|
(( مــــهزله )) اليوم في النادي الجار (( بطلــها))؟؟ كنت ضمن الحضور في مباراة شباب الزعيم امام الجار عصر هذا اليوم وكان جمهور الزعيم على الموعد ماشاء الله تبارك الله شي مستغرب لمايحدث (( للهلال)) بالعربي في شي غلط؟؟؟؟؟ (( ثلاثي)) حكام مباراة اليوم لم يكونوا على قدر المسؤؤليه ولن نشكك في النوايا ولكن0 (( ضربات)) جزاء واخطاء وضرب وتطنيش لصغار الهلال ولن اقول شباب الهلال لانه في مباراة اليوم افتقد غياب (( 8 )) لاعبين حتى المثير للاستغراب ان بعض هؤلا اللاعبين كانوا (( بجانبنا)) في المدرج وهو مأ أستغربه الحضور0 لكن مايحث للزعيم من (( الخارج)) شي مثير للأستغراب حتى صار (( المنتخب)) هو السبب في فقدان الزعيم للألقاب ماهي الفائده ان تقام هذه المعسكرات في فتراة الدوري ؟ ماهي الفائده لاسمح الله اصيب نجوم الزعيم في هذه المعسكرات التي لاتفيد الدوري الا (( الضياع)) هل اصبح الزعيم ضحيه نعود للفئات السنيه ماحدث عصر هذا اليوم من حكام اللقاء ولن اقول حكم الساحه انما حكام المباراه بأكملها فالشاهد الله انني اناظر بعيني قرارين مختلفين بينهما فأحدهما يشير ان الأوت لفريق الهلال والاخر فريق النصر فحدثت هذه القرارات مرات ومرات ولكن؟؟؟ يجب على المشرف على الفئات السنيه ممثل بسمو الامير بندر بن محمد والاستاذ حسن القحطاني الاهتمام اكثر فالامور بدأت في الانحدار والفئات السنيه لم تكن كالتي كانت شباب الزعيم يحتاجون مراجعت الحسابات ونتمنى حلها في اقرب وقت 0 |
الله يعطيك العافيه اخوي / قلب الزعيم النابض ، وتسلم على هالمقاله اللي إنت كاتبها ، ضم تشكيه كثيره من الزعيم للمنتخب هي ارهاق الزعيم وتأثيره على الدوري وشكرا |
((ياجماعة الخير الاندية في خدمة المنتخب في اي وقت ولنا الفخر ان نكون من الذين يخدمون الوطن بس بصراحه فريق درجة الشباب في حاجه لمراجعه قبل الدوري والاخطاء التحكيمية جزء من العبه واذا خسرنا اليوم بنفوز بكرة بس بمجهودنا وبعد ما نصحح اخطائنا)) |
تسلموا ياالموبدع مشكووووووووووووووووووووووورررررررررررر |
مشكوووووووووووور الله يصلح الاموووووووور |
كلام كبير لاهنت والله يوفقهم وانشاء الله الامير بندر يصححه الاخطاء واليوم الغياب اثر على اللعيبه لاهنت |
الله يعين بس فيه أهمال واضح للفئات السنيه اللي كانت منبع النجوم ,,, |
فيه غلط بالزعيم ككل شباب واول نتمنى من الادارة مراجعة حساباتها قبل تطير الطيور باارزاقها . |
معليش انا ماشفت شي ع الحكام ليش ماتتكلم على مستواهم السيء ! اولاً سلطان الدعيع لاعب ناشيء لعب في شباب اتذكر اني اشوفه في الناشئين ويقدم مباريات كبيره معقوله قطاع الشباب ماعنده قلب دفاع !! حتى لو كان سلطان البيشي ونواف العابد و شافي مع الأولمبي المفروض يكون لهم بديل ومو معقول لاعبين في الأولمبي بيلعبون مع الشباب !! ومو عذر تواجد 4 لاعبين في المنتخب وتأخرو عن التمرين ويحرمهم من المشاركه المدرب ارجع واقول وين البديل ؟ إصابة لاعبين فهد الجهني والسويلم !! من الشباب مو عذر ان الاعبين مصابين ارجع واقول وين البديل ؟؟ اليوم عك كروي بحت بعيد عن الحكام المستوى اليوم سيء جداً وسط ودفاع ضعيف جداً مافي ولاهجمه منظمه طوال 90 دقيقه معقوله !! على رغم من إستقطاب الدعيرم والحبشي على لاعبين وسط ومحاور بس ماشفنا منهم شي اليوم !! وين المدرب الي يقدر يصنع فريق ؟ لاتمريرات صح ولا إنتشار ولاتسديد ولا إستغلال الكرات الثابته ولا الركنيه حتى مايعرفون متى يسخرون مهاراتهم في خدمة الفريق مو لتعطيل هجمه الاعب يصعد للفريق الأول وهو فقير فنياً وماله الا التنسيق والإعاره !! وهذا بسبب المدرب المفروض ان المدرب يطور من إمكانياتهم !! الفئات السنيه بحاجه لـ نظر .. ولما أشوف فريق بـحجم الهلال لايمتلك قاعده مميزه ولا مدرب يقدر يصنع فريق كامل جيل مميز !! لو أشوف كأس العالم لـ شباب وأشوف لاعبينـا !! انصدم بصراحه مادري هل العيب فيهم او في المدرب ؟ لاإمكانيات .. لامهاره .. لا جمل تكتيكه لعب عشوائي بحت ومو بس في هذي المباره من الموسم الماضي والهلال الفئات السنيه بشكل عام يعاني من اللعب العشوائي والأنانيه وحب الذات .. اللعب الجماعي مشطوب .. ارجو إعادة النظر في الفئات السنيه وخصوصاً ان الأميربندر بن محمد يدفع وقدم الغالي والنفيس لـ الفئات السنيه بس لابد من المراقبة اعمال الإدارين واعمال المدرب ومايترك الحابل بـ النابل !! هذا الكلام من مواسم ماضيه أفتقدناها في لاعبين الهلال الشباب وخير دليل فريق الأول للهلال شوف كم لاعب من مدرسة الهلال !! ينعدون على الأصابع وجيل للن يتكرر!! اما الي صعودو للفريق الأول إما تنسيق او إعاره !! لاعب او لاعبين يصعدون للفريق الأول لأنهم موهوبين من الفطره (الفريدي +الدوسري حالياً) ولاعب الي الآن من نوع "طقها والحقها " من زمان يطلع لنا في الجرايد تم التوقيع مع الاعب الفلاني بعد تنافس من جميع الأنديه ولاشفنا شي شاطرين في التصوير والعب طقها والحقها الاعب ماعمل إضافه للفريق والمدرب ماطور من إمكانياتهم !! وهم في هذا العمر مازالو يفتقدون لأساسيات كرة القدم .. على فكره البطوله تنشيطيه ومايهمني تحقيقها انا همي الوحيد أن أرى الهلال جيل مميز يمتلكون جميع مقومات الاعب المهاره وحده لاتكفي ..!! |
انا قبل شوي شفت الاهداف في الجوله وربي مهزله وش هالمستوى اداء غير متوقع في ظل الامكانات المتوفره للاعبي شباب الهلال من خلال الاهداف مافي اي تماسك بين الخطوط و3 اهداف وربي قويه الله يستر من القادم باذن الله يراجعون حساياتهم صفحه وطويت نشوف قام الايام بالتوفيق للزعيم والزعمااء........ |
الفئات السنيه انتاج ما نبي منهم نتائج و لا القاب . تحياتي |
وربي شمتوبنا وخلونا في قول وراء قول ومافيه اي مستوى للنادي متهالك متفكك الخطوط ياليتهم مالعبوا والي يقول المنتخب اهلك اللعيبة اول شي النادي في خدمة المنتخب والدليل احمد الجيزاني وعبدالاله حقهم كانوامع المنتخب وهم اللي شلوا الفريق فوق نصيحة تكفون اهتموا في الفئات الصغيرة وبكرة نشوف الناشئين و بعدهالاولمبي |
إقتباس:
بيض الله وجهك على هذا الكلامs60s |
الله يعطيك العافيه اخوي / |
ممكن ليش لا؟ هلالي الشرق الاوسط |
| الوقت المعتمد في المنتدى بتوقيت جرينتش +3.
الوقت الان » 06:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd