دفعنآ ضريبة الآستهتآر .. حسين vs الفريدي .. الشلهوب عائد .. الدعيع آخطات .. الخ ! - نادي الهلال السعودي - شبكة الزعيم

[ الموج الأزرق ] · #1 29/09/2009, 11:14 PM

السلام عليكم ورحمة الله وبركاته ..

هلا فيكم يا معشر الهلاليين !

اليوم المباراة بين قوسين ( فااشله ) بالنسبه للهلال طبعاً فالجآر حدث ولا حرج !

ادخلو منتديات و أوكارهم ستجدون الفرحه والسعاجه الكبيره وكآنهم فازو بكآس العآلم =)

مباراة غريبه و عجيبه وشدت الىعصاي بشكل مو طبيعي وفعلاً استغرب ان تنشد اعصابنا

مع النصر .. النصر ماكان ولن يكون افضل من الهلال ولا حتى ( مثل ) الهلال في آي شيء

عنآصر .. آداره .. منشئات .. راعي رسمي .. وحتى المشجعين لا يقارن النصر مع الهلال !

ولكن فعلا في هذه المباراة اهدينآ النصر ( فوزاً ) ذهبياً بالنسبة لهم ولآدارتهم ولاعبينهم !

اللهم يارب صبرّنآ بس .. الآن كل نصراوي يقابلني بيقول وبيتكلم عن المباراة مع آنهم ما فازو !

لكن خلهآ على الله نصبر هاليومين على الآفواه النصراويه اللي ملييئه بكلمآتهم المعروفه

تكلمت ( كثير ) عن النصر ووالله ما ودي اتكلم عن هذا النادي بس من القهر اللي فيني

لقد دفعناً نحن المشجعين .. والاعلاميين .. واللاعبين .. والاداريين .. والمدربيين ضريبة

الآستهتار أضعناً نقطتين ثمينتين من فم ( العصفور الطنان ) بكل سهوله وعدم مبالاة !

آعتقد ان طيلت المباراة ما كان للنصر كوره وحده منظمه لكن نحن من آهداهم الفوز !

الهلال اليوم مآ لعب اللعب اللي نبيه نحن محبيه وانصاره وعشاقه !

هدف السهلاوي كالعاده يفتتح النصر مبارياته مع الهلال ( بهدف بلنتي ) ماكان بوقته

ارجو من ماجد المرشدي يراجع حساباته مضبوط بغى ينكبنا بآكثر من كوره ..

تسديدة حسام غالي اللي بدآت من بآص من ماجد للسهلاوي امام القوس كادت تكون في المرمى !

ارادوي اليوم تحمل عبئ كبير مع هوساوي في صد الكور وبطبيعة الحال لا يمكن لمحور واحد

مواجهة كم هائلة من التسديدات و اللاعبين فالكثره تغلب الشجاعه !

لعبنا للهجوم ونسيت خط الدفاع .. تدارك جريتيس الوضع في الشوط الثاني بآدخال عزيز وجميعكم

شاهدت كيف لاعبين النصر ماقدر يتحركون من العمق آبدا بعد خول خالد عزيز فبدأو باللجوء

إلى الاطراف وكان يقابلهم أظهرة الهلال بكل تميز ويستخلصون الكور !

فياليت مآ نسوي شي وننسى شي ~

لفت نظري في المباراة تصرفات غريبه من حسين عبد الغني اللي أعجب أشد الآعجاب كيف

ماطرد في المباراة .. تلفظ و دفع و ركل وكل شي !

صرح حبيب الكل احمد الفريدي بآن حسين تلفظ عليه بكلام ما يخرج عن انشان مسلم !

الفريدي عرقل حسين في كوره وحده عرقلة واحد يبي يهدي اللعب يرجع حسين يتكلم

ويضرب .. شيء مو معقول لا يمكن للاعب محترف يتصرف التصرف هذا !

اعتقد حنا في ملعب وليس صالة حضانه تضربني اضربك !

فأقول لحسين عبدالغني ( عيب عليك يا حسين تصرفات زي كذا ما تخرج من شخص عمره فوق

الثلاثين ) !

أمّــا الفريدي

جميعكم شاهد كيف صال وجال في ملعب النصر وسدد تسديدتين خرافيتين

جا منها قول خرافي ! ماشاء الله عليك يآ أحمد .. أصيب أحمد في الموسم الماضي وفي مباراة النصر

وكلكم يتذكر مجزرة ريان ! ويعود في الموسم هذا ويلاقي نفس الفريق ويلقنه دروساً

في فن لعبة كرة القدم الحديثه والجمييله وليس الشتم والضرب والتفاهات هذي !

الموهوب

اقسسسم بالله آنك آنسان رائع .. صنعت و ( نطلت ) وسويت كل شي

آآآخ بس كورة الصويلح تكفي عن كل الكور

واللي يقول ليه طلع جريتيس الشلهوب فأقول له كانت المباراة تسير بشكل غير منطقي

النصر كان يخترق من العمق بكل سهوله وسلاسه فأدخل عزيز عشان يضع حصن

منيع أمام لاعبين النصر ولا صارت علوم ~

يآسر سعيد القحطاني .. ما عودنا على الكلام هذا يا قناااص

تعودآ ان الكآسر لا يترك آي كره تمر بسلآم .. يآسر جتك كور

( بالهبل ) ماستثمرتها .. أتمنى لو تتعلم من غيرك فلا مانع من التعلم

فالمرء يتعلم حتى يموت .. !

هدف حسنين عجيب وغريب ما كانت مهاره من حسين ولا فن ودقه لكن الدعيع كان

متقدم عن المرمى مترين ! عجبي يبو حميد 20 سنه خبره تغلط زي كذا

الغلط كان من الدعيع من المفترض ما يتقدم كانت الكوره امام القوس وعلى طبق

من ذهب لحسنين كيف اترك له المجال يدخل هدف.. أتمنى تنتبه يبو دعدع

من تالي صرت تتقدم كثيير عن المرمى مع هذا انت حارس القرن في اسياً

وعميد لاعبي العالم

وكل شي منك حلو يا حلو

مبآرآة وعدّت .. وكانت نقاط ثلاث ليس آلأآ ويمكن التعويض في المباريات القادمه بشكل كبير !

حبيت اقول شيء بخصوص تياقو والله لاعب عالمي بس اصبرو عليه مثل ويلي

!

اليوم صحيح ما أدى كويس بس مع الوقت راح تتذكرو كلامي وتشوفونه زي أو أفضل من ويلي

حالياً

.. فلا تيأس يا نيفيز واصل فاللاعب اليؤوس ميأوس منه

فلا تكن لاعباص يأوساً يا تياقو

..

في الختام آتمنى نكون قد قدمنآ شيء لهذا الكيان كعشاق له .. ولو بالقليل

فنحن نعشقه عشقاً لا ينتهي ..

[ الموج الآزرق ]