[ أحببتك ياسر في الهجوم .. لكن أحببتك أكثر في هذا المركز ][ هل كلامي صحيح ؟! ] - نادي الهلال السعودي - شبكة الزعيم

كابتشينو أزرق · #1 28/09/2009, 01:07 AM

السلام عليكم ورحمة الله و بركاته ..

لا يختلف إثنان على قدرة و براعة الكابتن الكبير ياسر القحطاني على تسجيل الأهداف ..

فهو قناص لأرباع الفرص .. و ليس لأنصافها ..

لكن من خلال متابعتي للنجم الكبير .. فهذا النجم لديه خاصية جميلة جداً و رهيبة في صناعة الأهداف ..

:
:
:
:

سأعطيكم مشهدين لإتقانه التمرير في العمق .. :

المشهد الأول :

في هدف الفريدي أمام النصر ، حينما وصلت الكرة لقدم الكابتن ياسر ، و في لمسة واحدة وصلت الكرة لأحمد الفريدي و في مكان ممتاز.. و من ثم سجل الهدف .

المشهد الثاني :

في هجمة ( ويلهامسون ) أمام الوحدة اللي أضاعها ، كانت الكرة وصلت من ياسر القحطاني و بنفس حركة هدف الفريدي ..

:
:
:
:

فمن هذا المنطلق ، أقترح أن يكون الخطة على الشكل التالي :

محمد الدعيع

الزوري -- المرشدي -- هوساوي -- لي يونغ . ( الدفاع )

رادوي ( محور دفاعي )

محمد الشلهوب -- ( نيفيز أو ويلهامسون يتم الإستغناء عن أحدهما )

ياسر القحطاني

( مهاجم أفريقي عالمي ) -- عيسى المحياني

:
:
:
:

بحيث يكون ياسر خلف المهاجمين و له 3 مهام :

الأولى : إمداد المهاجمين بكرات من العمق .

الثانية : توزيع الكرات على الأطراف لمصلحة ويلي أو محمد الشلهوب و رفع الكرة داخل منطقة الجزاء و إستغلال قدرة ياسر داخل المنطقة .

الثالثة : التسديد من على القوس ، و هذي ميزة في ياسر و هي القدرة على التسديد من خارج المنطقة .

::
:
:
:
:

<< طبعاً الخطة هذي في حالة كانت الخطة هجومية .

و في حالة الحاجة إلى محورين ..

ندخل محور ثاني و نخرج عيسى المحياني ..

و يرجع ياسر إلى مكانه في الهجوم مع المهاجم الأفريقي ..

----

هذي الفكرة الفنية كانت تدور في بالي من زمان ، فهل توافقوني عليها ؟!

و اللي يوافقني عليها هل يستطيع إيصالها لإدارة الكرة من أجل إيصالها للمدرب جريتس ؟!

:
:
:
:

شكراً لكم لتحمل مثل هذا الموضوع الفني و الممل ..

محبكم

كابتشينو أزرق

كابتشينو أزرق · #2 28/09/2009, 03:45 AM

هل تؤيدونني أم لا ؟!

أنا أنتظر تعليقاتكم ..

kinG mE · #3 28/09/2009, 03:49 AM

نفس تفكيري

وصناعه هدف بختكور في اوز بكستان الى تحول لبلنتي

ياسر اتوقع افضل منطقه له خلف المهاجمين

وهدف ويلي كاس ولي لعهد

كابتشينو أزرق · #4 28/09/2009, 04:10 AM

^
^

شكراً لمرورك الجميل

بالفعل مركز ياسر المفضل لدي هو خلف المهاجمين

الكنق255 · #5 28/09/2009, 04:58 AM

والله مادري وش تبون...

...

قــ الزعيـم ـلب · #6 28/09/2009, 06:47 AM

إقتباس

الرسالة الأصلية كتبت بواسطة الكنق255


	والله مادري وش تبون... ...

نبي ريآآآل سلـــــف ..

ابو رمش9 · #7 28/09/2009, 05:16 AM

اخوي ياسر يرجع للخلف يفتح مساحة يهرب من الرقابة وياسر يلعب مهاجم ثاني شي طبيعي يصنع ويسجل بلاش اختراعات وصنع طيارات الله يهديك

Henry Quatorze · #8 28/09/2009, 05:39 AM

من اول وياسر مهاجم ثاني وهو يختصر الي تقوله كله ..!!

افهموا يا جماعه ياسر ليس راس حربة صريح ..!!

بعدين من قالك ان يجيد التسديد من خارج المنطقه ..!! لنا عيون ونشوف ..!!

تقبل وجهة نظري ,,,

شبل حربي · #9 28/09/2009, 10:51 AM

إقتباس

الرسالة الأصلية كتبت بواسطة منتشي بالزعامة


	من اول وياسر مهاجم ثاني وهو يختصر الي تقوله كله ..!! افهموا يا جماعه ياسر ليس راس حربة صريح ..!! بعدين من قالك ان يجيد التسديد من خارج المنطقه ..!! لنا عيون ونشوف ..!! تقبل وجهة نظري ,,,

شكرآآ لصآآحب الموضوعـ وانآآ اشوف يآآسر في مكآآنــه احلى فهو يصنع كمآآ تريد ويسجل كمآآ نريد

لكن عندي تعليق ع مشآآركأة الاخ منتشي بالزعآآمـه :

اخوي منتشي من قآآلـكـ ان يآآسر لا يجيد التسديد من خآآرج منطقة الـ18ـ

بالعكس يآآسر يجيدهآآ وفيـه ادلـه

اكيد انكـ شفت هدف يآآسر امآآمـ الاتفآآق في نهآآئي كأس ولي العهد

واكيد انكـ شفت هدف يآآسر في غآآنآآ

وهدف ياسر في الاهلي الامآآرآآتي

واهدآآف كثيرـرة

ودليــل اخر :

الفآآولآآت اللي يلعبهآآ يآآسر كلهآآ بتكوون حلــوة او لا نبآآلغ اغلبيتهآآ

يآآسر تركيزه حلو
تقبل فهآآمتي

تحيآآتي لك

ملآذ الطير · #10 28/09/2009, 05:44 AM

اقول فريقنا عدل الحين لا تخربه ..

##صعفق الهلالي## · #11 28/09/2009, 05:45 AM

والله هذي وجهة نظرك اخوي وانا وجهة نظري انو يجلس على ماهو عليه لانو اصلا مو ثابت هجوم يرجع احيان خلف المهاجم

وهذا المعرووف

ومشكوور اخوي الغالي على مجهودك الرائع

بالتوفيق للزعيم

Toly Mak · #12 28/09/2009, 05:46 AM

ياسر لاعب متكامل

ما شاء الله عليه ..

ω α ŋ Ŧ Є Đ · #13 28/09/2009, 05:48 AM

والله فكرتكـ حلووهـ مررهـ

أأيدكـ

silver. · #14 28/09/2009, 05:53 AM

هههههههههههههههههههههههههههههه

سلآمآآت .. طيب مركزه الي يبدع فيه الهجوم بتحطه وسط بيزل مستوااه

كل المهااجمين يصنعون وكل اللعيبه يصنعوووون ... مدري وش تحس فيه صرآآ؛ه

متيم يـ20ـاسر · #15 28/09/2009, 05:53 AM

يلعب حاارس أحسن

ههههههههه

تظل وجهة نظر لكن ياسر اذا طلع خارج المنطقه فهو لفتح المسااحاااات والله ماعنده سالفه في صناعة اللعب

وأكبر دليل لك مبااارتنا الوديه مع الفريق النمساااوي الاول كان خلف المهاااجمين ولا سوى شي الا يوم غير مكاانه

ودخل المنطقه

لكن فديت يااااسر وفديت لعبه وفديت قلبه وفديته كله وبس