|
إقتباس:
نصبر على ياسر الى متى!!! من العام مستواه نازل!!! مع الهلال ومع المنتخب وتحديدا من فترة زواجه وقضية زيادة الوزن اذا تذكرون وزادت الطينه بله مع كلام الجمهور في المدرجات!!! احنا يهمنا الهلال وبس..ياسر الله يهديه لو يفكر في الفريق وينسى نفسه والله راح يرجع.. بس تلاحظ ان ياسر يحاول يرد في الملعب على كلام ان مستواه نازل ولايفكر في الفريق!!! (( لاحظ الكورة اللي تبادلها مع الفريدي ون تو وكيف ضيعها وسددها بانانيه مع ان الفريدي كان فاضي ومفتوح الباب قدامه))!!!! |
صحيح ياسر مايسجل ويضيع هجمآت محققه لكن ياعزيزي الكريم ياسر تاثيره اثناء اللعب بالملعب يكفي نعم ياسر ليس بمستواه المعهود ولم يظهر بمباراة الفقر بمستوى جيد ولكن يصنع هدف يصنع هجمع مرتده خطيره وهذه فيمته ان لم يظهر بالمستوى المعهود .. اتفق مع ان ياسر في قادم اللقاءات يكون احتياط فليس عيبا الى ان يطور مستواه ويتنافس اكثر مع المحياني والصويلح والعنبر لا يعلم احد منا لو واعوذ بالله من كلمة لو كان العنبر موجودا لربما سجل ع الاقل هدف من فرص ياسر الضائعه .. فالحمدلله ع كل حال وارجو ان تتقبل وجهة نظري شكرا لك :) |
ماعليك منهم يوم يمدحون الاعب ويوم يذمونه حتى الدعيع صار فاشل قبل امس ما اقول الله يعين بس ابو سعيد بيرد عليهم بإذن الله وانتظروا مباراة الاياب مع جمهور الكديش ياسر اللي بيرد عليهم ان شاءالله يعطيك العافيه |
فيه نقطة حبيت اذكرها ايضاً نحن لانريد بروز ياسر فقط فمباريات الفقر ..! بل نريده امام جميع الفرق ياسر الذي نعرفه جيداً .. |
ماشاء الله عليكم تقولون خلو ياسر في الأحتياط وأذا جا وقت هلهله قلتو المدرب مانبيه ليش مايلعب ياسر صح ولالا . بعدين الشرهه على الي فهمكم الكورة من قال ان المحياني مقلب كم سجل هدف واحد فيه الخير والبركة أحسن من الي مايسجل ابد . |
يا ناس ياسر القحطاني وجوده أساسي هام للأسباب التالية : أولاً : في اي لحظة متوقع انه يسجل ثانياً : لولم يسجل فهو يسحب معه نصف الفريق الخصم حيث يكلف مجموعة بمراقبة ياسر وبالتالي تتاح الفرصة لغيره للتسجيل وهذا المهم . ثالثاً : هو الآن في مرحلة عودة تدريجية لمستواه بعد ما تعرض له فلا يجب ان نكون نحن وجماهير الكديش على ياسر ! انتظروه طالما الفريق يسير في الطريق الصحيحه . رابعاً : وجود ياسر أساسي يجعل طموحات المهاجمين الآخرين مثل الصويلح تتزايد ويتوهج عطاؤه |
إقتباس:
وش تبي بظبط الحين ؟ الحمد لله والشكر ترا فيه منتدى للكديش .ا إقتباس:
في اي لحظه يجيب قول ويسحب اللاعبين معاه بعدين ليه الحكم على طول ومباراة الوحده واللي قبلها ياسر مو في مستواه ؟ بعد كل مباراة ياسر مستواه يتطور بس يحتاج منكم الدعم والمسانده ! اذا حنا ما وقفنا معاه مين يوقف معاه ويرجع ياسر ايام زمان ؟ إقتباس:
قال ايش قال جمهور ياسر . بعدين حنا ماقلنا لاتتكلمون قلنا تكلموا بس بمنطقيه مب دكة الاحتياط تناديك يعني في مباراة الوحده الاغلبيه قالوا ياسر رجع لمستواه . ( وهذا اللي بيصر بأن الله وراح يرجع لمستواه ونلاحظ ان مستواه بدا يتطور ) وفي مباراة النصر قالوا ياسر دكة الاحتياط تناديك .. شلون تجي هذي ؟ واساساً العام الفريق كله نازل مستواه بس ياسر طلعوا له اشاعه وزادت عليه فـ عادي جداً ان مستواه ينزل وأكرر مب بس ياسر العام بل كل الفريق |
احنا نطالب بالصويلح لانه كل مادخل جاب لنا هدف ونطالب برجوع ياسر للاحتياط لانه يضيع اسهل الفرص والاحتياط مو عيب بالعكس .....يمكن يكون سبب لعودة ياسر لمستواه السابق انا ابي ياسر يرجع ابي تسحيبات ياسر ..اخترقاته ...تسديداته .... |
أقول لاتجاملون ياسر على حساب مصلحة الفريق ياسر من العام الماضي ومستواه سئ قلنا يمكن السنة هذي مستواه يتحسن ولكن مكانك سر الى الان وياسر مدري وينه ومباراة النصر الاخيرة أضاع فرصتين ماتضيع ومعا المنتخب لم يقدم شي يذكر هو وزملاءوه وخرج المنتخب وأنتم لازلتم تصرون على ياسر كلنا نحب ياسر ونعشقه لكن ياسر مو حاس بالمسوؤلية وألامير عبدالرحمن خلال لقاءه نهاية الموسم الماضي مع العارتي قال أن هناك لاعبين خذلوه أنتم عارفين مين اللي خذلوه لكننالازلنا ننتظر عودتك ياأفضل لاعب في أسيا وأن تبرهن أنك ألافضل وليس بالكلام فقط وأن تعرفوا جميعاأنني من أكبر عشاق ياسر من قبل مجئه للهلال |
صدقت بكلامك يعني اذا احنا ماوقفنا معاه من يوقف معه ومن وجهة نظري ان ياسر من بدأ الموسم ومستواه عالي ويقدم افضل ماعنده والمحياني ان شاء الله مع الأيام راح يثبت لنا مستواه وقدرته |
والله ماضر الهلال الا مثل هالنوعية من الجماهير ياخي لاعب يتمايل قدام الباب كأنه يلعب مع فريق حارتهم رصه بالاحتياط بعدين وربي ان العنبر يفيد الهلال اكثر من ياسر قسم بالله صرت اكره اشوف مباريات الهلال بسبب استهتار ياسر ويكفي (تطبييييييييييييييييييييل) |
الله يعطيك العافيه لاكن ياسر نجم ومازال نجم مستواه الموسم هذا ممتاز |
ياخي صبرنا عليه واجد وكل يوم لكم عذر طيب يصير بالاحتياط يراجع حساباته ومانبيه يلعب اذا هو ما يقدر يسوي شي !! يخوي والله مب حاس فينا نسيت وش قال عننا ؟ (المدرج يتفرج) ؟؟؟ |
إقتباس:
والمنتخب كل اللاعبين ماقدموا اي مستووى ليه ياسر بس ؟ طيب بعقلك اضاع فرصتين يصير في الاحتياط ؟ الحظ ماكان معاه , وعلى اي اساس تحكم ان عبد الرحمن يقصد ياسر ؟ الفريق كله كان تعبان وياسر زياده عليه طلعوا له اشاعه ! . ياناس انتم متى تحسون ؟ باذن الله ياسر راجع واحسن بس ليه على طول حكمتوا ؟ عشان هالفرصتين ! إقتباس:
والنوعيه ذات التجريح هي من تفيد النادي ! عجباً لك ! العنبر ودي اطلع ردودكم عن العنبر عشان تعرفون ان الله حق كلكم كتنم تسبونه وتقولونه انه وزنه زايد والحين صار افضل من ياسر !!!!! والله عجزنا نفهمكم !!! |
والله ان ياسر والمحياني هددوا مرمى الخصم وكانوا بعبع لهم الجمهور زعلان لان ما فزناا او بالاصح لان ياسر والمحياني ما سجلوا ولازم نعرف ويعرف الجميع ان النصر كان يلعب كره يد 9 ورى و 1 قدام وهذي تشكيلة صعبة على كل الفرق وكل المهاجمين |
| الوقت المعتمد في المنتدى بتوقيت جرينتش +3.
الوقت الان » 08:08 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd