|
القناة الرياضية السعودية ولاستمرار بتطفيش جمهور الهلال < على خطى الاي ار تي السلام عليكم ورحمة الله وبركاته ..، قدر الله علي وخرب عندي جهاز الدريم بوكس .. المعنى ان تغطية مباراة الهلال والنصر بكاس فيصل ماتابعته على الاي ار تي او الجزيرة لكن تابعته على القناة الرياضية السعودية .. واللي استغربت منه بدأ التحليل الساعه 8 وربع تقريبا بعد تقديم حفل تدشين شعار دوري زين بدأ التحليل وكل كلامهم عن النصر التفت للي بجنبي قلت كأن المباراة بين النصر وفريق برا السعودية راحت اكثر من ربع ساعة وماجابوا طاري الهلال ابدا .. بعدين تكلموا عن المنافسة بين الهلال والنصرحتى على مستوى الفئات السنية طبعا المقدم شكله نصراوي والمحلل نصراوي معروف يوسف خميس المقدم على طول قال طبعا الغلبة واضحة للنصر ( بغيت اقوله لاتموت بس ) بالاخير يوم جاء ينتقل التحليل للمحلل الهلالي ماعرف اسمه قالوا ان المراسل بالملعب جاهز اللحين ..؟ راحوا للمراسل بالملعب والمقابله كانت مع سلمان القريني النصراوي .. اكثر من 12 دقيقة وهو يساله المراسل وهو يجاوب قهروني للحين ماتكلموا عن الهلال بالاخير انتقل المكرفون للمراسل الثاني وكان معه مدير الفريق الاولمبي بالهلال طبعا قبل ياخذ المقابلة كانت معه التشكيلة حقت الهلال من قال التشكيلة ويبدا الصوت يقطع ( والله تذكرت حركات الاي ار تي ) بعد كذا زعلت وغيرت القناة ولادري وش صار لكن السؤال ليش كل هذا ..؟ |
لا بعد شد واشد ما نقلو المباراة اصلا جاببو مباراة الحزم والتعاون |
شوف مع احترامي لك لكن القناة الرياضية السعودية هي الوحيدة التي وقفت مع انجاز الهلال وحصوله على نادي القرن ......... |
ههههه اول مره اشوف قناه تسحب على دوري زين .. ويجيبون اوروبا ودرجه اولى بعد ض1 قل ايه انت بس شكراً لك |
نفس حالتك والله .. اليوم انتهى اشتراك الدريم ولا امداني اجدد . وقدر الله وهذاني اشوفها عليها وان جت على تطنيش الجمهرو بكيفه حتى المعلق قروشنا وعسى الله يجملنا بنتيجتها وع البررركه الهدف الاول |
القناه هاذي دايخه وبايخه واللي يتابعها غلطان |
يعطيك العافيه هالحين الخشبيه ليش مانقلوها ( الخشبيه الارضي )<--- في العمل .. |
اخووي المبارات منقوله الي الرياضيه السعووديه الارضيه او الفضائيه |
|
الحمد لله ياربي الهلال متقدم بهدف وخلهم ع راحتهم يحللون ويقوون الي يبون فحريقة |
اففف قلق الرياضيــه جالس احتريها ونهايتهاا ماجابوهاا |
اهلين حبايبي يعني معقولة القناة الرياضية على نظام القديمين الى اللحين بالبث الارضي تنقل مباراة غير عن اللي بالبث الفضائي ..؟ الرياضية السعودية الفضائية ناقلة الهلال والنصر بيني وبينكم بس بدون زعل انا تابعت الشوط الاول على ابو ظبي الرياضية المعلق كويس والتصوير كويس افضل من الرياضية السعودية والمعلق يبارك للهلال بنادي القرن ..! |
صحيح عزيزي لحظة هذا الشيء من المذيع وفوق هذا كله لما رجع للمحلل الهلالي يقوله اسف تاخرت عليك قاله عادي تمون قناة الفشل |
بالطبع انت محارب من جهات كثيره والقنوات الاعلامية احدهمــا |
القناه هاذي عوايدها مافي جديد .. بس المقدم .. احمد العجلان .. هلالي وانا متأكد من هلاليته .. ربما المخرج عاوز كذا خخخ |
| الوقت المعتمد في المنتدى بتوقيت جرينتش +3.
الوقت الان » 07:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd