السلام عليكم ورحمة الله وبركاته..

هاردلك اليوم التعادل

والله اليوم مستوى الزعيم دمارxدمار

يعني الشوط الأول حليو والشوط الثاني ويلي هو الوحيد هو ولي يونج واسامه بس هم الأحسن

هذي ثقتكم المفرطه وهذي التخديرات النصراويه شوفو وش سوت في اللاعبين

واثقين نبي نفوز ونفوز وهذي النتيجه والله ان حاس من قبل المباراه ان النصر راح يسوي مفأجاه

خلصت من النقطه الأولى

ونجي للأهم

انا ودي اجي عند كل من قال المفرج نكبه واقوول شف النكبه الجديد مرشدينيو

وااه يامفرج وينك اليوم

سبب الهدف الأول المرشدي وبغى ينكبنا بس الله ستر وهوساوي غطى عنه

انا والله من القهر ياناس واحد في الدفاع يسحب وتنقطع منه ولا تغطيه صح ولا شي

والبلنتي السبب الرئيسي فييه هو ولا يهوونوون بعض اللاعبين وخصوصا الهدف الثاني

حسين عبد الغني بلحاله يسدد ماجاه الا ابو كلبشه

والله يخلي السداسي اللي ابدع في المباراه الذي لولا الله ثم هم كان خسرتوا

وهم في المرتبه الأولى احمد الصويلح المهاجم الكوبرا حيث لايعرف المستحيل

والثاني ويلهامسون الذي كنتم في المعسكر تريدون ان تطيحو برأسه وتأتون بالمهاجم الأجنبي

والثالث لي يونج بيو لولا الله ثم هذا اللاعب لكانت هجمات النصر الخطيره تتعدى ال10 هجمات واكثر

والرابع احمد الفريدي في اول مباراه له وهذا المستوى كيف في المبارايات السابقه

والخامس محمد الشلهوب الذي صنع الهدفين

والسادس ابو كلبشه هاللاعب مكانه اوروبا مو بآسيا

والأسوا لاعبين الخمسه كالتالي

المرتبه الاولى ماجد المرشدي صراحه اليوم ماحبيت اشوفه بالمستوى هذا

المرتبه الثانيه ياسر القحطاني والله هجمات واجد القناص لم يوفق فيها ولكن كان بالأمكان احسن مما كان

المرتبه الثالثه تياقو نيفيز صراحه انا اللاعب متأمل فيه بس المباراه هذي مستواه ماعجبني

المرتبه الرابعه عيسى المحياني كان يحتفظ في الكوره كثير وفي اكثر من هجمه خربها

المرتبه الخامسه محمد الدعيع انا اقولها صراحه الدعيع لم يكن في مستواه واكبر دليل

الكوره الخطيره في الشوط الأول الي بغى يخطفها حسام غالي

والحين واحد بينقز بيقوول تياقو وعيسى توهم على الأنسجام

وراح يقوول مهبوول انت تقول الدعيع من اسؤا اللاعبين

انا اللي في المباراه فقط والا اقسم بالله العلي العظيم اني احب الدعيع واحب تياقو

وعيسى وانا بس عتبان عليهم في المباراه هذي فقط وانتظر مايقدموونه في المباريات القادمه

والله يازعييم اني امووت فيك واعشقك عشق بس اليوم مي مباراة الزعيم

وانا ماقلت الكلام هذا الا لتصحيح الأخطاء وخصوصا التهاون لو الزعيم يلعب

قدام الباطن لازم مايتهاون فيه <<<< يسوي دعايه للباطن

وانا ماكتبت الموضوع الا علشان الزعيم

واتمنى من اللاعبين تقديم الأفضل وخصوصا المرشدي لأني بصراحه زعلت منه
<<< بالطقاق الي يطقك ازعل زطق راسك بالجدار


نــــــــقـــــــــاطـ مــــــــــتـــــــــفـــــــــرقـــــــه

1- حسين عبد الغني كان يستحق الطرد لضربه الفريدي بدوون كره

2- عرفنا الان من هو نادي التحكيم الاول

3- جمهور الزعيم بيضتوا الوجه وماقصرتوا

4- مبرووك للزعيم ولشبيه الريح ولـ الذهبي الأمير نواف بن سعد

والسلام عليكم ورحمة الله وبركاته ..

ودمتم بكل خير وبكل انتصار للزعيم