|
خسارة بال ثلاثه ومستوى هزيل .. شباب الهلال الى أين !!؟؟ السلام عليكم ورحمة الله وبركاته مستوى سيء سيء جدا جدا جدا وهزيمة بثلاثة أهداف كانت قابلة للزيادة من فريق عادي لو ان النصر كان مميز في دفاعاته ومنظم بشكل كبير كان قلنا مو مشكله ... لكن النصر فاز بثلاثه مع الرأفه بأقل مستوى ومجهود بعض لاعبين الفريق الاول بالنصر تابعوا المباراة والجماهير تردد ... سرى الليل يابو ثلاثه دفعه هائله للاعبين النصر الناشئين غدا ان فازوا ناشئين النصر بكره على الهلال راح تكون دفعه هائله للنصراويين قدام اولمبي الهلال .. تصعيد لاعبين ما يحدث فرق بهالشكل ... للمعلومية فالفريق الهلالي ما طلع نجم (( سوبر ستار )) من المدرسة من سنوات طويله ويكفيكم انه من بعد محمد الشلهوب اللي طلع من المدرسة قبل (( 10 )) سنوات لم يظهر من المدرسة الا عبدالعزيز الدوسري ونواف العابد وإلى الآن ما تبينوا لنا بشكل كامل إذا كانوا من طينة عمالقة المدرسة الهلالية أو لأ .. (( الفريدي لاعب الأنصار )) انظروا الان الى الفريق الأول بنادي الهلال وشوفوا من من اللاعبين خريج مدرسة الهلال باستثناء الشلهوب ؟؟ بالله ماهي قوية ؟؟ ارجعوا للخلف شوي بس وتذكروا تشكيلة الهلال الدعيع الدوخي - مدافع محترف - المفرج - الخثران الغامدي - عزيز التمياط - الشلهوب - وسط محترف - سامي وكل ما ترجعون شوي يزيد عدد لاعبين المدرسة الهلاليه الثنيان - الجمعان - الغشيان - التمياط اخوان - التيماوي - ابوثنين - الشلهوب - الدوخي - سامي - حتى المفرج اللي تخرج من المدرسة الهلالية 1417 بسن 18 سنه حقق الدوري وهوجم من الإعلام وثبتت التهمه عليه أبد الدهر لاحظوا كل الأسماء اللي فوق أول مهارة عندهم هي (( روح الهلال )) ومن ثم الفكر والتمرير والتكتيك ومن ثم (( المهارة )) واللي للأسف ان الجيل الحالي يحسب انها هي أهم شيء بكرة القدم عندي كلام ذكره برنابوك قبل كم سنه في حوار له هنا في الشبكة يقول ـ ماذا تطلب من إدارات الأندية السعودية؟ أطالبهم بالاهتمام بالفئات السنية لأنهم عماد المستقبل، وفـــي السابق كان الهلال يستقدم مدربين عالميين للفئات السنية مثـــل كوباك مدرب إسبانيا لمدة 12 عاما وبروشيش الذي تخرج على يده أكثر من نجم كبير، بالإضـــافة إلى فيـــلهو البـــــرازيلي الذي كان صاحب بصمة في إعـداد اللاعبــــين الصغار. صراحه مستوى يرفع الضغط .... والله يعين على كثرة الخريجين بلا فائدة[/COLOR] |
هونها وتهون ياخوي مرة لك ومرة عليك بالتوفيق لهلالنا غدا ويوم الاحد وكل يوووووووووووم.. |
والله ونا اخوك لاعبين الهلال اليوم لسىا صغار وتوهم صاعدين الشباب اما لاعبين النصر من الموسوم اي فات وهم موجودين وبعدين انا معاك فيه نقاط ظعف عندنا اليوم صارحه الظهيرين ماكانو كويسين ابدا سيئين بشكل واااااااظح والمحاور ايضا سيئين مافيه قتاليه ومافيه مهاجم خطير ذيك الخطورة صراحه فيه اسماء اليوم ونا من زمان متابعها وجود مواهب وهم عبدالكريم القحطاني >الله يحفظه يارب والله اني اشوف فيه سامي الجابر والسعيد الكبتن وسلطان الدعيع والسلطان والواكد الحارس>صحيح اخطأ اليوم لكنه تحمل اخطأ الدفاع الي تسبب فيها المحاور السيئين والله يوفقهم يارب ويحفظهم |
صحيح ان الفريق غايب منه نصف لاعبينه لكن هذا مو عذر المطلوب من الامير بندر بن محمد هو التجديد في الطاقم الاداري للفئات السنيه فمثلا الحبيش من سنين ومنين وهو مسئول والكلام والشكاوي كثيرة عليه |
من اسواء المباريات تكتيكيا سوء في جميع الخطوط النصر فاز بالمرتدات في غياب الانضباط الدفاعي وغياب المحور اتوقع ان توظيف الاعبين داخل الملعب خلق المشكله |
الوضع جداً سئ في الفئات السنية عموماً من بندر بن محمد الى القحطاني الى الدعيرم الى الحبيش الى كل مسؤول في الفئات السنية يجب على الأدارة ممثلة في عبدالرحمن بن مساعد تدارك الوضع وتبعد عنها المجاملة فالوضع جداً خطير في فئاتنا السنية ولا يحتمل السكوت أكثر هناك لاعبين في هذه الفئات لا ادري كيف يمثلون الهلال النادي الكبير والعريق هل لموهبتهم أشك في ذلك..؟؟ وهل المسؤولين بقدر الكافئة أيضاً أشك في ذلك..؟؟ وهل العمل في هذه الفئات على الوجه المطلوب أشك أيضاً في ذلك نحتاج الى تغيير جذري في الفئات السنية |
شي عادي جدا الهلال صعد اغلب لاعبي الفريق المميزين مع انتهاء الموسم الماضي |
أخوي نصف اللاعبيين المشآركين اليوم سيشاركون غدآ لأنه اليوم تغيب عن المباراة 9 لآعبيين من الفريق الأسآسي |
قصدك الفئات السنيه الي اين انا الكلام الي بقوله مو عشان الفريق أنهزم من النصر بـ 3 اهداف ويمكن تكون أكثر من كذا بس لما نشوف فنايل تتحرك هنا المشكله لو انهزم الفريق وقدمو مستوى عادي بنقول لهم ماقصرتو بس ما أدو وفريق سيء سيء سيء !! مافي ولاجمله تكتيكه صح وكأنهم يلعبون وبدون مدرب وين الاعبين الي سجلهم النادي " الاعب الموهوب سجل في نادي الهلال بعد محاولة عده من بعض الأنديه لكسب خدماته !! " كل موسم نسمع هذا الإسطوانه !! الاعب الموهوب موهوب في الفطره وما أنكر ان في كذالاعب في الفريق ينبئ له بمستقبل بس مين الي يقدر يصنع فريق !! ويقدر يساهم في تطوير موهبته لـ خدمة الفريق ؟؟ لامهارات في التسديد لامهارات في إستغلال الكرات العرضيه والثابته مايعرفون متى يتسغلون مهاراتهم والتسحيب والكباري في خدمة الفريق مو تعطيل الفريق في هجمة مرتده !! استغلال الهجمه المرتده بشكل سليم الإنتشار السليم في الملعب كل هذا المسؤول عنه الأول والأخير المدرب اذا ماطور الاعبين وعلمهم كيف يستغلون هذي الأمور كيف بيصعد الاعب لـ الفريق الأول وهو يفتقر لـ جميع مقومات "الاعب " في السابق الكره طقها والحقها الآن الكره" فكر ومهاره وذكاء" المدرب للأسف مادري وش يسوي مع الاعبين احس مافي تطور في إمكانياتهم ولاشفت اي جمله تكتيكه داخل الملعب بعكس النصر ادى مباره كبيره والي يقول ان الهلال ناقص 6 لاعبين اقوله وين البديل ! ليش مايكون في بديل مميز مثل الأساسي ؟؟ وين دور المدرب وين دور الإداري الدعيم والحبشي وغيرهم الي يستقطبون لاعبين على الرغم من تواجد كم هائل في خط الوسط وإستقطبات الموسم كله سواء ناشئين او شباب في الوسط الا ماشفنا منهم اي شي في هذا المباره الخطوط متباعده الوسط والدفاع كانو سيئين جداً المهاجم الوحيد مانقدر نحكم عليه لأن مافي ولاكوره وصلت له والحارس أدى الي عليه وماقصر بس مافي احد يغطي عليه لا دفاع ولامحاور!! الفئات السنيه بحاجه لـ نظر .. ولما أشوف فريق بـحجم الهلال لايمتلك قاعده مميزه ولا مدرب يقدر يصنع فريق كامل جيل مميز !! لو أشوف كأس العالم لـ شباب وأشوف لاعبينـا !! انصدم بصراحه مادري هل العيب فيهم او في المدرب ؟ لاإمكانيات .. لامهاره .. لا جمل تكتيكه لعب عشوائي بحت ومو بس في هذي المباره من الموسم الماضي والهلال الفئات السنيه بشكل عام يعاني من اللعب العشوائي والأنانيه وحب الذات .. اللعب الجماعي مشطوب .. ارجو إعادة النظر في الفئات السنيه وخصوصاً ان الأميربندر بن محمد يدفع وقدم الغالي والنفيس لـ الفئات السنيه بس لابد من المراقبة اعمال الإدارين واعمال المدرب ومايترك الحابل بـ النابل !! وهذا الكلام مو وليد اليوم على فكره ومو عشان الهلال إنهزم من النصر وماتعودت أكتب على أساس ان الفريق أنهزم أبنتقدهم .. هذا الكلام من مواسم ماضيه أفتقدناها في لاعبين الهلال الشباب وخير دليل فريق الأول للهلال شوف كم لاعب من مدرسة الهلال !! ينعدون على الأصابع وجيل للن يتكرر!! اما الي صعودو للفريق الأول إما تنسيق او إعاره !! على فكره البطوله تنشيطيه ومايهمني تحقيقها انا همي الوحيد أن أرى الهلال جيل مميز يمتلكون جميع مقومات الاعب المهاره وحده لاتكفي ..!! |
فعلا مستوى سيء جدا جدا جدا وانشاء الله تتعدل الامور يارب لاكن وضع ماينسكت عليه |
بالتوفيق ان شاءالله .. ويمكن عبره ولاكن جدد الا الان لم تأتيهم الفرص ... الكافيه لابراز امكانياتهم .. دمت بود |
هذآ ثمن السكوت على أخطآء الأتحاد السعودي ... كم لآعب في المنتخب من الهلآل وكم لآعب من الفقر .!! وين المسؤلين عن السكوت على هالمهازل الي صايره .. |
إقتباس:
بل 10 كماتقول موبايلي ,, . ,, |
إقتباس:
شلهوب جديد ام نواف جديد ام سامي جديد ؟؟ صفوق & نواف والشلهوب وسامي والتيماوي وابوثنين والدوخي والغشيان كلهم طلعوا نجوم وكانوا فارقين من اول ما صعدوا للفريق الاول المشكله الحين ان التخريج بالكوم والفائدة لفرق الوسط ... لأن المواهب مافيه واللاعب بالعربي تحس يجي من درجة الشباب دون فكر كروي كبير ... لا مهارات تمرير ولا مهارات رأسية ولا مهارات التمركز ... يحسبون الكورة بس تسحيب ... ما دروا ان كل النجوم اللي راحوا نجوم في الفكر والتمرير والتمركز والتكتيك قبل التسحيب واجادوا فيها كلها |
المستوى اليوم هزيل جدا باص واحد صح مافي كلها خاطه فيه خلل في خط الوسط اليوم مافي صانع لعب يمول المهاجيمن الكعبي لعب ممتاز يوم لقاء احد يمول له جاب 3اهداف وضد الشباب لكن اليوم مافي ممول عبدالعزيز السلطان اليوم ما ادري وش فيه الي لعبو صح محمد الواكد حارس مرمى ماقصر تحمل اخطاء المدافعين وعبدالرحمن السعيد وانا اتوقع انه صالح النعيمه جديد الوسط مافيه الا محمد الشامان لعب كويس حرك ماشاء الله عليه وينتظره مستقبل باهر والباقي لاتعليق على مستوياتهم اتمنى من الامير بندر بن محمد انه يشوف اللاعبين يعني اليوم الهلال لعب بنص الاحتياطيين لكن يجب على الامير بندر بن محمد ان يوجد صف ثاني افضل من الاول عشان اذا غاب ما نحط يدينا على قلوبنا خايفين |
| الوقت المعتمد في المنتدى بتوقيت جرينتش +3.
الوقت الان » 06:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd