السلام عليكم ورحمة الله وبركاته ..

الموضوع اليوم بدا برسالة على ماسنجري .. من قريب لي نصراوي من ( أمريكا ) ..
برسالة تقول : ( اتمنا تقرا صحيفة الرياضي قبل لايوقفونها ) ..
بعد ماشفت الرسالة قلت لازم نقرا الجريدة .. وادخل على موقع الجريدة واحصل الموقع مقفل للاصلاحات ..
توقعت انهم كاتبين شئ يستحق التوقيف فعلا !! ..

الكلام كان متأخر تقريبا 9 مساءا .. ولاحصلت الجريدة حول بيتنا .. قلت مايبيلها الا ( فلان ) لانه نصراوي ومتابع لهالجريده .. وبتعب لو ادور على هلالي يقرا ( صحيفة الرياضي )

واتصل عليه قال لي ماقريتها لكن بتابع لك السالفه .. وبعد شوي ويتصل علي قال لي لقيت الجريده ومكتوب
بالبنط العريض ( عضو شرف نصراوي : عرض علينا لقب نادي القرن بـ 8 مليون ونصف ورفضناه ) !!

( المبلغ ممكن مايكون بالضبط لكن قريب لكن المهم الفكره )

وهذا كان آخر ماتوصل اليه العلم النصراوي وبعد تفكير لأجابة سؤال ( كيف نقلل من شأن هذا اللقب ؟؟!! )

ونكمل المكالمة ( طبعا الشخص مافيه التعصب النصراوي .. قال لي والله .. الهلال زعيم القارة بـ 6 بطولات اسيويه وهو الاجدر باللقب ) ................ انتهت المكالمه ..

الخلاصه :

* اراد ( جميع من يشجع غير الهلال ) ان يشكك بهذا اللقب ليظهر ابن همام .. سلطان بن فهد .. نواف بن فيصل .. بلاتر .. الخ ليردوا على المشككين ..

* جميع من شكك باللقب لايستطيع ان يشكك في استحقاقية اللقب بل ليشكك في من اصدر هذه الجائزة لان الطريقة الاولى مالها حل ..

* من أول ماأعلن عن اللقب و ( الغير ) يفكر بطريقة ما ان يقلل من شأنه وكل ماطلعت طريقة الا وانسدت الابواب ليظهر اخر ماتوصل اليه العلم .. بما معناه ( ان الهلال اشترى اللقب !! ) اجل معناته ان الهلال قدم اعلى عرض لشراءه ههههههههه .. والله مشكلة !!

* مع ان النصر في أمس الحاجه في حاجة لمراضاة جماهيره وفي هذا الوقت ( خاصة ) بلقب من هذا النوع .. فهل معقول ( لو فرضنا جدلاً ) ان كان هذا الكلام صحيح .. فهل سيتردد في شراءه ؟؟ !!

اترك لكم المايك ..

وشكرا لكم .. وآسف عالاطاله ..