السلام عليكم ورحمة الله وبركاته
كلنا شفنا أمس مباراة (
الأهلي و الشباب )
وسمعنا تصريح البطان بعد المباراة
الصراحه تصيرح غريب ( وانت تسمع التصريح تحس انه جوعان جماهير )
يعني أبي جماهير بأي وسيله خخخخخخ
تصريح البلطان
فيـــذا
أنتم سمعتوا ( أدعوا الجماهير السعودية عامه للإستمتاع بنادي الشباب ) ما بقى الا يقول جيبوا ترامز قهوه وشاهي وجيبوا بزارينكم و خلوهم يستانسون ( ولا تنسون الشغاله والسواق
) والبساط ( لان الارض رطبه )
ولا من قوة الحماس يقول ( لما يلعب الشباب تأخذ الكره البدعه ) أي بدعه يرحم أمك
و تكلم عن طارق ويقول : عليكم المشاهده وعلينا الإبداع
وش تحس به يالبلطان ؟؟!!
ويقول بعد ان الشباب يمتلك أفضل رباعي أجنبي بالمملكه
تدرون وش مشكلتي انا ؟؟!! اني أقارن تصاريح رؤساء الأنديه بشاعرنا (
الأمير عبدالرحمن بن مساعد
)
وهذي بحد ذاتها مشكله
يعني فرق كبير بين مستوى تفكير ( الأمير عبدالرحمن بن مساعد ) ورئيس مثل خالد البلطان
أنا ما قد سمعت عبدالرحمن بن مساعد يقول ( يرحم أمكم يالجماهير صيروا كثارين ) كلام البلطان ( في ما معناه )
الله يرحم حاله ( يارب )
وربي ما أخذ طارق التايب
إعجاباً فيه ( ما يبي غير الجماهير )
يحسب ان السر في شعبية
( نادي القرن ) لاعب زي طارق التايب
يا حبيبي إذا كنت تعتقد انك إذا جلبت طارق التايب بتحصل جمهور زي جمهور نادي الهلال ( تراك غلطان )
جمهور الهلال
( يمثل شعب دولة كامله )
والجمهور هذا موجود ( قبل يطلع طارق على الدنيا )
ولا تحسب انك بهالطريقة بتسحب جماهير الهلال بحكم ( حبهم لطارق )
يا حبيبي حبنا
للكيان
( أكبر من كل شي )
مسيكين والله يشوف هاللأمه ويبي مثلهم
تحلم يا حبيبي تحلم يكون عندك ( ربعهم )
لو تفحط يالبلطان ( ما حظر لك نصهم )
أخيــــراً : يالبلطان استريح ولا تتعب عمرك
( اعقل وخل عنك حركات المراهقين )
(جماهير نادي الشباب بمباراة الأهلي أمس ) << على حسب كلام الشبابيين انهم معجبهم الحضور
( لا تحسب كل جماهير الأنديه نفس جمهور نادي الهلال يا طارق )
أنت من خسرت نادي ( الهلال ) وليس العكس
تحياتي لكم
أبو جواد
الوضع المتطور
