خلصت مباراتنا مع النصر وماحد تكلم عن ( صحة ) ضربة الجزاء .. جمهورنا طيب - نادي الهلال السعودي - شبكة الزعيم

ابو طـــــلال · #1 06/10/2009, 09:47 PM

يعني وين الإحتجاجات ... والتظلمات .. والتقهقهات ( هذي مالها دخل )

وين فلسفت محللينا؟ .. ومذيعين القنوات .. والمتصلين من ضربة الجزاء اللى إحتسبها الحكم للنصر .. ماحد قال كالعاده يعني ( الكرة بحثت عن يد المرشدي ... ولم تبحث يد المرشدي عن الكرة ) يعني على قولة عادل إمام في مسرحية شاهد ماشفش حاجة .. يوم صطر العسكري وقال : آآآآآآيييي ضرب بوشه على إيدي ياسعدت البيه

تخيل يعني .. أغلق عزيز المشاهد مناخرك ( قصدي عيونك ) وتخيل إنك لاسمح الله نصراوي .. وإحتسبت ضربة الجزاء ضدك بنفس هالحركة ...

وش تتوقع بيطلع من تعليقات ... وش بتسمع من ( عذاريب ) عن الحكم .. ويا ( عله وعله ) بتطلع من أرضية الملعب ... وبا لتالي هي من تسبب برفع يد اللاعب واللى لامسة الكرة ...

وخش عاد على ( ملة ) الحكم .. و ( مذهب ) المساعد .. وأصول حكام الخط العرقية

وهذا يوناني يقرب للبلغاري .... وناس شافت الحكم يغمز للإداري الفلاني .. وثلة ( بس حلوه ثلة ) أخرى ( قزت ) مشرف الكرة وهو يقول للحكم ( ترى أعرف معيارتك ) حكم معنا .. وماسكين على بعض ( ذلل )

وناس تطالب بالإنصاف ... والبعض يصر على أنه مظلوم .. وهذه أسباب ( قحط ) ال12 سنة او تزيد كلها من المجاملة ... والمحابات ..

فتح عينك عزيزي واحمد ربك إنك هلالي .. رغم إنك مظلوم .. إلا إنك مرتاح بالك .. مقتنع بأن النجاح حليف كل مجتهد .. من يعمل بصمت .. ولايتحدث إلا بالأفعال ..

وحده الهلال النادي اللى مريح لجنات الإنظباط .. والحكام .. والفيفا .. والقيادات العليا رياضيا عندناً ..

إن جانا شي من بطوله او لقب قلنا الحمد الله وهذا حقنا ونظير عملنا بعد توفيق الله .. وان ما حصل نصيب آمنا بالله وبالقدر وإن إنظلمنا قلنا حسبنا الله ونعم الوكيل وفتحنا صفحة جديدة من البحث عن المجد والبطولات وحصد الألقاب ..

علشان الهلالي .. هلالي . . ماتكلمنا عن ضربة الجزاء الغريبة ..

آمنا بالله .. ورضينا .. وتذكروا كلامي في ضربات جزاء أخرى لفرق أخرى وتكون صحيحة ميه بالمية ! كيف الأعذار جاهزة ؟ والإ عتراضات والمة !

أخوكم الصغير ابو طلال

..{ روح الدعيع · #2 06/10/2009, 09:50 PM

لا حياة لمن تنادي

لا تنسى انه النصر

ويقولون الحكام هلاليين

ابو طـــــلال · #3 07/10/2009, 04:32 PM

إقتباس

الرسالة الأصلية كتبت بواسطة ..{ روح الدعيع


	لا حياة لمن تنادي لا تنسى انه النصر ويقولون الحكام هلاليين

الحكام هلاليين طل .. وقبلها الإعلام هلالي ..!! برضه طل ..

إتضح إن الحكام نصراويين .. والإعلام نصراوي .. والقيادة الرياضية تحابي النصر .. عاد مااحط بذمتي .. مدري تحابية .. او ترحمة كنادي داج ويكسر الخاطر

تركي السلماني · #4 06/10/2009, 10:03 PM

إنــــــه النصر .........

لـــو هو للهلال تسان شفت أنواع الحش بالحكم .....

ثانكس أخوي

ابو طـــــلال · #5 07/10/2009, 04:43 PM

إقتباس

الرسالة الأصلية كتبت بواسطة تركي السلماني


	إنــــــه النصر ......... لـــو هو للهلال تسان شفت أنواع الحش بالحكم ..... ثانكس أخوي

انه النثر ......

الحكم ( يزمل ) = ( يشيل هم ) إذا حكم لغير الهلال

حياك

هو فيه مثلك · #6 07/10/2009, 05:02 PM

بلنتي او مو بلنتي

الموضوع كان بتقدير من الحكم

وبعدين البلنتي انحسب واتسجل وبعدين!!

الكلام في الماضي نقصان بالعقل

اغدي فريقنا يترتب من جديد ويظهر نيفيز بالمستوى المأمول

شكرا

البدائع بلاد الروائع · #7 06/10/2009, 10:12 PM

يعطيك العافية

اخوي ابوطلال

جمهورنا ((طيب)) لان ضربة الجزاء صحيحه ماعليها غبار
والا كان اول الناس الصحفيين والمحللين والاعلاميين
يكلمون عنها وعن صحتها

لكنها صحيحه ميه بالميه
لذلك نحن لانشكك في الحكام

ولكن غيرنا يشكك في الحكام حتى وان حضروا من المريخ
والموسم الماضي خير دليل 00الشكوى لله

كنت اتمنى منك عزيز ابوطلال
ان توضح في موضوعك للجماهير الهلالية وغيرها ولزوار الشبكة الغالية
ماتقصده من عنوان الموضوع وصلب الموضوع
لان هناك اناس لم يفهموا بالضبط معنى كلامك

تحياتي ياغالي

----

ابو طـــــلال · #8 06/10/2009, 10:20 PM

إقتباس

الرسالة الأصلية كتبت بواسطة البدائع بلاد الروائع


	يعطيك العافية اخوي ابوطلال جمهورنا ((طيب)) لان ضربة الجزاء صحيحه ماعليها غبار والا كان اول الناس الصحفيين والمحللين والاعلاميين يكلمون عنها وعن صحتها لكنها صحيحه ميه بالميه لذلك نحن لانشكك في الحكام ولكن غيرنا يشكك في الحكام حتى وان حضروا من المريخ والموسم الماضي خير دليل 00الشكوى لله كنت اتمنى منك عزيز ابوطلال ان توضح في موضوعك للجماهير الهلالية وغيرها ولزوار الشبكة الغالية ماتقصده من عنوان الموضوع وصلب الموضوع لان هناك اناس لم يفهموا بالضبط معنى كلامك تحياتي ياغالي ----

راعي البدايع ... رد أكثر من رائع ..

والله يالغالي .. إني أول ماقريت تعليقك .. قلت ليت كل ا لعقليات مثل هالعقلية .. حسيتك ماشاء الله فهمت وردك وتعليقك أضاف لفكرة الموضوع شي انا ماقدرت أضيفه او ابسطه ..

وانا اتمعن في ردك ... أعجبني .. نزلت تحت لقيت ( وسام أفضل محاور ) وتستاهل .. والله ثم والله هذا اللى صار ..

وفعلا تستحق هالوسام .. وسعدت كثير بأن في الجمهور أشخاص لاتجامل

لاتحرمني تواجدك وحضورك اخوي

ومايحتاج أعدل يكفي تعليقك ( كفى ووفى )

MOSHAX ALHILAL.20 · #9 06/10/2009, 10:21 PM

والله انك صادق جماهير الزعيم ما تكلمت و لا شي عن ضربه الجزاء

لانها و بكل صراحه ضربه جزاء صحيحه

بس الفقراووويه لين الحين يقولون هدف الصويلح تسلل الله يشفيهم ولا يبلانا

الف شكر اخوووي

ابو طـــــلال · #10 07/10/2009, 07:54 PM

إقتباس

الرسالة الأصلية كتبت بواسطة MOSHAX ALHILAL.20


	والله انك صادق جماهير الزعيم ما تكلمت و لا شي عن ضربه الجزاء لانها و بكل صراحه ضربه جزاء صحيحه بس الفقراووويه لين الحين يقولون هدف الصويلح تسلل الله يشفيهم ولا يبلانا الف شكر اخوووي

هي مو في صحة الجزاء كثر ماهو تعود عل ى إعتراضات وتشكيك وأعذار !!

شكرا ياعم

فـارس سـدير · #11 06/10/2009, 10:25 PM

ايييه والله من جد ... القرار خاطئ من الحكم مية بالمية لان الكرة من ذهبت ليد اللاعب

لكن اعتقد ان عقليات الجمهور الهلالي اكبر من مناقشة امور لا نهاية لها ... مثل برنامج خط الفتنة

ابو طـــــلال · #12 07/10/2009, 08:01 PM

إقتباس

الرسالة الأصلية كتبت بواسطة فـارس سـدير


	ايييه والله من جد ... القرار خاطئ من الحكم مية بالمية لان الكرة من ذهبت ليد اللاعب لكن اعتقد ان عقليات الجمهور الهلالي اكبر من مناقشة امور لا نهاية لها ... مثل برنامج خط الفتنة

فعلاً اكبر ... وليتهم يتعلمون من جمهورنا جماهير يحلمون ورئيسهم يعلكون

مطيري يحب الهلال · #13 06/10/2009, 10:29 PM

هذ1 النصرٍرٍرٍ

.!!

من جد لوٍ كـآنت هالجزآئيه للهلاآإل آقسم بالله لتقوم الدنيآ ولآ تقعد :@ ..!!

بس وش نسوي.َ؟

نــ_ــصـرٍرٍرٍرٍ بــ_ــلنتيَ ..؟

ابو طـــــلال · #14 07/10/2009, 08:27 PM

إقتباس

الرسالة الأصلية كتبت بواسطة مطيري يحب الهلال


	هذ1 النصرٍرٍرٍ .!! من جد لوٍ كـآنت هالجزآئيه للهلاآإل آقسم بالله لتقوم الدنيآ ولآ تقعد :@ ..!! بس وش نسوي.َ؟ نــ_ــصـرٍرٍرٍرٍ بــ_ــلنتيَ ..؟

الموسم توه بادي .. خلنا نحسب كم شكوى .. وإعتراض .. وبلنتيات رايحة .. وبلنتيات جايه .. ومع ذلك ( علك أفندي ) مصر هو وجمهورة انه مظلوم ..

حياك

برهوووم الهلالي · #15 06/10/2009, 10:33 PM

والله انك صادق جماهير الزعيم ما تكلمت و لا شي عن ضربه الجزاء

بس الفقراووويه لين الحين يقولون هدف الصويلح تسلل الله يشفيهم ولا يبلانا

وهم من طلب بحكام اجانب ولا فازوا على الزعيم ما اقول غير اهل العقول في راحه

تشكرررات اخووي