|
乂 ثقافة الشكوى 乂 السلام عليكم ورحمه الله وبركاته صباح الخير / مساء الخير يعتبر السوق السعودي من أكبر الأسواق الإستهلاكية في منطقة الشرق الأوسط ، مما جعلها محط أنظار كافة الشركات المصنعة والمنتجة ، نظراً لكمية الطلب المتزايد بالمملكة على كافة المصنوعات والمنتجات. ورغم دخول القطع والمنتجات المقلدة وإستمرار الأزمة العالمية وإرتفاع الأسعار للضعف مع ثبات دخل المواطن - إلا أننا مازلنا في مركز الصدارة بالنسبة للمستهلكين في الشرق الأوسط ، كإنجاز ( سعودي ) ربما يضاف إلى سجل المنجزات السعودية من نوع ( أبوريالين ) :s2:. هذا ( الإنجاز ) دفع الكثير من الشركات الجديدة بالسعي للبحث عن وكلاء داخل المملكة للمنافسة على هذا ( المستهلك ) ، فجزء يسير من هذا ( الإنجاز ) يعادل عشرات الملايين سنوياً في أرصدة الشركة المصدرة ، فتكون غالبية الوكلات كالتالي : 1- وكالة منسقة مسبقاً بالخارج لإحدى الشركات التابعة ( لأصحاب البشوت ) ، وتكون الوكالة داخل المملكة بإسم أحد المواطنين ( كشكل صوري فقط ). 2- وكالة لإحدى الشركات داخل المملكة ، مع إضافة إسم أحد ( أصحاب البشوت ) كشريك بالإسم فقط ، تصله الأرباح - وهو جالس ومرتاح. فتكون العلاقة بين الطرفين علاقة مصالح وتسهيل إجراءات وتلاعب ، مما يجعل الجهات الرسمية في حرجٍ شديد وتكف البحث عن أي قضية ( في حال تقديم شكوى من قبل أحد المواطنين الغلابا ) :d. هذا المواطن ( الغلبان ) عليه أن يتحمل مسؤوليه التعامل مع هذه الشركات والتي تنظر إليه ( كمشتري - وليس عميل )!!. إلا أن الحال قد تغير وأصبح بإمكان ( العميل ) القفز فوق كل هؤلاء والمطالبة بحقوقه في حال الشكوى - بمراسلة ( الشركة الأم ) عن طريق موقعها الإلكتروني والتي تسعى للمحافظة على ( عملائها ) حتى ولو كان ( العميل ) هو المخطئ. فمن كان يرد عليك بالأمس بمقوله ( يدك وما تعطي ) ، أصبح يردد ( آمر - تدلل ) بعد مراسلة ( الشركة الأم ) خوفاً من سحب الوكالة!!. * سأسرد لكم قصة لأحد المواطنين ( لتوضيح ما كتبت ) : ذهب أحد مالكي سيارات ( BMW ) للوكيل ( الناغي ) بالمملكة لعمل صيانة فإستاء مما رأه ، ولم يجد أذناً صاغية ، فما كان منه إلا أن تقدم بشكوى للشركة الأم في ألمانيا والتي بدورها راسلت الوكيل بالمملكة لحل مشكلة هذا ( العميل ) فكانت النتيجة - إتصال مندوب من شركة ( الناغي ) لإنهاء المشكلة!!. |
هلا والله من طول الغيبات جاب الغنايم ياحبيبي احنا شعب مستغل , مستغفلينا كل الشركات وكل المؤسسات ولو تبحث في خفايا الأمور والشركات تجد أنه خلفهم من يتقبل الشكاوي وتهمه راحة المستخدم فمثل ماتفضلت احنا ماعندنا ثقافة الشكوى عندنا صارخ على هالعامل المسكين وإلا وارفع خشمك وبالاخير تكتشف إنه ملعووووووب عليك ولا عارف تأخذ حقك... تشرفت بقراءة موضوعك ... تحياتي لك |
ياكرهي لأي شئ يتعلق بالإقتصاد:s5s: بس حنا ياطويل العمر على فكرة عندنا مشكلة الا وهي : إن المواطن لايعرف حقوقه .!! اتذكر دخلت بمستشفى الولادة ببريدة وحطوا لوحة مبين فيها كل حقوق المريض وفيه اشياء كثيرة انا بنفسي كانت من حقوقي مااعرفها وتفاجأت... الشاهد : لو كل مواطن يعرف حقوقه وعنده ثقافة ( الشكوى ) ماكان صار شعبنا مستغل الى هذا الحد.!! ومع كل هذا حتى لو كان المواطن واعي جدا .!؟ راح يلاقي مشاكل من اصحاب البشوت .. انت صحيح ممكن هذا تقدر تكلم الشركة (الأم) ويحلون مشكلتك ... لكن فيه جوانب أخرى راح يوقفون لك وماتقدر تشتكي.!! عذرآ على الإطآلة.!! شكرآ لك:rose: |
والله إننا هنا ينلعب علينا خاصة الشياب وينزرفون زرف مب طبيعي ولا يسوون شي :( لأنهم تعودوا على هذا الشي مب أول مرة ! وعندك وزارة التجارة فاتحه لهم الأبواب . لكن لو الواحد يضبط أموره قبل ما يسوي الشي ويرتب لها يمكن يضمن نفسه, بس المشكلة لا جيت بتقدم شكوى لشركة أم أجنبية وما عندك لغة وش تسوي :D |
مســــــــاء النور..:rose: مواصل ذكرتني بخالي مره أشترى جوال نوكياآ بس مدري طلع خربان المهم فيه شيء وراح لهم لكن ماعطوه وجه بعدين على قولتك يقول أنه أرسل ايميل (وهددهم أنه بيفضحهم )بالنت وكذاآ ودقوآ عليه ويتأسفون له وحقكـ عليناآ والنهآآيه أععطوه جواآل جديد .. (السالفه بالمختصر) نسيت التفاصيل لآنه كآن يسولف لي وأناآ آكل ..:s4s: لآتحرمنآآ جديدكـ ..:ba1: |
إقتباس:
حبرش بالموقع :d وأكيد فيه أحد من معارفك ( صديق - قريب ) يعرف لغة إنجليزية. والموضوع طبعاً يهم الجميع شباب وصبايا ولا يتعلق بالسيارات فقط ( وإنما ذكرت القصة ) كمثال. وهلالية مثلت بشركة نوكيا سيارات - أجهزة منزليه - ماركات عالمية. إشتك ما راح تخسر شئ :d |
الشعب السعودي مهب حق شكاوي الا القليل :d عادي حنا ناكل تبن ونسكت s45s :d أهم شي نسلم / أرفع راسك أنت سعودي |
الله يطوّل عمر أصحاب البشوت :smilie47: هم أبخص :smilie47: حتى الخطأ منهم - لو جاء ونادراً ما يجي - يعتبر في عيوننا صح :smilie47: هم أهم .. وحنا بحريقة :smilie47: وشوله نزعجهم بالشكاوي والبكاء؟ ما يكفيهم اللي فيهم؟ خلوهم الله يعينهم ما يلقون الوقت يحسبون حساباتهم وأرباحهم عشان يلقون لكم وقت لشكاويكم ..! :( بعدين وراك تعلم الشعب بالطريقة؟ وش أسلوب لوي الذراع يا هذا؟ اتق الله واترك الناس في حالها ..! عندكم ديوان المظالم ووزارة التجارة مدري الغرفة التجارية روحوا لهم .. وشو له المشاكل والفضايح بالخارج؟ كذا تشوهون سمعة الوطن يا عديمي الوطنية ..! :s3s: توقيع مواطن مخلص :smilie47: |
ههههههههههههههههههههههههههههههههههههههه على المواطن المخلص .. اختك |
وعليكم السلام ,, ياهلا والله يالغالي اتعلم ان ثقافة الشكوى هنا قليله بالمقارنه في الدول الاخرى :) اللهم صل على محمد ايه وشسمه اذكر قبل سنه قام احد العملاء لشركة سيارات بتوقيف موتره امام الوكالة :s2: المهم ويدق ذاك الاستيكر الي يحبه قلبك يشرح معانته ان كذا وكذا وهو على ما اعتقد اجبر الوكالة على تنفيذ طلبه :razz: |
مرحبا براعي الشكاوي :) مالك ومال المطاليب ... تحلى بالاخلاق السعوديه // قريت رد لعضو لمنتدى قريب :) .. يتكلم كيف تاخذ حقك من الوكيل عموما ... اتركم مع نصه " بسم الله الرحمن الرحيم طبعا الطريقة برقية الى الديوان الملكي واليك التفاصيل : كيفية ارسال برقية للديوان الملكي وشكوى وزارة التجارة والوكيل الموضوع سهل جداً ومجرب ... 1- روح لوزارة التجارة واشتك عليهم وتأكد إن خطابك تم توريده برقم وتاريخ معين وخذ رقم التوريد والتاريخ ولا تضيعه ولا ترجع لهم ابد ولا تروح لهم ثانية. 2- بعد 7 أيام فقط أرسل برقية للملك عن طريق الرقم 969 ومن هاتف بيتك .. واكتب إنك اشتكيت للوزارة ولا تجاوبوا معك :d . 3- البرقية كل كلمة بريال يعني لا تكثر قرق .. لا أنت عندك قروش واللي يقرأ البرقيات عنده وقت... نص البرقية للملك يجب أن تكون كالتالي: "خادم الحرمين الشريفين يؤسفنا أن نرفع لمقامكم الكريم الظلم الذي وقع علينا من شركة ........... وكيل سيارات ........ حيث اشترينا منه سيارة جديدة وقد تعطلت عدة مرات حتى ولم نجد لديهم قطع الغيار اللازمة علماً بأننا رفعنا الأمر لوزارة التجارة ولم نجد منهم أي تجاوب .. خادم الحرمين ليس لنا بعد الله إلا أنتم في أخذ حقنا كاملاً من هذه الشركة وأمثالها " ولعلمك ترى ما تحتاج تمدح ولا تردح بالبرقية أصلا الملك ما يشوفها ولا يقراها إلا إذا تكررت أكثر من مرة لنفس المشكلة... وعموماً شنبي مهب على رجال إذا ما حلوا مشكلتك بس عشان يفتكون من برقياتك... سألني واحد جربتها ؟ 1- مع الغرفة التجارية وخفضوا رسم تجديد السجل من 900 إلى 300 ريال 2- مع البنك الأهلي استرديت مبلغي بسرعة البرق بعد ما اشتكيتهم مع مؤسسة النقد ملاحظة: لا يمكن تسجن عشان برقية إلا اذا قليت أدبك مع الملك أو ارسلت في أمور ما لك علاقة فيها - مثل ليش ما تفكون الربط بين الريال والدولار - أما مطالباتك بحقوقك فصدقوني سمعت قصص يشيب لها الولدان مثلاً: موظف في أرامكو كل يوم ياخذ طرف غرفة وينام ولا يشتغل... بعد 5 سنوات نوم رفع برقية إن ترقيته متأخرة .. جته الترقية قبل اخوياه اللي يكرفون واذا بتسكتون على حقكم اسكتوا وخلوا الذيابه تاكلكم تبون حقوقكم سووا مثل ما يسوي الرجاجيل. " // على الطاري واحد يسولف لي يقولي كنت ابشتكي على وكيل تويوتا لكزس عبداللطيف قبيح ... ومالقيت ايميل او رقم للشركه الام حتى يقول دخلت على موقع تويوتا باللغه الياباني واحبرش ماحصلت شي ... !! ابو عسل |
له له انت بخير ولا انا بخير ولا وش السالفة أبو عابد يكتب لنا موضوع قصير وواضح وبدون شطحات وبسيط ! :d هلا وغلا مواصل باشا سهران بيك ! شعبنا ما شاء الله عليه أحسه اكثر شعب مستهلك وأي بضاع تجيه ما تعوق معه من شي غالي ومهم إلى أتفه بضاعة! أبسط مثال السيارات للي في الشارع تلقى سيارة موديل 2010 ما نزلت الا من شهر ممكن حتى في وكالتها ما شفتها تلقااها ماشية جنب الكابرس الصابونة :d عندك شعب مستهلك وكل الشركات والمصانع لاعبه فيه وتوديه يمين يسار يعني شوف معي كم سلعة تنزل عندنا بس ناقصة ميزة مهمة جدا بالنسبة لمستخدمها عشان بعد شهرين تنزل سلعة ثانية فيها هالميزة عشان تجبر الواحد يشتريها!! <<== مطفي النور ومروق و عايش جو فاعذره اذا ما فهمت رده ;) أبو عابد لا تقطعنا من مواضيعك :) وان كان للشكوى للي هو عنوان الموضوع يا تشتكي من فوق يا احمد ربك واسكت ما في حل وسط ! إقتباس:
وهكذا الدنيا تدور :d |
إقتباس:
الله يحلي أيامك يا أبوعسل يا أنا ضحكت ضحك على هالموضوع اللي إنت جايبه :s2: ألحين يرسل برقية للديوان الملكي وتنحل مشكلته :s2: لا وفوق هذا يكثر رسايل :s2: :s2: <--- يتذكر أيام ما كانوا يزحلقون هالبرقيات بالحفظ أو يفرمونها بالفرامة :s2: لكن بعطيك علم أكيد تصدق عاد ما ياخذ حقه إلا اللي يقل أدبه بالبرقية أو المعاملة ويسب سب ( علني ). هي المعاملة الوحيدة اللي ترفع ويطلع عليها ولاه الأمر :d ودائما ما يجي الرد ( بحل مشكلتهم أو إكرامهم ) أنا رديت هالرد علشان تكون بالصورة :d أما بخصوص إرسال رساله لتويوتا بحاول بكره إن شاء الله أحبرش بالنت وأعلمك :d |
إقتباس:
وفعلا حرس الحدود طلعت رجال على قدر من المسؤولية :ba1: |
موضوعكـ رههههيب ذكرني باامي:ba1: دايما اذا جينا نشتكي على شي تقول لا حرام عليكم تلقونه بعدين تقطعون رزقه وماادري ايش مثلاً نشتكي مطعم اوبقاله بايعه شي منتهي مدته ....الخ (مشكلة امي حبيبة) يعطيكـ العافية مواصل على هالموووضووووعs13s,, رد المشاغب رهييييييييب اجل هم ابخص يالمواطن المخلص:naughty: هع |
| الوقت المعتمد في المنتدى بتوقيت جرينتش +3.
الوقت الان » 04:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd