..
.
.

السلاام عليكم ورحمه الله وبركاته ..

اول شي ابارك للجميع بـ فووز الهلال بـ لقب نادي القرن الاسيوي , وان كانت فرحتنا فقط بـ { إعلاان } الخبر لـ معرفتنا التامه بـ أن هلالنا هو فريق القرن في اسيا ..

/

القهر فقط اذا فلّت الفوز من بين يديك !!

وربي مو ثقه ولا استهتار لكن وربي ما قابلنا فريق !! نّعم اتابع المباراه بـ عين العاشق المتعصب لكن هـ الشي مايخفي ضعف و عك الفريق الاصفر !!
ماراح اتكلم عن الخطه الدفاعيه لأنها من ابسط حقوق اي فريق , وخاصه الفرق الصغيره !!
لكن الفريق النصراوي ضعيف جداً , وابداً ليس نداً للهلال !! لا جمهور ولا لاعبين ولا مدرب ممكن يواجهونا بـ مناوره تدريبيه فما بالك بما يسمى ديربي !!

فقط الضغط النفسي و الهدف المبكر و خطة الداهيه قريتس كان لها دور بـ سيناريو المباراه !!

\

هبآل قريتس !!

مشكله لأن في ناس لايق عليهم الهبال , صح انه رفع ضغطي بـ المباراه لكن انا اعتبرها خيره ..
نعم التشكيله ممتازه في حاله تواجد جميع الاعبين بـ الفورمه و وجود نيفيز بدلاً من الفريدي ..

مشكله هذي الخطه انها تخلق مساحات في المناطق الخلفيه , وافضل طريقه لـ علاج هذي المساحات هي بـ تقدم خط الدفااع الى ماقبل دائره المنتصف بـ حيث يكون الفريق كتله واحد يتقدمون جميعاً ويتراجعون جميعاً ..
كلنا شفنا الفراغ بين الخماسي الهجوومي { ويلي الفريدي الشلهوب المحياني ياسر } و خط الدفاع كاملاً <_ انا اتكلم عن عمق الفريق .. و وجود رادوي لوحدهـ في هذا الفراغ !!

والي يبي يفهم كلامي اكثر , يتابع مباراه وحده فقط لـ فريق برشلونه لـ يفهم قصدي !!
الخطه الهجوميه البحته يجب ان يكون معاها { ضغط قوي } على حامل الكره والي يتابع ويعرف برشلونه يشوف ان اغلب الكور تنقطع في بدايه الهجمه المرتده للفريق الخصم قبل ما تتعدى خط منتصف الفريق ..
وان تقدم اكثر تشوف معاه لاعب لاعبين ضاغطين عليه بـ حيث مايعطونه اي حل للتقدم ويضطر يرجع الكره للخلف !!
وهذا ماشفته بـ الهلال اليوم .!!

* في نقطه مهمه احب اضيفها :
الهلال عنده رادوي قاري وموزع كرات راااائع , ليه مايركزون عليه لعيبة خط الدفاع ويعطونه الكور علشان يوزعها صح !!
ايام تفاريس كان هو صانع اللعب الحقيقي في الهلال !!
له نظره شامله للملعب ويوزع كرات جميله جداً وينظم اللعب !!

..

امنيتي اليوم ان يلعب الهلال بـ الخطه التاليه :

الدعيع

الزوري .. المرشدي .. هوساوي .. لي

رادوي .. عزيز

الشلهوب .. ويلي

ياسر .. المحياني

لكن مثل ماقلت لايق على قريتس الهبال .. والخطه الي لعبنا فيها اليوم بس ناقصها ماذكرت سابقاً فقط ..
ولولا فترهـ التوقف ومع تتابع المباريات في اوقاتها ودخول الاعبين في فورمه المباريات لكنا شفنا كيف تشكيله اليوم تأدي الي عليها ..
مشكله اذا كان دوريك مريض ويمرض فريقك !!

قريتس , اعتبر هـ المباراه بـ النسبه لك خيره .. مو علشانك لعبت قدام فريق كبير وراح تعرف اخطائك ,.
الي مريحني اليوم ان قريتس اوجد عدة خطط ولاعبين لـ باقي منافسات الفريق !!

قريتس كلنا معاك , وانت بطل ولاعبينك ابطال .. لكن هـ المباراه فلّتت من بين يدينا وراح نعوض في باقي المباريات ..

/

الدعيع : تبقى نجم وانت بشّر معرض للخطأ مثل غيرك , واتمنى بس تختفي اسطوانه اعتزل بعد كل زله !!
الكوري المجنون : لاعب راااايق ويطربك , اغلق منطقته دفاعياً وكان جناح هجومي رهيب مع ويلي ..
هوساوي : اديت الي عليك وان كانت الخطه الهجوميه وبعض المساحات اتعبتك كثيراً , فديت قلبك يا ابو كلبشه ..
المرشدي : داائم ازعل اذا سمعت ان المرشدي منخفض مستواه بعد كاس الخليج !! المرشدي تعبان !! المرشدي مو بـ المستوى !!
انت مستقبل دفاعي كبير ذو امكانيات كبيره , لكن اليوم ماكنت بـ الفورمه !! اتمنى بس تفك كورتك بـ سرعه وتوزع اللعب بـ شكل سليم !!
الزوري : اتمنى بس { تركز } !!
رادوي : هيبه ولعب يبرد القلب .. يالبى رومانيا كلها ..
ويلي : نجم وسويت مع النفاثه الكوريه جبهه في الطريق السريع الايمن قووويه جداً ..
الفريدي : ثقة كبار , هدفك راائع وننتظرك ترجع بـ كامل لياقتك .. وجسمك شوي يبغاله شغل ..
الشلهوب : احلى مافي هـ الموسم , عيّدوا لقطة الهدف الثاني لـ بوسيروا كودهـ يفهم وش معنى { صانع لعب } !!
الثلاثي الهجومي : كلهم ماكانوا بـ الفورمه , وان كانت حسنة الصويلح هدفه فقط !!

قيريتس : اتمنى وانت ادرى , ان تلعب بـ هالخطه قدام الفرق الضعيفه وتلعب في المباريات الكبيره <_ النصر مو منهم ترا , بـ محورين { عزيز و رادوي } و ويلي و الشلهوب ونيفيز خلف ياسر <_ انت قوي وادرى وتراني مآني خآيف ..

\

اطلت الحديث لكن متحمس لألحين ومنقهر من الفوز الي فلّت !!
* طلبي لـ جمهور القرن الاسيوي :
لا تقسوا على فريقكم , وانظروا للمباراه مره اخرى وبتشوفون ان فريقكم ممتاز ورائع و وربي ماقابل فريق !! لكن الفوز فلّت <_ يآقهري !!
فريقكم يحتاج دعمكم و العبره بـ الخواتيم , وصدقوني هذا موسم الهلال !!
ومانبغا نكون جمهور فوز ,. ادعموا فريقكم فـ نادي القرن يحتاجكم ..

.
.
..