|
!¶Ξ……نقاش : شباب الكول والكدش بين المؤيد والمعارض…ـ…Ξ¶ [align=center][table="width:100%;background-image:url('http://up.al-wlid.com/out.php/i2434_eqla35.gif');"][cell="filter:;"][align=center] اخواني احبابي السلام عليكم ورحمة الله وبركاته اخباركم إن شاء الله بكل خير وعافيه احببت اليوم ان اطرح عليكم موضوع هو للنقاش اكثر منه للتشبع مني في الموضوع وآكل الجو عليكم موضوع لربما شغل الكثيرين ولربما ازعج الكثيرين ولربما اعجب الكثيرين كثر حوله النقاش منهم المعجب ومنهم المعارض ومنهم الغير مهتم وينظر له بنظرة ان هذه حرية شخصية لادخل لي بها شباب الكول او الكدش كما نسميهم او يسميهم البعض ظاهره انتشرت وتفشت بين الشباب فهل هي سليمه او غير لائقه كثيرون بنظرهم وإعتقادهم ان الشاب النظيف دائماً هو من نوع الشباب الكول او الكدش وكثير قرأت مارأيك بشباب الكدش او الكول يقولون ان هؤلاء شباب نظيف ويحافظ على مظهره الخارجي ويهتم بنظافته هذه نظرة الكثيرين ولكن لدي سؤال بإعتقادكم كي اكون نظيفاً ويكون مظهري جميل ومقبول اضع كدشاً وشعراً منفوشاً والبس الجينز الضيق وكأنني امرأة ستذهب لمناسبه؟؟؟ هذه نظرة المخدوعين والكثير من العميان ليس عماء البصر وإنما عماء البصيره وهي العلم والمعرفه والثقافه شعار يطرح عند الكثيرين كي اكون نضيفاً لابد ان اكون كدشاً وكي اكون غير نظيف او غير مقبول الشكل لابد ان البس الزي السعودي والبس معه الشماغ والعقال قمة الجهل والتخلف ان يكون المظهر هو الحكم على الشخص ولو ان احداً من هؤلاء فتشت عنه وجلست معه لربما وجدت فيه مايكفي بأن تنفض يديك منه وليس كلهم بل بعضهم وانا وقفت على كثير منهم تجد مظهره كدشاً وتحس باللإنجذاب إليه ولكنك لاتلبث ان تجلس معه إلا وتجد الخفايا قد اخفيت وتجد منه مالم تتوقعه ابداً كلامي ليس لكل من وضع كدشا انا وجدت منهم المحترمين ولكن للأسف منخدعين بهذه الموضة التي لامعنى لها اخواني الكدش و طيحني وبابا سامحني كل هذه دخيله على مجتمعنا السعودي المحافظ فكل هذه اتت من الغرب وانا بحثت عن بداية موضة طيحني هي بدأت من السجن الأمريكي عندما يخرجون منه يكون هذا نوع من الإحتجاج وبعدها تطورت واصبحت موضه ومن ثم تدرجت إلى ان وصلت لنا واللهم خارجنا منها ياارب اريد رأيكم في موضوعي واتمنى انني لم آكل عليكم جو المناقشه واتمنى انني ابقيت بعض النقاط لكم او بالإصح تعنيت لذلك اتمنى انكم استفدتم من موضوعي :) لكم ودي واحترامي دمتم بسعادة ملاحظه: كتب بمعرفي في مملكة الصويلح مجنون أبو صلوح [/align][/cell][/table][/align] |
. بالنسبه لي مالم يكن معارض للشرع فلا مانع منه .... نسيت اخوي تذكر اللي طايحين فيه الشباب من الاساور والسلالسل ....وهذا مرفووووووووض :ranting::mad: ممكن سؤال وصلتني معلومه ابي اتأكد صدق او لا ..: يقولون الشباب صاروا ينمصون حواجبهم واذا احد قال حرام قالوا الرسول اللهم صلي وسلم عليه قال النامصات وليس النامصين ....!!!:cry::cry: . |
وعليـكم آلسلآلآمــ بعلق على كم فقره بسس آلي يلبسون آلجـنز آلضيقـ ( سكــني ) يصير حرمه يعني:d لآ وآلله بآلعكس عآدي بس فيه بعض آلآلوآن يمكن نقول عنهـآ حقت حريمـ يعني جنز آحمر ع‘ ولـد .! :s5s: مدري كيـف جآيـه طيب بسآلكـ سؤآلـ .؟ آلـحين وش آزين آلكدش و طيحني ولآ آلـحنس:mad: .؟! آلكـدش وطيحني آحسن بآلف مرهـ وآلله آلحـنس مآيخلي هندي بآلريآض آلى وهو ضآربه ومهبلبه ويتهآوش مع آلـهنود كثير .! و ريـحتـه :to::to: و يدخـن ومآفيه كلمـه وصخهـ مآقآلهـآ .! آمـآ آلكـدش وطيحني ,, آكثرهمـ كآفيين شرهم عن آلنـآس آحس آني طلعت وطولت بآلموضع :laugh: :rose: |
للأسف حركات الكدش وطيحني صارت كثيره في مجتمعنا طيب تغيير ماعليه غير لكن لازم يراعي العادات والتقاليد بدون كدش وطيحيني وبابا سامحني ونقطه ثانيه الألون فيه ألوان معروفه للبناتs121s يجيك واحد لابس تيشيرت وردي مكتوب عليه بالذهبي :wub: هذي الألوان أبد ماتناسب الأولاد والإكسسوارات... لازم عقد(سلسال) وسوراه مابقى إلا الحلق هذا إذا مب حاطه بالله وش خليتوا للبنات:ap: ودي أشوف كدش ولابس طيحني وبمجلس رجال قاعد يصب القهوه :to: |
ياأخي شوف بالنسبة للي تقول عنه سكني انا ماقلت هو حرمه ولكن اقول متصرر كأنه حرمه الرجل هو من يلبس الفضفاض وليس الضيق كالنساء هذا هو الرجل وبالنسبة لك اخي اعتقد انني قلت في موضوعي ان تكون رجل لابس الزي السعودي ثوب وشماغ وعقال هذا هو عين العقل وايضاً لااقول لك كما قلت انت تكون من ( الحنس ) باللهجة العاميه ولكن كن كما يكون الرجال ولاتكن كما يكون هؤلاً إما كدش او حنس لا يااخي خلك متوسط وبالعكس انا اقول لربما بعض الكدش قد كف شره ولكن كثير منهم لم يكف شره بل ربما اغلبهم الحنس كما تقول يتعرضون للناس بالأذية الظاهر ولكن بعض هؤلاء الكدش يتعرض للناس بالأذية بطريقة مغايره كأن يتعرض لبناتهم بالمكالمات وماإلى ذلك فهنا لاتقل ان الكدش قد كف شره ربما امام الناس وامامي وامامك كف شره ولكنه في الباطن يهاتف البنات ويتغزل بهذه ويخرج مع هذه اين كف الشر ؟؟ هذا بعض منهم وليس كلهم او اغلبهم بالأصح يضرب العماله ولايتعرض لشرف وعرض الآخرين وكلن فيه شر والأفضل الإبتعاد عن كل هؤلاء وان تكون معتدلاً لا إلى هؤلاء ولاإلى هؤلاء اشكركم على مروركم اخواني لكم ودي واحترامي دمتم بسعادة |
شوف اذا كنت بتطبق جميع قراراتك على جهة وتخلي جهة اجل انا معارض اذا كنت بتمنع الكدش اجل امنع الصبغة للبنات نفس الشي وبالعكس الصبغات كل كم شهر يغيرون اللون وجميع ممثلات هوليود هم اللي يمشون الالوان هنا اما الكدش انا اقولك جب لي ممثل مسوية بالعكس اغلبهم على 1 وعندك 600 مثال مو واحد وبس واذا كنت بتمنع طيحني اجل امنع العبايات اللي مدري وش تبي يعني تمنعون واحد يطيح بس بنت تاخذ راحتها ولااحد يكلمها اذا كنتوا بتشيلون الولد شيلوا البنت معاه ولا قراراتكم لاتطلع على جهة وتخلي جهة واما مسالة النظافة اجل انا اطالب بمنع الشماغ لانك اذا لبسته ومع الشمس تعرق اكثر لها السبب المفروض اي واحد يلبس شماغ ينشال ويعطونه احلى تعهد خصوصا في الظهر >>>اكيد هذا موب منطق لكن هذا هو نفس المنطق اللي تستخدمونه مع الكدش وبالنسبة للي يقول موب رجال وانه ناقص رجولة انا اقوله اذا شفت واحد منهم قلها في وجهه وخله يقنعك بنفسه لاتجي تبربر في الجرايد والاعلام ومسوي اني اخاف على الشباب وفالاخير واهم شي رجاءا اللي يتكلم يتكلم بالدين ولا يتكلم بغيرة وبامور بايخة وتافهه ((شكلهم قرف -منظر غير حضاري)) ويطلع لي اعذار نص كم موب لان شكل واحد ماعجبك مو معناه انك تقوم تمنعه وتسبب مشاكل مالها اول ولا اخر مع اني كنت ضد الكدش وطيحني لكن مع كلام الناس والاعلام صرت احبهم لانهم ماسوو شي ضايقوكم فيه لكن عيبهم انهم عايشين في مجتمع ..... معليش صاحب الموضوع يمكن طلعت واعتقد الاسلوب مو اسلوب محترم لكن هالموضوع ينرفزني بشكل كبير تحياتي لك |
إقتباس:
شباب الطيحني مكفوف شرهم و خيرهم وتلقاه مايع ما يقدر يسوي :d ازين من يجيك حنس موصلة الاخلاق H ! و ذولا تلقاهم بـ كثرة عند التفتيش ! ويا كثر ما تصير مواقف قبل كم يوم الظاهر انه يوم 5 شوال وحنا راجعين من القصيم على الصبحية فيه تفتيش وفيه واحد حبيب قال السلام عليكم وعليكم السلام طبعا كان ماشر علينا اننا نمشي اذا كنا مستعجلين وحنا ما عندنا شيء الشوارع فاضية و حنا اصلا كنا ماشين مع اول طلعة الشمس وقعد يسولف شوي قال امشوا :d يعني الاخو مروق رغم ان الوقت ما يساعد للرواقة المهم اخوي ماهو هو الي يسوق بس قفلت معه وش يبي ذا الملقوف و مشغلنا طول الطريق :d هذا الجزء الاول من القصة والي صارت مع ابوي :d بقية اهلي كانوا يبي يرجعون بعدنا ومشوا الساعة 10 و وقفهم تفتيش رغم انهم ما اسرعوا و نزل اخوي يبي ياخذ مخالفة يوم دخل لمهم و حول ياخذ المخالفة يعني كملوا كل شيء اكتشفوا انه تشابه سيارات !! جديدة هاذي تشابه سيارات ! طبعا بعد الاخذ و العطا اكتشف اخوي ان الي يسجل السرعة حنس و قايلهم ان فيه جمس شفر قمحي مسرع !! يعني ما شيء اسمه لوحة سيارة هذا الموقف الاول الي صار لنا والحمدلله اني ماني مع اخوي الثاني لان الاخلاق عندي تقفل على طول :d اما الموقف الثاني صار لنا بـ الدمام وحنا نحمل العفش نبي نرجع للرياض جاك الحنس بـ الددسن ووقف بـ مكان ماهو حق مواقف ( طبعا بـ القبو ) مع ان القبو فاضي ! وطفى السيارة راح لمه الهندي وقاله صديق مكان سيارة ما فيه هنا :d قاله وش دخلك اوقف سيارتي وين ما ابي ! قاله فيه مشكل :d جاك الحنس و عطاه كف و قعدوا يتهاوشون رحمة الله نزلت على الحنس لان اخوي كان موجود لان كان فيه 5 عمال يقدرون يمسحون بـ وجه الارض و يعلمونه ان الله حق بـ صراحة كان ودي ان اخوي ما فكهم كان ودي ان اخوي فازع مع العمال على هـ الحنس ! شيء يقهر يا اخي تخالف و تضرب ! طبعا بالاخير رجع السيارة غصبن عليه بعد ما راح فيه ثوبه لان طب عليه عاملين ! يعني هيط × هيط وهذا الموقف الثاني واتمنى اني ما طولت :d ولا والله لي مواقف كثيرة لو بقولها كان ما خلصنا ابد :d اسف على الاطالة :) |
s13ss13ss13ss13ss13s مشاركتي بتكون عن نفسي بصراحه,.,أحب اللبس الجينز والبرمودا والكت والبدي,.,لاكن مو ضروري اني انزل الجنز لين نص (مدري وشو) ولا اربي شعري ويكون منظره مو مرتب او مو مسرح ومظبط(الكدش) أحب تكون حياتي كوووول,.,وكل شي بسيط وهادي استغرب من بعض الشباب كيف يمشي بالشارع وهو لابس اساور وعقد؟؟؟ يالله معقوووووله s13ss13s |
الكول أو الكدش هههههههههه , يعني تحسبهـآ زي بعض في فرق شآسع يالغالـي :d ( الكول : الخكري المآيـع الجنس الثآلث ) (الكدش: موضه قديـمه من ايآم الـثمآنيـنآت وتوارثت آبـآ عن جد s121s ) ابكلـمك بكـل وآقعيـه لاني واحد منـهم وشعر رآسي مغطي علي الشآشـه :d ( ولسـت من حقيـن الكول والطيحني ) :d انا انسـآن ماضريـت النآس بشكلـي وعآرف حدودي ويـن , يآخـي كل واحد حر بشـكله :d:smilie47: ليـش دايم همـكم الشبآب وش يسوون , طيب ليـش ماتتكلم عن مضوآت البنآت اجل بنت تلبس زبيريـه ههههههههههههه :d سلآمـآت , والعبآيـه من ورا سيفين ونخلـه ولا فرآشـه :d ( لاتقولي زيـنه وما زينـه ) :rose: |
إقتباس:
وبعدين كل شي انلبس حلق و عقد وسواره مابقى الا العباهـ وما استبعد تلبسونها تقوؤولون موضه وبعدين تقدر تلبس جينز عآأإتي ما يكون سكني وتي شرت ما يكون ضيييييق كانك بنت لاتزعل مني بس ترا الحق مايزعل:rose: |
يلبس الي هو يبي بكيفه لكن لا يلبس طيحني هذا يسيء للذوق العام << متعوب عليها ومنها الواحد ينقرف لا شاف هالاشكال |
إقتباس:
خلاص اجل انا اطالب بمنع الفروة في الشتاء صراحة شكلها بايخ مرة ومنظر غير حضاري تحسسني اني عايش في العصر الحجري ثاني شي اذا تقول يسئ للذوق العام خلاص برضوة امنعوا البنات انا اشوف الملابس الداخلية من بعض العبايات ولا يجيهم شي غير تستري هداك الله يعني اذا انت تقولها للبنت وهي الواجب عليها الستر خلاص قولها للشاب اللي ماطلع اي شي وقوله تستر هداك الله صاحب الموضوع اسف على المرور الثاني لكن لازم ارد على هالمنطق الوحيد اللي اجتمعوا على كل السعوديين :s3s: |
لا عاادي ياأخوي تنورني في موضوعي لكن ياأخوان انتو تقولون تكلم عن البنات وانا وش حاشرني فيهم ؟؟ البنات هم يتكلمون عن انفسهم او العاقلات منهم هي اللي تتكلم اما انا وش عرفني فيهم علشان اتكلم عنهم او هل انا عايش معهم ؟؟ يااخوان انا مااقول شيء في الكدش اللي كافي شره وماعليه من احد ويعتبر الشعر حريه شخصيه ووش فيكم طبيتو علي انا تراني في موضوعي للحين ماطرحت وجهة نظري في الكدش ولكن اقول الموضوع نقاش بينكم ووضعت لكم عدة محاور تتناقشون فيها وانا ماطرحت وجهة نظري الكدش حلو ولا مو حلو ولكن قلت لكم هو نقاش بينكم وللحين مابينت وجهة نظري انا :d وبالنسبة لرد اخوي اللي يقول فرق بين الكول والكدش شوف انا عارف وش الكول وش الكدش وممكن يجيك واحد كدش ولكنه حنيس زي ماقلت وممكن يجي واحد كدش وكول وممكن واحد يجيك كول لكن شعره عادي وموب منفوش وزي كذا علشان كذا قلت اجيب العنوان شامل لهم كلهم وبعدين موب شرط يكون الكول واحد مايع مثله مثل الكدش ممكن يكون مايع وممكن يكون خلاف ذلك اتمنى وضح لكم كلامي لكم ودي واحترامي دمتم بسعادة |
حرييه شخصييه اطول شعري شي راجع لي وملابسي شي انا بمثل شخصيتي فيه تجي تمنعني البس اللي ابيه .. وتمنعني اطول شعري .. انا ماني مجند .. مسألة اللو ويست (طيحني ) انا شخصيا ضدها .. غيره لا وألف لا ليه ما البس برمودا..؟ ياخي عورة الرجل من السره الى الركبه .. البرمودا يسترها ما البسه لييه ..؟ او حتى الكت ياخي ما دامه شي ما اخالف فيه الشرع ليه يمنعونه ..؟ |
والله بصراحه اشوفهم مقرفين وصخين لا عندهم ذوق والا شي والله يستر من الي جاي بس |
| الوقت المعتمد في المنتدى بتوقيت جرينتش +3.
الوقت الان » 02:26 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd