اعيروا هذا اللاعب او ضعوه على لائحة الانتقال لا احد يعلو على الكيان - صفحة رقم 3 - نادي الهلال السعودي - شبكة الزعيم

الضحووك · #31 09/10/2009, 10:11 PM

إقتباس

الرسالة الأصلية كتبت بواسطة abdulaziz54


	السلام عليكم ياليت نهدأ شوي يا عزيزي لان خالد عزيز الى الان ما يرد على اتصالات مدير الكرة بالنادي ما ندري وش ظروفه ووش اعذاره اللي بيقدمها للجهاز الفني اتمنى ما نظلم اللاعب واحنا للحين ما ندري وش ظروفه لحد يجي يقول مو اول مره يسويها كلنا ندري انه مو اول مره يغيب ولكن العقاب يأتي بعد تقديم العذر وان شاء الله خيرر ...

كلامك عين العقل

هذا هو الكلام العقلاني المتزن

THE EXPERT001 · #32 09/10/2009, 10:13 PM

صدقت تصرفات عزيز زادت عن الحد المقبول ولا بد من ردعه وإيقاف تجاوزاته

!!هلالي الرس!! · #33 09/10/2009, 10:15 PM

والله من جد هاللاعب بادين يلف ويدور مادري وش سالفته بالظبط

اسير زماني · #34 09/10/2009, 10:18 PM

لا نستبق الأحداث عزيزي
ننتظر رأي الإدارة فربما لعزيز ظرف طارئ منعة من الحضور

التميمي2007 · #35 09/10/2009, 10:21 PM

إقتباس

الرسالة الأصلية كتبت بواسطة abdulaziz54


	السلام عليكم ياليت نهدأ شوي يا عزيزي لان خالد عزيز الى الان ما يرد على اتصالات مدير الكرة بالنادي ما ندري وش ظروفه ووش اعذاره اللي بيقدمها للجهاز الفني اتمنى ما نظلم اللاعب واحنا للحين ما ندري وش ظروفه لحد يجي يقول مو اول مره يسويها كلنا ندري انه مو اول مره يغيب ولكن العقاب يأتي بعد تقديم العذر وان شاء الله خيرر ...

يا رجال بلا مثاليه ما لها داعي وتقديم اعذار مسبقه والا اذا كان عندك ارتباط خذ اذن من ادارة النادي بشكل مسبق او مع بداية التمارين اتصل بس ابو طبيع ما يخلي طبعه ساحب على النادي ويتمذرح هنا وهناك ويدور احد يدافع عنه بالمنتديات

سواح4 · #36 09/10/2009, 10:21 PM

نتمنى من العقلاء في النادي الجلوس مع الاعب واتخاذ الازم

.عبدالرحمن. · #37 09/10/2009, 10:25 PM

والله ما نرضى يغيب اي لاعب بدون عذر

لاكن

لا تستعجل ممكن عنده عذر

يسمحله بالغياب

نصبر هليوميين ونشوف سبب غيابه

خالد

تكفى أضبط امورك

نبيك تبقى في الهلال ولا نبي غيركــ

زعيم العريجا · #38 09/10/2009, 10:30 PM

الله يهديه ان شاء الله
والله لاعب كبير وما ودنا نخسره

كرستيانو فيتش · #39 09/10/2009, 10:37 PM

والله انه امنيه انه يعود عزيز على ما كان عليه
ويبقى عزيز علينا

ابودانه9 · #40 09/10/2009, 10:37 PM

ياشباب انا اعتقد ان عدم حظوره بسبب القات الرجال شكله يخزن خميس وجمعه وبعدها يروح في سابع نومه

لامبارد الهلالي · #41 09/10/2009, 10:48 PM

اخوي مصادري تؤكد

أوافقك الرأي يالغالي بحكم أني أحب خالد عزيز وعلى عيني وراسي , ولكن الكيان الهلالي الأهم في مصلحتنا ..
فو الله ضاق صدري يوم قريت الخبر الى متى ياعزيز فنحن نحتاجك ..
ولكن اتمنى أن يكون له عذر مقبول في سبب غيابه ..
وبالتوفيـق لـ خالد ولنادي القرن ..!

كنت ولازلت اهتم برايك واحترمه

تحياتي

معذبهم 15 · #42 09/10/2009, 10:49 PM

لا المفروض ينطق في المدرجات الين ينتهي عقدهـ علشان يعرف ان الدنيا حق

سبحان الله عقليه غريبه يارجال تلقى قايل له زليخه رح للبحرين ما عليك

المشكله هو عارف انه من الاسماء الخمسه اللى راح تشارك في مباره النصر

" أَبُو لارا " · #43 09/10/2009, 10:52 PM

*
*
في لغز محير لا يعلمه إلا خالد عزيز لكن الأيام سوف تكشف هذا اللغز المحير ،
أجل لاعب يغيب وهو يعلم أنه متعاقد مع الهلال لمدة معينة وعليه إحترام العقد
الذي أبرم مع الهلال وإلا إنهاء عقده أو إعارته هي الوسيلة الأفضل
صحيح أني قسوت عليه لكن عليه ألا يظن أن الهلال سوف يقف عليه !!

أخوي مصادري تؤكد .. يعطيك العافية

المالكي توب · #44 09/10/2009, 10:55 PM

صدقت تصرفات عزيز زادت عن الحد المقبول ولا بد من ردعه وإيقاف تجاوزاته

الطويسان · #45 09/10/2009, 11:08 PM

يجب أيقافه ومقايضة بأي لاعب يفيد الكيان الهلالي بلاش من التصرفات الصبيانية