|
الاتحاد السعودي ... وقفة حقيقة راي تحية طيبة للجميع السلام عليكم ورحمة الله وبركاته الاتحاد السعودي بعد الخروج المر من التاهل الى كاس العالم شفنا بعض الهجوم من بعض الاعلاميين على الاتحاد السعودي ومطالبتهم بالاستقاله وانه اتحاد فاشل وسلبي وما يفهمون شي وغيره وغيره .. المهم بدخل في الموضوع مباشرة وش هدف مطالبة استقالة الاتحاد السعودي واسبابها ومنهم اللي يدعمونها او بداؤ في اثارتها ومن متى وماهي نتائجها ؟ لنفرض ان سبب الحملة هي اخفاقات المنتخب السعودي وتردي مستوياته ونتائجه او ا القرارات اللي تصدر من الاتحاد السعودي والاعمال اللي تقوم فيها او اي ما كان من الاسباب او لتطوير الاتحاد السعودي للافضل او غيرها من الاسباب طيب خلونا نشوف وش الجانب الايجابي للاتحاد السعودي او النتائج اللي حققها او وصل لها في فترة الامير سلطان بن فهد ( لحد يقول لي النتائج هذي من عمل الامير فيصل بن فهد الله يرحمه لان سلطان كان هو نائبه يعني معه في العمل ) بعض انجازات او نتائج المنتخب السعودي في فترة سلطان بن فهد تاهلنا لكاس العالم ثلاث مرات 89 - 2002 - 2006 بطل كاس اسيا 96 - الوصيف كاس الخليج ثلاث مرات 94 - 2002 - 2003 البطولة العربية 2000 اصبح للانديه راعي رسمي ودخل مادي واحتراف وغيره المهم اقصد في انجازات وعمل ونتائج للمعلوميه في عهد الامير فيصل بن فهد ما حصلنا على كاس الخليج طول فترة رئاسته الله يرحمه ويغفر له الفترة الاخيرة كثر النقد والكلام على الاتحاد السعودي وكأنه محارب بهدف ومن غير هدف لكن نتائج هالنقد والكلام اثرت على الاتحاد السعودي وصارت تفرض نفسها وبدال ما تبني صارت تهدم مثل ترشيح واختيار ناصر الجوهر مدرب للمنتخب ومطالبة برجوع نور للمنتخب وصارو يختارون اللاعبين والجهاز الفني ومطالبات وانتقاد وغيرة المهم النتائج ما جابت شي وكان سبب هزيمتنا بنتيجه كبيرة امام المانيا هو المدرب ناصر الجوهر (من وجهت نظري لانه فتح اللعب امام بطل العالم ) ومافي احد قال شي ورشحوه ثانيه عبر صحفهم وايدو ناصر الجوهر مدرب للمنتخب والنتيجه كان سبب في الخروج من المشاركه في كاس العالم وطالبو باقالته مع العلم مافي احد تكلم يوم تم تعيينه مدرب للمنتخب بالعكس باركو باختياره مدرب اختيار اللاعبين كل اعلامي يبي لاعبين النادي اللي يشجعه في المنتخب وكل واحد يختار مثلا محمد نور او سعد الحارثي او حمد منتشري او احمد الصويلح او تيسير الجاسم او ناصر الشمراني وغيره وغير ه المقصد الاعلاميين او النقاد صاروا مدربين وجهاز فني ( اعتقد هذا اللي حاصل ) فمثلا يطالبون بمحمد نور وهو موقوف من الاتحاد السعودي لسبب سؤ سلوك بالعامية مسوي شي غلط ويطالبون بكشف سبب عدم ضمه للمنتخب وكأن مافي لاعبين جيدين او هو اخر واحد ( مع العلم ان محمد نور من افضل اللاعبين بالسعوديه هذا اذا ما كان افضلهم في بعض الاوقات ) او سعد الحارثي وهو كان مصاب وغير جاهز و لا يقدر يلعب او كان موقوف لحصوله على بطاقة صفر او محمد الدعيع وهو معتزل اللعب دوليا (يعني اي اخفاق للدعيع لا يلام عليه لانه هو من اعلن اعتزاله ) مع وجود البديل الممتاز او له مستقبل واعد مثل عبدالرحمن القحطاني و احمد الفريدي و احمد الموسى مبروك زايد وغيره وغيره مع العلم ان في عهد فيصل بن فهد تم ايقاف افضل لاعبين بالمنتخب السعودي يوسف الثنيان وفهد الهريفي لمده طويله كل هالنقد للاتحاد السعودي (مع انه كان يستجيب لمطالبهم ) بهدف ومن غير هدف ومهاجمتهم له اثرت على الاتحاد السعودي وعلى الشارع الرياضي فكان نتائج كثرة نقدهم ومطالبهم انهم صارو يطالبون باستقالته ( حولو من مدربين وجهاز فني واداري الى مجلس الوزراء هههههههه ) بدل من الوقوف معه ودعمه حتى وان كان اخطائه كثيره من هم او صفات هالاقلام اوالاعلاميين اوالنقاد اللي يهاجم الاتحاد السعودي في رايي او من وجهت نظري هم المتعصبين المتعصبين كانوا اعلاميين او جماهير ما شفناهم ينتقدون ناصر الجوهر (يمكن ينتمي لناديه) مع العلم هو السبب الاول او الاكبر في خروج منتخبنا من كاس العالم خسرنا نقاط من اضعف الفرق وعلى ارضنا يمكن ما حقق الا 4 نقاط بس ولا شفناهم ينتقدون الاتحاد الاسيوي اللي جايب حكام يتدربون علينا ولا شفناهم ينتقدون لاعبينهم المفضلين ولا ولا .. وهم بصراحه في نظري جهال وليسوا اعلاميين ينتمون للنادي اكثر من المنتخب اعداء المنتخب السعودي اطراف تتمنى الفشل للمنتخب السعودي كان من الداخل او الخارج وكل همها تتصيد للاخطاء وتثيرها مثلا ما شفنا في احد البرامج الفضائيه برنامج ماله هدف الا اثارة البلبلة والفتنة والتهجم على الجميع ويقولون نقد هادف وباختصار هم مجموعه يقودهم او يفرض عليهم البرنامج اسلوبه او ارائه على كيفه لانه عارف انه هالمجموعه من الناس اللي يمكن تحريكها على هواها وحسب ميولها او مجامله او محاربه للاتحاد الجاهلين او المرتزقة او الفاضين مجموعه متاثرة او تابعه للتطبيل او تتطلع في الحصول على منصب من خلال هجومها اقصد اللي مع الخيل يا شقرا ما يدري وش السالفه لكن معهم واغلبيتهم من الجماهير الشارع الرياضي فصرنا نشوف هجومهم في المنتديات والمواقع والملاعب وهالفئه كل يوم في زياده وما راح نخلص منها لانها تابعه وفاضية الفاشلين الفاشلين وهم خطيرين مره لانهم ما يبون احد ينجح و يبررون فشلهم بفشل الاتحاد السعودي او اي جه اخر ينتمون او لا ينتمون لها وكل همهم ان يكون لهم سبب لفشلهم واخفاقاتهم واقرب شي لهم الاتحاد السعودي وان يكون كل الموجودين فاشلين مثلهم ويبرزون عند الاخفاقات واحيانا يستخدمون الالفاظ السيئه وهذي ظاهره موجوده في كل مكان ( ما ننكر ان للاتحاد السعودي اخطا واخفاقات ونتائج سلبيه وقرارات فاشله وغيره لكن اصبح تصعيد الامور اكثر من اللازم (وكأن المنتخب راح ينزل درجه اولى ) في بطولة اسيا الاخيرة كنا الوصيف بوجود اليابان وكوريا واستراليا وايران والوصيف في بطولة الخليج ما سمعنا احد من اعلاميين الدول الثانية تطالب باستقالة اتحادها (الا يمكن دوله وحده من زمان طالبت استقالة اتحادها وكانت من افضل الاتحادات او المنتخبات واصبحت في النازل والسبب اعلامهم الفاشلين والمحاربين لهم وغيره ) انا هنا ما ادافع عن الاتحاد السعودي ولا انسب النتائج السلبية لاحد لكن مو مفروض مني انتقاد الاتحاد السعودي او مطالبته بالاستقاله علشان تتغير نتائجه ويكون افضل وما اعتقد ان مجموعه من الاعلاميين او النقاد او الفاشلين راح تطور الاتحاد السعودي بمتطلباتها ونقدها ومطالبتها باستقاله الاتحاد السعودي لان نقدهم خرابيط وكل شوي ينتقدون ومافي احد ما انتقدوه الا اذا كان عاجبهم او ما يقدرون عليه او يرش عليهم فلوس ولو سئلته وش السبب او الهدف من النقد قالك ان قراراتهم غلط وهم ما يفهمون في الكورة وانا افهم منهم واحسن منهم ولو يحطوني رئيس راح اخلي المنتخب احسن من منتخب البرازيل او منتخب فرنسا او مثلهم في الاخير هذا رايي وكل واحد له راي او وجهت نظر اتمنى تتقبلونها |
كلمة \ الاتحاد السعودي في فشل لكن في نظري يحتاج لدعم او شخصية قوية تساند وتدعمة مثلا الامير نواف بن محمد |
تبي تعرف سبب هجوم برنامج خط السته على رئيس الاتحاد السعودي ونائبه بالشكل القذر هذا؟ ارجع للحلقه اللي ناقشوا فيها حامد البلوي مدير الكره بنادي الاتحاد لما استقال ..حامد البلوي قال سبب الاستقاله ان بعض لعيبة الاتحاد ذهبوا لعضو شرف في المنزل بدون علمه لما جا صالح الطريقي بيسأل حامد البلوي سؤال بسيط ومنطقي كان يبي يسأل لما ذهب لعيبة الاتحاد لعضو الشرف بدون علمك هل كان وقت تمرين او معسكر؟ نط محمد نجيب وتدخل وقال انا لا اقبل السؤال هذا والطريقي سكت ..طيب وين راحت الشفافيه والجرأه في الطرح؟؟؟؟؟؟ مع ان السؤال اساسا عادي....شف لمين كان موجه السؤال . طيب يا نجيب تقبل ان اللي عندك يطالبون باستقالة صاحب السمو الملكي رئيس الاتحاد السعودي بطريقه فضه ويتهكمون على تصريحه القديم بأن المنتخب السعودي سينافس على كأس العالم ويصفون خططه بالفشل ولا تقبل سؤال بسيط يوجه لحامد البلوي؟ وارجع بالذاكره للموسم اللي راح ..مباراة الاتحاد والشباب على ما اعتقد ...نجيب كان حاضر في الملعب وين كان جالس؟؟؟ بجنب مين بالضبط؟؟؟ على فكره تكررت في مباراة ثانيه...كان قاعد بالضبط جنب منصور البلوي في الكرسي اللي جنبه ! وارجع طول الله عمرك وشف الاحداث اللي صارت بعد ما ابعد منصور البلوي عن رئاسة الاتحاد...واذكر مقابلة الامير سلطان على قناة الكاس وماذكره عن الموضوع..بالمناسبه البلوي بقى عضو شرف بس كان هو اللي يدير النادي ابو عماره كان ديكور فقط. اللي استجد ان منصور البلوي حاول يرجع لرئاسة الاتحاد الموسم هذا بس ماقدر وسحب الترشيح اتوقع قاعد تقول وش دخل هذا في هذا في هذا....انقلب راسك صح؟ اسمع يا حبيبي بس ركز شوي....منصور البلوي وطول فترة رئاسته للاتحاد قد شفت تصريح له يهاجم احد؟ طبعا لا لكن وش اللي يصير اذا حط احد براسه حتى لو كان اتحادي شغل الكتاب حقينه وعلى راسهم جستنيه والمنشوره حقته (الرياضي) واشتغلوا نقد وسب فيه مثال بسيط من داخل نادي الاتحاد ...السنه اللي راحت كالديرون والسنه هذي طلعت لامي . خط السته بدا السنه اللي راحت وكان واضح توجه البرنامج للاساءه للهلال بشكل فاضح طبعا لمحاولة التأثير على الفريق قدر الامكان كمان قنوات ال اي آر تي تعرف كيف كانت تسيء للهلال طبعا بدرجه اقل لكن لعبت دور كبير في ابعاد كوزمين والكل يعرف كيف , طبعا تعرف علاقة الفراج بالبلوي واذكر مقابلة البلوي في الملعب بعد فوز الاتحاد بالدوري وش قال عن الفراج. نرجع لخط السته السنه هذي تغير هدف البلوي... بعد ما فشلت محاولته العوده لرئاسة نادي الاتحاد وجه نجيب لزاويه ثانيه وجتهم الفرصه على طبق من ذهب وهي خروج المنتخب السعودي من تصفيات كأس العالم. البلوي حب يرد على سمو الامير سلطان بن فهد بطريقته وسواها القذر..طبعا مايقدر يستخدم منشورته (الرياضي) فكان سلاحه نجيب وشلة حسب الله . اتمنى ان يتم استبعاد الاشخاص اللي يمثلون نفوذ للبلوي من داخل الاتحاد السعودي وعلى رأسهم فيصل عبدالهادي افندي كما اتمنى من كل قلبي ان يصل الموضوع بشكل او آخر الى صاحب السمو الملكي رئيس الاتحاد السعودي او نائبه ويتم بحثه ( لو بحثه فيصل العبدالهادي بتتغير كل الحقائق المكتوبه) شي واحد ابغى اقوله ..اختلفنا كثير مع الاتحاد السعودي وقراراته اللي اضرت بالهلال لكن لايمكن ان نرضى لأحد بالمساس بشخص سمو الامير سلطان بن فهد ونائبه واستخدام مسمى النقد للاسائه والاستهزاء . ملاجظه : كل معلومه ذكرتها انا مسئول عن صحتها..اما استنتاجي وتحليلي فا اترك لكم التقدير |
هلا فيك غصب اكون هلالي برنامج خط السته هاجم الاتحاد السعودي النجاح اللي يقدمه الهلال او اي نادي ثاني ناجح يكون مستهدفه الاستاذ منصور البلوي له طريقته لكن ما تعجبني (الماده تسوي كل شي ) شكرا لك على المعلومات مع انك قلبت راسي ههههه |
هلا اخوي مذكرات هلالي برنامج خط السته ماهاجم الاتحاد السعودي الا بعد فشل البلوي في العوده لرئاسة نادي الاتحاد ..هل اراد الرد على شخص رئيس الاتحاد السعودي او على جهات اخرى ...الله اعلم اختلف معك في كلمة (الاستاذ) لأن البلوي لا يستحقها والسقطات اللي صارت لما كان يرأس نادي الاتحاد والضرب تحت الحزام والعمل تحت الطاوله وفي الظلام شاهد على ذلك...اذا تبي اعطيك امثله تذكر لما الهلال كان في مهمه وطنيه وعنده مباراة في البطوله الآسيويه وجا منصور البلوي واخذ عبدالله الجمعان مهاجم الهلال في طيارته الخاصه وسافر؟؟ الجمعان نفسه ذكر ذلك في مقابله تلفزيونيه..والا تبي اذكرك بنهائي كأس خادم الحرمين الشريفين مباراة الهلال مع الشباب لما منصور البلوي اخذ خالد عزيز قبل المباراة بيومين وسافر؟ احيانا الامر يحتاج الى نظره اشمل على حقبه زمنيه طويله واحداث مختلفه للحكم على موضوع معين <--- يخص ردي الاول على موضوعك |
برنامج خط الفتنه....يهاجم كل هلالي يالغلا |
يحلمون بـعد سااااااااااااااااااااااامي يتأهلوون فقط لا غير |
الامير سلطان قدم للرياضه السعوديه والعربيه اشياء كثيره |
تحية طيبة غصب اكون هلالي اتفق معك لكن كلمة استاذ كلمة عادية والا تحب اقولة شيخ لانه فعلا شيخ ماده وينك يالزعيم صح لسانك فعلا يهاجم كل هلالي لكن وصل الامر للاتحاد السعودي هم يهاجمون كل شخصيات النجاح في السعوديه walooody يحلموووووون ... سامي راح يهاجمونه ويهاجمونه البرنس 14 فعلا الامير سلطان قدم الكثير للرياضه شكرا على مروركم |
| الوقت المعتمد في المنتدى بتوقيت جرينتش +3.
الوقت الان » 02:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd