|
الفئات السنيه في نادي الهلال معك واسطه مقبول بدون ماتختبر مامعك موب مقبول قبل ماتختبر السلام عليكم ورحمه الله وبركاته كيف الحال ان شاء الله بخير انا عندي موضوع مهم وعلى الاداره التحرك لانه بصراحه مشكله كبيره الموضوع هو بخصوص الفئات السنيه شباب و ناشئين يعني مستقبل الهلال ضايع اذا كان نظام الواسطه بيستمر قسم بالله اني اروح اشوف مباريات للناشئين والشباب في كم لاعب مايستحقون يلبسون شعار ازرق في كم لاعب لاتمرير صح لا تفتح صح همجيه حتى اني كنت اناظر مباراه واحد انفرد تعرفون وش لون انفرد طاح كذا لحاله يعني وين باستراحه احنا هذا مستقبل النادي انا بقولكم قصتي مع النادي قبل شهر جيت واختبرت في النادي وتم قبولي من مساعد المدرب المهم اخذ رقمي والميلاد وزي كذا واحتري الجوال يرن ههههههه مادريت ان ماعندي واسطه علشان كذا ما العب المشكله اروح لهم يقولون اسمك لازال مسجل وش وانا جاني قبل 3 سنوات عرض من نادي الشباب بس الوالد كان رافض بحكم اكمال الدراسه خلاصت الموضوع شغل الواسطه مانبيه لان النادي بيتدهور ياناس والسلام عليكم ورحمه الله وبركاته |
ولا يزال شغل الواسطة مستمر وكتبت عن مثل هالموضوع ،،، وآكبر دليل خساراتان من الجار شباب بـ 3 واليوم الناشئين يلحقونهم ،، والخوف القادم يكون الدور على الاولمبي ،، بالله من متي نخسر من النصر في الفئات السنية ؟؟؟ وهل آصبحوا آفضل مناا باستقطاب نجوم واعدة لفرقهم ؟؟؟ يعطيك العافية على هالطرح المفيد ،، ويارب يلتفتون المشرفين على القطاعات لمثل هالكلام اللي راح يدهور قطاعاتنا السنية بسبب الواسطات !!!! |
للاسف والله . . . مابقى الا النصر يهزمنآ ! ! ! ! وين فرق عن الموسم الماضي والحين ! ! ! ! المستوى متدهور . . . على العموم الله يوفق الزعيم يآرب . . |
والله ياناس خويي راح تدرب مع النصر وعرضوا عليه ميه وعشرين الف ورفض وهم رفضوا استمراره معهم في التدريبات وراح للشباب وتدرب معهم وعرضوا عليه ميه وخمسين الف ورفض وهم ايضا رفضوا استمراره في التدريبات وحاول يدخل الهلال ماقدر ولايدري متى يستقبلون اللاعبين وحتى اذا عرف ماراح يقدر يسجل لانها واسطه المشكله بعض اللاعبين ينسقونهم الهلال او مايبونهم ويروحون لنادي ثاني ويبدعون وبعدين ندفع فيهم الملايين علشان نجيبهم ليه مو من الاول نحافظ عليهم ونطور مستواهم ونوفر على انفسنا |
الطاسه ضايعه لا نريد اعذار تقولون بعضهم راحوا للمنتخب وو الخ الحل الاول لجميع المشاكل الاعتراف بها مشكور عـ الإهتما وانا اخواني الضغار نفس الشي اخذوا ارقامهم ووو زحلقوهم |
وانت الصادق وين المدرب الي يقدر يضيف شي للاعب لا إنتشار .. لاتسديد .. لامهاره .. لا إستغلال الكرات الثابته والركنيه .. مايعرفون يستغلون مهارتهم في خدمة الفريق مو لتعطيل هجمه مرتده وغيرها كثير .. اذا المدرب ماغرس في الاعب وهو في سن صغير متى الاعب يتعلم شف منتخب الكوري وغانا الآن في كأس العالم ..!! صراحه إمكانيات كبيره ولاعبين مميزين وتحركات وإنتشار مميز .. وماشوف هذا في شباب الهلال ولا حتى ناشيئين الهلال .. مقومات الاعب وأبجديات الكره غيرموجوده في الاعب السعودي بشكل عام .. وفي نادي الهلال بشكل خاص .. على الأمير بندر بن محمد المسؤول الأول والأخير للفئات السنيه تقييم الإداريين والكشافين و المدربين !! ومايترك الحابل بـ النابل وتضيع فلوسه على فاشوش !! يعني المبالغ الي يدفعها ياليته على شي سنع ماشفنا من هالكلام شي " الاعب الموهوب سجل في نادي الهلال بعد محاولات عديده من الأنديه " وشاطرين يصورون ويتصورون معهم !! وماشفنا من هالعيبه شي وكلهم وسط ومحاور !! |
هلا وسهلا بك اخوى الغالي بصراحه موضوعك اكيد اسطات وانا اول واحد راحت للنادي ومايبوني وانا مركزي مكان مهم بالفريق بس مثل مايقول ماعندك واسطه ماحد يبيك انا االعب مثل المرشدي او العب مثل خالد عزيز محور دفاعي والصراحه انا كانت لعب فى نادي الفتح ولين الحين بس مثل ماتقول مافيه مستقبل بالنادي ذى والصراحه حنا بالمدرسه وكذا وصعبه اتركه واجي للهلال عشان الدراسهـ ثانويه وانا اخر سنه وكذا بكل امانه الهلال اصبح واسطات واتمنى نشوف لنا حل لان فى لاعبين يستاهلون النائشين والشباب افضل من هذى مع اخر التحيات اخوك لاعب نادي الفتح سابقنا عبدالرحمن بن يوسف |
لازم يتغير كل الاداريين المسؤلين عن الفئات السنه وديت اخوي لنادي النصر عرضوا عليه مبالغ بس هو يقول انا ماابي الا الهلال والهلال تسجيله يوم واحد بس عشان يدخل الواسطات الله يعين |
وش الحل ياشباب الواسطة راح تاكل بالقطاعات السنية والخاسر الاكبر هو الهلال |
يارجال خذ هزيمة ورا هزيمة لين تشبع ياهلال واللي يقول ماعاد الا النصر يفوز علينا العالم شغالة موزينا امس نتعذر بالارضية وغياب لاعبين المنتخب واليوم مدري وش العذر و الاولمبي جايه الدور العالم شغاله مو زينا نايمه ياادارة............. |
لي عودة....................................ـــــــــــــــــــــــــــــــــــــ................... |
والوضع خطير في الفئات لازم الادارهـ تنتبه لشي هذا المشكله الواسطه راح تذبح الهلال |
يارجال خل عنك انا سجلت ولا قبلوني مع ان مركزي ظهير ايمن لكن الله يعين بس |
ابني كان من ظمن مدرسه الهلال طفشه هذال ورحل وهجر الكوره وهو من افضل ماتم اختياره في تلك الفتره وبعد حضور هذال للمدرسه اصبح الهلال يخسر بكل سهوله والسبب ابتعاد الخنين عبد الرحمن عن المدرسه |
الواسطه للاسف متى ما دخلت بشي ....... ( دمــــــــــــــــــــرتــــــــــــــــــه تدمـــــــــــــيـــــــــراً ) |
| الوقت المعتمد في المنتدى بتوقيت جرينتش +3.
الوقت الان » 09:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd