|
الحل بسيط ياياسر القحطاني السلام عليكم ورحمه الله وبركاته بعد ماشفنـا مقابله سمو الامير \ عبدالله بن مساعد في برنامج صدى الملاعب وحديثه عن الكابتن القدير ياسر القحطاني .. دخلت المنتدى هنا .. حصلت الجمهور هنا منقسم قسمين الاول معارض لكلام الامير عبدالله بن مساعد . ويقول مو وقته ياسمو الامير تقول نجيب مهاجم اجنبي عشان لايتحطم ياسر وعشان لازم نصبر عليه كما صبرنا ع الشلهوب ولابد ان مانحكم ع ياسر من اول اربع مباريات و و... الخ . والقسم الثاني من الجمهور مؤيد وبقوه كلام الامير ويقول هو يقول الصح ولحد يزعل لان ياسر مو مستواه وياسر انتهى ووو .. الخ .. انا كمحب لياسر بقول : ياسر له مكانه خاصه عندي وعند اغلب المحبين لياسر .. ولكنه في الملعب احبه زي مااحب حسن خيرات .. واي لاعب اخر . لانهم كلهم يمثلون الزعيم وابغاهم يقدموون الافضل دائما وابدا . الشي الوحيد اللي اتمنى إن ياسر يفهمه وهو اكيد فاهم لكن لازم ياسر وجميع من حول ياسر من اصدقاء او اقارب يفهمون ياسر ان كلام الامير مثل كلام اغلب الجمهور المؤيد له .. يعني ياياسر بكل بساطه تابع اول مبارياتك وبالاخص اول 3 مواسم قضيتها في الهلال وكيف كان مستواك . وتفرج فيها وقارن انت وحدك ولا تجعل كلامنا كجمهور او تصاريح من اي مسؤل تأثر عليك .. أنت فقط تابع مباريات كثيره لك زمان وكيف إن الجمهور حبك بمهاراتك وقتاليتك اللي اشتقنا لها . ومن المنمكن ان تكون طريقه المدربين وطلبهم لك بأدوار قد تخفي نجوميتك في المباراه ولكنك نجم لازم تضع بصمه لك من اي مكان وزاويه وتحاور في كل المناطق بدون ان تقع .! ياسر اننا نحبك فلا تخيب أملنا فيك :yes: وأتمنى هالكلام مايأثر عليك ولا يسبب لك زياده في الضغوطات اللتي تواجهها من اعلام وجمهور وقياده للمنتخب ومشاكل يألفها الحاسدوون لكي يشوهو إسمك اللي بحول الله وقوته لن يستطيعوا وكل ذلك بتفانيك وإخلاصك اللي متعودينه منك ولكن يبقى التركيز وبعض الهدووء اهم شي تفكر فيـه داخل الملعب . فالحل بسيط ياياسر ... تابع مباريات قديمه لعبتها .. وقارنها بالمباريات الحاليه . وأتمنى من الجمهور الصبر على ياسر لأنه تووه في بدايه الدوري وماظهر مستواه للحين ومانحكم عليه من اول اربع مباريات ولكن كلامنا هذا لإن ياسر نجم والنجم يمتع في كل المواجهات حتى لو كانت وديه . |
ياسر ان شاء الله راح يبدع وراح تشوف ياسر 2007 وراح يقولون لك السبب هو تهديد الامير وانا اقول لك( لا ) بس الامير هذا ما شاء الله عليه يعرف يختار الوقت اللي يصرح فيه ... وليش يصرح في هذا الوقت وامام الملا يعني يقدر يتكلم مع ياسر على انفراد وبدون ضجه اعلاميه بس ماهوو مقصده الذي يريد الوصول اليه عبر هذا التصريح ... يا خبر اليوم بفلوس بكره ببلاش ... وبالنسبه لعوده القناص ان شاء الله هناك وقد سمعته في قناه ART خبر اعطاني تفاول برجعة القناص هو انه اول لاعب وصل الى معكسر المنتخب وكان في استقبال باقي افراد المنتخب تذكر عودة الثنيان بعد ايقافه هو وفهد الهريفي كيف عاد الثنيان رجع لاعب محترف وليس الثنيان الهاوي ... اصبح ناضج كرويا بعد ذلك الايقاف وعرف كيف يفيد الفريق بخبرته اتمنى اعطاء القناص شارة القيادة في الهلال حيث انها تعطيه دافع واحساس بالمسؤليه اكبر |
تسلم والله وأقتررااح حليووو ~ وأنا مع أعطآآء القنااص أشارة القيادهـ~ |
نتمنى رجعته ياسر القناص وان شالله يكون حديث الاميرعبد الله بن مساعد ايجابي لياسر |
يارجل اتحداك اذا رجع مستوى ياخوي له كم شهور وانتم تقلون هاكلام ههههههههههههههههه |
ياسر يعلم جيدا ان مستواه قل ، واتمنى انه مثل ماعرف ان مستواه قل يعرف كيف يرجعه مثل اول وافضل . يعطيك العافيه |
ان شاء الله يرجع القناص لمستواه الي نعرفه . |
لاعب وصل لمرحلة اللامبالاه وبعضنا يقول عطوه شارة القياده كان يروح الهلال وطي |
كلام عين الصوااااااااب يالبى قلبك وان شاء الله يرجع مستوآهـ .. |
الله يعين كل يوم نقول بيرجع ومزالنى نقول |
والله اني اتمناء كل خير لياسر بس انتو شوفو كيف يتفنن في الكوره امام الباب على العموم اتمناء ان يكون في احسن مستوى له وبتوفيق لياسر |
اخوي من الخطأ والضلم انك تقارن صبرنا على الشلهوب مثل صبرنا على ياسر صبرنا على الشلهوب وهو مايسمى صبر!! لأنه كان حبيس الدكه وانا اجزم لو ان الشلهوب [طبعا سابقا] نازل الملعب وهو في اسوأ مستوياته ليفعل مالا فعله ياسر وصبرنا على ياسر غير على صبرنا على الشلهوب يـآسر صبرنا سنتين وهو كان المهاجم وكل المباريات يلعب وهو الاشبه بالعله على الفريق مال اقول الكلام ذا كره في ياسر بالعكس انا احبه واتمنى منه الافضل لكن الحق يقال من الضلم تقارن ياسر بالشلهوب طيب الشلهوب فالدكه من كم؟؟؟؟ وشف يوم رجع كيف ابدع تقبل مروري السلام عليكم |
الحين اذا قلت انا كلمه حق رح تشوف اكثر الاعضاء رح يسخرون مني .. لكن اجزم انه لن يأتي من يسد مكان القناص غير القناص ..ياسر كل شي ضده ..وش تطلبون منه ...حتى جائزته خبوها عنه لييييييييييييييييييييييييييييييييش كل هذا ...هذا جزاء من اسعدنا ...حسبي الله |
.,’ إنسـوا ان في لاعب إسمه يـآسر ترـآه فـ أكثر من تصريح لمّح إنه ما يحب يكون تحت المجهر و لا تقعدون تتفلسفون هو أساسي هو أساسي !! فيه شي إسمه مدرب يحط اللي يبي و يوخر اللي ما يبي !! ,’ |
ياسر يعلم جيدا ان مستواه قل ، واتمنى انه مثل ماعرف ان مستواه قل يعرف كيف يرجعه مثل اول وافضل . يعطيك العافيه |
| الوقت المعتمد في المنتدى بتوقيت جرينتش +3.
الوقت الان » 12:47 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd