17/05/2005, 06:54 PM
|
 | شاعرة الهلال | | تاريخ التسجيل: 29/12/2001 المكان: الرياض
مشاركات: 7,890
| |
|
قصيدة " القرن .... يازعيمه " !! برؤسائك الزعماء ّ
رغم كل ما أثير وقيل ويقال .. ورغم أنف الرافضين والعاجزين يظل الهلال ( زعيم القرن ) وهذه قصيدة القرن لزعيمه !!
يطول الوقت .. وتْدوم الزعامه ×× و"زعيم القرن " ما لاقت لغيره
هلال اليوم .. بدرٍ في تمامه ×× تمــيّز .. بالبطـولات .. الكثيره
من ابن سعيد..لسعود الشهامه×× وعبدالله .. وبندر.. خير سيره " 1"
وابن حمدان مع فيصل ..علامه×× وعبدالله ابن ناصر .. مسـيره "2"
وهذلول العطا .. حب وكرامه ×× وابن مفتي .. عقولٍ مستنيره "3"
وْخالد بن محـمد .. له مقـامه ×× هـلالـيين .. والسـيره شهيره "4"
وْعبدالله بن مساعد.. سهامه ×× تصيب اهدافها .. فكر وبصيره "5"
وابن فيصل محمد في نظامه ×× تجاوز به .. ظروفٍ له خطيره "6"
وْكل اللي تفانوا له .. وسامه ×× كثيرين .. ومواقفهم كبيره
نجومه هم شموعه في ظلامه ×× يحـبونه .. ولا يرضون غيره
وجماهيرٍ .. تنافَس في غرامه ×× غفيره .. في محبتها جديره
وطموحاتٍ .. تعانق كل هامه ×× تسابَقْ واشعَلَتْ بالغير غٍيره !
سـفيرٍ للنوادي .. باقتحامه ×× ميادينٍ .. على غيره عسيره
هلال ازرق مع الاخضر مرامه ×× سعوديّ الشعار ..اللي يديره
"زعيم القرن" .. كفوِ للزعامه×× سفير .. وشهرته في كل ديره
الهوامش تعني اسماء من تعاقبوا على رئاسة الهلال : بلا ترتيب لظروف الوزن !
1/ المؤسس عبدالرحمن بن سعيد ، سعود بن تركي ، عبدالله بن سعد ، بندر بن محمد .
2/ ابن حمدان ‘ فيصل الشهيل ، عبدالله بن ناصر
3/ هذلول بن عبدالعزيز ، محمد بن مفتي
4/ خالد بن محمد ،
5/ عبدالله بن مساعد
6/ محمد بن فيصل الرئيس الذهبي الحالي |
الوضع المتطور
