الجمهور وسليماني ولجنة الإنضباط .. وهتلر ومدرب هياط × هياط - نادي الهلال السعودي - شبكة الزعيم

شــاهــيــن · #1 30/09/2009, 02:19 AM

بسم الله الرحمن الرحيم

هاردلكم يا زعماء التعادل .. والعوض إن شاء الله في القادم من المباريات <<< بعد التوقف طبعا

الله يعين على هالتوقفات ... دوري تلعب مباراتين وتوقف شهرين

الدوري ال16 عالميا

بصراحة اليوم وقبل المبارات بدقائق صكتني قشعريرة وببرودة يبست عظامي من تصريح مدرب النصر ... صرّح ابو الشباب للجزيرة الرياضية بأنه بيفوز بنتيجة كبيرة

بس اشوا كلها دقايق وطلعت التشكيلة

الدعوة هياط أثاريها ابو الشباب صاك ثلاثة محاور ولاعبين خلف السهلاوي <<< موعز لهم مايتقدمون لمنتصف ملعبهم

والله حرام يسمى دربي هذا ... ياناس رأس الحربة الوحيد السهلاوي أكثر من 50% من وقت المباراة يلعب في ملعب النصر .. لاعبين الوسط المهاجمين والله ما شفتهم الا اوقات قليلة وفجأة ألقى فيقارو يغطي عبدالله الزوري في أقصى اليسار والبحري يضم جوا مع قلبين الدفاع ... فجأه يظهر لنا (( هتلر النصر )) ويهايط بكل دلاخة ويقول (( فكهم الله ))

فكنا الله !!!

ياناس يذكرني بهتلر اذا قام ورز خشمه بالمنصه لما يسجلون قول .. وحركة رفع اليد عاد يوحي لك انه ماسك الرايخ النازي الرابع على غفله ومحاصر موسكو

المشكلة لو تلاحظون حاجه .. ليش الزوري ما هاجم اليوم ؟؟
بقول لكم إن الخانة اليمنى النصراوية مقفله عن طريق البحري وصانعين لعب النصر فيقارو + الكوري محترفهم

منافس تقليدي !!! لا ويهايطون بعد

دوري محترفين ولا دوري مدارس هذا

جمهور متخلف وعبارات قذره .. هياط رئيس وهياط مدرب ومدير الكورة مسوي قلق مع لجنة المنشطات (( يقول ليش ما ارسلتوا لي خطاب بالكشف ))

والكابتن المراهق الأربعيني سليماني

سليماني ... الحين صرت ما ألوم حسن خليفه على الكف (( المخمس )) اللي سدحك فيه قدام الملايين

سليماني ... ما ألوم مرزوق العتيبي لما ضربك بالجزمة قدام الملايين

سليماني ... ما ألوم محمد نور على تشويته لك والكفوف اللي تجيك منه

ما ألومهم دام ان لجنة الإنضباط تتفرج وتشجع هالحركات الصبيانية بسكوتها
ما ألومهم إذا حاولوا تأديبك وتربيتك ياااا .. يا أربعيني

ننتظر ونشوف وين لجنة الإنضباط من تخلف سليماني ومن بذائة الجمهور ومن هياط مدير فريقهم على مسؤولين لجنة الكشف عن المنشطات

للأسف الأغلبية الساحقة من أتباع الجار يعيشون تخلف كبير وحقد دفين ضد كل ماهو أزرق
أنواع التشكيك والبذائة والحقد اللي أنساهم أنفسهم لين صاروا يلهثون بكل وقاحة للحد من الطوفان الأزرق ... لذلك يبطووون ما تطوروا ولا طلعوا من المستنقع والذل اللي هم عايشين فيه

:: :: :: :: :: :: :: ::

ويلي

× رادوي

× جيريتس

والله حيرتوني في نجم المباراة

شكرا شبيه الريح .. محترفين ومدرب يرفعون الراس
جيريتس صدقني لو كان ثنائي الهجوم والمرشدي والزوري في يومهم لكانت تاريخية من الشوط الأول .. تستاهل التقدير ويكفي إننا شفنا السهلاوي في منتصف ملعب النصر في أغلب فترات الشوط الأول

هدف التقدم للنصر أنهكنا وأثر علينا كثير

هوساوي

تصريحك على القناة السعودية والرد على المذيع رااااائع

التصريح يهجّد فرقة الهياط

واليوم نجم كالعاده

الشلهوب .. الفريدي

واصلوا يا زعماء

:: :: :: :: :: ::

نقطة مهمه

ومازالت مواضيع آآآآه يا طارق مستمره (( يابوي طارق خدم الهلال والله يوفقه ))

كيف تطالبون بكره هجومية وتطالبون بوجود طارق في نفس الوقت ؟؟
يكون بعلمكم ... اصبروا وخلوا الدوري بس يبدأ صح دون هالتوقفات .. التكتيك جديد واللاعبين بيتعودون عليه ويكفي اننا أمس نلعب على نص باب فعلى أي أساس تبكون على طارق؟؟
الشلهوب صنع أهداف في كل المباريات وسجل نيفيز صنع واصبروا عليه
شوفوا ويليهامسون اللي شبيتوا عليه وانتقدتوه وين وصل
اللي عنده ذاكره صح بيتذكر ان طارق التائب أول ما جاء ماكان مرضينا
وعلى فكره طارق لاعب مثله مثل أي لاعب في الزعيم ... مباريات يظهر ومباريات ما يظهر

والله اني استغرب من اللي يكتبون هالمواضيع ... واعتب على المشرفين عدم التعامل مع هذي المواضيع
المباراة يلعب فريقنا فيها على نص باب والبعض يقول آآآه ياطارق

مثلهم مثل تصريح خبيلان اللي ما كأنه شاف المباراة ... يقول فكهم الله (( يقصد الهلال )) ويطمر لقناة ثانيه ويقول مدرب الهلال دخل عزيز في نهاية المباراة وكان حيدخل محور ثالث ورابع

بالله ماهو شيء مضحك ؟؟ فريقه لاعب من البداية بثلاث محاور والهلال بادي برادوي بس الى آخر دقائق المباراة ونلعب على نص باب ويصرح هالتصريح ... مدري هو تابع المباراة أصلا .. مثله مثل اللي يتباكون على طارق

المشكلة الجماهير عاطفية بس تبي كعوب ووناسه عادي لو تطلع الكورة آوت ولا تتأخر الهجمة ولا اخوياك اللاعبين تنبط كبودهم وهم متحمسين ينتظرون الكورة وانتي تقحص يمين ويسار بكل برود

هدفين الهلال الأول والثاني ضد النصر وضد الوحدة وضد نجران ... أهداف سريعة من الدفاع الى الوسط الى المهاجم ... وقووول ... لا مرطسة ولا برود ولا شيء ... شوفوا هدف الفريدي .. شوفوا هدف الصويلح .. شوفوا هدف ياسر على الوحده وهدف الشلهوب وهدف ياسر على نجران ... الخخ

وربي لو الهجوم موفق كان اهداف بالهبل ... أقل أقل شيء ياسر ثلاث أهداف وعيسى هدف والصويلح هدفين

شاهدنا تسديدة الفريدي في العارضة من فوق وشفنا تسديدة الشلهوب وشفنا تسديدة رادوي

شفنا التنويع في الهجمات والتسديد رغم ان الفريق المقابل لاعب بثلاث محاور وصناع لعبه يساندون الظهيرين ومتكتل بشكل رهيب ... ووالله العظيم نجران ما تكتل مثل النصر .. لو انعادت المبارة خمسين مره مستحيل النصر يسجل وأنتم تعرفون كيف سجلوا أهدافهم

أقسم بالله اني مبسوط واني اشوف ملامح هلال التسعينات في هذا الفريق ... اللي ماتابع هلال التسعينات اللي جاب بطولات آسيا واحتكر البطولات في كل مكان يشتري أشرطة الفيديو ويتابع وراح يتأكد انه ولا لاعب من لاعبين الهلال في ذاك الوقت من طينة طارق

الغشيان والثنيان والتمياط والتيماوي ... أبدا أبدا أبدا ماهم من طينة طارق .... ذولا عشر ثواني والهجمة منتهية ... مايرمش المدافع والا متعدينة

يعني مافيه يمه ارحميني ولا خلنا نفكر ولا لحظه نوجه بعض ونزبط الصفوف وكل لاعبين يمسكون لهم مهاجم

لا يشقون أم الشبكة والخصم يتهاوشون بينهم

رجاءا ... انتقدوا الفريق الموجود (( طارق رحل )) والله معه .. والموسم بدأ وانتم تتكلمون عن لاعب انهينا عقده من الموسم الماضي

:: :: :: :: :: ::