|
. ألف مبروك الفوز والنقاط الثلاث :smilie47: ! من أسوء ماشاهدت لبرشلونة بالفترة الأخيرة ، لكن الأهم الثلاث نقاط ماضاعت ، برأيي أن أهم الأسباب اللي خلت برشلونة يظهر بهالصورة : - الارهاق الكبير اللي كان واضح على اللاعبين ، بعد عدة مباريات وبأربع بطولات مختلفة اليوم ظهر تأثيره على الفريق ، وأغلب الاعبين كانوا مرهقين وبالأخص " ميسي ، ابرا " ، الأول أدى اللي عليه بالشوط الأول ، والثاني كان غايب عن المباراة ! يمكن هالارهاق أحد أسبابه التشتت اللي يعيشه اللاعبين ، وخاصة اللي يعيشون وضعية صعبة بالتصفيات ، وبيتحدد خلال الأسبوع الجاي تأهلهم من عدمه ، وبالخصوص ميسي وابرا ! - أكثر اللاعبين اللي أثر انخفاض مستواه اليوم على الفريق كان تشافي ، اليوم اللي كان بالنص خيال تشافي هيرنانديز ، يمكن أكثر لمساته للكورة كانت لما يلعب ركلات الزاوية ، ولا بقية المباراة كان كالمتفرج بسبب الرقابة اللصيقة جداً المفروضة عليه من أحد لاعبي ألميريا ! - تبديلات بيب !! أول شي بسكويتس أداءه كان سيئ جدا ً ، ومايملك أي جرأة للتقدم بالكورة للأمام ، والمشاركة بصنع اللعب ، كنت أتمنى من بيب أنه ينزل توريه مكان بسكويتس من بدري تأخر كثييييييير بهالتبديل ، ولو أنه ماكان فيه أي مانع بالعكس كان الأفظل أن يبدأ توريه أساسي ، وشفنا كيف الفرق بين بسكويتس وتوريه اللي يملك الجرأة بالتقدم للأمام وصناعة اللعب ، وهالخاصية كنا محتاجينها في ظل الرقابة اللي على تشافي ! حتى التبديل الثاني برأيي كان خاطئ ، بيدرو صحيح قل أداءه الشوط الثاني ، لكنه ماكان أسوء من انييستا ، على الأقل لياقيا ً أفظل من الدون ، المفروض كيتا مكان الأندريس اللي مازال بحاجة للوقت ، عشان يكون بالفورمة من ناحية اللياقة وحساسية المباريات ! أفظل اللاعبين اليوم بيدرو :smilie47::smilie47: يكفي هدفه الخيآآلي :smilie47: ، يشاركه بالأفظلية ماكسويل ونوعاً ما ماركيز وبويل ، و ميسي بالشوط الأول ! ركلة الجزاء الخامسة تقريبا ً اللي يتم تجاهلها مابين الليغا والأبطال لبرشلونة !!! <!-- controls -->http://vb.alhilal.com/images2/images...c/progress.gif |
فوز متوقع للبرسا لكن الغير متوقع ان يكون بهذه الصعوبة برافو سانشيز s45s عرف كيف يحد بكثيير من خطورة البرسا ، ووقف المحرك الاساسي للفريق وهو تشافي وانييستا ووكل لهم رقابة مان تو مان على طول الـ 90 دقيقة وهالشيء خلى تشافي ما يكون توب امس ، اضافة الى الارهاق اللي واضح شويتين على الفريق . اعتقد البرسا يستحق ركلة جزاء و اكثر من لاعب في الميريا يستحق الانذار ، ما ادري عن لقطة بويول اللي تكلمت عنها الماركا لأن فيه اجزاء من اللقاء فاتتني . . . لنا رجعة ان شاء الله s45s |
تقرير : رغم التناوب الذي يفرضه مانويل الا ان الاصابات مستمر http://www.as.com/recorte/20091004da...o_lesiones.jpg 12 اصابة مختلفة منذ بدأ اعداد الفريق ، 8 من الاصابات كانت في العضلات !!! . لمشاهدة التقرير كاملا : http://vb.alhilal.com/showpost.php?p=13249421&postcount=7392 |
http://www.sport.es/vivo/recursos/fo...392435_CAS.jpg سلام عليكم ! وه .. ماورى خلصت المباراه .. من أبطأ المباريات الا شفتها في حياتي صراحه :D .. لدرجة اني توي مستوعب انها منتهيه وجيت اكتب تعليقي حولها :D .. والا الحكم .. يا الله .. كل شوي .. تووووت .. تووووت .. كنت باحط التلفزيون ميوت من كثر مااسمع صوت الصفاره .. اعتقد الفريق كله كان يمر بليله سيئه .. وحتى المميز من اللاعبين تضرر مع الوقت بمستوى زملائه .. بيدرو مثلا كان من المميزين جدا .. لكن مع الوقت صار يغلط في تمريراته .. ميسي أيضا .. مااعتقد بوسكيتس كان سئ .. بالعكس .. اشوفه كان من افضل السيئين .. لكن الفريق افتقد لمرونة اللعب بشكل عام .. العاده حامل الكره يحصل اثنين او ثلاثه يتحركو في وقت واحد وبشكل سريع لاستقبال الكره .. ونفس هاللاعبين راح يفتحو لبعض اذا استلمو هالكره مثلا .. بس الأمس .. كان الرتم يبطأ مع الوقت .. كل ماتقدم الوقت .. كل ماخففوا سرعة اللعب .. تشافي كان فيه واحد يطالبه بفلوس .. ويتابعه وين ماراح .. الا هو تشيكو .. كان مراقبته له شبيهه بمراقبة لاعب شاختار في مباراة السوبر الاوروبيه .. اللاعب هذا مااكتفى بمراقبة تشافي في مناطق الخطر .. ولكن كان يذهب له لما يتراجع لاستلام الكره .. والفتره الوحيده الا يتركها فيه .. لما تجي كره ثابته .. يروح تشيكو يراقب ابراهيموفيتش .. لكن برضو كتفاهم لثلاثي الوسط .. كان تعبان .. الثلاثي كان بينهم جزر مو بس مساحات .. والثلاثي الآخر الهجومي .. كان ينقصهم الفعاليه الجماعيه .. وابرا كان يمر بيوم مختلف وبعيد عن الحاله الطبيعيه .. عطفا على مجهوداته الكبيره وبغض النظر عن تمريراته الخاطئه .. بيدرو قدم صوره مثاليه للبديل الا نحتاجه .. الولد عنده جرأه هجوميه .. ويعرف يستعمل جسمه لمجاراة المدافعين .. وهالشئ مريح جدا في انتظار الاستحقاقات المستقبليه .. أحيانا يكون اللاعبين من ناحية التمركز جيدين .. لكن التمريرات تكون سيئة .. وايضا استقبال اللاعبين لبعض الكرات كان سئ .. باختصار كنا بعيدين جدا عن الحاله الطبيعيه .. ولكن يحسب لهم انه وضع الفريق دفاعيا كان في حاله جيده جدا .. وكان فيه جهد كبير لافتكاك الكره .. الخط الوحيد اللي كان في طريقه لانقاذ الليله .. كان خط الدفاع .. ولو انه ماركيز كان احيانا يتأخر في تمريره للكرات .. لكن كان مفتاح مهم في هجمات الفريق .. لكن على آخر نص ساعه .. شوي بدأ الفريق يفقد تركيزه .. وهاالشئ أدى الى بعض الهجمات .. الا حالفنا فيها التوفيق وقدرنا نتعامل معاها بشكل جيد .. ماكسويل .. اشوفه يؤدي ادواره الدفاعيه والتكتيكيه بشكل كامل .. ممتاز في الواحد ضد واحد .. ويملك سرعه كبيره .. وعنده حس توقع جميل للكره .. لكن الى الآن ماشفناه يلعب بروح المغامره .. ماشفناه يتخذ قرار المراوغه على الأطراف .. ودائما يدخل للعمق ويلعب لأقرب لاعب .. علشان يضمن مايخسر الكوره .. مادري اشوف انه الشئ حلو .. بس نحتاج منه جانب ابداعي من هالناحيه .. لأني متأكد اللاعب عنده الامكانيات اللازمه لخلق الفارق .. ماادري .. مااشوف انه الفريق بالفعل كان ادائه السلبي في الشوط الثاني بسبب الارهاق .. ولكن اعتقد بانه هدأو اللعب بسبب تقدمهم بهدف .. وقالوا هالفريق ماراح يطلع من مناطقه ابد .. ممكن خففو على نفسهم جهد .. لكن برضو اعتقد كنا نحتاج صلابه جماعيه اكبر وهالشئ كان بيسهل مهمتنا امام هالتكتلات وبشكل مريح .. عموما الفريق هالموسم .. يفوز .. لكن فيه شئ ناقص .. حاجه في النص .. ثقل خط المنتصف دفاعيا وهجوميا .. حاجه بين الخطوط الثلاثه مومثل العام الماضي .. صحيح الفريق كل كم يوم تطلع له اصابه خفيفه + مرحلة عودة انييستا وماركيز من الاصابه .. وهالأشياء أثرت على انسجام الفريق بشكل عام .. الا هو أصلا تأخر في بداية مرحلة اعدادات الموسم مقارنة بالفرق الأخرى .. لأنه الفريق عنده التزامات دوليه كثيره .. لكن اتمنى فترة التأقلم ماتطول اكثر .. بيب يحتاج يعمل مداوره بين اللاعبين ولكن فيه لاعبين مبتعدين عن حالتهم الطبيعيه وهاالشئ يخلي بيب يلعب لاعبين اكثر من غيرهم .. شئ آخر .. هالموسم فيه استيعاب اكبر لحملات ألفيس الهجوميه .. وراح يحتاج بيب في الفتره القادمه يوجد السرعه المفقوده في نقل الكرات الا يفرغ فيها مساحات لأظهرته .. حاليا ألفيس مراقب بشكل كبير وهالشئ خلاه يظهر بصوره اقل من صورته الطبيعيه .. لكن ان شاء الله مع توقف فترة الفيفا .. ومع حلول الجوله الـ 11 .. يوصل الفريق لحاله افضل .. أخيرا .. الفتره القادمه .. لازم يرجع انييستا .. ونرسل تشافي الى الثلاجه :d .. الولد يحتاج اجازه .. مبروك .. |
بيزخوان ، ارض معادية لمدريد .. في لقاءات الفريقين على ارض البيزخوان ، دائما ما يعاني ريال مدريد ، وهنا سرد تاريخي بسيط : 9/ 11 / 2003 فريق كيروش تلقى صفعة كبيرة وخسر 3 / 0 . 14 / 5 / 2005 بابتيستا كان الجلاد من المفارقات ، ان ابطال ذلك اللقاء كانا راموس وبابتيستا عندما كانا لاعبين في الفريق الاندلسي ، فقد سجل راموس برأسه ، ثم سجل بابتيستا في الدقيقة 88 ، ليبتعد البرسا في الصدارة عن مدريد وبعد ذلك توج البرسا باللقب . 16 / 5 / 2006 الشتائم تتوجه الى راموس http://www.as.com/recorte/20091004da...dad_decada.jpg كان اول لقاء لراموس في البيزخوان برداء ريال مدريد ، وقد اهانه الجمهور الكثير وهتفوا بصوت واحد كبير : "Chapelgorris ، Chapelgorris!" ولم يؤد راموس في اللقاء الذي خسره الفريق ، وخرج قائلا : لقد اهانوا والدتي والسبب ديل نيدو . 3 / 11 / 2007 بعد ان فاز اشبيلية بـ 2 / 0 ، لم يسلم لاعبوا مدريد من الجماهير ، فقد القيت الالعاب النارية ، والقوارير الزجاجية ، على حافلة مدريد ، مما ادى الى تهشيم العديد من النوافذ ،واصابة سائق الحافلة ، المدير الرياضي لريال مدريد بيدجا مياتوفيتش استدعي للتحقيق بعد قوله معلقا على تلك الاحداث ، انها اشبه بالحرب الاهلية ويجب ايقافها بالقوة . 26 / 4 / 2009 الجمهور استقبل الفريق بالدولارات التي عليها صور خواندي ، في اشارة الى استقالته وتوجهه الى تدريب توتنهام بعد تحقيقه نجاحات كبيرة مع الفريق ، ولذلك لأن الانجليز قدموا مالا اكثر ، وتوالت الصرخات ، خائن خائن ، ورفعت لافتات ، حتى الفقراء لديهم المال ! . لكن خواندي قاد اللقاء بقوة وفاز ريال مدريد بـ 4 / 2 . http://www.as.com/futbol/articulo/fu...sdaiftb_41/Tes |
" رونالدو لن يلعب في اشبيلية " http://www.telecinco.es/informativos...ediumimage.jpg الصوره من جوجل لأن المصدر فيه فيديو :yes: كريستيانو رونالدو المهاجم البرتغالي الدولي و مهاجم ريال مدريد الاسباني ، ليس في تشكيلة المدرب مانويل بيليجريني للعب في اشبيلية ، حيث اصيب بالتواء في الكاحل , وسيكون اول غياب الاول لرونالدو مع ريال مدريد منذ ان اتاهم الصيف الماضي . SPORT |
|
إقتباس:
|
تحقق الفوز والنقاط الثلاث وهي الأهم ،،، مستوى غير مقنع من برشلونه ... أداء كان بطيء في وسط الملعب وتمريرات مقطوعة كثيرة وكانت الاجتهادات الفردية هي السائدة ونتج عنها هدف ولا أروع من المتألق بيدرو ، لكن اكيد لا يمكن ان نقلل أبدا من الجهد الكبير الذي قدمه لاعبو الميريا في الرقابة اللصيقة والضغط على لاعبي البرسا وكانوا قادرين على جعل المباراة صعبة على فريقنا ، وخاصة تشيكو الذي راقب تشافي مثل ظله في كل ارجاء الملعب ... حتى في تصريح اليوم لتشافي في السبورت عن المباراة يقول ان اللاعب كان يراقبني حتى عندما اذهب لتسديد الركلات الركنية كان يتبعني مباشرة . الاتلتي أخيرا فازوا في الليغا مع ان الحكم ضغط عليهم في آخر الشوط الثاني ببلنتي خيالي قربوا فيه النتيجة ، وخورادو لاعب الاتلتي صراحة مستواه ابداع في المباراة . في انتظار مباراة القمة الليلة ... مباراة اعتقد من يسجل فيها اولا هو اللي راح يفوز بالمباراة لان الفريقين عندهم قدرة على لعب الهجوم المرتد السريع في حالة تقدم الفريق المتأخر بالنتيجة للهجوم بوجود لاعبين امثال كاكا ونافاس وكابيل وغيرهم علشان كذا ممكن نشوف اهداف كثيرة في المباراة . أخيرا أتوقع ( واكيد ما اتمنى ) اذا الريال يفوز في المباراة فانها راح تكون مباراة راؤول هو اللي يبدع في المباراة وبالتوفيق لابناء اشبيليه . |
أولا .. وبشكل مسبق :D .. سامحنا على الانبراشه عبود .. يقول لك في الصيدليه .. يبيعو بخاخ .. حق العلاج الموضعي لاصابات الملاعب .. اذا ازعجتك انبراشتي راح احطه عليك :D إقتباس:
الكوره وصلت له بعد تمريره ماكسويل .. الا استلمها من ابرا .. ويحسب له التحرك في العمق .. حسيت من كلامك في الهدف .. انه حاور مدافعين الميريا .. وشوي راح نقز الكوره عند بيب .. وتباوس مع بينتو .. وبعدين رجع شاتها :D === انا ما اشوف انه الميريا صراحه استخدم ضغط عالي ضدنا .. بالعكس استخدم الرقابه الفرديه على مفاتيح لعب الوسط ودفاع المنطقه بالخلف .. وبرشلونه مااعطى مجال لألميريا بالصعود للهجوم .. بمعنى احداث خطوره .. الا في آخر المباراه .. برأي .. الضغط العالي راح يكون موجود لما اشوف الميريا يفرض نفسه على برشلونه ويهدد المرمى .. بينما هو ماسوى شئ ابدا في ملعب برشلونه .. ممكن الفريق بالشوط الأول عانى كثير من اسلوب الميريا البدني .. وهو اللي اشوفه السبب الأكبر في خروجهم عن جو المباراه مع الوقت .. لكن ايضا .. اعتقد انه من بعد الهدف ومع مرور الوقت .. تغير تفكير برشلونه .. وممكن التبديلات تعطي تفسير اكبر الى هالشي .. موقصدي انقص من الميريا .. او تفكير هوغو .. لكن صراحه هو جا للكامب نو فقط لعدم استقبال اي هدف .. وحتى بعد مااستقبل هدف .. استمر على نفس المنوال .. الفريق مو جاي يحاول يوصل لشئ يعني :d .. هو قال باستعمل اسلوب اسبانيول في مباراتهم مع البارسا بالكامب نو .. اسبانيول على الأقل ضربو اللاعبين فردا فردا بالشوط الأول :d .. وهددوا الشبك .. وحققوا الفوز .. هذا لكن سانشيز .. اخذ من اسبانيول بس طريقة الضرب ونسى الأشياء الثانيه :d === اتلتكو مدريد فااااااز يعيال فاااااااااز .. قومو نسوي عرس :d .. والله كاسرين بخاطري جماهير هالفريق .. لعيبه حلوين وعندهم .. وكل سنه يتأملو خير .. وفجأه مادري وش يصير عندهم :( .. هي من اصابات .. هي من حظ .. كله قافله معاهم .. |
إقتباس:
إقتباس:
|
مبروك لبرشلونه الفوز المباراة نايمه بس تحرك المشاعر شوي ههههه .. والله أشوف إن المدربين من تالي كل واحد يقول بأطبق إسلوب إسبانيول أمام برشلونه في الكامب نو خخخخ .. حتى المدرب حق إسبانيول ما قدر يطبق هذا الإسلوب على ريال مدريد و هو راعي التكتيك الأم .. < ترا هنا ما نقول إنه بايخ .. ألعب بطريقتك و خل عنك القيل و القال برشلونه قدامك ..؟! دافع إنت يا ألميريا و بتركيز 200% ..!! عندك لاعبين سريعين ..؟! ألعب على المرتده .. ما عندك لا هذا و لا هذا ..!! لا يكثر :d .. لا تسوي لي فيها نفسيات و آخر شي ما عندك ما عند جدتي :d .. لكن لا مانع من الإشاده بأبناء الأندلس البارح اللي أرهقوا البرسا التغييرن اللي عملهم هوغو كانت راح تكون مثمره لو إشتغل عليها ألميريا بشوية ثقه و تنظيم .. لكن عجبني بويول يوم شاف إن المباراة تميل مره هنا و مره هنا جلد أم بياتي هههههههههه و قال عادي أحمر بس الحكم كويس عطاه أصفر و قاله لا عاد تتعودها :wub::d .. ماركيز غريبه ما طلعوا عليه الصحف حقتنا:wub::d و قالوا الحكم يساعد البرسا ..؟! :d ترا ما نيب متأكد إنها في يده أو لا لكن من النظره الأولى شكلها بلنتي على العموم مبروك فوز أتليتكو اللي ما بغو يفوزون .. |
تشكيلة الماركا المتوقعة للقاء الريال واشبيليا http://www2.0zz0.com/2009/10/04/04/975133241.jpg من اخونا انس في رابطة الريال :smilie47: |
إقتباس:
يمكن لأنه مانطرد من عندكم لاعب في هالمباراه :s4s: .. وبعدين سمعت بوتشيتينو مايطلع تكتيكيه الخاقوقي الا في مباريات خارج المنزل هههههههه === عبندي .. فيه فرق اخيس من الميريا وقدروا يهددو برشلونه اكثر :d .. موقاعد ابخص حقهم باللي سووه .. بس سرعة التغطيه الا صارت طبيعيه نسبة لأنهم اصلا ماتباعدو عن شبكهم .. الفريق دائما في ملعبه .. شئ طبيعي ماراح ياخذ عنده الوضع فتره طويله علشان يرجعو ينظمو نفسهم دفاعيا لأنهم طول الوقت بملعبهم .. حتى نوعية اللاعبين الا اختارهم سانشيز معظمها دفاعيه .. مثلا .. غيليرمي امس لعب جناح يسار .. بينما هو العاده يلعب ظهير يسار .. الشوط الثاني غناتي كان يمكن العن شوط شفته في حياتي من كثر التمريرات الغلط :d .. ومع ذلك مااستغلوا شئ منها الا اخر شئ يمكن لما دخل بياتي بدأو يسوو شئ .. واللي اشوفه هو مومدخل اوتشي الا علشانه انه شيطان في الكور العاليه .. بينما هو لو مدخل بياتي كان يمديه يستغل عدم جاهزية ماركيز الكبيره .. ترى الفريقين امس كان يمديهم ياكلو بعض اكثر :d .. بس كانوا حبايب :D مثلا .. برشلونه لو ظلو على طريقة اللعب الا بدأو بها الشوط الأول في الشوط الثاني .. كان ممكن استغلال الثغرات الا تنتج عن صعود المراقبين الا راقبو تشافي وانييستا .. لكنهم لسبب مجهول نوعا بالنسبه ليي .. خففوا حدتهم الهجوميه .. ومنها تركيزهم انخفض بشكل كبير في تمريراتهم .. لكن على الجهه الثانيه .. بوكسيتس من الشوط الأول كان يضم كثير مع جهة ماكسويل علشان بعض عمليات المراقبه .. وهنا لو كان فيه جرأه اكبر كان يمدي سانشيز يستغلها .. زود على التمريرات الغلط الكثيره من جانب برشلونه بالشوط الثاني .. === ماطلبت شئ عبود ننبرش من يوم ورايح .. انا ماعندي مشكله مع الانبراشات .. بس فيه ناس يزعلو :d .. فـ الأحسن التزام الصمت :d |
|
| الوقت المعتمد في المنتدى بتوقيت جرينتش +3.
الوقت الان » 01:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd