،، ولـلعزيز اللي ونسني وقت كتابة الموضوع " دحوم التايب " وللاعلام الرياضي الحر ،، وللجماهير الهلالية يصفة عامة..!! بدت الحلقة بدعاية لموقع مجله عرفت سابقا بالضحك على الدقون ،، ونشر الاكاذيب ،، والتحامل على كل ماهو سعودي ،، واستفتاءات افضل لاعب بآسيا خير دليل..!! كانت الحلقة تتحدث عن الاعلام الهلالي واتهامه بسلب الوطنية من بعض الاعلاميين السعوديين لتشكيكهم بأحقية الهلال بلقب القرن..!! عرض تقرير عن هذا الموضوع استغرق الدقيقتين تقريبا ،، وكالعادة كان نهجه عدوانيا ومتحيزا لطرف دون آخر..!! استعرض محمد نجيب الرحمن تصريح سمو الامير نواف بن فيصل لصحيفة الجزيرة السعودية ،، ومن ثم رد عليه بنظره الحوارية كما يدعي ،، وقال بأن وصف الامير لحلقات البرنامج بالساخره ،، وان ضيوف البرنامج اخذوا بالتمادي في نقدهم ليس صحيح اطلاقا ،، وقال بأن مصداقية الامير نواف واسلوبه بالحوار ربما يفتح المجال للحوار فيما بين الطرفين..!! الحيين راح ابدا بالعامي.. بدا شايب السهره وعميد الكذابين كالعادة بوجه " شين وقوي عين " وقال ان البعض اتهمه بأموره الشخصية ،، طيب ياحبيبي اذا ماتبي احد يتكلم بامورك الشخصية ليش تتكلم بامورهم الشخصية..؟! وقال انهم اطفال وقال ولدي فيصل بعقله اكبر منهم ،، قام قاله الديناصور نجيب لانك مربيه ،، واظن دام تربية الولد من ابوه عز الله خووش تربية..!! وبعدين تكلم المتألق احمد الشمراني ،، وقال انا مااقبل ابد تسلب الوطنية من أي احد كان ،، وكل يحب وطنه ،، وقال حقيقة انا انحرجت من مدحهم لي ،، اظنه يقصد انحرج من الجمهور الاهلاوي ،، وحقيقة انا اقوله مافي أي مجال للاحراج ياسيد احمد دامك تنطق بالحق وعلى راسي والله..!! وبعدين جا ابو سكسوكة واخذ يفتيلك بالهرج ،، واتهم الاعلاميين الهلاليين والاهلاويين بانهم فعلوا بالسابق مثل مافعل الاعلام النصراوي والاتحادي الان ،، واستشهد بمباراة الشباب ،، وقال ان لهم سبب رئيسي بعدم تأجيل المباراة،، الا ان النشمي الشمراني تدخل وقال بأن الامر صدر من ديوان ولي العهد ،، ولم يكن للاعلاميين أي دخل به ،، وسكته عن حده..!! وتالي جا الطريقي ،، اللي ماعرفنا عنه وش يبي ،، صاير ابو وجهين مرره معك مرره عليك..!! وقال ان هالاعلاميين زي الاطفال اللي يسوقون سيارات ابهاتهم ويسوون فيها حوادث ،، وقال الخلل من رؤساء التحرير ليش يسمحون لمثل هالاعلاميين بالكتابة ،، وانا اقوله ياللي منتب طفل ،، لكل فعل ردة فعل ،، واظنك ادرى بهالشي ،، ومااظن ان احد يرضى احد ينتقص منه او من ناديه ولااسباب كاذبه ،، مو معقولة يسكت.، ، وبعدين انت تقول انهم يتكلمون كلام بذيء ،، طيب وصفهم بالاطفال مو كلام بذيء ،، من جد امرك عجيب..!! خلال هالفترة لاحظت ان الديناصور قاعد يلقن اللي على يمينه الحتسي ،، وانه يوم ماعجبه كلام الشمراني قاطعه ،، وفرح كثير بكلمه الاطفال اللي قالها الطريقي ،، وقعد يرددها طول وقته ،، وتكرير جملة المانح اكبر من الممنوح ،، لاحراج الهلاليين ،، ومن هالفقرة اظن انهم كانوا يقصدون جريدة الجزيرة ،، وانا عارف ليش ،، عشانها فضحتهم ولاكثر من مرره ،، وعالقوله الضربه بالراس توجع..!! بعديين رجع الديناصور ،، وتسفه على المميز سلطان المهوس ،، وقال احنا مامنعناه يشارك بالحلقة الاخيرة ،، بس كانوا قبله اكثر من واحد وكلهم هلاليين ،، الحيين نقدر نقول ياديناصورنا العزيز انك انعديت بمرض الكذب من خويك اللي جنبك ،، ترا سلطان المهوس حاول المشاركة من قبل الحلقة بس المنسق المنخش سعيد الهلال نصحك بانك ماتسمحله لان مثل ماهو معروف ،، المهوس كانت معه العديد من البراهين والادلة الدامغة اللي تثبت احقية الهلال باللقب..!! وقال بعد انه راسل منسق اتحاد الاحصاء والتأريخ بآسيا الاستاذ منصور عبد الله ،، ولكنه مارد عليه ،، وانه بعدين اخذ رقم مكتبه بابو ظبي ،، يقول ردت علي الشغالة قلت لها وين منصور قالت طيب ،، ويوم جا منصور وكلمه ،، قاله مو معقوله يكون رقم المكتب حق الاتحاد بالبيت ،، وقال ان منصور عبد الله تحجج بضيق المكتب ،، عشان كذا نقل الارقام لبيته ،، ويقول نجيب ان منصور كان يتهرب منه ومايبي يقابله ،، طيب ياديناصور زمانك ،، وش دخلك انت يحط رقم المكتب بالبيت والا بالسكراب ،، وبعديين تعال انت وشوله تكذب وتقول انه يتهرب ،، وهالشي ندري انه كذب وكذب ،، وكم مرره سمعنا انه حاول يشارك بس معدين برنامجكم يتعمدون يوصلون له خبر اشراكه بالحلقة قبل ساعات قليلة ،، وهالشي صعب على رجل مسئول ،، يعني دور لك حجة غيرها..!! وبعديين طلع لنا مقال مدري من وين جابه ،، وقال ان ريال مدريد مااعترف بمنحه هاللقب من اتحاد الاحصاء والتأريخ ،، وشككوا في مصداقيتها ،، والله انك " قرقر كتير ،، فايدة قليل " ،، يااكبرها هالكذبه ،، يعني مالقيت تفتري الا على الريال ،، الريال يانجيب بالعكس احتفل بهاللقب ،، بس والله مدري من وين جبت هالتقرير اللي عندك..؟!! وبعديين جا لسالفة تكريم القحطاني ،، اللي شاركه فيها ابو سمسمية ،، وقالوا ان الاتحاد طلب من الهلال التكفل بكل مصاريف نقل وسكن مندوبي الاتحاد ،، والتكفل بقيمة نقل الجايزة ،، وبمصور فوتغرافي ،، وقال نجيب انا اشكر الهلال انه رفض هالعرض ،، ياخي انت ما تعتدل عن خرابيطك ،، وبعديين مااظن الجمهور تنطلي عليه هالحيله ،، انت بكلامك ذا تقصد ان الهلال ،، رفض ذاك العرض بس قبل هالعرض ،، انت وش تحس فييه يامذيع السراب ،، ماتتركك نفاق ودجل ،، والصاق تهم على باطل..!! وبعدين جا الدور للمداخلات ،، كانت البداية للاستاذ فهد الروقي ،، اللي كان ظهوره شيئا ما ضعيف لكن مآقصر ،، قال بان بعض اللي عندك " يقصد جستنيه والدويش " قالوا ان الهلال مايستحق هاللقب ،، قال جستنية انا هو << فضح نفسه قبل مايطلعه الروقي ،، قال ان الاتحاد من يستحق ،، طيب يابو سمسمية ، على ايش يستحق ،، عالـ 32 بطولة اللي عنده والا عالبطولات الاسيوية الكثيرة اللي خذها ،، من جد غبا..!! وبعدين جاك الدويش وماادراك مالدويش انهو ذاك المتملق المتملص صاحب التناقضات ،، اتهمه الروقي بانه قال ان الهلال مايستحق ،، وقبل مايبدى مستر كذاب بكلامه ،، جاك محامي الدجل نجيب ،، وقال عندنا مقطع من خط الستة فييه الدويش يطالب بن همام باعطاء الهلال لقب القرن ،، لكن فضحه الروقي وقاله ،، دامك قلت هالكلام ليش قبل ايام تكتب ان الهلال مايستحق ،، وان لو السالفة بطولات كان خذها الوحدات والا الفيصلي الاردنيين ،، سكت الكذاب واظهره الروقي للجميع بأنه متناقض بكلامه ودجال كبيير ،، وقال مثل ماتقولون انه الاتحاد للاحصاء والتاريخ ربحي ،، ايضا جائزة مجلة فرانس فوتبول ربحية ،، ومعترف بها من كل الدول والهيئات الرياضية.. وحاب اضيف شي ذكره الاخ دكتور جدة !! إقتباس:
وبعديين دخل النصراوي صالح الفهيد اللي لو ماتكلم احسله ،، لانه فضح نفسه ،، يقول انه بالسابق كان مافيه الا الاعلام الهلالي اللي وصفه بالظلام وبمشوه الحقائق ،، وقال ان الشغله صايرة واسطة ،، وان كل رئيس تحرير يجيب اللي يناسبه بالميول ،، طيب تقدر تقولي من اللي جاب محمد الدويش وخالد الملحم لعكاظ في عشية وضحاها ،، مو انت.!! ،، من جد الدجل والكذب وادعاء المهنية موضة عند بعض الناس هالايام..!! وبعدين جا عيد الثقيل رئيس القسم الرياضي بصحيفة الاقتصادية ،، واعجبني كلامه بصراحه يووم قال دام كل الاتحادات والاندية والشخصيات الدولية هنت الهلال باللقب ،، يعني معقولة هذولا كلهم اغبياء وحمقى ،، وانتوا الصح ،، وقالهم انتوا مجرد حملة منظمة ضد الهلال ،، وربي حسيت بالنشوه يوم قال هالكلام وحسيت ان المقدم وضيوف الغفلة عدا الشمراني ،، لو الود ودهم غطوا وجوههم..!! حيلهم بينهم.. وبعدين دخل الاحمق محمد البكيري ،، المعروف بالحقد الدفين ،، وتداخل كعادته ،، وجات الفضيحة مجلجلة من نفس الجريدة يوم طلب جستنيه من البكيري نشر مزيد من التفاصيل عن العضو النصراوي اللي قال انه انعرض عليه لقب نادي القرن مقابل مليون ونص يورو ،، هنا تلعثم البكيري وقال مآنقدر لاننا نخاف من التوقيف ،، وقال انه العضو يتحمل الكلام اللي قاله ،، يابو ،، انت تسوقها شكلك ،، اذا من جدك هالشي صار اظهره للناس موتقول يتحمله اللي قاله ،، دام هالكلام ظهر بجريدتكم من حقكم تفصلون هالشي ،، لان هالكلام خطير وفيه اتهامات خفية ،، جستنيه ورط البكيري يحسبه صادق بالخبر اللي نزله بالجريدة ،، يعني ظهر لنا برنامج حيلهم بينهم من جديد بس هالمرره غير شكل..!! الزبده نجيب حآول الانتقاص لاكثر من مرره من الهلاليين كاعلام وكجمهور ،، وكان يوجه بالريموت كنترول العميد الكاذب وابو سكسوكة..!! نجيب ،، حآول يشكك باللقب من جديد وحول الحلقة من الاعلام الرياضي الى جزء ثاني من الحلقة الاخيره له ،، وقال ان رئيس هذا الاتحاد مصاب بانفصام بالشخصية ،، وان اتحاده بآطل..!! نجيب سمح لجميع ضيوفه بالمشاركة وباوقات طويلة ،، بينما لم يسمح للشمراني بالحديث خلال هذه الساعتين بعشر دقائق على الاقل لانه يقول الحق والاخرين ليسوا كذلك..!! كان هناك تحامل كبيير على صحيفة الجزيرة ،، ولو لم يعلن ذلك على العيان ،، الا انه ظهر ذلك جليا..!! سعيد الهلال ،، ازاح القناع عن وجهه المليء بالعفن والحقد على كل ماهو هلالي ،، بمنع بعض الصحفيين المرموقين من المشاركة بالبرنامج..!! خآص.. الاعلامي احمد الشمراني ابدى امتعاضه بعدما منع من التكلم بما يريد ،، ويبدو ان هنالك اعترافات خطيرة سوف يدلو بها الشمراني عن كواليس خط الستة ،، بعد انسحابه منه عن قريب..!! الكارثه يمكن مالاحظ الجميع الشي اللي لاحظته بحلقة الامس ،، عند مداخلة البكيري تحدث وقال من دون محد يقوله ،، كيف بنعترف بهالاتحاد ومنسقه حاط المكتب ببيته ،، وترد على التلفون الشغالة ،، يمكن ماانتبهتوا لهالشي.. كيف يكون البرنامج مسجل يعني مو لايف ،، وخبر مهاتفه منصور عبد الله بس عند نجيب ،، ويكون للبكيري علم ودراية بهالشي ابعرف..؟! وبكذا اظن الحيله انكشفت ،، هالحملة زي ماقال الجميع منظمه ،، وان هالشله يجتمعون مع بعضهم قبل الحلقة ،، ويتناقشون شاللي يقولونه وشاللي مايقولونه ،، ومااظن بعد اليوم بتنطلي علينا كذبة الحيادية وابو ظبي للجميع..!! تكفون جآوبوا.. دام الهلال زي ماقلتوا وتشدقتوا يستحق اللقب ،، وداام كل هالعالم اعترفوا باللقب وهنوا الهلاليين ،، لييه انتوا للحين مسوين رجه وصياح ونياح على هاللقب..؟!! العمل هذا كله استغرق مني قرابة الـ 5 ساعات ،، وكل هالتعب يرخص لعيون الزعيم..!! واخيرا اتمنى اكون ا ظهرت لكم بعض خبايا وخفايا ودسائس هذا البرنامج العفن في نواياه واهدافه..!! اخوكم ،، مشآكس..}~ :smilie47::smilie47::smilie47: |
تحليل منطقي تشكر عليه لست من متابعي هذا البرنامج وان كنت ارأب بجمهور نادي القرن بتضييع وقتهم مع اشخاص مفلسين فكرياً و اخلاقياً (الا من رحم ربي) .. اما مايسمى نجيب .. رغم مايتشدق به من الخبرة الاعلامية الطويلة الا انه يقود قناته للهاوية .. |
والله انكم ازعجتونا بالمرضى وعطيتوهم اكبر من حجمهم هم هذا الي يبونة انكم تتابعونهم وتردون عليهم صدقوني الخسران يقطع المصران |
ماشاء الله عليك ماخليت شي بالله احنا ليش نهتم فيهم اصلا خلااص تعبنا ملينا نحش فيهم ونعلمهم الطريق الصح |
تحليل منطقي تشكر عليه لست من متابعي هذا البرنامج وان كنت ارأب بجمهور نادي القرن بتضييع وقتهم مع اشخاص مفلسين فكرياً و اخلاقياً (الا من رحم ربي) .. اما مايسمى نجيب .. رغم مايتشدق به من الخبرة الاعلامية الطويلة الا انه يقود قناته للهاوية .. http://vb.alhilal.com/images2/images14/fasel3.jpg |
على اساس الزعماء مقاطعين القناه؟؟؟؟؟ |
ياليتك ماكتبت عن البرنامج لانه برنامج فاشل |
تحليل منطقي تشكر عليه . |
اخوي نسيت توضح حاجه ممكن فاتت عليك وهي حينما ذكر ان نادي ريال مدريد لا يعترف في هذا الاتحاد وتبجح فيها ولكن لما رد الاستاذ القدير فهد الروقي انا هذا احتجاج على المعاير وليس احتجاج على الاتحاد مالحظة نجيب الرحمن تهرب ودمدم الموضوع ولم يصر على كلامه بحيث لاينكشف انه كذاب . ولك فائق احترامي على الموضوع والتحليل الجيد |
على العموم هذا الهلال يعانق السماء ولايعرف غير النجوم في كون الله الواسع فستمتعوا بالهلال ونوره واتركوا خطوط الستة والعرض للجدل والخيبة0000 |
مساكين ... يقولون مالا يعلمون... |
ههههههههههههه ممكن سوال وين هذا البرنامج على اي قنات بعدين هذا نجيب امراتي سمعت عنة خلة يروح يصلح دوريهم ذا الفاشل بعدين يتكلم في شي اكبر منة الزعيم كبير ياصغير |
يعطيك الف الف عافيه اخوي مشاكس . . . وآصلآ وآضح ضعف حجتهم بتهجمهم على الروقي من البدايه . . والدليل مقاطعه الروقي بااغلب كلامه بحجه الوقت ! ! ! واحمد الشمرآني المفروض يتكلم بالحق مانبي مجامله منه ولا شي . . ولكن الحقيقه بتسكت هآللي للاسف واحد باكستاني يلعب على ابناء بلدنا للانتقام من الرياضه وزرع الفتنه ولكن القافله تسير وخط السته ينبح . . ,, سلمت يدآك يآلغآلي . . |
بارك الله فيك على هالتحليل الرائع وكأننا نشوف البرنامج قدامنا مشكور أخوي مشاكس على طرحك الرائع |
إقتباس:
بس نجيب حاول يوهم المشاهد أنه طلبات بقاله ولا مطعم آذا تذكر معي بطوله العالم للآنديه التي كان سيشارك فيها الهلال لمآذا الغيت..! السبب كان هو عدم وجود راعي للبطوله يتكفل بسكن الفرق بالفنادق والمكافئات والميدالايات ولهذا الغيت البطوله من اتحاد الفيفا وهي أهم بطوله للأنديه بالعالم كيف بتصويت جماهيري فاز فيه ياسر وهي بالآساس تكريم من جمهوره وليس بأختيار الأتحاد الدولي للأحصاء.... |
| الوقت المعتمد في المنتدى بتوقيت جرينتش +3.
الوقت الان » 04:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd