|
ياسر يحتاجك عون يا ابن مساعد ؟؟!!! السلام عليكم .. ما الفائدة التي يرجيها الامير عبدالله بن مساعد عندما يهاجم اثنين من نجوم الهلال في هذه المرحلة الحساسة في مسيرتهم الرياضية .. عندما ينخفض مستوى النجم فإنه بحاجة الى دعم من مسؤولي وجماهير النادي وليس العكس !!! اذا عندك كلام ونصيحة وقرار فأنت أخو رئيس النادي .. اجتمع مع اخوك واطلب ياسر وقل له الكلام هذا .. أما انك تترك كل القنوات لنقل وجهت نظرك .. وتتجه للاعلام لتقول رأيك فهذا أكبر خطأ .. يا سمو الأمير .. نحن نحبك ولكن ان تهدم مجهودك بيديك فهذا ما لا نريده لك ولنادينا .. ان الأمير عبدالله قد فشل اكثر من مرة في تعامله مع نجوم الفريق والاعلام وأدى لنتائج سلبية .. لقد خرجت في آخر فترة رئاستك وقلت ان نجوم الهلال انتهوا .. وكان حكمك خاطيء ففي الموسم التالي حصد الهلال كل الألفاب .. في نهاية رئاستك سمحت للمدرب الفاشل بأن ينضم مؤتمر صحفي شتم فيه نجوم الفريق ومنهم سامي .. الاعلام لا يتطلب الشفافية والمصدااقية الساذجة .. انما يطلب الحكمة .. ومعالجة القضايا داخل البيت وليس اثارتها كما حدث في مشكلة الديون مع محمد بن فيصل .. أخيرا .. الصمت (الاعلامي) حكمة يا سمو الأمير ... |
مشكور اخوي على طرح مثل هذا الموضووووع ويعطيك العااافيه |
بغض النظر عن ماطرحته في موضوعك متى نعرف ونعي أن اللاعب المحترف مثل الموظف تماما" يستلم راتب آخر الشهر نظير إحترافه وقبل كل ذلك يستلم مقدم عقد كبير ( الله يهنيهم ) فلا بد أن يقدم مايوازي الذي يقبضه آخر الشهر يجب أن تتحرر عقولنا من العاطفة تقبل تحياتي |
آتوقع آخطأ عبد الله بن مسآعد بالتصريح لآن في هذي المرحله مفرووض يدعم الاعب لآنه محآرب من جميع الانديه ونعرف وش صآر له الموسم المآضي وآتوقع لو نرفع معنويآته آن شآء الله بيرججع ليآسر 2007 :smilie47: |
ما الفائدة التي يرجيها الامير عبدالله بن مساعد عندما يهاجم اثنين من نجوم الهلال في هذه المرحلة الحساسة في مسيرتهم الرياضية .. عندما ينخفض مستوى النجم فإنه بحاجة الى دعم من مسؤولي وجماهير النادي وليس العكس !!! .................................... الفائدة لكي يعلمون ان الهلال لايعتمد على لاعب او لاعبين وكل لاعب هو اللي يجيب المدح او النقد لنفسه الى متى ونحن نطبل لهم بصراحه الى متى!!! الدعيع له هفوات ماادري ثقة زائده انا ماني عارف وياسر مشكلته مايحلها الاهو نفسه |
إقتباس:
لابد من وعي وفهم معنى الاحتراف للنجوم الكبار قبل الصغار ... والعاطفة ليس ورائها الا المتاعب والتنازلات ... تحياتي لك |
يعطيك العافية اخوي فعلا عبدالله بن مساعد اخطا بهذا التصريح وكان الواجب عليه ان يبلغ الدعيع وياسر شخصيا بدلا من الظهور بالاعلام ويجب على شبيه الريح وجميع اعضاء الادارة ان لا يقفوا مكتوفي الايدي امام الحملات التي تقوم على ياسر والدعيع من قبل الاعلام الاصفر وان يكونوا اكثر حزما بالتعامل معها فمن الظلم ان نرى الكاسر يصارع وحيدا لكي يعود الى مستواه والاعلام الاصفر ضدة وكذلك اعلامنا وكثير من الجمهور |
لاحول ولا قوة الا بالله يعني الى متى يا عبدالله بن مساعد؟؟؟؟؟؟ تكفى لا تصرح بأي شي يخص النادي رئيس النادي موجود ونائب الرئيس موجود ورئيس اعضاء الشرف موجود دائما تصاريحك تسيء للهلال او تأثر عليه...السنه اللي راحت لما فكر الاتحاد السعودي ياخذ كوزمين لتدريب المنتخب رحت ادليت بتصريح استفزازي وتقول لو كنت رئيس الهلال واخذوا كوزمين لتدريب المنتخب بأستقيل ..كأننا ناقصين عداواة في الاتحاد السعودي طيب هذاهم شالوا كوزمين وبالقوه ومو للمنتخب الا طلعوه برا....وش سويت؟ طيب الحين تصرح عن مستوى ياسر والدعيع....يا استاذي كلنا نعرف الشي اللي تعرضله ياسر الموسم اللي راح وللأسف لسبب او لآخر ادارة الهلال ماقدرت تسوي اي شي للدفاع عن الاعب حتى ماقدرت تاخذ حق الاعب بعقوبه رمزيه لجماهير الانديه اللي اسائت له بشكل قذر وتأثر مستواه في نهاية الموسم...طيب الآن حنا في اول الموسم ونشوف ياسر بادي يستعيد مستواه اكيد مارجع لمستواه اللي نعرفه للحين بس برضوا حنا في اول الموسم مالعبنا الا 4 مباريات تجي وتتكلم بالطريقه هذي؟؟؟ الدعيع ماكان له داعي تتكلم عن اعتزاله خاصه انه توه داخل فينا هدف بغلطه منه...كذا انت تأثر عليه وتزيد الطين بلله . بعدين ليش التناقض؟ من نهاية الموسم اللي راح وانتم تقولون جيرتس عنده كل الصلاحيات في التشكيله وحاجة النادي للعيبه الاجانب...خلاص اتركوه هو اللي يحدد. التصريحات اللي مالها داعي اتركوها حتى لو كانت في مقابله ليش تعطون المرضى النصراويين وجبات دسمه وفرصه يتدخلون ويسيئون للعيبة الهلال؟؟ امس في برنامج مساء الرياضيه تو المطيويع يقدم الضيوف الا ونط الصحفي النصراوي على طول وقال البارح صرح الامير عبدالله بن مساعد وقال ان الدعيع المفروض يعتزل وياسر مستواه هابط...لاحظ المفردات اللي استهخدمها (المفروض يعتزل) (هابط) ابدا ما ننكر المجهود الكبير اللي يقدمه الامير عبدالله بن مساعد للهلال سواء على مستوى تعاقدات الاعبين او العقود الاستثماريه والتسويقيه لكن اتمنى يتقبل النقد. وفي النهايه....اختلاف الرأي لا يفسد للزعــــــيم قضيه |
إقتباس:
محد طبّل !! فيه أحد ينتقد بالإعلام إمسك اللاعب وناقشه وقضينا اما تطلع بالإعلام !!!؟!!!! مادري وش الهدف منها صراحة |
| الوقت المعتمد في المنتدى بتوقيت جرينتش +3.
الوقت الان » 11:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd