مدخل .. { عمركم بلله مر عليكم يوم قسم بلله ودك تصيح من القهر ..
ولا تقدر تصيح .. وحظك ذاك اليوم زفت ونفس ذاك اليوم عندك دوام الساعه 8 وتتأخر عن الدوام ساعه كامله .. }

المهم .. هذا ما حصل لي ..

أول يوم بالجامعه

بأبدأ أتكلم من الساعه 1 الصباح يوم السبت ..
بما اني مستجد بجامعة الملك سعود وأدرس سنة تحضيرية ومعروف لازم تداوم من 8-4 وكرف وقلق الله يعين بس

المهم نمت في ذاك اليوم الساعه 12 على اساس اني اقوم صباح يوم السبت واذهب للجامعه الساعه 7 ونص ..

لكن للأسف

نمت الساعه 12 وقمت الساعه 2:30 صباح يعني ما نمت الا ساعتين ونص

* استناجات : ما نمت زين ووراي دوام بالجامعه وجاني ارق ..

جت الساعه 7 وآخذ شور >> أتروش ..
وألبس على 7:ونص

وأنزل لم الوالده المهم كان عندي فلوس حدود ال500 لكن مشوار اصرفها
المهم قلت لأمي عطيني الصرف اللي عندك عطتني 30 ريال

وأركب السيارة متوجها لمقر السنة التحضيرية فقلت خلني أروح مع الدائري احسن لي .. المهم وانزل من مخرج 6 متوجها لمخرج 2 >> شارع تركي

المهم اظاهر كنت امشي حدود 120 مسرع وماسك الأيسر

وفجأهـ

وفجأهـ

وفجأهـ الطريق اللي قدامي وقفت السيارات .. أنا كنت مسرع يعني ما فيه امل أوقف خلاص بشمع بالسياره اللي قدامي ..

وأتدارك الوضع والف يمين وتحذف معي السيارة حذفه قويه عادي سيارتي لومينا ..
المهم وتروح لم الشبك وعاد التراب كأنه جبل بالدائري .. المهم وأرقها ويخبط رآسي بالتندة ووجهي يصبخ بالقزاز ..

المهم وقعدت حوآلي 5 دقايق بالسيارة مذهول وخآيف ويدي نفاضات
قسم بلله مسكت الجوال ودقيت على وآحد ما ادري منهو وما ادري ليش دقيت عليه ... من الخريعه

المهم وآنزل وآناظر السياره الجنط انكسر والرف اللي تحت شنطة السيارة رآح فيها

المهم الساعه بذاك الوقت كان 7:45 دقيقه وانا لازم اكون بالجامعه الساعه 8

وانا امسي بالسيارة وتسمع الحككة واوقفها باقرب مكنا واقفلها واقرب تآكسي ..

وآركب مع التآكسي واقوله التحضيرية ويوديني للجامعه المهم وانا رآكب معه وضع رأعي التاكسي غريب اظاهر حباب وحشاش >> المهم وانا من ذكائي الزايد

اول ما ركبت معه حطيت مفاتيح سيارتي وبيتنا وكل المفاتيح بدرج سيارته

المهم ذاك الوقت انا ما كنت افكر .. كنت مخبوص همي متى اوصل

المهم ويوقف عند المبنى وانزل متوجه للمبنى ويمشي وانا افتش جيوب اثرييني نآسي المفاتيح بالتآكسي ..

قسما بلله جيت ابصيح

من القهر

والمشكله رآعي التآكسي يعرف وين مكان السياره وخفت انه يسرقه

ع العموم انا وش سويت

وقفت اقرب تآكسي ورجعت للبيت لا ومن زود اللعانه مفاتيح البيت ناسيه بالتكسي القديم المهم وادق عل امي ما ترد وعل ابوي مقفل جواله وعلى اخوي ما يرد
قسم بلله ذاك الوقت تمنيت اني اصيح من القهر ويجني اي وآحد يحضني ..
قلت يا رجال نزل شماغك ونط المهم واطب ع البيت لمان آخر شي فتحو لي الباب

وخذيت المفتاح(الاسبير) وركبت مع تآكسي ثاني ورحت لمكان سيارتي والحمد لله ما انسرقت ..
ورجعتها البيت وتسمع الحككة بالطريق

المهم وانا رآجع كان الوقت 8:45 دقيقه ..

وقفت السيارة ..

ومن حظي ان اخوي مسافر وآخذ سيارته
واجي للتحضيرية وأدخل القاعه الانجلش الساعه 9:15 والحمد لله توه ما حظر

خارج النص .. قسما بلله العظيم ان شفت الموت والحمد لله على كل حآل ..
وعلى فكرة انا كنت ملزق على طبلون السيارة .. ورقة مكتوب فيها
بسم الله توكلت على الله

المهم ذا اليوم الوحيد اللي ما قريته فيها

هذا ما جرى لي في أول يوم من أيام الجامعه

مخرج ..[الله يعين باتسر ورآي صناعيه وخرابيط
وجنطين مكسورات ..

كان
هنا
هيثم ..