سؤالي وسؤالكم هو متى يرجع الشلهوب لمستواه .. طيب انت صدق تبي الشلهوب يرجع ولا بس كلام ؟! - نادي الهلال السعودي - شبكة الزعيم

القيصر ادريانو · #1 29/09/2009, 07:57 AM

بسم الله الرحمن الرحيم

السلام عليكم .. اخباركم يا عشاق الأزرق ان شاء الله تمام وبخير وبصحة ؟!

بدون مقدمات ببدأ بموضوعي المتواضع

كلكم تذكرون قبل سنتين مدري ثلاث يوم الشلهوب كان المفروض ياخذ جائزة أفضل لاعب آسيوي ؟!

بالله ذاك القطري كان يستاهلها أكثر من الشلهوب .. كثار ناس قالوا انه المفروض الشلهوب هو الي ياخذها

ما علينا .. الموسم الي بعده الشلهوب ماكان يلعب كثير والمدرب (الظاهر انه كان كوزمين) ما كان يدخله

لأنه كان طارق موجود وكان كوزمين ما يدخل الشلهوب

أو كوزمين عنده تكتيك معين أو الشلهوب ما كان يعجبه .. ما يهمنا

بعدها الشلهوب بدا ينزل مستواه شوي شوي الين ما صار لاعب احتياطي 100% .. يعني ما يدخل الا بالمباريات العادية

بعد كذا خلاص العالم بدوا ينسون الشلهوب مثل ماصار مع نواف قبل كم موسم

فصار اذا دخل يتشائمون فيه الجمهور .. ليش لأنه نازل مستواه

وللمعلومية يمكن كثير منكم أو كلكم يعرف أنه مر بظروف صعبة جدا ولو لاعب غيره كان ممكن اعتزل

لكن مع ذلك الشلهوب كمل مشواره مع الزعيم حتى لو احتياط

وهذا دليل على عشقه للهلال ..

الشلهوب الموهوب الي كان مظلوم من بعض الجماهير الهلالية وخصوصا في الموسم الماضي

يعني مر بظروف ولا أصعب منها .. ومع ذلك الشلهوب إلى الآن وهو مصرّ على انه يرجع لمستواه المعهود عليه

كان الشلهوب من أفضل صنّاع اللعب بالسعودية إذا مو الأفضل بعد

وكان شيء طبيعي انه يكون أساسي في المنتخب .. بس للأسف الحين إذا لعب بالمنتخب بدوا بعض الحساد يقولون ان الشلهوب مجامل من قبل المدرب والمفروض ما يلعب

يعني نفس مشكلة نواف أول وياسر بنهاية الموسم الماضي .. اللاعب إذا ما لقى دعم من الجمهور صعب جدا انه يبدع

طبعا نواف مشكلته الأولى والكل يعرفها وهي الإصابات .. لكن مع ذلك ماكان فيه دعم من الجمهور

أما ياسر صحيح أن جمهور الهلال يدعمونه دعم مهوب صاحي .. بس الجماهير الثانية ينتظرون بس متى ياسر ينزل مستواه

وكلكم تتذكرون حقت ياسر وينه .. الجمهور السعودي بعض الأحيان يكون ضد اللاعب الوطني وهذا شيء غلط من الجمهور

نرجع للشلهوب .. طبعا الشلهوب حتى فيه بعض من جمهور الهلال ما كانوا يدعمونه في كربته

بس الحين الشلهوب بدا يرجع شوي شوي من نهاية الموسم الماضي

وأنا أأكدلكم وأوعدكم بعد انه موب جاي نص الموسم إلا والشلهوب رجع أفضل من أول ان شاء الله

من نهاية الموسم الماضي مثل ما قلتلكم انه الشلهوب ناوي يرجع لمستواه .. وبدا يرجع

وصدقوني يا شباب لو الشلهوب يلفى دعم منكم بيعوضلكم طارق التايب حتى لو فيه نيفيز

الخلاصة: الشلهوب لازم يلقى دعم من الجمهور عشان يرجع لمستواه .. وبينزل مستواه زيادة عن كذا اذا كان الجمهور الهلالي والسعودي بشكل عام ضد الشلهوب

والسلام عليكم ورحمة الله وبركاته !

دميـ ازرقـ · #2 29/09/2009, 08:20 AM

يعطيك العافيه وكلآمك صحيح

لكن الحمد لله مستوى الشلهوب الآن في تطور كبير

الله يتمم عليه ومن كذا للآفضل ان شاء الله

القيصر ادريانو · #3 29/09/2009, 08:39 AM

^

الله يسمع منك

ومشكوور على مرورك

abo 3losh · #4 29/09/2009, 08:47 AM

لبى قلبك يا ابو حميد
وان شااء الله نشوفه اليووم
بمستواااه اللي عهدناااه

القيصر لا عدمناااك

القيصر ادريانو · #5 29/09/2009, 09:26 AM

^

تسلم ابو علوش والله يسمع منك ان شاء الله

القيصر ادريانو · #6 29/09/2009, 10:42 AM

يعني اكثر من 100 مشاهدة

وردين ؟!

شكلكم ما تحبون الشلهوب <<<<< غصب تردون

الزعيمه شهد · #7 29/09/2009, 11:06 AM

الله يعطيك العافيه ,,

بالتوفيق لزعيم ..

الموهوب راجع بقوه ..

القيصر ادريانو · #8 29/09/2009, 11:47 AM

^

الله يعافيك

يسلموو الزعيمة

العنزي14 · #9 29/09/2009, 12:42 PM

يعطيك العافية اخوي وصراحه ودي الشلهوب يرجع عشان

ما نبلش بالمحترفين

صريح الكلمه · #10 29/09/2009, 12:45 PM

ابو بندر راجع مستواه بتدرج ,,,

مشتاقين لك ياابو بندر في الدريبيات

من سنتين ماشفناك لعب ديربي كامل ,,

اليوم يومك يابطل ,,,

كل الود ,..

أفلاجيهـ هلاليهـ · #11 29/09/2009, 01:11 PM

^

ومن مآيحب آلشششلهوب ؟ ! ..

بآلنسسبه لمسستوآه فهذي أزمه وعدت آلحمدلله , وآلشلهووب عآآآآآآد ..

بس تكفون لآتتكلمون عن مسستوآه أكثر من كذآ , وربي تسببون له ضغط !

خلووه برآحته .. يكفي آلصحفيين ذبحوه بسم آلله عليه .. آلشلهووب فيه آلشلهوب مآفيه ,

مآحطمه إلآ كلآمهم , وآلحمدلله آللحين رجع لنآ شلهووبنـآإ .. ~> صآر بأسسمنـآإ ،

عشآن كذآ تكفوون أزروه وربي يستآهل منآ آلكثيير ..

~

عو’آإفي خيوو ع آلموضوع آلبطل ..

بآلتووفيق للزعيم ,

: )

mr.memooo20 · #12 29/09/2009, 01:20 PM

كلامك صحيح 100%

والحمد لله الشلهوب من مباراغة لمباراة ومتطور ولله الحمد حتى انه من هدافي الدوري معاه هدفين وويلي معاه هدفين وياسر معاه هدفين يعني 3 من لاعبي الهلال هدافي الدوري ان شاء الله

القيصر ادريانو · #13 29/09/2009, 01:34 PM

^^^

مشكورييييييييين على مروراتكم

وان شاء الله بتشوفون الشلهوب الحقيقي الليلة

العقد الهلالي · #14 29/09/2009, 03:52 PM

موضوعك للاسف يصلح قبل ثلاث شهور

اما اليوم لاتنسى ان الشلهوب جاب الفوز مع الوحده

الشلهوب

الشلهوب هو الى بيحبس انفاسكم اقصد النصراويه

إن شاء الله

العقد الهلالي · #15 30/09/2009, 04:41 AM

فعلا لم يخيب الضن فيه محمد الشلهوب صنع الهدفين وهدد بكرات جميله

عوده حميده يا ابو بندر