|
ياسر.....عافك الخاطر منذ فترة طويلة ونحن ننتظر عودة ياسر الى مستواه وخطورته السابقه فمنا من يطالب الجماهير بالصبر عليه ومن الجماهير من يطالب بجلوسه على دكة الاحتياط واشراك الصويلح او العنبر مكانه. وفي رأيي الخاص يجب على ادارة الهلال سرعة التعاقد مع مهاجم أجنبي فذ بدلا من أحد اللاعبين الاجانب (ماعدا رادويs60s) في الفريق وفي نفس الوقت يفيد هذا اللاعب من يشارك بجانبه سواء ياسر او غيره بتحركاته وحسن تعامله مع الكرات ويزيد من خبراته ، فبدلا من ضياع الوقت واستهلاك المباريات بتجريب فلان والصبر على فلان فهذا لن يخدم الهلال وسوف يضيع منه مباريات ونقاط هو بأمس الحاجه اليها والدوري لايرحم والبطولات لن تذهب الا لمن يدفع ثمنها . فقدوم المحياني لم يضف للفريق جديد بل اصبح الفريق كأن سول الكوري لم يذهب وإضاعة ياسر للكرات السهله امام المرمى أصبح امرا معتادا ويسبب الصداع والالم للجماهير المحبه للكيان الهلالي بسبب ضياع الجهود بذلك البرود . فالمنافسون في البطولات المحليه نادي الاتحاد والشباب يسجلون من جميع الاتجاهات وبكل الطرق بينما الهلال تسجيله على مهارة فردية من لاعب وبأصعب الطرق. ختاما فريق الهلال من خلال الاربع مباريات الماضيه اتضح لي فشل الفريق بالتعاقد مع الكوري وانخفاض مستوى الدعيع بشكل كبير.......فهل حان وقت الوداع وكذلك بقاء مستوى الزوري على ماكان عليه اتمنى ان يتدارك المدرب ذلك وان اشاهد مع جميع محبي الهلال لمسه تطويريه من هذا المدرب على اداء الهلال الجماعي بدلا من اداء الهلال الفردي من قبل بعض اللاعبين واستنزاف مجهوداتهم بشكل لايخدم الفريق. |
انا ماني قادر افهم كيف تطالبون بلاعب اجني مع انه لاتوجد فترة تسجيل اذا قربت فترة التسجيل اكتبو مثل هالمواضيع ضيقتو صدورنا بمواضيع ياسر المحياني الى الان يحتاج الى كم مباراة تساعده على الاجواء والتأقلم مع اللاعبين |
المحياني لاعب كبير و انتضره يجب على الاداراة عدم الاستعجال في أمره |
الله يهديك عيسى تووه ما تاقلم مع اجووواء الفريق والاعب الكووووري لي يونق مستوااه في تصاااعد من وجهت نظري وانشااء الله ما نحتااج لمهاجم اجنبي بس يبيلك الصبر على الاعبين |
مشكله المحياني ان ياسر لازم يلعب اساسي |
أزعجتونا كل يوم ياسر بعيد عن مستواه وياسر وياسر خلاص وربي صدعتونا إذا تحبون ياسر من قلوبكم إبتعدوا عن كتابة مثل هاذي المواضيع ووققوا معاه وقفة رجل في المدرجات وإهتفوا بإسمه وإذ أضاع هدف صيحو بصوت واحد آه ياياسر آه ياياسر ولاتنسون إن ياسر يتابع المنتدى ياسر بحاجه بوقفة جاده في الفتره القادمه وإنتم ماقصرتم معاه في الفتره الماضية وآسف على حماسي بهذا الشكل . |
ياسر نزل مستواه بشكل واضح .... بإنتضار عودته كما كان القناص عيسى المحياني لايصلح أن يلعب خارج منطقة الجزاء الزوري أصبح كالعجوز وكأن عمره 80 |
زبدة الكلام اللي يحب ياسر ( من جد ) يدعمه بالمدرجات ويآزره مو يصير مثله مثل الجماهير الثانيه يسب ويشتم وبالنسبه لعيسى توه عطوه وقت اللاعب نعرف مستواه مع الوحده كان مبدع يارب توفق الهلال في جميع البطولات |
ياسرلازم يكون احتياط حتى يراجع حسباته والمحياني والصويلح اساسين والمحياني لازم يلعب داخل الصندوق |
تقريباً كلامك وتفكيرك نفس تفكيري مالحظ تطور كبير بالفريق الا اني صرت اشوف الدفاع اسامه طايله رجله وصاير يتقدم كثير ذكرني بالمنتشري والدعيع ماهو هذا ابو عبد العزيز الي بداية الموسم الى منتصفه الي راح مادري هي تلميح بأن هذا الموسم هو النهاية !! ياسر خارج اجواء المباريات قدام الباب وتسديده للكورة مايرده الا علم الركنية !! المحياني ماقدم ولاسوى اضافة للفريق. لي يونق لا جديد بالظهير الايمن المرشدي خارج التغطية الزوري نايم بمكانه يظهر دقيقة ويختفي طول المباراة رادوي ابدعت بس ملاحظ عليه النرفزه والعاصبية ويلهامسون مادري ذا المستوى الي يصدع وينزل هل لجذب نظر مدرب منتخب السويد او ايش بالضبط. عزيز اتمنى تواجده بكل مباراة ومانتوهق مع جريتس يفتح العمق ويلعب بأرتكاز واحد قدام النصر ضعنا وش عاد لو قابلنا الاتحاد !! الصويلح افضل شي له الاحتياط ويفك ازمه يدخل وهو محظوظ بشكل كبير كل مادخل سجل هدف ارزاق من الله وقمة الارتباك قدام المرمى. الانتقاد هذا من حبي للهلال يحتاج تطوير واكثر روح وقتاليه وتشجيع للاعبين وللإدارة مو هذا المستوى الي نطمح له لكن نرجع السبب لفترات التوقف الكثيرة لعلها هي السبب وأن لايكون هناك سبب آخر. تمنياتي للنادي القرن كل التوفيق. |
كان انت عفته حنا مانعوفه الكاسر الكاسر عودنا على العوده مبكرا فعلا قد عاد ولاكن ماحدث في مباره النصر ماهو الا حظ ياسر يقول انا عقدي مع الشباك طول العمر بس لو الحظ يفارقني سامتع جماهيري |
الله يهديك يالغالي ... انا ما ادري وش المطلوب من ياسر ؟!!!.. هل لازم يسجل ياسر خمس اهداف في كل مباراة حتى ترضى الجماهير ؟!!.. هل لازم يااسر يمسك اللاعبين من اول الملعب لاخره ويسحبهم واحد ورى الثاني وبعدين يسجل هدف ؟!!.. هل تحس من ياسر تخاذل او برود او عدم حماس في الملعب ؟!!.. ياسر احرص من الجميع على تسجيل الاهداف .. لكن المكتوب مكتوب .. كونه ضيع فرصه او فرصتين غصب عنه .. هو وده يسجل في كل هجمه هدف .. ياسر ما ادري ليش الجماهير والاعلام شانين عليه حمله كأنه المهاجم الوحيد اللي ما بعد سجل من ثلاث سنوات !!.. ياسر ما فيه اي شي والحمدلله ومستواه مثل مستوى اي لاعب معرض للنزول والانخفاض ومو معنى هذا اني معك بأن مستواه منخفض لا .. بس حبيت ابين بأن اي لاعب معرض للتذبذب في مستواه .. انت تشوف بعينك ياسر يتعرض لرقابه شديده وصارمه ومن كل الفرق ومع ذلك يسجل ويصنع الاهداف .. انت تشوف ان ياسر وحيدا في الهجوم وهذا يرجع لخطة المدرب واللي المفروض انه يضع عيسى معه داخل الصندوق .. حتى ما يصير ياسر لوحده وتكون سهله مراقبته .. أما بخصوص الكوري حرام عليك والله مقدم مستويات ممتازه والا ودك يرجع نامي عشان تعرف قيمة هالكوري .. اما عن اللاعب الاجنبي الجديد فأنا معك بهذي وبصراحه ويلي تحسه يحرث الملعب طولا وعرضا بلا فائده .. وانا شخصيا ارشح المهاجم المصري ( ميدو ) يتمتع بطول فارع ويجيد الضربات الرأسيه اللي ما يستفيد منها الزعيم نهائيا .. كذلك يلعب بقدمه الشمال يعني كذا يكون ثنائي مرعب مع ياسر ومهاراته ممتازه والتحامه قوي ومصدر خطوره .. اخيرا اتمنى ان نترك ياسر والمواضيع اللي تتكلم عنه تراه بشر ويتحطم من خلال كلامكم مع اني ما اشوف شي يستدعي كثرة هالمواضيع .. والنقطه الاخيره ترى ياسر ما بعد تأقلم بعد ذهاب التايب وكان يمثل ثنائي مزعج لاي دفاع وكان بينهم تفاهم كبييييير ... فتحس ياسر نوعا ما ما توصله كرات زي اول على وقت التايب .. |
و الله أحس إني قاعد أقرى موضوع أوردود محللين وفنيين ,, ما شاء الله تكفى يا شبيه الريح ,,بسرعة إقالة لجيريتس والي معاه كل الي هنا مدربين وعلى مستوى عالي ماشاء الله,, الله يوفقكم تكفون علموني التشكيلة قدام الأهلي |
والله مايحطم ياسر وينزل مستواه الا انتم ياسر ضيع فرصتين وهذا دليل انه متحمس مع المباراه ومستواه مرتفع لكن انتم مايعجبكم العجب ولا الصيام برجب ضيقتوا صدورنا بياسر ياسر انسان وله مشاعر ومثل هالمواضيع تصيبه بإحباط ماادري متى بتفكوننا من هالسالفه |
صدقت يالهلالي 20 << بالانقلش وصدقت يا حمد الهلالي |
| الوقت المعتمد في المنتدى بتوقيت جرينتش +3.
الوقت الان » 11:26 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd