بعيد عن التعصب وبكل صراحه( السهلاوي وحسين عبد الغني ماغلطوا في شي إللي سووه معاهم حق فيه لاتظلمونهم) - نادي الهلال السعودي - شبكة الزعيم

وسن الهلالية · #1 02/10/2009, 05:29 AM

السلام عليكم

ترى العنوان ماكتبته عشان اجذب الاعضاء لموضوعي

الموضوع كتبته وانا معصبه

فاتمنى انه الكل يرد بكل صراحه عن موضوعي
واي عضو ماعنده رد يخدم الموضوع اتمنى يكرمنا بسكا ته لو سمح

هل معاي حق
ام اني متسرعة

بالفعل معاهم حق في إللي سووه
وشويه عليكم بعد
وترى طارق التايب جايدورة قريب
وابشروا بذيك الحركات ماهو حركة وحده بس

تخلي جماهير طارق يكرهونه

مادامكم ساكتين ومنتظرين الإدارة تتحرك والإدارة منتظرة لجنة الانحطاط

رددوا يالليل مااطولك

يعني خلونا نعدد الأحداث
1)هتافات الجماهير ضد ياسر
2)حركة السهلاوي
3)تلفظ حسين على الفريدي
4)تصريح رئيسهم
5)تشكيكهم باحقيه الهلال بلقب نادي القرن

بسئلكم سؤالين
اتمنى كل واحد يجاوب عليه بصراحه
الأمورالخمسة إللي ذكرتها لو سواها واحد من الفقراوية قدام نادي غير الهلال وش راح تكون ردت فعل
جماهير الفريق المقابل؟
وتتوقعون انهم اصلا يسترجون يسون اي واحد منها قدام أي جمهور؟

بصراحه كنت اتوقع انه يكون الديربي هذا مميز
ماهو بالنتيجة لكن بكل شي
وانه يكون ديربي ملجم للكل

يازعماء انا إللى الأن مو مصدقة
انه هذي سابع او ثامن مرة الفقراوية يهتفون ضد ياسر وانتم ساكتين

هذا وهم اقل منكم
ويهتفون وجماهيرنا جالسين
ولا حركوا ساكن
اجل لو كانوا اكثر منكم اكيد بيخفون اصواتكم

تخيلوا لو انكم قمتوا وشجعتوا ورفعتوا اصواتكم بالتشجيع

راح يهجدون وياسر راح يتشجع هو الثاني ويحاول يركز عشان يرضيكم

بس ماش كل واحد منتظر الثاني

والكل منتظر الرابطة

هذا شي الشي الثاني حركة السهلاوي يوم ينفض الغبار
بالله يوم سوى الحركة وش كان نفس كل واحد فيكم يسوي

يالله جاوبوا

ياشباب الهلال بصراحه وعلى بلاطة اهين اهانات ماينسكت عليها ابدا
والله لو اني ولد ما كان رجعت البيت الا وانا ماسحه في السهلاوي الأرض
يعني كل هذا يصير للجمهور وانتم ساكتين وكل إللي سويتوه
صافرات الأستهجان
الصافرات صارت دقه قديمة والله لو تصفرون إللى بكرة
والله اللاعب ماهتز فيه شي
بالعكس بيزيد بعد

بتقولون لجنة الإنضباط ومستقعده للهلال
بقولكم ماهو لازم تردون عليهم في الملعب الله يخلي الشارع

المهم يعرفون انه من هلاليين
ولاعبهم غلطان في حركته
يعني لو انه تصفق وامتسح فيه الأرض من الباب للطاقة
بنقول فيها ومافيها

لكنه غلط ولجنة الانضباط راحت وراء سالفة الفريدي والبطة حسينوه
ونسيت حركة السهلاوي

ومن جد يعني عبد الغني معاه حق في الفاظه ضد الفريدي

بتعصبون علي وبتقولون ليه؟

بقولكم لانه عارف انه ماوراءه جمهور يدافع عنه
والإدارة الهلالية ومعتمدين على لجنة الانضباط
وانتم منتظرين الإدارة واللجنة

بتقولون ما يظر السحاب نبح الكلاب
والكلاب تنبح والقافلة تسير

بقولكم هذا الشي صح
لكن هذا ماهو دايما ينقال
في هالحالة هالكلام ما يصير

نحن في بداية الموسم

لسى فيه ديربيات جايه
مباريات الشباب وطارق التايب مستقعد لكم
مباريات الاتحاد والجماهير منتظرينكم بالاهازيج ضد ياسر
مباريات الوحدة وتعرفون جمهور الوحدة مشكلجيه

عز الله ماخلصنا وبينتهي الموسم وفريقنا ممسوح في الأرض

ياجماهير اصحوا ترى ناديكم

نادي القرن في آسيا وينهان هذي الاهانات

ياجماهير تكفون لا تخلون احد يهينكم وانتم في المدرج ولا احد يهين فريقنا
في المدرج
حتى لو اضطريتوا تخربونها
كله يهون عشان عيون نادي القرن

يعني الكل واقف ضدنا
الاتحاد السعودي
ولجنة الانضباط
والاعلام الاصفر
والاندية كلها

والحين يجي دور
صعاليك النصر

لا ياجماهير زعيم نصف الأرض

برايفت
آآآآآآآآآآآآآآآآآآآآآآآآآآخ بس لو البنات مسموح لهم يحضرون
كان والله مانخلي احد يقرب من المدرج ابدا

اختكم :وسن الهلالية

نايف الجنوبي · #2 02/10/2009, 05:34 AM

.................................................................................................... ..

يشرفني اكون اول واحد يرد خخخخخ >>> هذا همك والبنيه بتتقطع من الضغط ههههههههه

اولاً يا وسن اشكرك على ردة الفعل ولا هو بغريب على جماهير زعيم نصف الارض وعاد ما اعجبني في الموضوع الا هذا المقطع

تخيلوا لو انكم قمتوا وشجعتوا ورفعتوا اصواتكم بالتشجيع

راح يهجدون وياسر راح يتشجع هو الثاني ويحاول يركز عشان يرضيكم

بس ماش كل واحد منتظر الثاني

والكل منتظر الرابطة

صدقتي والله في هالشي ومن زمان وانا لي مقهور من هالحركه تقريبا من اربع مواسم جماهير الهلال كثيره في الحضور بس الصوت الله بالخير يعطي

ماعلينا من كل هالامور

انا باقول لك شغله انا عندي اثنين اخواني فقراويه متعصبين لدرجه الجنون
وربي كل ما يجي موضوع يخص الهلال القاهم طايرين في وجهي
والمصيبه الاعظم انهم يدخلون موقعهم الفاغر اللى مثلهم ويبحثون هناك عن اي شي يخص نادي الهلال من تكذيب ومن خرابيطهم المعهوده عشان بس يجون يهايطون علي في الاخير صرت اكتفي بالابتسامه في وجيههم واقول لهم طالعوا ترتيبكم فى الدوري يالحالمي ووقتها تعالوا وشوفوا انا باتنازل واكلمكم خخخخخخخخخخ

على العموم مابي اطول بس ضد فكرة انا نرد على جماهير الفقر والا غيرهم وربي استحى اصغر عقلي لهالدرجه معاهم

وربي ما دمرهم هم وفريقهم الا لانهم حاطين عيونهم على الهلال وش يسوي وش تعاقداته ومدري وشووو ونسواا فريقهم

فخليهم في حلمهم وخلينا في زعامتنا يا زعيمه

اعتذر للاطاله

لكم مني كل الود يا زعماء

البدائع بلاد الروائع · #3 02/10/2009, 05:35 AM

-
-

هلابكــ اختي وسن

ماعليش انتي قلتي كلن يقول رايه بصراحة
وبدون ماتزعلي

انا لا اوافق
على كلامك

نحن الزعماء في كل شيء
زعماء في البطولات
زعماء في الاخلاق
زعماء بالتربية
زعماء بالتشجيع

لابد ان يكون الزعيم زعيم بحق وحقيقة زعيم في كل شيء

ياحلوها الرياضة لاصارت اخلاق متبادلة
حدها المستطيل الاخضر
حتى وان لم تكن متبادلة يجب ان نكون نحن الكبار في
التعابير
الاخلاق
التسامح
الذوق
الرقي

لابد ان نصبر على جماهير الجار هناك جهات رسمية مسؤله
لابد في يوم من الايام ان تتدخل

لذلك اتمنى ان تكون الجماهير الهلالية راقية في تعاملها مع الاخرين

هذا ما اريد ان اقوله

دمتي بصحة وعافية
وتقبلي رايي بصدر رحب

لاني هلالي اخلاقي بالعلالي

اخوك
البدائع بلاد الروائع

--

المستبد · #4 02/10/2009, 05:38 AM

وسن اشوى انك منتيب ولد ولا كان طقيتينا بعد .

اجل تبينا برى الملعب نطق السهلاوي

واي واحد يتعدى على فريقنا نخربها معه

شوفي انتي قلتيها القافله تسير والكلاب تنبح ...

وبصراحه حنا اهم ماعلينا فريقنا ونشجع بشكل مثالي يليق بنادي القرن ولجنة الانحطاط تسيء لنفسها قبل ان تسيء للوسط الرياضي بتركها للهتافات المسيئه وحركة الخبلاوي واساليب الفتى المصدي .

احييك على حرقتك من اجل الزعيم

..... يالعربجيه

سفيـــ10ـــر الكويت · #5 02/10/2009, 05:40 AM

اقووول ترا سالفة جذب الأعضاء بعنواينك المغناطيسية متى ناوية تبطلينها

ترا خلاص ماعاد نصدق

هـــلآليـــهـ ... · #6 02/10/2009, 05:43 AM

وِسن آلهلآليهـ ..

بمآذآ نرِد علىآ أصحآب تلكـ آلعقوِل

هل تريدين من جمهوِرِ آلزعيم بأن يصبح مثلهم؟؟؟

هم لهم آلمهاتفآت وآلشتم وآلسب في آلمدرِجآت

ونحن علينآ آلرِد في آلملعب

ولنآ آلآنجآزآت وآلبطوِلآت

ولكن أن ننحدرِ إلىآ مستوِآهم ونصبح أمثآلهم !!!

لآنريد من جمهوِر آلهلآل آلمحترِم إن يهبط لمستوىآ هؤلآء

ومآذآ حصدنآ من ورىآ هتآفآتهم؟؟؟

أنآ أقوِل لكـ

حصدنآ أهم إنجآزِ لنآ

وهوِ نآدي آلقرن آلآسيوِي...

أليس هذآ أكبرِ رِد من آلهلآليين لهؤلآء آلحآقدين

يآهلآل مآيهزِكـ ريح

قاهر14الوحدة · #7 02/10/2009, 05:46 AM

والله المثالية الزايدة هي الي بتخلي الهلال طوفه هبيطه.!

ا هـ م 100 · #8 02/10/2009, 05:48 AM

خلاص ماعليك من اليوم بدور السهلاوي برى الملعب وبعطيه على عينه واقول هذي من وسن الهلاليه ؟

وش رايك كذا اصير قوي؟

الهلال مستهدف مستهدف مستهدف

الرجاء اسكتوا بس وفكونا لا يحرمونا بس واللايحه الجديده ترى للهلال بس

والله العظيم للنادي القرن

احذرووووووووووووووووووووووووو ياجمهور نادي القرن الاسيوي

الروض المفقود · #9 02/10/2009, 05:48 AM

لجنة الانحطاط لم توضع الا من أجل القرارات الموجهه لنا وخلال سويعات فكيف تريدونها أن تصدر قرارات ضد أندية (أعضاء لجنة الانحطاط ينتمون لها )
ويجب أن نوضح للجنة أنها إذا بقيت هكذا فإنها ستتسبب في شحن الجمهور داخل الملعب وخارجه وقد تصل الأمور إلى مالايحمد عقباه
فلذلك يجب معاقبة الجمهور أو اللاعب أو الإداري الذي يسئ في أسرع وقت بقرارات منطقية معلومة مسبقا لدى جميع الأندية .....................

أنا الهلالي والنعم · #10 02/10/2009, 05:49 AM

شكرا لك .. صباح جميل و موضوع أجمل .. و بعد هالمدح اللي أنا صادق فيه .. أعتقد أن التعصيب بيروح منك إن شاء الله .

xx911 · #11 02/10/2009, 05:50 AM

سخيفة جدا ...

الموضوع مخالف ياليت المشرفين يحذفونه لان العنوان مايطابق محتوى الموضوع باعتراف كاتبه الموضوع بعد ...

عهوووودالريااااض · #12 02/10/2009, 05:50 AM

صراحه انا معك المفروض يكون لكل فعل ردة فعل
يعني ماراح احد يلومهم اذا جت ردة فعل قويه من الجمهور ضد الخبلاوي والكل شايف انه هو بدأ بالاستفزاز
الجمهور فيه بروووود مو طبيعي
يعني كلنا شفنا كثرة عددهم بالمدرجات واللي غطت عالمدرج الاصفر
لو هالجمهور صرخ وهتف مع هتافات المدرج الاصفر ضد ياسر لاستطاعو اسكاتهم
بس وش نقول جمهور معتمد عالاداره وناسين دورهم هم كجمهور المفروض يكونون مدافعين عن ناديهم فالاداره عندها اللي اكبر من انها تلتفت لما يقال بالمدرجات

ريكا الهلالي · #13 02/10/2009, 05:52 AM

والله كلامك فيه من المنطق الشيئ الكثير

بس لا يروح عن بالك ان لجنة الانضباط مخصصة لنادي وجمهور الهلال ف يعني لو سوينا اي شي العقوبه في خمس دقايق يطبقونها...

ودمتم..

Hilalih 4ever · #14 02/10/2009, 05:52 AM

إقتباس


	آآآآخ بس لو البنات مسموح لهم يحضرون كان والله مانخلي احد يقرب من المدرج ابدا

ههههههههاي خلهم يعطونا مجال كان على طول باالكعب

<<<أمزح لاتصدقين

شوفي أنا معاك من ناحية الأهزوجه الي ضد ياسر يعني انا سمعتها واضحه من التلفزيون فما بالك إلي في الملعب يعني مفروض صوت الجمهور يغطي على صوتهم !!

أما من ناحيه السهلاوي يعني بصراحه وش يسوي الجمهور يرمون على الاعب شئ مثلا !!

أصلا بذا الطريقه هم الي مستفيدين بتجي لجنة الانضباط وبتحطها علينا !!
بصراحه مشكله ان سكتنا بتنسلب حقوقنا و إن سوينا شئ القرار الي بيصدر بيصير ضدنا !!

للاسف الرياضه عندنا مافيه fairness

أمواج الزعيم · #15 02/10/2009, 05:53 AM

اقول روحي نامي احسن لك خخخخخخ

اجل تبينا نخربها في الشارع ونروح نضرب هذا ونسب هذاك
هذي مهي اخلاقنا وماهي رجولة

احنا نرد عليهم في الملعب بالفوز والبطولات مو بالضرب والسب